霸嗎拉麵 (金巴利道)

营业中

休息中

是日想輕食輕食，選了日本拉麵，店外人龍長期可見，店內座無虛席枱枱爆滿，椅桌以木系為主調，很有日本風之感。期間限定款有檸檬豚肉拉麵，味道果然有驚喜，廚師解釋叉燒採用了上等豚肉，以低溫慢火浸煮超過十小時，再以明火炙燒增添脂香，很多工夫啊！豚肉大片又厚身，肉質相對滑嫩多肉，湯底帶微微檸檬香，少少酸但其實很清新開胃，有新意👍🏻有需要的更可追加多3片檸檬，配料還有西蘭花、櫻花蝦及黑木耳。油脂炙燒豚肉海苔味玉拉麵賣相大方，三大片紫菜山氣勢磅礴，湯底相對濃厚入味，麵質彈牙軟硬度適中，溫泉蛋有少許溜心，質感順滑易入味，豚肉同樣厚切油脂重，一啖一啖的把整碗湯都喝掉了。

老實講 佢唧主食選擇係少嘅但整得好味嘅話 一樣都夠晒數啦依間舖頭我以前成日經過 差唔多次次都見到有條人龍 心諗：「係咪咁好味呀？」結果，係 真-心-好-味-！排隊都值！雖然服務員態度有d奇怪同好急，但實在係好味都可以忽略依個因素不過一坐落去嘅感覺係麻麻嘅唔好誤會 餐廳好有日本拉麵店嘅feel係餐具同水杯應該係客人坐底前會準備好，但可能因為太多人啩，張枱得一杯水一對筷子((我地2個人但一食碗麵好感bahbah聲上晒尼叫左一碗炙燒叉燒味玉拉麵同一碗一樣嘅再多隻蛋嗰款((唔記得咗個名🙈湯底濃郁但係唔係濃到糊口嗰種 所以食麵嘅時候好掛湯 而且並非死咸/味精味 係飲倒層次嘅拉麵湯底麵有得揀軟硬度 我地揀左適中，真係啱啱好蛋1.夠味，2.的確係溏心有得揀走/少蔥/荀/油之類 幾貼心叉燒勁啦 係厚叉燒 但處理得好入味好腍 完全冇chewy嘅情況出現 而且肥膏位入口一d膩感都冇 成塊叉燒接近入口即溶成碗麵好味到一個點係會回頭食同食上癮嘅程度！🍜❤️非常推薦！

出了一天街，滋味行了一整日，也是下雨，肚子又不太餓，走進拉麵店去晚餐。舖面幾吸睛，橙色大凸字，今晚終於試。位置坐得舒服，桌和桌之間不擁擠。原來這兒是得獎熱店呢，我們各自點了主食，去日式面店嘛，是一定要吃拉麵的。濃厚醬油豚角拉麵麵身有彈性，整碗面充滿豬骨濃香，我連湯也不放過，一口氣連喝了多口，滿足。豚角粒粒大件，肉有油花似回鍋肉，幾乎入口半化，荀片脆而無渣，配蔥花不俗。檸檬豚肉拉面大大片檸檬🍋加豚肉配搭夠新穎，原來又幾夾。檸汁清新，令整碗麵畫龍點睛。要了適中的面條，口感不太硬，更易入口。拉麵🍜湯甜，充斥著豚骨的濃縮味。再嚐一口主菜，叉燒厚切肥美，一夾即分開，可見煮得相當軟糯，毫無肉膻。配菜木耳櫻花蝦西蘭花都爽口，賣相漂亮，散發香酸，開胃美味，酸得有驚喜。兩款前者較濃，後者輕盈多變化。元祖彈珠汽水是帶兒時回憶的飲料，頓變同樣懷舊，在天氣悶熱下，有氣特別順喉，冰涼解渴。食後感：今天去人不算超多，事關愈夜愈大雨，不用等就可以直接內進。朋友請客，看見沒有加一。

今日同朋友食左一個好好食嘅拉麵！叫咗一個隻燒豚肉味肉拉麵！！$88，呢個隻燒豚肉好香口，而且非常厚切！食落去仲係好香嘅豚肉味！至於個湯底好香！係一碗好高質嘅拉麵！

