霸嗎拉麵 (金巴利道)

营业中

休息中

一向鍾意食拉麵嘅我 霸嗎拉麵都算係我心目中排名幾高，最鍾意就係食佢哋嘅濃厚豬骨豚肉拉麵，因為湯底同豚肉都好好食。今日又諗住嚟食啦～點知見到有個新Menu～原隻龍蝦味玉拉麵🦞 標榜係用原來的加拿大龍蝦，而且價錢又唔貴，所以今日就決定轉下口味。拉麵一上檯都幾震撼，因為龍蝦size都算大隻，即刻覺得性價比好高！櫻花蝦湯底味道好濃郁，不過就唔係好食到有櫻花蝦仔係入邊。重頭戲當然係隻龍蝦啦～咬落去d肉都幾實，應該係因為冰鮮嘅關係。不過比較冇預計過既係食落會有陣雪櫃味，而家個龍蝦唔算好熱，好似煮得唔夠耐癖唔到陣雪櫃味，呢d有少少失手。

今次兩個人去食， 我哋兩個都係點 豚肉拉麵， 塊豚肉好大塊好肥美， 湯底又夠濃， 另外我地仲叫咗個炸雞，因為塊臀肉夠大塊，又夠肥美 ，所以嗰啲炸雞我哋都食唔晒， 呢間應該系我糸香港食過最好食嘅豚肉拉麵， 值得推介

大家仲記唔記得霸嗎拉麵啱啱喺尖沙咀啱啱開張嘅時候長期都有條人龍喺嗰條斜路排隊我每次就喺對面街望住好多人就算幾想食都放棄好彩我唔係特別鍾意食拉麵最近有一次行過因為熱潮過咗咁耐 已經唔使再排隊叫左佢哋出名嘅雞白湯拉麵 仲有豚肉拉麵雞湯湯底比起一般嘅豬骨湯底冇咁油膩我特別鍾意雞叉燒唔會好似平時食開嗰啲豬肉叉燒咁有一舊舊肥膏佢哋嘅拉麵亦都係我鍾意嘅幼麵雖然唔係話好食到令人嚇親嗰種但係有下次嘅！下次試餃子我覺得一間拉麵店除咗拉麵要好食之外餃子亦都要有返咁上下水準

同朋友係附近睇完戲都9點幾，近近地又唔使有選擇困難，就食快靚正拉都，呢間仲要有雞白湯拉麵，一般都食開豬骨湯，不過雞湯仲好味。羽根燒餃子 $35，羽根即羽毛，餃子連住一塊輕盈如羽毛的麵粉薄脆，口感很香脆，比一般煎餃子更好食，肉餡幾多，菜肉均衡，唔會好多汁，味道仲帶點辣，幾好味。雞叉燒味玉雞白湯拉麵 $88，雞湯濃而不膩，雞味突出，飲得出個湯熬左好耐出哂味。麵係幼身有咬口，都掛到湯汁。雞叉燒超正，厚身嫩滑，雞肉好彈牙，味玉也夠入味，醬油味與半熟蛋黃好香濃美味。炙燒豚肉味玉拉麵 $88，豬骨湯好濃調好香，不過咸左少少，豚肉經炙燒，有油香，豚肉都係厚身，但肥肉偏多，整體味道不錯。

尖沙咀算是拉麵既集中地好多有質素既拉麵店都唔難揾要講location最方便霸嗎拉麵都算數一數二永遠經過都見到有條龍而且佢係有玻璃外牆就算過哂dinner hour都總是好多人可想而知佢有幾好味今日做野晏左未食dinner自己一個人食拉麵最正九點都排左10 mins先入得好在店員都會好細心比點餐紙你一坐低就到落單今日想食濃味一點叫左辛辣灸燒豚肉味玉拉麵燒汁唐揚炸雞好鐘意係拉麵可以選硬麵佢真係控制再口感岩岩好完全係我鐘意既硬度 真係太正了湯底都冇得頂好濃郁好香 但又唔油膩本身有加葱同荀仲要有我最愛既流心蛋慢慢湧出黎既蛋液 燒汁唐揚炸雞岩岩炸好 熱辣辣仲要好嫩滑成餐質素都好高係好好既宵夜地方

行到肚餓見到無人排隊就入左去，一入去就見到做緊promote龍蝦拉麵落完單就見到原來入面裝修幾得意，好似以前古代既亭咁，幾有feel叫左辛辣豚肉拉麵，好味，食完仲要等多陣先有最期待既.... 嘩真係成隻龍蝦架，而且好味，但講真肉質就真係5算新鮮，但味道夠濃，湯底超正，個龍蝦殼都整碎定，5難剝，仲提供濕紙巾，非常貼心如果有埋辣既味就更加好啦，咁埋再惹味d, 我地今次就自己撈食完左果個辛辣湯，認真5錯有機會會再去食，真係好好味

今日試左霸嗎嘅期間限定，龍蝦🦞味玉拉麵🍜一上枱，嘩龍蝦超大隻😲😲，以為係開邊得半隻啦，點知原來下面仲有半隻，足料一隻龍蝦🦞呀湯底係超濃郁嘅龍蝦湯，超rich超有龍蝦味呀🤤另外試左雞叉燒🐔辛辣雞白湯拉麵，辛辣雞白湯真係第一次試，辣辣地都幾特別，雞叉燒冇佢d灸燒豚肉咁肥膩，個人中意食雞叉燒多過佢d豚肉呀🤭

