霸嗎拉麵 (金巴利道)

营业中

休息中

🎾 #波姐食好西一個人唔知食咩好嘅時候拉麵就係最好嘅選擇🍜就算唔係好似自修室咁嘅裝潢，一個人食拉麵都唔會覺得好寂寞，反正本來就係一人食一碗😂-⚾雞叉燒味玉雞白湯拉麵 $88如果要我將呢碗拉麵嘅部分排名，我會話：味玉 > 雞白湯 > 雞叉燒，估唔到味玉竟然係我最鍾意呢碗拉麵嘅地方🥚佢食落蛋黃好香，又都淡淡嘅酒香～加埋湯底同拉麵一齊食好滿足架🥰一直都無係日本食過雞白湯拉麵，但係身邊有個朋友一直堅持自己最鍾意嘅拉麵係雞白湯，無得去日本唯有係香港食日本過江龍試吓係咪真係咁好食😋佢哋湯底好濃郁，但係相比豚骨拉麵又無咁heavy，有好香嘅蔥油同雞油味，令成個湯底嘅調味好豐富但係又唔太過搶戲🤪雞叉燒嘅部分其實都好食嘅😂不過如果有得揀我都係鐘意食豚肉叉燒多啲🐷-⚽總評⚽如果唔使排長龍嘅話我都應該會再食😋下次同朋友一齊嚟嘅話要試下佢個羽根燒餃子🥟小鳥胃的困擾.........-🏐霸嗎拉麵尖沙咀金巴利道26號地舖12:00 - 23:00-#一粒波ARollingBall #一粒波碌去尖沙咀 #霸嗎拉麵 #hkig #hkfoodie #香港食評 #香港餐廳 #foodstagram

已經唔知第幾次食霸嗎每次食都覺得個湯頭好正夠濃亦鐘意佢既面底夠硬掛湯力高舊日式叉燒用火槍燒得又香又脆每次成碗食完飲埋湯都覺得好滿足每隔一排都會再去每次水準都keep到唔錯唔錯

霸吗绝对不便宜，吃一顿连饮料起码100元以上，但经常看到不少年青人在门外排队。在尖沙咀办完事后，途经这家拉面店，被店外的写出的价钱吸引着。下午茶套餐比正价便宜了一大截，而且还有小吃和饮料送。刚好正是这个时段，就进去试试。午饭时间刚刚过去，客人不多。被安排坐在一个单丁的面壁的位子，调味科和饮用水都齐全。看了他们的下午茶套餐，就果断的点了一个。先上炸鸡，3小件再附一小块柠檬。咬下去是外脆内嫩，肉汁还保留着，很不错的小吃。主角的拉面上场了，两块厚叉烧鸡件，口味带点甜。原以为白汤是清甜的，实际上有点咸，比预期差。至于面质，感觉有点软私粘，下次要说清楚说面不要烫太久。整个餐78元，当然比茶餐厅贵，但与正餐相比，再整体衡量一下吃了的东西，算是便宜的。

放長假外出食晚餐，揀左好耐冇食的拉麵，係最愛雞白湯拉麵，有雞湯鮮甜，唔似平時豬骨湯咁膩。雞叉燒味玉雞白湯拉麵熱辣辣好香，雞白湯濃而不膩，係咸左少少，但幾鮮甜。成碗都係雞，除左湯底係雞湯，連叉燒都係雞肉。雞叉燒好正，有2大塊，厚切啖啖肉，肉質嫩又彈，雞皮唔肥又薄，仲好香。味玉糖心做得好好，流心又入味，味道相當濃郁，仲多份酒香味，好正。麵質好咬有麵粉香，掛到湯汁好吸味，份量亦足夠。炸雞 $15有2件，不過口感麻麻地，雖然炸得脆身，但雞肉乾左d，同埋肉質老哂。