🌸非專業食評🌸我覺得一碗好食嘅拉麵最重要嘅係以下4點：（排名不分先後）湯底/麵身/叉燒/蛋以下呢間，就係喺我心中覺得係香港No.1好食而價錢合理，CP值高嘅拉麵 🍜#霸嗎拉麵 (金巴利道) (尖沙咀)📍 尖沙咀金巴利道26號地舖#拉麵#香港最好食嘅拉麵🍜 炙燒豚肉味玉拉麵｜$93🥟 沙拉野菜炸餃子｜FREE (用coupon 換）免加一湯底：⭐️⭐️⭐️⭐️好濃郁，都重口味嘅，但真心好好飲麵身：⭐️⭐️⭐️⭐️⭐️我鐘意簡「適中」，好幼細，好有蛋漿味，好香～叉燒：⭐️⭐️⭐️⭐️⭐️好大塊，好嫩滑厚身，好入味，每一啖都係幸福感！蛋：⭐️⭐️⭐️⭐️⭐️完美嘅溏心蛋！！溏心蛋係拉麵嘅靈魂！！一定要溏心！！每一次都不會失望，未開foodie 前，已經光顧了廿次以上，咁多年～每一次 都keep 到呢個水準可能個小缺點係款式唔多（不過佢經常會有期間限定新品🤔🤔）同埋算係偏濃味～～但我真心覺得 香港黎講 佢真係好正🤤🤤同埋仲有其他小食～煎餃/炸雞 都係我常嗌嘅野～又有酒飲～真係好減壓～～記得要join 會員～～成日有coupon 送～～等候時間：1個人去都要最少等15分鐘 成日好多人排隊同埋要人齊先可以入～花花推薦指數（5隻🌸最高）

上次唔記得影，今次係三個月內第二次去係尖沙咀黎講我覺得易揾，性價比都算高既一間拉麵其實每次經過都要排隊，今次都唔例外，不過都排得好快，職員亦好友善有禮拉麵一上枱個賣相都幾吸引，令人即刻起筷(當然我嗰日都好肚餓)😂佢有得選麵既硬度，湯底油膩度，走唔走葱嗰啲，有少少似 “一__”嗰間，但呢間可以同朋友傾計，唔使單獨坐😂湯底同拉麵都幾好食，唔會好鹹唔會好重口味，食完都唔太口渴豚肉雖然未去到入口即融，但都唔un, 易咬，最開心蛋係溏心值得再去👍🏻

尖沙咀這間霸嗎拉麵長期排大隊，難得時間尚早，條人龍比較短，便即興來食碗拉麵吧。這間霸嗎拉麵是來自日本廣島拉麵連鎖店，主打秘製濃厚豚骨湯底。餐牌除了拉麵，還有數款石燒飯及小食提供。點了濃厚醬油豚角拉麵($85)，湯底以豬骨，雞骨及多種蔬菜熬製而成，再配上濃厚醬油，味道香濃。他們拉麵是自家製，粗幼適中，麵質順滑，更易掛湯。口感Q彈而有嚼勁。豚角肉軟淋而不油膩。另加$10 點了一隻流心蛋。燒汁唐揚炸雞，$38/5pcs，外層炸漿甘香鬆脆，雞肉嫩滑多汁，加入燒汁就更惹味。辛口燒餃子，$38/5pcs，是羽根餃子，煎起上來會有一層薄薄的香脆粉皮。皮薄身煙韌，內邊是肉餡。配上香蔥及辣醬，好味。最後配上一罐沖繩菠蘿酒，十分滿足。

每次途經都會見到排隊等入座，今晚可能時間尚早不用排隊，我們就入去試試。👏地方不算大勝在座位都算舒服，冷氣充足。🥢香蒜辣野菜豚肉拉麵 $98見佢期間限定就試試佢，炙熱豚肉件豚肉都非常肥膩勝在味道不錯，湯頭是陣陣香濃豬骨湯，拉麵麵條可按個人喜好選擇軟、中、硬，我喜歡硬因為有嚼勁，麵條倒也不錯掛汁滋味一絕，芽菜、韮菜同炸至金黃香蒜有提味作用，所以這碗香蒜辣野菜豚肉拉麵都幾重味。🤣🤣🥢炙燒豚肉海苔味玉拉麵 $98幸尼的我偷了半邊味玉，蛋軟醬油味香濃，不過都係豚肉太肥膩了！

是日想食拉麵就黎左呢間呀印象中食過都可以呀點左~辛辣灸燒豚肉拉麵辣既程度幾好正常少辣幾惹味又唔會過辣湯底超濃呀可能叫左辛辣味就無好豚骨味叫左軟麵感覺都OK不過可以再軟DD個炙燒豚肉有肥肉位可以接受~朋友點的灸燒豚肉味玉拉麵飲左啖湯勁豚骨味又係勁濃個湯~再點左份野菜其實係芽菜好大份呀我以為係一小份加入碗點知佢一碟另上應該灑左D鹽0係菜面食到少少咸味又唔會OVER鍾意芽菜既朋友可以試下呀

霸嗎拉麵🍜特盛灸燒豚肉拉麵真係超哂標啦⚠️豚肉大大塊加埋小小燒焦左既味道食落焦香非常！肥肉一入口化開～個湯底呢！好濃！濃到化唔開丫🤤起哂膠咁！掛湯一流！麵質又彈牙！又一次食埋先減啦🙈

