霸嗎拉麵 (金巴利道)

营业中

休息中

時都好鍾意食拉面,以係尖沙咀呢個地方都有好多選擇,今次揀左霸嗎拉麵試試,成日聽日本人講,一碗拉麵好唔好食,最重要係佢既湯底,同埋面餅既處理方式,而我自己就最著重湯底😋霸嗎同好多拉麵店一樣,都係用紙字圈自己想食既野,再交比店員炙燒豚肉海苔味玉拉麵：呢度既拉麵自家製，濃厚豚骨湯，仲有辛辣味、燒雞白湯，麵質幼身有口感！一見到碗面就覺得賣相好吸引😋平時好多拉麵既配菜都會係豚肉,以我今次專登揀左雞肉,一黎比較少食,二黎我自己偏愛雞肉多,一入個湯,湯味已經好濃,真心有辣味唔係得個色😁,果然無令我失望,雞肉已經去骨,亦都燜得又林又滑,好想一啖食晒佢,當然我口無咁大哈哈～咁大件雞仲要有2件,好足料

平時不論早晚經過都見到大排長龍，今晚夜咗收工經過難得見到得4-5人排隊，當然唔放過機會去一試喇入到去聞到陣拉麵醬湯味，個肚真係打晒鼓😭😭😭灸燒豚肉味玉拉麵@叉燒脂肪同肉質比例half & half，肉質鮮嫩，肥美多汁，脂肪入口即溶，香滑無比！😍😍😍😍 因為叉燒份量都唔少，以一個普通女仔嘅食量嚟講食一塊真係有d飽😂 中間紅紅的一點係豆瓣醬，配合叉燒一齊食好有層次感麵條可以自行選擇軟硬度，個人比較喜好較硬的麵條，貪佢耐浸泡，即使浸得太耐都唔驚佢會林咗😋😋今晚天氣依然有點涼，吃一碗熱騰騰的拉麵，非常滿足

在尖沙咀行完街，經過見到霸媽拉麵，就入去試試。之前見好多人，今日可能下午時段冇咁多人，不用等位。點了辛辣雞白湯拉麵，湯底味道十分濃郁，拉麵也十分可口。湯底不算太辣，難怪咁多人排隊，值得一試。

係尖沙咀行街行到肚餓就決定搵啲野食咁岩見到平時大排長龍既拉麵店竟然無人排隊, 我地就即刻入左去啦~店員服務態度都幾良好~ 我嗌左一個辣拉麵同餃子~辣拉麵其實都唔係好辣咖咋不過餃子反而幾好食! 煎得岩岩好!如果有次再見到無人排隊既話 就即刻仆入黎試埋其他~~

3人行去尖沙咀行街順便試下依間排長龍拉麵館先我地嚟到好彩唔洗排隊即刻有位坐～店員應該全部都係香港人冇日本人～坐位空間還可以唔算好迫～都幾有日本feel濃厚豬骨䐁肉拉麵賣相吸引～豬骨湯底濃而不咸～麵質可自由選擇軟硬度～厚燒䐁肉略肥食落口偏淋～配筍、蔥花提鮮辛辣炙燒腩肉拉麵中辣湯底夠嘢味～都係唔辣好食D醬燜雞叉燒味玉拉麵～湯比較清略淡～炸雞味道正常～叉燒唔夠汁～配海帶、蔥花、炸蒜～整體味道麻麻午餐時間加$12可以簡一份羽根燒餃子或者炸雞～一碟五隻～豬肉餡足有汁唔會乾～配醋食食完走時仲見到有人排隊

係尖沙咀做完嘢都成十點幾，未開飯想搵個夜宵。行出The One 附近就決定入霸嗎拉麵。平時行過食飯時段都要排隊，今次終於唔使等位就入得。其實之前食過銅鑼灣分店，印象中係唔錯。坐低望望menu，其實有猶豫究竟叫雞白湯，還是濃厚豚骨湯，畢竟前一晚先係另一間食完雞白湯拉麵，而唔太好評。但掙扎過後還是叫上次試過嘅雞白湯拉麵。直接啲講，有幫助我洗脫前晚雞白湯的小陰影。雞湯濃而不太油（我有揀少油），飲多兩啖都唔覺太膩。而味玉，即係隻蛋係原隻上，所以一直睇唔到究竟蛋黃係點。一咬落去， 係超級流心，蛋黃係恰到好處，係我最鍾意食嘅蛋，呢個位係幾有驚喜。 至於配料方面，除咗有黑木耳、蔥外，最重要係叉燒雞。叉燒雞係連雞皮上，雞肉係嫩滑，厚度適中，似係選用了雞髀肉嘅部分，否則唔會咁滑。另外，叫左唐揚炸雞（5件）（$35）。先講份量，每件嘅Size都唔細，算幾有份量。炸雞入口重有少少汁，唔會炸到好乾身！推！由於太肚餓，所以食到一半先記得影相。整體而言，算有質素嘅拉麵，可以再戰。