喺尖沙咀番工都番左一段時間，成日見到舖外咁多人排都總係好想試下。今日早左放工，人龍唔算多，兩個人排左十分鐘就入得喇！叫左個炙燒豚肉味玉拉麵，味道唔差嘅，湯底算係幾有豚肉味，但略嫌油左少少（大家落單一定要圈少油❗️），同埋試過咁多間拉麵，比起其他舖黎講，個湯底有進步空間可以再濃啲。至於塊叉燒，真係比足料呀！又大又厚，調味唔會太咸，可以話係呢個拉麵嘅靈魂🤣要搵野彈嘅話，我會覺得隻蛋唔得。拉麵蛋黎講有輕微過熟，早半分鐘拎上黎應該會好啲。唔係淨係得我隻蛋係咁，我朋友個碗都一樣，對蛋有要求嘅就唔好咁高期望喇。

上星期去尖沙咀renew passport，野都未食就出左門口，搞完都1點好肚餓😪 見到The One對面有間拉麵店排哂長籠，行埋去八卦下，原來係廣島過江龍🍲 為食既我唔想排隊但又想食😆 所以決定都係買外賣返去慢慢嘆~·🍲炙燒豚肉味玉拉麵 HKD$88🥟羽根燒餃子 HKD$35🥃元祖彈珠汽水 HKD$20·返到去打開個外賣仲熱嘅♨️ 拉麵同湯係分開裝，值得一讚👍 一打開已經聞到好濃郁既豬骨湯味🤤 原來佢既豬骨湯有「最強濃厚豚骨No. 1湯底」之稱，用豬脛骨、豬背骨、雞骨同多種蔬菜熬煮超過10個鐘🤩 唔怪得之咁香咁濃啦😋 拉麵亦係自家製，喜歡軟麵既幼軟度👍 而配料既豚肉都唔錯，帶點燒烤過既焦香味，豚肉既油脂入口即化，好幸福既感覺😍·另外仲叫左客 🥟羽根燒餃子，餃子皮好薄，仲有金黃色既脆底，推薦呢~

上星期六，見好耐冇食過拉麵就去左尖沙咀霸嗎拉麵買外賣反去食。炙燒豚肉味玉拉麵：麵揀了適中，湯底選了少油。餐廳外賣盒貼心地將湯底和拉麵分開，吾怕拉麵吸到發脹。拉麵份量幾多，麵質彈牙又吾易斷；再配合濃郁湯底令整體味道好配合啊！另外，炙燒豚肉吾算太肥，而口感林林地，豚肉香味十足；味玉可有流心效果，好滑口！！筍好爽口。另加了味玉$10，粟米粒$10：由於味玉實在太好味，所以自己忍吾住叫多隻！至於粟米粒份量真系極多，味道仲甜甜地；加入在拉麵中，可增加口感之餘，又多份甜甜地既味道，大家不仿一試！羽根燒餃子：由於外賣反屋企食，所以有倒汗水令燒餃子林左。但餃子入面好足料，包滿左鮮豬肉同埋菜；整體味道鮮味突出。

喺附近返工所以見到有TEA SET 所以就嚟試吓啦，我今次食咗雞叉燒雞白湯拉麵配唐揚炸雞，餐嚟到我問職員拎沙律醬，職員話下午茶餐唔會配任何醬料，要正價食嘅先會比，我心諗唔係啊嘛......乾爭爭夾硬食🌚🌚🌚 不過拉麵個湯底雖然話清湯但我都覺得幾夠味，但係啲雞好老囉鞋颯颯，可一不可再，以後唔會再嚟食👎🏻👎🏻👎🏻簡直就係俾錢買難受，而且呢個價錢食個lunch唔算話平，但係佢無服務無質素就認真麻麻

