霸嗎拉麵 (已搬遷) 新店位置

I was so glad I went to Bariuma because they had this new soupless ramen which is mixed with their homemade sauce and fragrant spring onion oil topped with diced chashu, cucumber and an onsen egg.Also had the ramen in broth which is delicious as the broth is rich and thick.Sadly every time I come here I always forget to order the chicken chashu which comes in chicken broth so I ordered and extra chicken broth to try.It tasted like Western chicken soup and is thick as well.The gyozas have a crisp

入場都無人理，要自己問有無位個o靚仔先答你有，坐位好迫，咁岩坐角位，成枱都係油，隔離枱唔生性個背脊就係咁撞到我張枱，d水又好多油浮係面，換第二杯又有污垢同塵，原來d水放定晒係度，豚肉食第一啖就灰晒，咁肥都可以整到無味，最硬既麵都無彈性，係餃子好返d……食到燥底要特登開返個帳號係度寫出黎……未試過咁差……希望店家睇到會改善，由水開始先，店員心態都要教導下，主動d……d肉就真係要諗下點搞返好佢啦，咁既價錢食個咁既拉麵完全唔得。

每次一個人落銅鑼灣，就會黎登龍街食拉麵，成條街的拉麵已經食勻哂，只有豚王同呢問霸嗎拉麵會返兜。辛辣炙燒豚肉味玉拉麵見到呢兩個關鍵詞，就即刻覺得好好食xd舊豚肉勁正，夠肥又唔會好膩，炙燒過後有陣BBQ味好鬼香。隻溏心蛋就普通啦，同其他拉麵店比麻麻地，但食拉麵唔加隻蛋好似唔夠滿足咁，所以次次都會加。湯底都幾好，夠濃得黎唔笠口，唔會好似豚王咁越食越杰。通常中辣對我黎講算係啱啱好，但試過一次特別辣，食到係咁擤鼻涕…

一直尋找以前在東京武藏境常吃的油面，但香港沾面出了幾年，卻還是沒有油面。路過登龍街，地鋪又改了不少。一直覺得霸嗎好像很油沒試過，見到期間限定油面，抱著懷念的心情去試。吃油面要有三寶，麻油，辣油，醋！問侍應，這裡沒有醋配。噢。。。有點失望。。。不過，賣相不錯，就即管試下原味！然後，原味就像是上海撈面，不是不好吃，而是不日本。。。然後為了尋求當年的味道，決定自己調味！加多點餃子汁，加一味辣粉，撈混，一口吃下去，當年味道來了！雖然沒有十成，但也有七成似。所以，如果嫌單調，推介這樣吃！！保證新鮮！！最後喜歡碗底的"完食感謝"！

今日係銅鑼灣行街, 6點鐘已經見肚餓。見到呢間平時好多人既霸嗎拉麵, 6點幾無乜人, 心血來潮一於試下呢度地方唔大, D 位都係細細迫迫的, 同一般拉麵鋪無異。我點左灸燒叉燒味玉拉麵，麵既軟硬度，配料都有得簡。炙燒叉燒係係香港食過咁多間最大塊最好食既肉質非常有層次 肥肉 半肥瘦 瘦肉 一塊叉燒食齊上台時仲聞到D 燒肉味，係其他拉麵店無既👍麵我簡左偏硬 都無乜彈性湯底就偏咸 無乜特別因為塊叉燒 個人覺得幾扺食既 可能因為食過太多間 塊肉薄過紙掛 e.g. 一蘭 不過可能因為舊叉燒要燒 所以等左好耐先有得食題外話：已經加十蚊嗌多碗葱黎啪，但香港既葱真係落多一斤都無半點草香味，落左好似無落。

