霸嗎拉麵 (金巴利道)

营业中

休息中

霸嗎拉麵都黎左香港幾年，但一次都未食過，今晚見佢唔使點排隊，一於試你。叫左兩碗最基本款既豚肉拉麵同一碟炸雞。霸嗎拉麵既種類麵係博多拉麵，麵身邊硬，湯底超濃豬骨味等。可能連鎖店既關係，拉麵質素有標準，成碗麵冇咩特色，略為普通。

喜歡造勢的拉麵店之前飲完野見到呢一間係人都讚嘅拉麵店就去試吓啦，見到入面都有座位，咪直接行入去囉～點知店員一野截住咗～話要喺門口排隊，咁我哋就好自然問下點解啦，因為入面都有幾多座位下～店員話佢哋做唔切所以要喺門口等～我哋係尊重嘅，但唯一唔明白嘅就係點解唔可以坐住等😂既然都有位點解唔可以坐下呢？不過唔緊要，啲人講到咁好食你排下隊囉又又唔係唔企得🤪跟住叫咗碗拉麵同餃子食下，個湯有啲淡～我下次應該寧願食一間唔使等佢做唔切但有位嘅鋪頭

尖沙咀真係有好多好食嘅拉麵舖~ 平時夜晚霸嗎拉麵都會有好多人排隊今日2點幾經過見唔洗排隊即刻決定同朋友一齊試下~灸燒豚肉味玉拉麵 ($88)一入去去舖頭已經好香拉麵湯底味碗麵嚟到就見到大大舊肥美嘅叉燒完全可以滿足食肉獸!!!!!平時食拉麵都係得薄薄一塊叉燒架麻~個湯底一睇就知係屬於濃厚口感個種飲一啖 果真好夠味 好rich 好想飲晒佢!!!!!面條軟硬度都岩岩好加埋隻畫龍點睛嘅流心蛋真係好滿足嘅一餐

今次點了辛辣炙燒豚肉味玉拉麵同雞叉燒辛辣雞白湯拉麵。兩碗麵選擇了適中的軟硬度，而辣度就簡左中辣。等左一陣，店員就將麵送到，就咁睇顏色以為好辣，試第一啖湯既時候，辣度岩岩好，d麵都唔會浸到好淋，煙韌彈牙，食落岩岩好。而炙燒豚肉同雞叉燒肥瘦均勻，份量亦唔可以睇少，再吸收濃郁香口既香辣湯底，就會明白點解會咁多人排隊嫁啦！我同朋友覺得唯一覺得美中不足，我地無簡到少油，食到尾聲時，覺得好油膩。建議如果唔中意太油既，可以選擇少油。飲品方面我地叫左靜岡蜜瓜梳打同信洲蘋果梳打，梳打唔算太甜，而且又唔係好假既果汁味，好好飲，值得推介餐牌上既日本直送飲品。因為剛剛碗麵都比較油膩，配上梳打可以中和番，感覺就好似釋放晒一日嘅壓力，好正呀！

又去到尖沙咀一間拉麵店，門口望落好特別！入到去都ok，至於食物方面都好好！拉麵非常好有口感！軟硬適中，真係唔錯！我再次去到，我叫左碗紫菜豚肉拉麵，味道都好正，非常一流，豚肉鬆軟好有口感！令人食到停唔到口！😋😋😋！ 至於其它個碗雞肉义燒拉麵，又唔係好棘、味道一流！又三種唔同的味道、真係好正！雞肉嫩滑、又有口感，值得一試😋😋😋! 價錢為:➡️醬燜雞叉燒辛辣雞湯拉麵 HKD$88➡️豬骨豚肉紫菜玉子拉麵 HKD$98

同同事趕project 到11、12點，仲未食晚飯，行左一兩條街，結果發現仲有拉麵食？！多數食親呢間拉麵，都係肚餓到傻，成晚未食過野嘅setting，所以講真，食咩都好味架啦！個人覺得佢果隻蛋好味，麵底份量岩岩好，湯飲完唔口渴。個人唔特別鐘意食佢個叉燒，有時食到嘅係滑滑嘅，有時係好乾好瘦，要講少少運氣。間鋪即使係十一二點去，有時去都會有少量人龍，最耐試過要等15-20分鐘。而且仲有機會會被安排去坐巴枱位，如果朋友去食，一行三四人的話，可應會唔方便。