我喜歡這品牌的拉麵，也光顧過它的其他分店而尖沙咀店，無論日夜差不多都要排隊，視乎長龍定小龍，皆因旺區和旅遊區也昨晚和好友經過，完全不需排隊，當然入內光顧呢😁叫了炙燒豚肉味玉拉麵，選了軟麵，少油。不久，一碗放著一塊厚身焦香的半肥瘦豚肉，一隻流心蛋，和數塊筍，而湯底濃郁的拉麵端上1.焦香的半肥瘦豚肉😋😋😋，瘦的位置是嫰而淋的👍🏼👍🏼👍🏼2.流心蛋，如其名流心，做得好😋👍🏼3.濃郁湯底👏🏼+軟麵+少油😍😍😍

我同朋友都幾喜歡食日本拉麵，在尖沙咀 the one 附近有間日本拉麵，經過見到有新口味限定推介，於是吸引我們入去試試！就係呢個期間限定的檸檬🍋豚肉拉麵🍜，因為我本身幾鍾意酸酸的味道，所以見到呢個好想食!檸檬🍋豚肉拉麵🍜，檸檬加上豬骨湯，味道清新如果想增添檸檬🍋酸味更可免費追加三片檸檬🍋。😋雞叉燒味玉雞白湯拉麵🍜，湯底好有忌廉雞湯味，好濃好creamy! 😋温泉蛋🥚好溏心辛辣炸雞，好辣夠惹味！

佢開左咁耐 終於黎左試滿心期待，但最後食完感覺好差點左一個沙拉炸雞個炸雞口感麻麻 好乾 個沙拉汁好怪餃子就最正常一個 灸熱豚肉玉味拉麵個麵明明已經寫左要軟，但一啲麵唔軟我揀左走晒青走晒荀 然後個豚肉有啲太肥可能我自己唔岩食太肥不過個湯底完全無味咁濟 最後落左勁多一味分 同蒜 先有番啲味真係太失望食完之後唔會再幫襯。

同朋友經過見到好多人排隊，所以想試下。我叫咗一碗炙燒豚肉海苔味玉拉麵，豚肉好好食，拉麵都好有口感。我朋友同我仲叫咗個炸雞，炸雞炸得啱啱好，唔會太燶，食完拉麵食件炸雞，啱啱好夠飽。

好耐好耐無食過呢間晚晚麵排長龍既拉麵店啦，今晚突然好想食，於是同友人一齊排隊！人龍看似好長，但其實排左10分鐘已經可以入座了！座低後侍應禮貌地遞上餐牌，而我係門口排隊果陣見到佢呢期既限定拉麵好似好特別，於是就叫了！仲加左餃子、枝豆、味玉同埋味筍！而友人今晚一定係好肚餓，竟然叫左個特盛拉麵黎食點餐後好快就上菜啦！羽根燒餃子，熱辣辣，仲有脆卜卜既薄片，餃子內裡非常juicy！辛辣檸檬豚肉拉麵，是限定版拉麵，這個麵有一塊半肥半瘦既豚肉、西蘭花、木耳絲同櫻花蝦，還有三片檸檬！食落好特別，湯底酸酸辣辣，就好似食緊日版既酸辣湯麵，好開胃！豚肉因為半肥半瘦，所以唔會太乾，配埋呢個湯一齊食，不會太油膩，而西蘭花索哂湯既味道，特別惹味，木耳絲連埋拉麵一齊食很爽口，口感很豐富！加錢點了味筍同味玉，味筍份量很多，配埋落個麵到食非常惹味！而味玉係流心蛋，一個字，正！唔會好似其他拉麵店做唔到流心的效果！特盛炙燒豚肉拉麵，嘩！有4大塊好厚身既豚肉，脂肪較多，但食落去口感很鬆軟，出奇地好食，而湯底味道較濃，所以友人好快就飽啦！但味道係唔錯既！枝豆，鹽的份量適中，唔會太咸或者冇味！總括黎講，明白點解會係晚晚排長龍既拉