是午在銅鑼灣拉麵街 (登龍街) 享用午膳。霸嗎拉麵是同街眾多拉麵店中的其中一員，抵達時剛好不用等位。這碗炙燒豚肉味玉拉麵，湯底濃而不鹹，略帶滑感，掛上拉麵後產生一份滑中帶嚼勁的享受。餸料方面，主要有炙燒豚肉及味玉兩款。前者雖然賣相略肥，但實際食感沒預期般肥膩。輕輕去掉最表層的肥肉後，剩如的部份既甘香又鬆軟。味玉即是流心蛋，烹煮時間拿揑準繩，流心效果做得相當好。 適逢午飯時間有額外優惠，可以 $12 追點一客小食。 羽根餃子連帶底層煎脆外皮奉上其實有些怪怪。餃子製作皮薄，菜肉比例參半，即煎即食有不俗的味道。 唐揚炸雞雖外層稍稍厚身，但仍保一定酥脆食感。至於雞肉，咬下有肉汁溢出，嫩度超預期。

Bari-uma拉麵已經唔係第一次食，之前都食過一、兩次，印象都幾好，所以見唔知食咩好就走左黎食拉麵。上次食左豚肉拉麵，記得啲肉好大舊，啖啖肉。今次就試下其他款式嘅拉麵。首先，我叫左個醬燜雞玉子拉麵。拉麵有得簡硬/軟麵，仲有得少油，少蔥等選擇。睇落白白嘅湯底好似好清，其實好濃郁。上面有兩塊厚厚嘅雞，流心蛋，蔥，炸蒜等配料。一飲個湯底已經覺得好正，比想像中更加濃郁。雞肉好厚身，一般嘅拉麵店好似麵係薄片。而且雞肉煎過黎，令到更加香口，夾埋啲雞皮同啲油脂一齊食味道好好。雞肉嘅肉質都好滑，應該係雞腿嘅位置。流心蛋都做得唔錯。流心蛋中間好流心，咬落去啲蛋黃慢慢咁流落黎，配埋麵同湯底食好夾。另外，炸蒜，蔥得配料麵令拉麵更香，增加口感，配合得好好。我覺得比我上次食嘅豚肉更值得推薦另外仲叫左個豚肉撈麵。呢個好似係新野，感覺上幾特別，於是就叫左個黎食。麵上有豚肉，蔥花，紫菜，洋蔥絲，青瓜同有半熟蛋，材料都幾豐富。撈埋一起食主要食到係蔥油味，仲有豚肉油嘅味道，配埋蔥花，十分香口。豚肉切成一粒粒，肉質軟滑，咬落去就碎咁，脂肪分佈平均，係唔錯嘅豚肉。整個麵都係好香口，想一啖接一啖食落去。另外，我地仲叫左個辛口

短短既一條登龍街已經有幾間拉麵鋪今次就試下Bari-Uma霸嗎拉麵點左個雞叉燒味玉雞白湯拉麵($88)可自由選擇麵質 配料去留我呢就比較喜歡偏硬既麵質湯底夠濃郁 唔係死鹹雞肉厚身軟腍 醃得入味木耳爽脆 份量適中半熟蛋做得出色一咬蛋漿緩緩流出 蛋味濃麵質初時仲偏硬 後來愈食愈腍整體不錯吃服務方面 招呼殷勤 會主動加水有下次!

完成工展會的工作，同同事G小姐食個拉麵補充體力，幸好公司對我們不薄，午餐也包了，也給了我們＄40收工吃飯，有很多公司都做不到呢！既然是我的last day，豪一夜吧。 來到已經九點半，依然座無虛席，我朋友都選擇了比較熱門的。 炙燒豚肉味玉拉麵$88 雞叉燒味玉雞白湯拉麵$88 我們要求把蛋切開，俾好多店舖的半熟蛋做得更好，起碼內至外都是甜味，口感滑脫脫。我們一開始點就選擇了把肉分開一半大家分享。豚肉比較多肥膏，不過脂肪分布也可以，食落好好味完全不是非常膩的口感。雞就壓實左但依然口感嫩滑，有雞皮但我冇食，睇落唔肥。 雞湯湯底口味比較清但香，朋友嘅豚肉湯底就更加濃郁，麵質掛湯。最重要是拉麵不是普通在街上買一包包的質素，而是新鮮打造的拉麵。 檸檬薑梳打酒＄18葡萄酸梳打酒＄18在香港買日本飲品本來就不便宜，所以在這裏飲用的價錢也差不多。些少酒精味道不會醉酒也很好飲。 之後還追加了辛口燒餃子$38在表面有一些辣粉，如果食少辣嘅話就要先搬走一些辣粉！因為我吃了很多辣粉，下唇像孖膶腸。 日本抺茶雪糕＄28日本芝麻雪糕＄28如果二選其一，我會選擇芝麻雪糕，因為抺茶雪糕的抺茶味不夠濃郁， 反而芝麻

