霸王山莊 (已結業)

早兩日搵食搵到去呢度, 見幾多人等, 諗住試下. 叫左三味野, 蟹粉炒飯, 砂窩雲吞雞同黃金蝦.蟹粉飯似黃薹飯多d, 黃gum gum, 唔多覺有蟹粉, 仲好油淋淋.黃金蝦比較似樣, 不過都係好油, 但係冇乜咸蛋香. 雲吞雞, 最差呢樣雞同雲吞都冇味, 但係d湯咸到無倫. 環境比較擠迫, 但侍應服務尚可.

今晚十點我地一家四口第一次去到呢度食宵夜，叫左十零碟小食同兩碟炒麵，真係好正。強烈推薦紅油抄手，個抄手汁十分香濃，同埋一定要叫豆漿，豆味十足。而其他冷盤都平夾好食，臨走前記住要叫埋個蟹粉小籠包，小籠包皮薄汁香，唔試就絕對走寶。另外雖然當時宵夜時間人客甚多，但經理Horace依然細心招待，談笑風生，實在抵讚。

下晝有麵餐食. 1個麵加1個點心都係36蚊.我通常都會1個麵配小籠包抵!小籠包:勁正.正宗皮簿餡靚.一咬落去d汁bit出黎.必食.係呢間鋪頭最正既野雞絲粉皮涼麵:賴哂野.完全唔好食.不值一提擔擔麵:味唔夠濃.聞落去幾香但食落無咩味素餃:麻麻地.鐘意食菜既朋友可能會岩總括黎話都幾好既~味道唔錯.價錢我又唔覺得貴wow(午餐既麵餐黎講)1個小籠包最少都10幾廿蚊籠啦.1個麵廿蚊都唔係好過份ja.雖然要加1.加埋都幾40蚊左右.鐘意食小籠包既人(包括我)一定要去試下

星期六4個人, 7 點05分到, 等左30mins先有位,人不斷多, 我估8點到果d真係要等一個鐘。入座果陣,我地4個俾人安排去3個座位, 而有另一家人, 3口子就被安排4人座位, 哈?! 搞到要轉來轉去。拌碟的泡菜: 一大條頭髮係上面!! 換左, 服務生態度呆,冇say sorry小籠包:真係皮薄,幾好味,肉汁油左dd。好平,21蚊有4粒。面:面底可以任選,有粗有幼有扁,味道花生味太重,怪怪的,而佢d面係話自家造,由日本機器生產,都唔知係唔係因為咁, 似足日本的機切面咁,太彈牙,冇左中華面的質感。叫左個以為係魚鰭的送,一上,原來係鯇魚尾! 鯇魚尾切左4份, 煎好打個獻汁, 賣五六十蚊,真係唔抵,問題係唔好味,魚肉霉,個汁又淡得鼓油味!! 砂鍋雲吞雞: 個湯好濃好甜,d雞肉都幾滑,但唔明點會用小棠菜一齊煲,林petpet的小棠菜好難食,我個人認為津白會好好多! 雲吞好厚皮冇特別。紅油抄手: 個汁有少少似"x 黎園"雲白肉果個汁,不錯! 同埋28 有8隻,抵~塞x蟹抄上海面: 蛋白抄到好老,d 面...唔似上海面,又油林林, 好齋, 得一兩條"懷疑蟹柳", 但要58蚊, 太貴。黃金四季豆

朋友約了到此店食晚飯聚舊, 說是在舊三聯, 雖然依稀有印象, 其實並不知道正確位置; 同同事講起, 竟然個個都話知道此店, 因為店外有個好閃的照牌.當日叫了一個套餐, 好豐富, 有松子魚, 有砂鍋雲吞雞, 有素鵝等等, 食到我地飽到郁唔到, 好食! 不過要記住訂枱, 因為見有好多人等位.

同女朋友向荃灣試過差不多所有食肆, 昨晚想試新野, 於是選擇了此店. 因剛好是晚飯時間, 等了一陣才有位入座. 看餐牌見到有好多菜色, 心大心細, 想了很久才選擇了: 紅油龍老抄手, 擔擔面, 回鍋肉, 宋嫂魚羹, 小籠包. 估不到此店的抄手及小籠包很有水準, 女友本來對包點不太感興趣亦大讚好吃. 而且新開的關係, 地方很乾淨; 由於座位並不擠迫, 加茶亦十分快速, 足足坐了2個小時才離開.

一同三人第一次o黎食o野(夜晚)!真係估唔到d食物要等禁鬼死耐,我o地聽d待應生話個乜鬼魚頭煲好好食o禁我o地就試o下啦!(我o地仲叫o左幾款o野)點之個魚頭煲一等就等o左成40分鐘,叫o左兩個待應幫我o地跟o下好似冇人跟, 又冇人話仲要等幾耐,最後有個p字頭o既部長終於幫我o地跟o左!如果d待應生好似Lee個部長o禁,d客人就唔洗個肚餓完d食物先至o黎!仲有個y字頭o既肥妹待應生笑容十足值得一讚,可惜Lee到o既上菜速度真係好鬼慢!如果下次再o黎要飽住個肚先至得啦!

