霸嗎拉麵 (金巴利道)

营业中

休息中

係尖沙咀做完嘢都成十點幾，未開飯想搵個夜宵。行出The One 附近就決定入霸嗎拉麵。平時行過食飯時段都要排隊，今次終於唔使等位就入得。其實之前食過銅鑼灣分店，印象中係唔錯。坐低望望menu，其實有猶豫究竟叫雞白湯，還是濃厚豚骨湯，畢竟前一晚先係另一間食完雞白湯拉麵，而唔太好評。但掙扎過後還是叫上次試過嘅雞白湯拉麵。直接啲講，有幫助我洗脫前晚雞白湯的小陰影。雞湯濃而不太油（我有揀少油），飲多兩啖都唔覺太膩。而味玉，即係隻蛋係原隻上，所以一直睇唔到究竟蛋黃係點。一咬落去， 係超級流心，蛋黃係恰到好處，係我最鍾意食嘅蛋，呢個位係幾有驚喜。 至於配料方面，除咗有黑木耳、蔥外，最重要係叉燒雞。叉燒雞係連雞皮上，雞肉係嫩滑，厚度適中，似係選用了雞髀肉嘅部分，否則唔會咁滑。另外，叫左唐揚炸雞（5件）（$35）。先講份量，每件嘅Size都唔細，算幾有份量。炸雞入口重有少少汁，唔會炸到好乾身！推！由於太肚餓，所以食到一半先記得影相。整體而言，算有質素嘅拉麵，可以再戰。

我喜歡這品牌的拉麵，也光顧過它的其他分店而尖沙咀店，無論日夜差不多都要排隊，視乎長龍定小龍，皆因旺區和旅遊區也昨晚和好友經過，完全不需排隊，當然入內光顧呢😁叫了炙燒豚肉味玉拉麵，選了軟麵，少油。不久，一碗放著一塊厚身焦香的半肥瘦豚肉，一隻流心蛋，和數塊筍，而湯底濃郁的拉麵端上1.焦香的半肥瘦豚肉😋😋😋，瘦的位置是嫰而淋的👍🏼👍🏼👍🏼2.流心蛋，如其名流心，做得好😋👍🏼3.濃郁湯底👏🏼+軟麵+少油😍😍😍

我同朋友都幾喜歡食日本拉麵，在尖沙咀 the one 附近有間日本拉麵，經過見到有新口味限定推介，於是吸引我們入去試試！就係呢個期間限定的檸檬🍋豚肉拉麵🍜，因為我本身幾鍾意酸酸的味道，所以見到呢個好想食!檸檬🍋豚肉拉麵🍜，檸檬加上豬骨湯，味道清新如果想增添檸檬🍋酸味更可免費追加三片檸檬🍋。😋雞叉燒味玉雞白湯拉麵🍜，湯底好有忌廉雞湯味，好濃好creamy! 😋温泉蛋🥚好溏心辛辣炸雞，好辣夠惹味！

佢開左咁耐 終於黎左試滿心期待，但最後食完感覺好差點左一個沙拉炸雞個炸雞口感麻麻 好乾 個沙拉汁好怪餃子就最正常一個 灸熱豚肉玉味拉麵個麵明明已經寫左要軟，但一啲麵唔軟我揀左走晒青走晒荀 然後個豚肉有啲太肥可能我自己唔岩食太肥不過個湯底完全無味咁濟 最後落左勁多一味分 同蒜 先有番啲味真係太失望食完之後唔會再幫襯。

同朋友經過見到好多人排隊，所以想試下。我叫咗一碗炙燒豚肉海苔味玉拉麵，豚肉好好食，拉麵都好有口感。我朋友同我仲叫咗個炸雞，炸雞炸得啱啱好，唔會太燶，食完拉麵食件炸雞，啱啱好夠飽。

好耐好耐無食過呢間晚晚麵排長龍既拉麵店啦，今晚突然好想食，於是同友人一齊排隊！人龍看似好長，但其實排左10分鐘已經可以入座了！座低後侍應禮貌地遞上餐牌，而我係門口排隊果陣見到佢呢期既限定拉麵好似好特別，於是就叫了！仲加左餃子、枝豆、味玉同埋味筍！而友人今晚一定係好肚餓，竟然叫左個特盛拉麵黎食點餐後好快就上菜啦！羽根燒餃子，熱辣辣，仲有脆卜卜既薄片，餃子內裡非常juicy！辛辣檸檬豚肉拉麵，是限定版拉麵，這個麵有一塊半肥半瘦既豚肉、西蘭花、木耳絲同櫻花蝦，還有三片檸檬！食落好特別，湯底酸酸辣辣，就好似食緊日版既酸辣湯麵，好開胃！豚肉因為半肥半瘦，所以唔會太乾，配埋呢個湯一齊食，不會太油膩，而西蘭花索哂湯既味道，特別惹味，木耳絲連埋拉麵一齊食很爽口，口感很豐富！加錢點了味筍同味玉，味筍份量很多，配埋落個麵到食非常惹味！而味玉係流心蛋，一個字，正！唔會好似其他拉麵店做唔到流心的效果！特盛炙燒豚肉拉麵，嘩！有4大塊好厚身既豚肉，脂肪較多，但食落去口感很鬆軟，出奇地好食，而湯底味道較濃，所以友人好快就飽啦！但味道係唔錯既！枝豆，鹽的份量適中，唔會太咸或者冇味！總括黎講，明白點解會係晚晚排長龍既拉