日式放題就食得多 拉麵就好少食 不過小弟今日都忍唔住黎呢間霸嗎拉麵試下 真係後悔點解自己唔早d中意食拉麵排緊隊等入去食 好緊張 好似好高級咁都幾多人排 睇黎我無揀錯襯未輪到我 睇下有咩可以食先 有麵有飯有小食野飲 唔錯唔錯<最強> 坐低左就叫野食先 感覺類似一蘭拉麵個d級數咁叫左個雞差燒雞白湯拉麵 賣相唔錯 呢到有個好處就係你可以選擇麵既軟硬程度 同埋走蔥蒜個d 果然夠貼心我一輕輕夾開個雞差燒 佢就一塊變兩塊 好難得可以將煮到雞咁嫩得黎又咁鬆化當然會叫下d小食啦 呢個燒汁烤雞確實唔錯 加上幾滴檸檬汁 清新得黎又唔油膩 岩曬我呢d饞食又唔想肥既人呢個係咩黎？答案係餃子 估佢唔到呢 我估佢想d客人食到最原汁原味 最完整既餃子所以咁做賣相好特別蜜瓜梳打水 甜甜地幾盞鬼 又唔似果汁咁甜 但又有d汽水既感覺 死啦好餓仲係。。叫多個飯先但又唔想洗太多錢wo 唔怕 有呢個沙律豚肉丼 價錢適中 味道賣相一流 最緊要足料順帶一提 呢到d staff好有禮貌 上菜速度都好快 d野食熱辣辣 同埋不停幫你加d檸檬水 清下口氣 連澳門都有 真係可以再戰

今日經過 見到230都仲有人排緊隊 好似係好pro既拉麵 一於排隊試下 好快就有位了飲品係蘋果梳打 開頭好驚有藥水味 好彩 係淡淡蘋果香甜味 送拉麵一流因為個人唔食得辣 所以就叫左豚肉拉麵 揀左軟麵 很煙韌 唔會太冧 湯底咸咸地 好快就食曬 好好味 另外仲叫左餃子。 見到有侍應傳菜一碟好似薄餅，搵左好耐成個餐牌都無 原來係餃子 又熱又脆 所以落單後等左陣都值呢！當做拉麵既餸 真係好好食雖然我唔太中意食抹茶 但見到人地食 好靚好吸引 而且平平地$28 就一於試下。果然係無揀錯 濃郁抹茶味 係一個豐富午餐既甜品 加上賣相吸引 我比十分而且侍應態度超好 十分nice 雖然價錢不算低 但物超所值 絕對要回頭

放工行完工展會有點肚餓，同朋友都好喜歡食拉麵類食物，知道時代廣場對面登龍街有好多選擇，就走了去試新野。三田小弟試過給5星，今日見到三間鋪都排隊等位，其中一間係三田，所以排其他的拉麵鋪試下先得。看了係三田對面的一間霸嗎拉麵都好多人排隊當然去試下啦，2人等位時間大多係20到25分鐘到，人多可能會耐一點。輪到我同朋友入內坐低，今日點了一個辛辣炙燒豚肉味玉硬拉麵(小辛），一個雞叉燒雞白湯硬拉麵同飲料。可能太多人，落了單到要等五到十分鐘到先有得食。其實我係第一次食到咁奇怪味道的燒豚肉同雞叉燒雞白湯拉麵，第一～前者一片好厚的肉內係勁多肥膏加上個湯係好唔掂，雞叉燒雞真係一般好食。其實咁的價錢，三田.岩手膳館，隱家拉麵是但一間都做得好過距囉⋯⋯可能係得依兩個唔好食遮，其他可能好的掛