呢日去左馬莎買零食，之後就過對面霸嗎拉麵，順便買埋外賣同老公食tea。天氣真係好熱，多謝侍應姐姐見我拎住一袋二袋野，所以比我在近門口張抬點餐及等外賣望下對面抬，見到d拉麵好正咁，咁就好隨意點左兩個拉麵，點完之後，大約15分鐘就取得，包裝已經取勝少少，好靚囉，呢個都係一個好好既宣方法拿拿聲返到屋企，打開兩個拉麵係好香，仲熱辣辣雞叉燒味玉雞白湯拉麵 :雞腿肉圍圈，令到外觀和豚肉叉燒類似，雞肉保持肉汁，肉質軟腍滑嫩，配上雞骨湯底夠濃郁，而味玉係半熟流心狀態，亦都入味，拉麵份量岩岩好。炙燒豚肉味玉麵拉麵 :一件好厚既炙燒豚肉，以為白色的部分是肥豬膏，原來都係肉來的，肉質軟而入味，一入口，沒有肥膩感，豚肉味很濃郁。

以前次次行過霸嗎見倒長長嘅人龍，就算幾好食都冇心機排，見而家唔洗點排隊就黎試下，外賣仲可以有八五折添！霸嗎嘅拉麵主要分豚骨湯底同雞白湯底，不過見佢新出左個期間限定嘅檸檬豚肉拉麵，我都幾鍾意食酸野，所以今次就試哩個啦！霸嗎除左拉麵，都有丼飯、小食、甜品同飲品提供。外賣拉麵有送埋發熱包同說明書教點用，打開黑色拉麵外盒，裡面分左上下兩格，上格係拉麵，下格係用黎放發熱包，不過記住要拆開發熱包包裝先好放入去，之後加水去到指定嘅注水線，發熱包就會發熱。檸檬酸辣豚肉拉麵($93) - 湯底同拉麵係分開，食之前先將湯底倒入麵裡面，再閂埋蓋等幾分鐘，之後發熱包開始發熱，會見倒蓋上面個氣孔不斷出煙就即係食得。發熱包嘅熱力真係好犀利，熱度同堂食冇分別，都係熱辣辣嘅。酸辣湯底冇得揀辣度，大約係中辣程度，我自己食得辣就覺得幾刺激惹味，如果本身只係食開小辣嘅朋友可以會食得較辛苦。可能因為係辣湯底，所以有少少搶左個檸檬酸味，如果食倒酸味，建議點冇辣或者免費追加多三塊檸檬。麵質我揀左偏硬，硬度都啱啱好，叉燒好大塊，差唔多有成隻手掌咁大，燒到濃濃地好正，旁邊仲有好多木耳絲，好爽口。辣汁唐揚炸雞($38) - 炸雞有五大

今日一個人在尖沙咀買東西回家，途經這個霸嗎拉麵店，突然想起之前和朋友來過這裡吃過拉麵都頗喜歡，心想自己還未吃過午飯，但因為疫情關係，食店都要限兩人一枱，還要有適當距離，所以變相店裡的座位減少，如想堂食都要排一排隊了，一個人我就不打算排隊了，見這裡的拉麵也可以外賣，倒不如外賣回家吃，一來又不用同人爭位，二來又不用大熱天排隊，回家開著冷氣吃還舒服吧！我點了一個特盛炙燒豚肉拉麵和一客羽根燒餃子回家，他們說已將湯和麵隔開，還有餃子的汁也齊全，真的很細心。回到家，看見他們好整齊咁分開晒所以食物，不會雜亂，好在回到家後湯都還算熱，我再用微波爐稍為叮熱一點湯已經變回熱騰騰的湯，再放入豚肉和拉麵，就變回一碗熱騰騰的拉麵，份量和堂食一樣的多，特盛炙燒豚肉拉麵裡面有四件炙燒豚肉，份量很大，每一件都很厚身，吃上來啖啖肉，他們的烹調令到那麼厚的豚肉吃上去也不會覺得肥膩，拉麵我選了適中的硬度，麵質有點煙靱，不會覺得佢太腍，加上豬骨湯一起吃，非常美味。四件豚肉非常豐富，適合一些高大男士選擇。羽根燒餃子，樣子不錯，雖然回到家後，沒有在堂食的那麼脆，但仍然很香，加上餃子汁，吃上去都非常可口，裡面的饀料很豐富，一客六件