星期五晚八點來到，門外仍然大排長龍，等了大約二十分鐘，翻枱速度夠快，不太難等。香蒜辣野菜炙燒豚肉拉麵 | $98見到期間限定的拉麵有很多蒜片，便點了一個試試看。拉麵上有香蔥、蒜蓉醬、蒜片等。蒜蓉醬味道濃郁帶點酸味，十分開胃，香蔥及蒜片香口。拉麵湯底有點辣，吃到有少少出汗。豚肉燒厚切，煮得腍帶些油脂，入口即溶。濃厚豬骨豚肉拉麵 | $83湯底的豬骨湯濃郁，帶點膠質，鹹味適中。兩碗麵分享來食，試到不同口味之餘又不會覺得膩。沙拉唐揚炸雞 | $18可以加配兩件唐揚炸雞，一人一件剛剛好。炸雞有三款醬料可以選擇，炸雞面頭加了醬汁，不會太熱氣。店員送餐有禮，令我有在日本餐廳的感覺。

霸嗎拉麵是我最鐘意的拉麵店頭三位！如果到尖沙咀行街，都會經常來吃，繁忙時段門口基本都有人排隊，不過通常好快10分鐘左右就會有位，因為轉枱都轉幾快，而且吃好東西，要排一陣都可以吧。😆😋 濃厚豬骨豚肉拉麵 $83濃濃的豬骨湯底，拉麵是自家製，十分彈牙！除了湯底外，最回味的是這裡的秘製叉燒！叉燒幾厚，吃上來有點像腩肉香口，而且充滿脂香！餐牌上介紹原來是用上等豚肉低溫慢火浸煮超過10小時，再用明火炙燒增添脂香！👍🏻👍🏻 整碗麵配上少少葱花和一點辣醬，味道層次豐富！😋😋 期間限定- 香蒜辣野菜炙燒豚肉拉麵 $98朋友叫了這個期間限定，分享試了一小碗😆 豬骨湯底配上香蔥、蒜蓉醬、炸蒜蓉片、芽菜等，這個組合充滿新鮮感，香蔥、炸蒜蓉片濃味，而芽菜就幾爽脆，但又好夾！沙拉唐揚炸雞 +$18晚市點兩碗拉麵，可以用$18加一份炸雞。雞件幾大件，炸粉加上有少許椒鹽粉，幾香口！另外，雖然拉麵店轉枱轉得幾快，不過侍應態度都好好，不會追人還枱，而且冷氣足夠，座位都舒服。😁👍🏻

係附近咁多間拉麵店之中揀咗呢間，見佢都幾多客炙燒豚肉拉麵叉燒好肥美，湯底都幾濃同杰唐揚炸雞落單唔夠1分鐘就比我地，發現啲雞炸到勁黑同燶😑，叫佢哋玩個碟最後等咗20分鐘先上，呢碟正常好多。附近咁多拉麵店，真係要質素好先會返轉頭，下次可以試吓第二間。

尖沙咀霸嗎拉麵永遠都係受歡迎，每次黎食都係要排隊，證明食物水準高啦！今日因為聽同事講話有新出品香蒜辣野菜豬骨湯拉麵，所以同老公黎試吓！香蒜辣野菜豬骨湯拉麵：一上枱已經聞到陣陣蒜香味，最吸睛的是像小山高的配料，一片片炸蒜、木耳絲、芽菜和韭菜。全部都係爽口菜，炸蒜更又香又脆。濃郁的豬骨湯底也充滿蒜香味，每條軟麵條掛滿濃湯，辣辣哋好惹味，還有一片炙燒過的厚切义燒，燶邊半肥瘦，入口鬆軟，同時不失肉質的咬口。炙燒豚肉味肉拉麵：原味嘅豬骨湯底配軟拉麵，真的一食就停唔到口，除了鬆軟的义燒，我最鍾意玉子，流心的玉子，食落蛋白有甜味，蛋黃滑溜甘香。

今日忽然之間拉麵癮大起，近近地去左尖沙咀搵麵食，經過the one。對面，見到金馬倫道路邊一間超大門口，面略有人龍既拉麵店。又因為唔算太餓所以等等位，等得唔算耐15分鐘左右有位，叫左個（雞叉燒味玉雞白湯拉麵）加左支久遺既波子氣水，環境舒適闊落，每兩位中間有一渣檸檬水自助形式，等餐時間合理，一坐底先拎支波子氣水飲住先，10分鐘唔夠又有野食上台，眼見賣相一般正常，湯底絕對唔算濃，口感不厚不油膩，但又唔會太重味精味，但重點一定唔會係個湯，中平。雞略微覺得太厚，情願佢薄啲，一片片會斯文啲，燒香滑，肥瘦適中，木耳絲等配料都正常，但炸蒜有啲痴牙。整體一般般，可試唔算伏，好食過味X