霸王山莊 (已結業)

和太太及女兒六時到達接待處，呆等五分鐘無理會，因他們只一路和熟客吹水，到發現我們時，一個面黑黑部長走前，不是問我們幾多位，而是叫我們一定要七時半交枱，我登時發火，然後離開。食物怎好也無用，給人狗眼看人低的感覺，但請他們回想一下，他們也只不過亦是一班一世幫人打工的低下層！

果日咁岩0係荃灣所以揀左果度食,近地鐵,不過小籠包冇乜汁,舊高力豆沙炸得唔靚,一岩一忽咁..不過其他野都ok好食,esp個蜜桃桂花糕~不過果度D服務態度真係...尤其是個肥部長啦...處理事情手法低劣仲有如果唔駛同人迫同埋冇二手煙會更好~將一張拆兩張,又迫又唔舒服...

時常經過荃灣見到呢間店人頭湧湧, 登記訂座都要等差不多成個鐘才有位, 以為呢度的食物有一定水準....是次終於有機會品嘗偶然機會下跟鴨公及未來奶奶品嘗了以下的菜色, 發覺味道只是一般, 或者是期望太高...跟一般的京川滬杭菜沒有太大分別..1) 小籠包天王(當然要試下被喻為飲食天王2006 的小食,只是覺得表皮太厚, 肉質尚可接受)2) 老重慶紅油龍抄手(汁汁好好味..都是表皮太厚了, 食了第三隻已想棄掉)3) 砂鍋云吞雞(湯汁好似加了很多味精...飲了兩碗已經要狂飲茶以消滯, 值得一讚是用了雞脾作湯料, 口感一流...再加上用抄手的汁汁作伴食, 味道好好)4) 九菜炒膳(味道跟一般的上海店沒有太大分別, 加一客鏝頭作伴食..果然味道不同)5) 老重慶擔擔麵食物點多了, 當然要慢慢品嘗..可惜, 接待員似乎趕緊收工似的, 每碟菜食了一半, 問也不問便收回...要再三叫停, 才不願放下..這樣何以作為服務性行業...今時今日呢種服務態度..叫我怎樣再次來惠顧呢?榮獲飲食天王又如何呢?

第一次去tst的店, 等了好耐好耐先有檯, 朋友們都很不爽, 唯獨侍應態度﹑服務都好好吃過一次, 食物很不錯, 所以再同朋友去食。前幾天同朋友在荃灣店吃, 經理的服務特好, 大家食得份外開心希望餐廳的食物同服務質素會保持落去啦!

小籠包真係好多汁～見住d汁"朗朗"下，真係未食都知好食架．每次食既時候都要好小心奕奕，怕整穿層皮呀！層皮雖然薄，但係又好似唔係咁易穿．有幾次睇住層皮差d差d穿，成個小籠包都比我夾到變哂形，但係最後層皮都冇穿架．除左小籠包之外，仲食左紅燒獅子頭．個獅子頭好惹味，又有少少白菜，唔錯～但係個人覺得香酥鴨就唔係好得，好油，炸漿好厚，好乾，味道又好似臘鴨...不過，總括黎講間餐廳都幾好，係繁忙時間要等位唔係咁開心．諗真d，其實多人幫襯就要等位架啦．

d 小籠包真係好正啊!食完好想返去再食~麵飯就一般,高力豆沙都未算最好, 有進步的空間!

10.7.06呢日,同左屋企人+爺爺+老公一齊食dinner晌荃灣成日都係去酒樓,想試下新野,所以我地就上左黎喇果日可能禮拜1啦,唔係話好多人,唔駛等位都真係有好多choice,其實真係好想食松子桂花魚咖,不過好多人都話多炸粉,所以都冇叫叫左:醉雞--好重酒味,唔係好arm我地口味小籠包--好好食,入面d汁真係好香紅油炒手--good!雞絲粉皮--粉皮好滑,份量幾好蒸銀絲卷--冇乜話特別好食唔好食,不過唔會好似其他地方咁硬仲有個唔知咩年糕--好淡,好一般擔擔面--d面好滑喎,仲好好口感添糖醋魚塊--d汁好好味,又唔多炸粉仲有個唔知咩魚塊都幾好食其實d野食都幾好食,亦都夠食,不過唔知係咪大家都唔係好肚餓所以先夠食,因為其實佢每碟野都好細碟咁...service幾好丫其實!!但係食食下野無啦啦有隻大野飛黎飛去,唔知佢晌邊度黎呢...有機會可能都會再黎既

前日去霸王山莊食下午茶,好多人等,輪籌等左15分鐘左右入得,這兒的氣氛比人感覺稍忙碌,但在緊湊中同樣有service,如有笑容禮貌,主動加水收碟,今次最抵讚係我稍有眉目,未有主動揮手找人,未有左右另頭呼叫,卻有同事迅速招待,我說了一句"你真的醒目"他笑臉回應"應該的"

個日同男友行完街街~見好多朋友都講霸王唔錯~咪上去try try~上到去~嘩~好多人呀~我同男友等左都有成45mins~先有位ja....仲要好鬼細張..真係叫多小小都唔夠位放...入到去~就有個好好笑容ge青見女迎接我同男友~到左落單個時~待應介紹我食個個咩串骨~e~都唔錯wor~不過就等得耐d..成半個鍾....不過條野就好好味~仲叫左醉雞,黃金下同個炒飯個黃金下十分好味~連我唔係咁好旦黃ge人都話正~!之後待應又問我地要唔要叫野飲~我同男友就叫左個blueberry green tea~又係好好咪~個樣仲好得tim~仲要講埋個廁所~真係好得~地下冇水之餘~仲要唔臭~而家好小餐廳可以做到咁家啦~~埋單都係二百幾~我好男友都好肯定我地定會再黎~!!!!