今日和同事要去尖沙咀做嘢，之後又要趕返公司，冇時間食午餐，咁岩經過霸嗎拉麵，同事提議買外賣回公司食。下單後都好快做好有得拎。外賣包裝精美。炙燒豚肉味玉拉麵：拉麵和湯分開包裝，附有發熱包和說明書。依照説明書指示將湯倒入麵，將發熱包加水，放埋一齊等10分鐘，如果想d麵軟身啲就等12分鐘。膠碗面的氣孔會有煙噴出，並聞到陣陣香味。12分鐘後打開蓋，一碗熱騰騰的炙燒豚肉拉麵就食得，豚肉肥瘦適中又入味，經過炙燒特別香噴噴，味玉蛋黃流心滑溜，味筍爽口，拉麵掛上用豚骨、雞肉和多種蔬菜熬制10小時的濃湯，口感彈牙，味道鮮美！與堂上食的一樣好味！同事喜歡食飯，要了石鍋豚肉飯，份量都好多，豚肉切粒，有口感又入味，飯是用珍珠米煮，米質粘性強，米粒短圓，加入蔥花和醬汁特別惹味！

行完街，特別黎這間拉麵鋪食。裝修好有日本風可能疫情好轉左，個個都放心出黎，又開始要排長龍了。唯有外賣番屋企食，唔洗同其他人逼啦。睇下餐牌先， 分雞义燒同豚肉。外賣紙袋好靚濃厚豬骨豚肉玉子拉麵手湯底同拉麵會分開上，好貼心，拉麵保持彈性， 煙韌。湯底濃郁， 豚肉味重。豚肉很厚身，外層燒焦，肉半肥瘦，有口感。唐揚炸雞有5大粒，全部啖啖肉。薄薄一層炸粉，包住肉汁鮮嫩嘅炸雞。 再加少少檸檬汁，好味。羽根燒餃子同樣都係5粒，肉汁豐富。算大隻又新鮮。

Everytime i walked past Ramen Bari-Uma, it was always crowded and seeing that the crowd is considered reasonable today and running a promotion for take-away now, I decided to join in the crowd. Ramen Bari-Uma was located at Kimberly Road, few minutes walk from Tsim Sha Tsui MTR.They are having a promotion for take-away, with 15% off. They offered pork and chicken ramen, with pork and spicy soup broth. Besides that, they served gyoza, fried chicken cubes, drinks and desserts etc. Gyoza - It was p

難得放假梗係要shopping, 行行下見肚餓, 經過霸嗎拉麵本想入去食d野醫下肚餓, 但門外排住長長人龍, 門外見到外賣有優惠, 倒不如直接買外賣返屋企食!通常外賣湯麵一係擔心麵會索哂湯, 一係個麵凍哂, 話哂食拉麵熱辣辣先正!店員推介可以+$8換取發熱包, 外賣返到屋企依照說明, 都可以食到熱辣辣拉麵, 一於試試!外賣拉麵包裝絕對細心, 湯包分開上, 拉麵碗分上下兩層, 上層為拉麵同配料, 注入湯底, 再依據說明書, 將發熱包放係下層加入清水, 放回上層再蓋上, 經過10mins發熱, 開蓋食得!果然熱辣辣至出煙, 散發出香噴噴, 食落無論味道同溫度, 有如堂食一樣!【辛辣灸燒豚肉味肉拉麵】HK$93湯底辣辣地惹味開胃, 唐心蛋超軟滑, 中心位仲係流心黃; 灸燒豚肉肥瘦比例平均, 質地好林; 配上自選軟硬度既拉麵, 勁正!!額外追加左兩款配料, 加入拉麵中一齊食, 口感、味道更有層次粟米粒 $10味筍 $10【沙拉唐揚炸雞】HK$38雖然外賣返到屋企, 炸皮已經冇咁脆, 但內裡肉質還是嫩滑juicy, 沾左少少沙律醬, 味道更加提升。