青悅 (已結業)

收工經過青衣城見肚餓就喺度食嘢其實我係未換制服嘅，不過好在男朋友有外套比我遮住。可以照食牙車快沙律椰菜幾新鮮，海蜇好爽口辣辣地又酸酸甜甜好開胃嘅沙律冬陰公一隻大頭蝦開邊，每人分左半隻唔算新鮮，而且一人半隻唔係好夠冬陰公都幾夠辣但男朋友話味道偏酸佢麻麻哋海鮮辣椒膏炒越南粉絲辣椒膏唔係好夠，冇乜味鐵板牛柳粒味道好似中式牛柳…好搞笑牛柳剛剛好，冇話太熟如果係港式茶餐廳食我會比滿分…哈哈總括來講除咗個沙律之外其他野普普通通啦

青衣呢個商場一向都係多連鎖式食肆，經過見到呢間野都幾多人於是入左去試下。由於都唔係太肚餓，兩個人叫左一個菜，一碟炒米同埋牛油雞翼。菜我地叫左個清炒椰菜苗，個菜炒得唔錯。唔太鹹，軟硬度岩岩好，唔太淋又唔太硬！炒粉絲有兩個，叫左個唔辣嘅！越南野好少見有炒粉絲，好似幾特別所以叫左嚟試！粉絲有咬口，加埋扎肉、蝦同埋芽菜，撈埋一齊食唔錯wor！想食清少少又忍唔住叫左個好熱氣嘅牛油雞，雞翼上枱俾d炸蒜遮住晒！雞翼岩岩炸起好脆，入面竟然係好嫰，有驚喜wor，熱氣少少都抵！

昨晚跟新朋友J來到香檸花園飯聚，七點鐘的餐廳六成滿，不用等位便有得坐卡位點菜很撇脫的我三爬兩撥便點了 西堤素米紙卷、大蝦濱海 和 法式牛柳紅米飯。環境很吵，跟鄰位差點手肘碰手肘，並不是談心的好地方。約十分鐘後，西提素卷先到，雪白的米紙卷包著爽口的雜菜絲和清甜的雜菇絲，沾上酸汁，十分開胃再來便是大蝦濱海，米粉團上灑著香料和乾蔥碎，伴著九層塔葉用生菜捲上，清清淡淡的，十分對味最後的法式牛柳紅米飯偏甜，但牛柳肉很稔可能我和J也是偏好清淡口味的人，所以覺得這一餐很對味

今天ㄧ行四人去青悅午膳，包括豬扒，餅，抄粉絲，咖喱牛腩，菠蘿軟腳蟹抄飯。其中蝦餅最出色，有蝦味，彈牙，ㄧ碟有四大件。豬扒太咸，可能入味太耐，冇乜豬扒味。牛腩很少，味道尚可。菠蘿抄飯不過不失。抄粉絲，囡囡下單時要少油，做得吾錯。四人埋單400 元。有ㄧ点是侍應的態度痲麻，有改善空間。

同屋企人去完迪士尼嚟呢度食飯，每碟嘅份量唔算好多，味道不過不失。火車頭湯檬味道唔錯!香茅豬扒湯檬OK睇食評話好食，食落冇乜特別，又冇話特別香口或肉嫩。軟殼蟹米紙卷主要係包住啲菜，軟殼蟹粉厚，冇蟹味，外面層米紙好韌，所以食到散晒。帶子柚子沙律份量好少，帶子冇咬口又冇鮮味，以為有柚子會好清新，但加咗好多醬汁，所以都味濃。蝦餅全晚最滿意，彈牙有蝦味!串燒(雞+豬)肉質同味道唔錯，不過醬汁味濃，沾太多會蓋過肉味。

下午茶時間，在坐客人數不算滿，唔知點解都要搭臺。點左個雞絲湯河加杯野飲。湯河上得好快，吃完杯野飲要吹先黎，送黎時服務員仲要掂到我支飲筒！飲唔夠2/3，趕住收左我墊枱紙同紙巾！嘴都冇得抹！

The place is usually full at rush hours but the food is just extremely disappointing. They somehow make every great Vietnamese and Thai dish taste Cantonese. The service is bad and our food arrived cold. We do not recommend this place.

約了2位舊公司同事食飯，原本揀另外一間，但舊同事覺得這間比較好，我本身唔特別喜歡越南菜，前排又食過泰國菜，不過佢開到聲，就下佢啦我地都幾似，揀左越式牛油果軟殼蟹米紙卷，香芒汁燒魷魚沙律，咖哩軟殼蟹配白飯和大頭蝦冬蔭公湯。落單的小姐非常友善，我地唔肯定夠唔夠食時，佢話呢4樣應該夠啦，good，唔洗驚叫太多食唔哂。

椰青 $32天氣熱，本打算可以消暑的椰青，但服務員送來的是一個- 不凍- 沒有椰肉- 椰青水也沒有椰青味擔心這個椰水的乾淨程度'而且還好意思收貴其他飲品差不多10蚊。PS 如對椰青有要求的 請勿叫 因為只有TMD“椰水”

1. 使用膠碗來盛裝滾熱的湯麵，好像不太合適；2. 膠碗看上去用了很長的時間， 上面斑跡累累（見圖片）， 又舊又髒。同餐廳的員工提出， 一位貌似經理級的中年男子辯稱斑跡累累是由於使用了一些草藥和香料。 3.該男子在我們不接受他的解釋后， 不顧禮儀，大發雷霆， 風度全無，似要趕客。 