今日同fd行銅鑼灣，突然想食拉麵，最終選擇左依間 一入到去，因為未到食lunch時間，所以舖頭並未算好多人，坐得好舒服睇完menu，我同朋友最後叫左兩碗拉麵，分別是炙燒豚肉味玉拉麵圕點辛辣炙燒豚肉味玉拉麵。首一，依碗係我叫嘅辛辣！依款有分大/中/少辣！我叫左款少辣，一送到黎，我即刻有d想縮生，成碗湯好紅，睇落食完會噴火咁，但飲左一啖湯之後，發現其實無想像中甘辣，但有好濃辣味，適合吾太食辣嘅人。麵可以自行選擇軟硬度，非常符合每個人的需要豚肉好淋而且吾會好肥，非常惹味。而蛋係我最喜歡的，半熟蛋令我食完想再食！而我朋友就叫左原味，湯味較濃郁，但略咸，而豚肉、蛋個d同我個碗麵差不多味道 食過兩碗之後，我覺得辛辣味較適合我，因為我吾太喜歡咸嘅食物，所以有辣味中和左咸味，令我較為欣賞下次有機會會再去食過，再叫多d食物

早陣子在香港設立分店的來自廣島的拉麵店 在我未嚐之前已閃電般開了第2間分店於銅鑼灣 恰巧於銅鑼灣有事辦 下午茶時段就去了淺嘗一下 看看大排龍是不是真怎麼樣!!! 2人同行 點了一個辣味的拉麵 看到海報還送雪米滋解辣haha 每一次去嚐新既時候 總愛點盡自己感興趣的項目啊 所以點一個拉麵是在鋪墊啊店員本推介他們限定的蔥油撈麵 其實我也挺好奇的 但朋友嗜辣之人所以第一次試下辣先點了中辣的 整條小辣椒浮上面 更加了$12的紫菜 有3大塊呢 太巨大了 而麵質帶丁點鹼味 但麵條掛湯力足 另外流心蛋不會咸 令人可以品嚐到其蛋黃的濃厚 而且荀爽口 不過豚角煮很厚 香口啊 這碗拉麵質素平穩 辣味微微淡出 不會太嗆! 還加了替玉($20) 中午及午後時間有2個優惠 可便宜一點加餃子或雞翼($12) 及汽水($8) 各使用一次 就是覺得食東西下午茶時間最划算 總遇到一點小便宜 另外看到他們有特別的雞叉燒 就一拼點了 2個大胃王總可清光它們吧 好嫩 就是把雞肉圈成一圈圈的 帶雞皮的 就是足料製成 又不失肉汁 另外我最愛就是他們的日式餃子 煎單面 很脆很香 蘸餃子汁平衡了肉膩 我把整片也吃了

來到銅鑼灣登龍街發現日式拉麵店林立，還以為置身在日本！每間拉麵店的人龍也頗多，我們最後選定了霸嗎拉麵。餐廳的裝潢模仿一般的日式拉麵，以木質為主，排有大紅燈籠，座位頗多，雖然看上去擺位有點擠，但坐下來還是舒適的，情況都可以接受。拉麵的款式是以豚肉和雞肉為主，肉的份量、麵條軟硬度、湯底濃度都可供客人選擇，很貼心。我點了濃厚豚骨湯 - 炙燒豚肉味玉拉麵，似乎是餐廳的推介！拉麵上枱時，炙燒豚肉的香味撲鼻，份量是一大塊的，肉脂比例均勻，咬下去十分軟腍，汲取了豚骨湯的精華，帶有少量焦香，惹味非常！豚骨湯味道沒有想像中的濃，還算香滑。最令我欣賞的是原隻半熟溫泉蛋，咬下去蛋黃漿緩緩流出來，蛋黃軟心十分香滑，忍不住立刻嚐光，都忘了為溫泉蛋拍照。麵條是自家製的，我選了偏硬的質感，浸在豚骨湯裡一會，硬度稍變軟，口感剛剛好！