霸嗎拉麵 (金巴利道)

营业中

休息中

上星期四放左日AL,閒來無事,一個人走左出去tst行街街,真係估唔到平日條街都咁多人! 去到The One行到2點幾,先見肚仔餓餓,諗下要食乜!諗諗下,好多fd食過霸嗎拉麵我都未試過! 好,既然一個人,就去食下先! 聽講平日都好多人食,但好好彩,可能2點幾既時間,人唔多,去到就有位啦!一個人食麵,最好坐bar台! 初嘗試,當然要食呢度最出名既叉燒拉麵啦 - 炙燒豚肉味玉拉麵! 口痕痕再加多個辛口燒餃子!個叉燒拉麵,望落湯底好奶白色,好香豬骨味! 飲左啖湯頭,好香濃! 唔錯!拉麵硬度,呢度都有得揀,想硬想軟都得!不過for me適中就夠啦! 食落好爽口彈牙,幾好喎又!正于主角叉燒呢,真係見到都哇哇聲!好厚! 真係好厚好厚好厚架! 叉燒雖然厚,但好淋；雖然有肥膏,但一d都唔肥膩,又好香口! 原來睇返,d叉燒係煮左超過10個鐘,之後再火炙過! 慢工出細貨,真係特別鬆化好味!給埋隻糖心蛋配埋碗麵,真係好好食!至于個辛口燒餃子,又估唔到真係幾辣! 皮好脆, 入面好多肉汁,都好好食! 送麵一流喎!食飽飽先見到,原來有個期間限定既極上原隻龍蝦拉麵,好似都好正咁喎!揾日再食過先得