朋友在外地工幹差不多半年了，終於可以返嚟香港，當然要食個welcome back dinner，哈哈。因為配合兩位朋友的工作地點，今次選擇青衣城的青悅，呢個星期第三餐係青衣城食飯（笑）。炸春捲，外貌觀感唔太討好，炸得香脆，唔會太乾，味道也不錯。蕃茄湯粉，忘了名字，記得有鷄肉，喜歡蕃茄味香濃。香芧豬排，燒得香，豬排嫩滑而且帶有少許肥肉，十分惹味。香芒魚柳米紙卷，蔬菜新鮮，略嫌魚柳不夠香脆，芒果份量也不多，失色了一點。馬拉盞炒菜苖，味道香濃惹味，菜苖嫩滑。三色冰，說好的三色呢？用黑色杯完全蓋過本身三色冰既顏色，大大減低胃口。

有一段時間無到青衣食飯，今日咁啱要去搵人，就去食個飯。到咗之後，酒樓已經排長龍，Lime Garden又啱啱開，唔駛等位，之前食過唔係好差，就咁啦！我吔有小朋友連大人一枱八人，咁我哋未齊人，個經理就己經問我其他人幾時到，行緊過嚟十分鐘，我都好有禮貌回答。坐低之後，待應幫我哋落單，又非常之唔耐煩，我八個人唔合埋啲枱，佢又好似不滿咁，啱啱開門都咁，點過成日呀？！又不停問呢個碟收唔收得，嗰樣收唔收得，不如學其他餐廳劃一九十分鐘，咁就唔駛誤會。唔講服務喇！食物方面，比起之前差咗，炒麵o k，炒飯太濕，炒菜無味，三色冰無味，除咗湯麵其他麻麻地。難怪少咗人。

今曰夜晚女皇話想去試下衣間野，就順下女皇意，去到已經差唔多九點，好野唔洗排，去到門口有個疑似經理既員工問我地幾位，我話兩位，佢就帶我地入去，去到張枱，嘩！迫到坐唔落，佢係果D四人枱分拆出黎，仲要靠牆，唔好玩啦，間野又冇咩人洗唔洗迫落去呀，痴線，二話不說走人，就同女皇講去第二間啦，個經理就西口西面加語氣冷淡問我係唔係要轉個第二張枱坐，我話係，唔該，去到第二張，廳中間圓枱，心諗衣張先係人坐，咁叫野食啦睇下餐牌價錢都可以接受，中中亭亭，我女皇叫左個原隻菠蘿炒飯，我叫個馬拉棧抄翡翠苗，正當我諗下再叫咩時，女皇叫個侍應入住先，侍應岩岩想行去時我又想叫野就向佢講聲唔該，佢就黑口黑面同西聲西氣同我講，哦仲有野叫既，心諗佢係唔係同個經理同一個亞媽生架，又會咁似既，繼續叫野先，要多個燒豬頸肉同一杯青令梳打同椰青，講真D野食係可以既，冇衣到D食評食到咁差，又話D野食冇味，又話D野飲淡，我飲果杯青令梳打係冇糖水既，但係去過泰國既人都知係泰國飲既都係唔甜既，另外女皇飲既椰青係原個上，但係切去外皮，外觀靚好多，底讚，野食唔多講，用幾好完成，但係最值得講既係成餐飯，個經理同侍應不停大聲傾計，仲要夾住我同女皇傾，咩

今日同啲同事入咗青衣做嘢去咗青衣城食lunch！青衣城大部份食肆都係連鎖店，最後我哋揀咗一間非連鎖嘅Lime Garden! Lime Garden係食越南菜！午餐價錢由四十幾蚊至到七十幾至八十幾蚊不等！對於我哋呢啲喺灣仔返工食lunch嘅人來講，呢個價錢已經叫平！環境幾寬躺！枱與枱之間唔會太迫，係啲燈光暗左些少啫！我哋一行4人大約中午12點幾坐低，午餐有好多選擇，湯粉麵、炒粉麵飯炒餸等等，搞到我有選擇困難症！我最後揀咗海南雞飯（$64），午餐包一杯飲品，如果轉凍飲要加＄3！海南雞飯啲雞去咗骨，唔算特別有雞味，但係啲雞肉都算夠滑！個油飯唔會太油，都夠香，不過係偏硬，要咬爛咗啲先吞，哈哈！如果唔係好易胃痛！><雞飯配左薑蓉，酸汁同埋甜豉油3款醬汁，全部味道都正常！特別推介個酸汁！酸酸地好開胃！個冬瓜湯好明顯有味精，偏咸咗啲！份量唔少！最後都食唔晒啲飯！做咗大晒鬼添！到咗差唔多一點，門口都開始有人等位！原來午飯時間都幾多人食！職員好快收走晒我哋啲餐，搞到我哋都唔好意思坐咁耐！好快就埋單走！加埋一$70！整體質素冇乜特別不過不失咁啦！

炸蝦餅：炸到脆卜卜，仲熱辣辣，而且有蝦味，仲好彈牙，配埋酸甜醬，好正。原個椰青海鮮焗飯 : 原個椰青焗飯，真係第1次見，所以叫黎試下。一黎到就嗅到濃香既椰奶味，而且海鮮配料好多，仲要係炒飯底，味道唔錯。