昨晚與家人第一次到這間飯店吃晚飯, 心想星期日吃晚飯或會多人等位, 我同老公便在18:15到達, 看了看店內情況, 只坐了不足50%客人, 滿以為可立即入坐再低等爸爸媽媽黎, 但門口的女待應問我地有多少人、是否人已到齊同問會選吸煙或非吸煙區後, 即給了我1張輪後飛仔, 便說現在非吸煙區無位叫我地等叫飛仔. 我同老公都覺得好奇怪, 噤大間店子非吸煙區的坐位真的噤少嗎?? 定話店內坐的客人全部都唔係煙民?? 唔會話?? 噤奇怪!!我地一直等, 12分鐘後, 爸爸媽媽黎到, 我便問位女待應還要等多久?? 她第一句就問我到齊人未?? 如果齊人你要通知我, 我就會安排你地入去. 嘩!! 呢間是大大大飯店嗎?? 要全部齊人先可安排坐位!!?? 我地只有4個人姐, "客家好棧”那麼大間酒樓, 都無要求全部齊人先入得去啦, 人地只係要求一半人數到齊就入得, 4個人或以下都無呢個要求既!! 佢只不過是一間小規模的飯店黎咋, 都要求噤高?? 再講之前佢根本無同我表示要等齊人先可以入去, 如果我唔走去問佢, 我地4個人就戇戇居居等運到???我地跟著個女待應入去, 她一邊帶位一邊對我講會安排我坐吸煙區. 吸煙

其實去左2次架喇,今次一次過寫哂佢!第一次係同男朋友去食tea,份量方面真係值得讚,雖然只係好平既一個tea set,但真係好鬼多呀!我地叫左個坦坦面跟凍檸茶,個凍檸茶冇咩好講,但個坦坦面真係唔多ok,冇味囉!不過好肚餓既都食得過既!之後仲叫左個醉轉灣(醉雞)呢個就唔錯喎!好有酒味但又有雞味,match得岩岩好呀!咁梗係比唔上d勁野酒樓啦!but真係值得一試!第二次係去食lunch!同男朋友share一個set,係雞絲涼拌粉"pei"跟小籠包!小籠包真係好食呀!好多汁!一定要一上即食!如果唔係唔好食!雞絲涼拌粉"pei"又係好大份,味道ok,唔算好食!p.s.男朋友話去toilet見到個staff唔洗手,!

真係唔錯..除左要收茶介, 前菜果D錢之外~~D野食又真係好好食呀~仲有€又少人~地方大~~我地2個人SIT一張4人TABLE~真係好舒服~~我地叫左小籠包, 真係超好食呀~皮薄餡靚!!跟住仲有個....用燈+果皮整既..大約叫咩菊花魚咁既野~好好食!!好香呀!再黎我地仲有個煲仔菜飯~好香好好味!!最後食多個芝麻既豆沙窩餅..好好食呀~~好滿意~我地2個人~咁食法都係一人$100, 0岩0岩好$200 不過就冇留意佢有冇寫話免茶介~見到佢收都算啦~幾好食~都冇懷疑過D咩LU~呢餐真係好好食~~

其實佢都開左一段時間~ 但今日先鼓起勇氣,同男朋友一齊去食, 環境好好, waitress好好人, 我食得都好開心食左小籠包, 真係好好食, 皮好簿, "ham好香,我平時食小籠包好衰,怕肥唔飲小籠包既湯,因為真係覺得好肥但呢度食就唔同, 你係會自自然然飲埋d湯..唔諗keep fit啦.....其他野我都幾喜歡, 有個叫百葉炒菜既野(你睇圖片會見到d菜上面有d白色好似鵝腸既野...) 我開頭覺得唔太靚,但經理先生話好味,就try下啦~ 真係好味呀d菜好甜, d百葉係齋,但都好好味....heehee~ 飽到傻......但聽講同睇到高力豆沙好好味wor..我一定會再去食!!

昨日在此食晚飯, 一行四人, 等狙一陣位, d 野食幾好食, 服務又ok, 地方望落幾大同乾淨, 好似冇之前d評語講得甘差wo. 本人住荃灣區, 覺得下次都可以約班friend 黎gathering.

雖然環境唔錯, 但食物質素好一般, 所以覺得好難係荃灣生存, 因為荃灣實在有太多平、靚、正美食, 剩係米線都出晒名啦, 佢咁o既價錢完全好難有太多人再去幫襯.

環境不錯,服務態度一般,食物方面很好,小籠包皮薄多汁, 擔擔麵辣度不夠,但麵本身十分彈牙,豆漿一般,凍檸茶跟茶餐廳的差不多,整體算不錯~

昨天我和朋友去此餐廳吃午餐(吃了那個麵餐，每個大約40)...侍應生服務幾好..環境當然好啦，始終係新鋪..埋單時大約$101...我和朋友當然立即check 單...原來單上加了茶芥...而餐牌寫明不用架麻最激氣有個叫gary的主任走來大聲問'乜事呀'我們便向他追討無理收費他起初堅持無出錯..但在我們據理力爭下他才勉強減回茶芥但最無理的是他不收散錢...把明要人俾貼士