平時行過tst見到呢間拉麵店都會好多人排隊今日見少人d就即刻去試下啦😆試左終於明白點解平時咁多人排喇🍜餐廳內部好日式🇯🇵點左炙燒豚肉味玉拉麵🤗拉麵軟硬程度適中麵質好滑，湯好濃郁！重點係叉燒😍！厚切豚肉👍🏼肥瘦比例岩岩好！肉質好soft 好滑😻估唔到拉麵嘅豚肉都可以咁juicy 👍🏼餐廳貼呢張紙真係無錯👍🏼火炙叉燒好好味！有別於一般拉麵店！不過佢上餐速度一d都唔慢！另外叫左替玉！份量都唔少！沙拉唐楊炸雞😍估唔到咁大嚿！雞肉都幾滑！！新鮮炸起熱辣辣！配埋沙律醬真係好prefect!好值得一試👍🏼辣汁堂唐楊炸雞🤧對我黎講太辣喇！不過雞肉一樣咁正！仲點左個羽根燒餃子！不錯！呢到竟然有兒童餐❤️好貼心值得一讚👍🏼最近仲有得做會員！有優惠😍👍🏼😊呢間餐廳環境同食物都值得一讚👍🏼不過就要花少少時間排隊😣不過係值得排嘅！

期間限定檸檬豚肉拉麵檸檬拉麵已經期間限定左好耐，不過去到今日先第一次食 上午開店冇幾耐就黎，店入面吾算多人，環境乾淨企理，坐得舒服落單等左一陣拉麵就到個樣睇落都吾錯 檸檬湯底酸酸尾尾，好清新開胃 麵條軟硬適中，豚肉肥而不膩今次食尖沙咀分店十分吾錯 之前試過食其他分店，麵條過硬，湯底太咸餃子都 ok，不過上台吾熱，暖暖地甘...不過服務幾好。下面係上次點既餃子 今次尖沙咀分店就相反，食物幾好，服務一般。如果每間店都維持到相同水準就好啦...不過今次食到既拉麵吾錯果種酸酸尾尾既清爽口感到依家種係我腦入面轉緊

豬仔星期六又同另一半去拍拖仔行下尖沙咀海邊 晚飯時間咁啱大家都想食拉麵又醒起The One附近有間好出名既拉麵店於是就決定過去食Menu除左拉麵 仲有飯可以點兩樣都想食既關係 今次揀左一麵一飯檸檬豚肉拉麵 期間限定湯底加上檸檬冇咁漏 好清新豚肉好足料 半肥瘦好味道拉麵份量大大份好彈牙豬仔加左海苔同味玉 味玉即係拉麵不可或缺既溏心蛋食得好滋味石鍋燒豚肉飯飯係用珍珠米 飯面灑上蔥多層次半肥瘦既豚肉粒配飯食唔停呀雖然成日都好長隊要排 但都唔會等太耐拉麵同飯都好味道豬仔同另一半都食到好滿足推薦大家去試呀！

看電影前，想快快吃午餐，到霸嗎吃碗拉麵就最適合不過了. 辛辣檸檬豚肉拉麵 ($83) 見到新出的辛辣檸檬豚肉拉麵，不用多想，就試新出的口味啦! 對於一向愛嚐新的我，也想知道檸檬配拉麵會是如何味道呢! 選了小辣的檸檬豚肉拉麵，呷一口，竟與冬蔭公味道頗像，辣中帶有檸檬的芳香，開胃又醒神，硬麵條一向是我所愛，相當有嚼勁; 至於半肥瘦的豚肉，肉質甘香軟腍，很美味. 個人相當喜歡這新出的拉麵，想不到檸檬配辛辣湯底是如此夾的! 雞叉燒雞白湯拉麵 ($83) 友人所選的雞湯拉麵，說湯底有濃濃的雞味，不會過鹹，而且雞叉燒的雞肉非常嫩滑，也覺得很不錯呢! 羽根餃子 (午餐拉麵升級 +$12) 即煎餃子熱辣辣，肉汁滿滿的，沾上酸酸的餃子汁更添滋味! 唐揚炸雞 (午餐拉麵升級 +$12) 炸雞外皮香脆，咬下去肉汁濺出，雞肉依然嫩滑，幾有水準的~ 喜歡試新口味的朋友，不妨試試辛辣檸檬豚肉拉麵，說不定你也會如我般一次愛上! 尖沙咀金巴利道26號地舖 22178300

This restaurant mainly serves japanese food, especially ramen. The soup here is very good. I really like it. The staff here is very nice. The decoration here is very japnese. The food is not expensive also. I would recommend my friend to eat here.