每次經過都見到人龍的拉麵店,今天和老公剛好在附近就來試試看！炙燒豚肉是燒過的,肉質細嫩,但是肥肉的部分太多,偏肥膩了一點。拉麵是豬骨湯底,味道偏濃,尚可接受。拉麵爽口,味玉保持水準。霸嗎拉麵地址：尖沙咀金巴利道26 號地舖

呢到嘅拉麵偏濃味 油分亦都多咗啲 對我嚟講有啲太重口味 食咗幾啖就唔係好想再食😧可能雞白湯會好啲?叉燒就反而唔錯 脂肪同肉嘅比例幾好 肉質唔嚡 但係整體黎講就真係漏咗啲 應該唔會試第二次😥The soup base here was way too salty, and just a bit too oily. Lost my appetite for it after just a few bites. Perhaps the chicken soup option would’ve been better. The grilled pork on the other hand was not bad, with a good ratio of fat to meat, and it was’t hard to chew at all. Really don’t recommend coming for their ramen though.

純個人口味叉燒太太太肥了...我咬完都要分開條肥膏👉🏻👈🏻蔥...太普通似車仔麵咁款🤔不過比一般拉麵店佢整既時間較耐.旦又唔見得好食過人服務冇咩笑容冇咩好態度...最多比合格底dd

係尖沙咀行街突然口痕想食拉面之前經過呢頭已經見呢間鋪頭好多人排咁岩6點左右冇咩人就入去食下😆叫左最普通個豬湯拉面雖然冇人等緊但都等左15分鐘左右先有得食我同朋友都覺得一般啦個肉同叉燒個口感好唔同有啲似梅菜扣肉個舊整體而言 我就覺得豚王 一蘭個啲湯底比較岩我地口味多啲🤤🤤

這間人龍拉麵店，經過了很多次，但每次見到條人龍就已經放棄，今晚難得看到等候的人不算太多，終於可以一嚐當中的滋味了！我們共點了兩款：1. 極上原隻龍蝦味玉拉麵這款是「期間限定」，所以一定沒有不選的理由吧！龍蝦質感彈牙扎實，份量頗大。湯頭亦非常濃郁，味道有點像櫻花蝦的感覺，非常適合重口味的我🤤2. 炙熱豚肉味肉拉麵食拉麵一定要點classic味道！輕輕燒過的豚肉非常香口，而且厚度十足。不過湯頭可以稀一點。除拉麵以外，我們還點了照燒餃子當小食。餃子的底部非常香脆，而且外皮很薄，配合和風照燒汁，味道恰到好處！這間拉麵店可以按自己的喜好選擇麵條的軟硬，非常貼心。

放工後再做完gym，一心打算在假期前席好好享受一下來一份大晚餐，怎料9點多來到尖沙咀這間拉麵還是人山人海的，實在是難以置信！幸好排隊等候時間很短，很快便可以被安排入坐！🤤有備而來的我們點了拉麵店的鎮店之寶！炙燒豚肉海苔味玉拉麵🐷🍜豚肉沒有很油膩的感覺，反而因為下湯前有輕輕燒過更爽口！而用海苔配拉麵就是一直以來我覺得最配的吃法！雞义燒味玉雞白湯拉麵🐣🍜又大又厚的雞肉口感100分，這款「親子丼」拉麵用的雞肉十分有質素，是不太肥但肉質彈牙的雞义燒，百吃不厭！

炙燒豚肉味玉拉麵👍🏻🍜（$88 ，硬麵少油）招牌拉麵，黎到點都要叫一碗，叉燒係燒既，因為算肥，都幾香口。食一至兩塊就夠。湯幾濃郁，不過未去到好味到會掛住既味道。麵係比較幼身，可以掛到多d湯。👍🏻原隻龍蝦味玉拉麵🦞🍜🥢👍🏻（$128）只可以話 好足料！湯係好濃郁既，不過我覺得配拉麵都係豬骨湯好d，龍蝦肉都幾鞋，覺得係gimmick 野。羽根燒餃子🥟🥢（$35）5件好普通，好小椰菜，唔香。埋單2個人就2百幾蚊。🍜

其實之前都食開，早兩日又食完所以喺度講下平時喺度都係食豬骨湯底，今次我特別少少就食下今期流行嘅雞白湯拉麵雞白湯拉麵湯底非常重雞味，而且食落亦都冇豬骨湯底咁油膩，有一浸鮮甜味，另外佢嘅雞叉燒都非常嫩滑本人覺得比普通豬肉叉燒更好味另外叫咗一下辣餃子同朋友share，佢哋都剪到外層好香脆，配上酸酸甜甜嘅餃子汁都好好食另外我朋友叫咗個豚肉石鍋飯，我偷偷地食咗一啖真係覺得有日本嘅味道佢哋嘅豬肉非常juicy,一啖豬肉一啖飯嘅感覺真係好滿足