平時行過tst見到呢間拉麵店都會好多人排隊今日見少人d就即刻去試下啦😆試左終於明白點解平時咁多人排喇🍜餐廳內部好日式🇯🇵點左炙燒豚肉味玉拉麵🤗拉麵軟硬程度適中麵質好滑，湯好濃郁！重點係叉燒😍！厚切豚肉👍🏼肥瘦比例岩岩好！肉質好soft 好滑😻估唔到拉麵嘅豚肉都可以咁juicy 👍🏼餐廳貼呢張紙真係無錯👍🏼火炙叉燒好好味！有別於一般拉麵店！不過佢上餐速度一d都唔慢！另外叫左替玉！份量都唔少！沙拉唐楊炸雞😍估唔到咁大嚿！雞肉都幾滑！！新鮮炸起熱辣辣！配埋沙律醬真係好prefect!好值得一試👍🏼辣汁堂唐楊炸雞🤧對我黎講太辣喇！不過雞肉一樣咁正！仲點左個羽根燒餃子！不錯！呢到竟然有兒童餐❤️好貼心值得一讚👍🏼最近仲有得做會員！有優惠😍👍🏼😊呢間餐廳環境同食物都值得一讚👍🏼不過就要花少少時間排隊😣不過係值得排嘅！

期間限定檸檬豚肉拉麵檸檬拉麵已經期間限定左好耐，不過去到今日先第一次食 上午開店冇幾耐就黎，店入面吾算多人，環境乾淨企理，坐得舒服落單等左一陣拉麵就到個樣睇落都吾錯 檸檬湯底酸酸尾尾，好清新開胃 麵條軟硬適中，豚肉肥而不膩今次食尖沙咀分店十分吾錯 之前試過食其他分店，麵條過硬，湯底太咸餃子都 ok，不過上台吾熱，暖暖地甘...不過服務幾好。下面係上次點既餃子 今次尖沙咀分店就相反，食物幾好，服務一般。如果每間店都維持到相同水準就好啦...不過今次食到既拉麵吾錯果種酸酸尾尾既清爽口感到依家種係我腦入面轉緊

豬仔星期六又同另一半去拍拖仔行下尖沙咀海邊 晚飯時間咁啱大家都想食拉麵又醒起The One附近有間好出名既拉麵店於是就決定過去食Menu除左拉麵 仲有飯可以點兩樣都想食既關係 今次揀左一麵一飯檸檬豚肉拉麵 期間限定湯底加上檸檬冇咁漏 好清新豚肉好足料 半肥瘦好味道拉麵份量大大份好彈牙豬仔加左海苔同味玉 味玉即係拉麵不可或缺既溏心蛋食得好滋味石鍋燒豚肉飯飯係用珍珠米 飯面灑上蔥多層次半肥瘦既豚肉粒配飯食唔停呀雖然成日都好長隊要排 但都唔會等太耐拉麵同飯都好味道豬仔同另一半都食到好滿足推薦大家去試呀！

看電影前，想快快吃午餐，到霸嗎吃碗拉麵就最適合不過了. 辛辣檸檬豚肉拉麵 ($83) 見到新出的辛辣檸檬豚肉拉麵，不用多想，就試新出的口味啦! 對於一向愛嚐新的我，也想知道檸檬配拉麵會是如何味道呢! 選了小辣的檸檬豚肉拉麵，呷一口，竟與冬蔭公味道頗像，辣中帶有檸檬的芳香，開胃又醒神，硬麵條一向是我所愛，相當有嚼勁; 至於半肥瘦的豚肉，肉質甘香軟腍，很美味. 個人相當喜歡這新出的拉麵，想不到檸檬配辛辣湯底是如此夾的! 雞叉燒雞白湯拉麵 ($83) 友人所選的雞湯拉麵，說湯底有濃濃的雞味，不會過鹹，而且雞叉燒的雞肉非常嫩滑，也覺得很不錯呢! 羽根餃子 (午餐拉麵升級 +$12) 即煎餃子熱辣辣，肉汁滿滿的，沾上酸酸的餃子汁更添滋味! 唐揚炸雞 (午餐拉麵升級 +$12) 炸雞外皮香脆，咬下去肉汁濺出，雞肉依然嫩滑，幾有水準的~ 喜歡試新口味的朋友，不妨試試辛辣檸檬豚肉拉麵，說不定你也會如我般一次愛上! 尖沙咀金巴利道26號地舖 22178300