【濃厚豬骨豚肉玉子拉麵】 ：HKD88 霸嗎拉麵嘅濃湯相信每個人食完都好難忘。呢到嘅拉麵 拉麵可選軟硬度，少葱少油等，拉麵硬度適中。湯底清得黎夠成碗拉麵味道昇華。最厲害之處在於佢可以令每口拉麵做到掛湯效果， 加埋一塊厚切豚肉， 豚肉肥瘦適中，令到口感多層次， 肥方面夠甘香； 瘦方面又夠腍滑。另外，聽聞呢到嘅豚肉係以低溫慢火煮超過十個鐘，真係食得出佢有落足時間心機； 糖心蛋生熟程度好正好味，流心令到入口好軟滑。

Mira Mall 對開條斜路成日有條人龍，好令人好奇。有晚咁岩經過見到少咁啲人，就去襯下熱鬧😆 就到食飯時間，好快我後面就多咗好多人~ 好期待啊🤤 等咗十幾分鐘，就有店員出嚟問幾多位，俾咗order紙我哋。拉麵口味唔多，唔知豚肉係咪佢哋招牌拉麵？🍜睇到食評好多人推薦「炙燒豚肉味玉拉麵」，我都照樣叫咗個！ 湯底好！濃！好！正！本身唔多睇到有熱煙，以為碗拉麵唔夠熱，但一夾起啲麵，啲煙就飄返出嚟，仲有啲燙口。可能係d油隔住咗啲熱力😂? 隻溏心蛋仲係流心的😋 但我浸耐咗，搞到「蛋黃外圍」熟咗少少💔 蛋白部分好滑好滑。有日本拉麵店嘅水準！至於豚肉，一層肥一層瘦，口感鬆軟。而且又厚又大塊，亦好入味😋 正常食量一碗拉麵剛剛好。本來諗住食到一半加一份餃子，但此時胃容量已經所剩無幾。飲恨！💔附送一張照片，睇睇餐廳環境！

唔知點解最近一直好想食拉麵，之後每次經過銅鑼灣都好想試下呢間霸嗎拉麵，而且好似都有d人排隊等位，所以一直冇試！今次去尖沙咀金馬倫道果頭買d野又比我經過佢，當然要試試啦！我仲捉埋係附近翻工嘅朋友一齊試試，好彩嘅係冇咩人等位，而且入到去幾驚訝，都幾多外國人黎食，仲有日本人添！叫咗個野飲，都幾好飲！而且枝裝好靚一個煎餃子（辣）其實都幾辣架，食唔到辣真心唔好叫，可以叫其他口味架煎餃子🥟覺得佢煎得幾脆口！唔錯我嘅拉麵到了，好厚嘅一塊肉，而且個湯好濃拉麵口感幾好！個蛋都幾溏心！幾欣賞個蛋我試咗我朋友嘅雞叉燒拉麵，個名幾得意！本來以為係雞湯底，而肉係叉燒，不來係雞肉！個湯明顯冇咁濃，清清地，而d雞都好入味同質地唔會好粗糙！而且有炸蒜，我朋友都幾鐘意！覺得大家都值得黎試一試！

每次去The one睇戲，都見到對面有間拉麵店排哂隊，佢就係叫做 【霸媽拉麵】終於有一日中午，我見唔洗排隊入去試一下先可能果日天氣熱，入到去，覺得佢個冰檸檬水幾好飲，飲左2杯先打開menu慢慢望拉麵有好幾種，當然試一下招牌拉麵~炙燒豚肉味玉拉麵啦~🤩🤩🤩🤩嘩 ~拉麵黎到，望個樣就知 湯好濃郁，飲返啖湯先~😋湯真係絕對正!可以撈飯食~麵條幼細，配上濃郁既湯，好滿足個豚肉好肥，又燒得好好，好想叫多塊食呀!!!!!早知叫2塊啦!叫左個餃子食，煎到好脆好似鍋貼咁~絕對唔係出面普通餃子，可以一試。總括來說 :拉麵算是不錯，唔怪得咁多人排隊啦，餃子就比出面其他拉麵店好食，附近朋友可以試一下。