霸王山莊 (已結業)

今日下午去呢間餐廳食野,我地一行6人,叫左個6 人套餐之餘,仲額外叫左一條松子魚,3 個麵餐,我覺得有幾樣野都好好味,特別介紹就係1.小籠包,塊皮好薄,入面又有湯,真係掂!2.松子魚,唔係太酸,好香口!!3.醉雞,雖然真係幾醉,但個味真係好好,好滑d肉而且,有位經理o既服務真係好好,d員工效率都好快,值得一試!!!!

服務和食物唔錯。裝修美觀，座位舒適，環境十分好。若對餐環境講究的話，這裏值得一試。

I do think the food in this restaurant is very nice﹐esp the dumplings.

這店在公司附近開業已有一段日子，一直未有試過。早個星期聽同事講這店在網上被人「狂柄」。就因為這樣，便於早兩日到這裏試食，看個究竟。服務差又唔講得，落單算快，不時又會加茶。環境十分舒適。食物都做得幾好。我吃的小籠包的皮很薄，可以一試。我覺得最好味的是「高力豆沙」，一定要試。還食了一個好像叫「桂花糕」的甜品，這東西是凍的，味道很香，由於此糕是透明的，能夠看到中間有些紅色的東西…起初有同事以為是「杞子」，但食落才知道原來是士多啤梨，感覺得有趣，味道也不錯。

只去吃過午餐，份量適中。新裝修，環境舒服。至於服務態度還不是那麼差勁，服務倒可以。

昨晚同個去食, 我們6:30pm到都唔多人,但7:30pm巳開始有人等位.食物,環境,服務都不錯,有禮貌也加了很多次茶.吃完也不趕客.不過人多了就有點嘈吵.

昨晚去左吃晚飯, 招呼無問題, 仲有人主動斟下茶咁, 裝修都幾舒服~我地3個人吃, 價錢ok, 坐低有碟花生炸魚仔+ 泡菜, $22/4隻小籠包, 我覺得幾好食喎, 夾起真的有湯在裡面'lon'下咁, 叫了個油豆腐粉絲湯($22), 份量唔算多, 味道ok~ (有四-五碗左右), 回鍋肉都幾吃, 霸王炒飯無乜油, 不錯! 不過叫左個$78 醬爆蟹(連年糕), 唔可以話難吃但不算好味, 始終蟹係要用薑葱爆先好吃0既~至於餃子..就$28/8隻啦, 不過晚市只供應擔擔麵, 其他湯麵都只係午市供應, 我仲見到隔離枱叫左碟類似蝦多士的食物, 個樣好似幾好埋單$265, 係貴了少少但總括來說是可以接受的！(不過呢..我返到屋企有些少口渴...可能係味精作怪)

裝修凊新，感覺舒服，食品優質且甚具風味，心水推介小籠包、霸王麵，小籠包爆汁，味道勁鮮，霸王麵軟滑兼有口感，湯底清甜，一定再黎

店內整齊清潔（包括洗手間），環境相當不錯。服務也可以，並沒有受到不禮貌對待。食物味道好，有水準。但落單時要留意，午餐轉食「菜飯」或「麵」是要另外加錢的。價錢較荃灣其他食店貴，且要加一，但午餐好像真的不用收茶錢。

今日我和公司的同事一行8人去食午餐，我們叫了一個八人套餐，散叫了小籠包、燻魚，花彫醉雞及酸辣湯，本來也叫了高力豆沙，但他們漏了單。我們十二點四十五分到達，而起初也沒有什麼問題，可是到一點二十分還有炒飯及糖水、甜品未到，而其他食物也吃得七七八八，所以便向那些服務生反影叫他們幫我們追單。結果我們足足問了四個服務生也未能等到，而那時已經是兩點鐘勒，所以我們便找服務員來叫他幫我們埋單未來的便除消啦！後來有一個怒氣沖沖的經理(英文名G字頭)現在立即上，根本我們都無時間食，加上他態度極之差所以我們便堅決說不要。結果他一言不發走了去櫃檯，後來有一位服務生拿著單走來，我們便CHECK單囉！見到他只減了43元當那個飯及糖水錢，當然覺得有無攪錯呀！而且那裡明明寫住星期一至五午市免茶芥，竟然收了我們每位5蚊茶芥，及不許我們用信用卡找數，說因為他減了錢。我們當然地覺得不滿啦！接著G 經理比上一次更怒氣沖沖的走過來，怒吼我們難為他又說無可能再減。後來有一位樣貌和善的S經理行近，聽著他怒吼我們！雖然最後在這個S經理的處理下，我們接受了他的處理而結帳離開。但肯定不再去呀！請也不去.......

尋晚同3個friend係荃灣打完波搵野食，見佢新開張無幾耐諗住試，我地叫5樣野，包括小籠包、賽螃蟹、金不換豬頸肉、酸辣湯、霸王炒飯，味道一般，但份量就十分之少。我地食完之後無幾耐，就有人立即收我地之碗碟，好似想趕我地走咁樣，當時都無mud人等位，都唔知點解要咁趕，另外，茶位要10元個，貴唔貴d呀，重貴過美心，唔係"化"???

新開張, 以為有Mud 特色, 我同我班Friend1行5人尋日上去一試, 眼見中午午飯時段, 竟然唔駛等位, 心知唔慌好得去邊,果然不出所料, 得o個七成滿, 先睇餐牌, 茶位每位$10元, 跟住花生又2兜、蘿蔔絲加埋酸菜又幾碟, 未落order都要硬俾成舊水, 嘩! 扮高級餐廳抑或番自己做Neway亞, 慳d啦..我地都算啦, 諗住佢do野食好食值回票價啦, 跟住我地即管試o下佢地d出品係唔係咁好食, 點知都係一樣主要食佢d裝修費,首先d蟹粉小籠包d皮又厚又硬, 香酥鴨一般, 霸王炒飯同海鮮炒麵, 我同我dFriend 覺得出面茶餐廳仲炒得好食過佢啦, 碟素鵝一夾即散,咁都得. 其它飽點無Mud特別, 到埋單后, 我同我班Friend 都覺得Alan Tam 有首歌好o岩佢用....就係" 披羊皮的狼"

食物都唔差, 略為貴了少少.

我地一行四人前往食午飯，正值午飯時候都唔滿座，我地叫o左六樣食送，冷盤有青瓜炒蝦仁、熱盤有蝦多士、咕嚕魚塊、賽螃蟹炒麵、素鵝、蟹粉小籠包，上述菜式味道一般，但服務則屬九流，話說佢做緊每日有一樣優惠食品，星期日則是蟹粉小籠包，我地便叫了四隻，於埋單時我發覺蟹粉小籠包佢計我每隻15元，於是我便問一問負責埋單既男經理(由於我看餐牌時是2隻為15元，但後來因為當時蟹粉食品已售罄，佢地收起了有關特價餐牌)，於是我便問一問負責埋單既男經理，佢即時用非常不禮貌既態度及眼神反問我，“小姐，咩話，蟹粉小籠包喎，蟹粉喎唔係普通小籠包呀，15元隻有無可能呀”，我即時非常不滿咁話“先生，我只係問吓價錢啫，你唔係要咁既態度對待客人呀，客人唔可以問野o架”，佢當時可能覺得唔好意思，即回應話唔係，我已經o拿o拿聲簽單結帳，跟住佢已經唔敢再返轉頭，叫另一個女同事幫我地埋單啦，我覺得就算食物質素一流，服務則屬九流的話都留唔住d 客人o羅，總括來講，價錢偏貴，服務九流，食品一般，請我都唔會再去啦。