這拉麵店靜靜已經食過幾次 在附近下車後看到這家而且是剛剛開門不用等位 所以決定進去食個午餐😍這分店單人坐位比較多 一個人食東西不用望到對面坐下來安頓之後 店員附上兩杯水和餐牌以便我們選擇就算自己食也可以haha 雖然我是與家人來食拉麵😇喜歡這家拉麵店是因為可以選擇少油 這個很重要的🤫少油感覺健康一點 辣度和蔥花也可因應喜好而選擇❤·醬燜雞叉燒辛辣雞湯拉麵 HKD$88 這碗拉麵選擇少辣少油走蔥花走荀版本 不想浪費食物自己不吃的食物就不要 我們不可以浪費食物是對的😊用做叉燒的方式做雞肉 肉質比較滑身不會太韌的口感而拉麵就選擇了較硬版本 因為我喜歡食有咬感的拉麵湯底味道很香濃 飲了幾口來品嚐 味道不辣不太油呢~·豬骨豚肉紫菜玉子拉麵 HKD$98 有幾片紫菜拌碟感覺很棒😍 拍到松鼠妹妹想食的模樣這碗拉麵就選擇了少辣少油 拉麵的麵質是適中質感🤤豚肉裡面帶點肥肉 食起上來比較腍身帶點油份在口腔感覺挻香呢🤭 湯底方面豬骨味挻香帶微辣味挻惹味~食物素質不錯所以會再去吃 拉麵份量不過不失可接受而且這裡是沒有加一服務費 感覺會便宜一點挻不錯haha

點了兩碗拉麵，一碗豬骨湯叉燒拉麵，日本雞湯雞肉拉麵，湯底較油不算濃味，叉燒一件過較肥和油膩，雞肉很乾，麵底和配料份量較少，女生吃也不飽，唯一最滿意是糖心蛋是流心，試一次就夠了。

自問唔係一個識得欣賞食拉麵嘅食家😂😂不過天氣咁凍🥶🥶🥶🥶就自然想食一碗拉麵暖下身啦！🍜🥵人齊入座 如果未人齊佢會比張薄單紙你揀住野食先 👍🏼入到去等多10分鐘就有得食lu⏱🕙🕙 有提供飲用食水 仲有2塊檸檬係入面浸住🍋🍋因為唔係啲識得欣賞拉麵嘅人 所以我覺得麻麻地不過個湯係幾好飲只係咸左dddddddd咁🥵🥵拉麵我就覺得唔係咁彈牙咁樣🤔🤔而且食得耐有啲寡嘅感覺炸雞好食！值得一試🍗🍗

霸嗎拉麵近期推出了期間限定担々麵(擔擔麵)，售價是$88，不設加一服務費。我在試霸嗎這個担々麵之前，我去過幾間專賣擔擔麵的店舖看過試過。只看過餐牌價錢的有XX婆婆($55)以及堅X號上海XX皇($48)另外入内吃過擔擔麵的有上XX姥($50)及鼎X豐($55)四間專賣擔擔麵的店舖，擔擔麵的平均售價都只是四五十元，但霸嗎的担々麵是賣$88，為何兩者相差那麼遠呢?細看一下，霸嗎的担々麵只是多了條菜，但你再試吃一下就知有很大的分別。首先是湯汁，霸嗎的日式担々麵色澤呈橙紅，質地濃稠，先前所講的中式擔擔麵湯汁較為呈水雲狀，未攪拌顏色有幾種。由於霸嗎加入了豚骨湯，材料多了自然濃厚味感複雜。味道方面辣度各有不同，有店舖是可選辣還是不辣，但霸嗎是只得一款，辣度我認為是中辣，口腔滿佈辣感，但這種辣度只影響口腔，舌頭和喉嚨都沒有被波及，相當奇特有趣，而口渴度只喝了一杯水便可以。擔擔麵的另一特色是花生香，霸嗎的担担麵亦有頗濃烈的花生香，花生粒偶然在湯汁中發現。至於麵條霸嗎是自家手打麵，而並非機製的上海麵條，有麵香掛湯力亦高，與濃稠的湯汁互相輝映。霸嗎的担担麵我認為是奇異的，就正如麻婆豆腐在日本吃的也和香港