舊年11月生日同男友去食好似唔係好記得嗌左d咩食大致上記得有抄手、年糕、餃子......d食物就真係幾好,值得食...不過令我印象深刻o既反應係d服務,初頭食時d服務員會不斷幫你添茶,但食到就食完時,佢行過見到冇茶都唔理你,招手叫佢添茶都好似扮見唔到咁...所以都唯有走我同男友都算係o個d要求唔高o既人,所以就呢件事就冇咩憤怒,不過我覺得一間餐廳如果想要留住客人最重要o既都係以客為上,時時都要服務殷勤先得......唔知是否該公司o係員工指引中要求員工這樣做?

三鮮湯年糕, d 菜唔知幾耐架呢, 有黑色群邊紫蘇排骨, 又乾又鞋雞絲粉皮, 粉皮幾滑, 麻醬都幾香, 但雞絲唔係手斯雞絲蟹粉灌湯小籠包$48算ok, 但d灌同湯年糕d湯好似一樣整體價錢在荃灣黎講佢算貴,環境似Food Court, 好嘈, 又限我食一個鐘要埋單, d服務員態度又真係唔多好

男友的肥仔好友仗義幫忙砌電腦，慰勞lunch揀了荃灣霸王山莊。點了超多食物，葱油餅、抄手、小籠包都相當抵讚，尤其是葱油餅，做法正宗，鬆脆絕不油膩。荔芋煎薄餅則非常油膩，千萬不要試！

我和男朋友星期一(26/6/2006)那天放假,到霸王山莊(荃灣店)嘆下午茶,那兒的下午茶點心十分抵食,小籠包保持一向水準,很多肉汁,還有創意十足的Shanghai High tea HK$58 兩位(請參考照片),共有三層,有鎮江肴肉,牛展,蘿蔔絲酥餅,豆沙窩餅等等,仲包餐飲,我們要了豆漿,很有豆味。 另外點了醉轉彎,辣涼拌茄子,價錢不貴,但味道是正價質素,每碟HK$10至$12左右,還有很多其他選擇,湯麵亦很抵食,由HK$13起,但已很飽了,所以沒有點湯麵。必定要推介的是那味"黃金軟殼蟹,用咸蛋黃醬汁煮成,十分香口美味! 大家放假時都去試下啦，而家High tea都不一定要到酒店了!不過記得只在星期一至五下午2/3點後供應!

今天是哥哥的生日,哥哥決定於荃灣一間日本餐館慶祝,位己訂了.正當我前往之際,人有三急,就借了"霸王山莊"的洗手間一用.當時是7點3,等侯的人很多,一入門口接待員的親切笑容甜得讓我難堪,當我說道自己來的目的是"借洗手間",她沒黑了面,反而禮貌地指示我點去!由門口至洗手間,共有約6位員工面帶笑容地說"歡迎光臨",真的不知道自己怎去回應"我只是借借洗手間而已"洗手間真的十分整潔,地面乾爽,還沒有一般洗手間所有的臭味,從這裡一看我也聯想得到這餐館有著截然不同的管理.到了哥哥那兒,我急不及待說出剛才的事情......我想"我一定要再來"

放假同屋企人去元朗郊遊後，落荃灣搵食。烤夫-第一個感覺係好凍，好似剛係雪櫃拎出o黎，名副其實的冷盤，可能是凍的關係，味道唔突出。砂鍋雲吞雞-我飲唔出有雞味，以普通湯麵的湯底。而雲吞的皮亦好厚。砂鍋獅子頭-這個做得不錯，獅子頭的肉質鬆軟，芡汁調教的好，不會過鹹亦不會好"杰"。黑醋排骨-與"阿拉"及"天與地"相比，這個相差好達。排骨唔夠入味，似是將D黑醋醬汁淋上面，而D黑醋醬味道又點怪怪的。小籠包-標明是06年得獎菜，都算不錯，皮薄、肉汁多。京都翡翠餃-綠色的餃皮，料是莧菜及豬肉，菜肉均勻，食到一種菜香味。擔擔麵-只得個辣字，花生味欠奉。麵方面選了黑金麵，質地有點似韓國粉絲。山莊炒麵-類似上海粗炒，只是粗麵換了扁身麵，我感覺炒麵始終是粗麵才有咬口，換了較幼身的麵，口感還是差少少，但味道算唔錯，老豆還不停讚好，輪到媽媽食時，食到一條鐵絲，立即與經理理論，經理都好有禮貌不停講"對唔住、唔好意思"，仲送糖水及甜品。糖水係木瓜雪耳及紅豆黑糯米露，木瓜雪耳味道清甜，而紅豆黑糯米，完全沒有味道，感覺似食緊一碗生粉開的糖水。甜品是桂花榚，除了有桂花清香外，還有士多啤梨的香甜，兩款味道都幾夾。除了炒麵唔計