今日去尖沙咀同朋友行街Shopping，之後朋友話好肚餓，就帶我去食好野喎。呢間舖頭開係一條斜路個到，就咁睇，我真係以為舖頭裡面都係斜既枱及櫈😂因為好多人排隊，我地大約等咗30分鐘先入到去坐。入到去職員問我地幾多位，之後就帶我地去坐吧台位，一座下，朋友就攞咗張點餐紙出黎，店舖好貼心，有中英文點餐紙，仲話我知一定要食邊一款拉麵，包我食完就回感到食過返尋味。因朋友介紹下，我地兩個都選擇點選炙燒豚肉海苔味拉麵 $98 ，麵度我選擇軟麵，少油走筍，但朋友話佢鍾意食筍，就叫我唔好走筍，一陣比埋佢食喎🤭，朋友選擇硬麵少油。豚肉厚身多汁，豚肉上面有一大點辣醬。有原隻流心溏心蛋，勁好食。仲三塊脆口紫菜。香濃既湯底，我實在忍唔到口飲咗一半湯，而朋友將全碗湯都飲清哂飲到見碗底，可想而之個拉麵真係好好味。真係令我食過返尋味。

服務態度實在太差，座位安排效率低，職員態度惡劣，其中一名女店員在我先生離座為仔仔添食的時候，居然用腳踢開我先生的凳子，為佢自己開路。味道就係日本街頭拉麵質素，唔會來第二次

依問舖頭凹左係地下，好得意。開左咁耐其實我都未試過，聖誕節過黎食一食。店內自設手打製麵所，整出黎既麵的確好食過跟廠拎麵既拉麵店。野菜餃子好似係酒樓食既韮菜餃，炸得好脆，入面嘅蔬菜都好多。叫左個辣豚肉拉麵，個湯夠辣夠濃，89蚊好平，下次再嚟試吓其他口味，要不斷飲奶茶解辣。餐廳會見到師傅係你面前煮麵，感覺幾好，不過調味架好似好耐無抹，鋪晒塵，我覺得應該要每日抹一次，咁樣唔夠乾淨。下次黎食既目標係會試下白雞湯拉麵。

我們有時經過這𥚃每次都很多人排隊，非常人氣店～我們大概排了15分鐘都可以入座了！我們點了炙燒豚肉味玉拉麵🍜、雞叉燒味玉雞白湯拉麵🍜、羽根燒餃子🥟我比較喜歡燒豚肉的肉,而兩款湯底也不錯，各有特色！而且店內也很有日式feel👍🏻

琴晚放工，去了尖沙咀接朋友放工；之後就去了附近的霸嗎拉麵食拉麵了。好耐冇食，吾知味道有冇變呢？羽根燒餃子：餃子連脆口既底一同上台，令餃子口感脆口。餃子入面是豬肉同菜，食落好香口，皮薄不油膩。再點埋餐廳的餃子汁味道更佳啊！灸燒豚肉海苔味玉拉麵：拉麵可分為軟中硬三類，我選了適中－麵質彈牙，口感很滑，但同時吾會一夾就斷開。湯底帶濃郁的豬骨味，味道咸咸地。灸燒豚肉片軟度剛好，不會太肥和太油。海苔共有三大塊，吸入湯底更入味。個人覺得味玉絕不能少的，一咬開入面既蛋汁爆出，極之正啊！另外，本人額外加了－粟米和味玉；價錢不算貴。粟米份量好多，味道又夠甜。味玉因為太正，所以叫多隻，哈！日本紅茶雪糕：雪糕味道好甜，帶有啖啖既紅茶味。