霸嗎拉麵 (金巴利道)

营业中

休息中

間唔中周圍去唔同拉麵店食下。平時行過呢間都會見到門口大排長龍，今日經過難得唔洗排隊，即刻入去試下先！叫左個招牌的豬骨湯底拉麵，湯底都幾濃郁，豬骨味重。比較驚艷嘅係塊豚肉叉燒，第一下望落去好似好多肥肉好油膩，食落先知肥瘦肉分佈非常均勻，肥肉嘅部份個底係瘦肉，入口即溶，但又有瘦肉的口感，唔會好似食咗一大舊脂肪咁。朋友叫左辛辣湯底，對於平時食開譚仔中辣的本人都覺得有啲辣，真係食得辣嘅先好嗌。比起辛辣湯底我覺得原味更加好食，個湯底有少少辣過頭，掩蓋咗佢本身香濃嘅豬骨味。但總括嚟講我覺得都唔錯，尤其是佢個豚肉叉燒，暫時來講未喺第二間拉麵店食過呢個口感。

果日睇完台灣大胃王食拉麵既片，就好想食拉麵！點知原來佢食果間香港都有，於是就試下啦！因為我地四點幾黎食，都唔算多人，唔使等位！可惜下午茶係星期一至五先有！🥺附上英文菜單，in case有外國朋友想試下！仲有期間限定～我地一共嗌左四樣野～1️⃣ 辛辣炙燒豚肉味玉拉麵 ($93；中辣、硬身）只有一塊叉燒，有點失望！但湯底濃，亦都好欣賞個麵真係煮到我理想既硬度！中辣唔算好辣，如果嗜辣者可以再試大辣。最最欣賞係個流心蛋，真係煮得岩岩好！🤤🤤🤤2️⃣特盛炙燒豚肉拉麵 ($118; 麵正常）原來特盛有四塊叉燒！ 😨 仲要塊塊都好厚身，唔算得上半肥瘦，反而似1/4肥；3/4瘦，睇你中意食肥定瘦多啲！肉味濃，再加上呢個號稱最強湯底，雖然湯濃到飲唔哂，但絕對會食得哂啲麵！我地仲額外加左$10要多粒流心蛋🥰3️⃣小食 (唐揚炸雞) ($35)炸雞咬開都熱，同平時出面食開差唔多，可嗌可不嗌，睇你果日想唔想食炸雞。4️⃣小食 (羽根燒餃子 $35–> $15!!!!)講下點解$15先！只要scan枱上既QR code download 個app，登記做會員就會送返張$15既餃子兌換券！嗌完野食先發現都唔緊要，職員會幫

你哋有冇睇錯，我係食日本拉麵，亦都係蔥油撈麵，平時呢樣嘢應該係雲吞面鋪先至食得到，但係今次見到咁特別一於要試吓，其實當初吸引我係因為居然有tea set, 開咗咁多年都係第一次見到，仲要俾我見到咁特別既fusion combination, 唔試對唔住自己，tea set包括豚角蔥油撈麵，入面有溫泉蛋，青瓜，好似五花腩嘅豚角，紫菜，蔥花同韭黃，撈勻之後唔會好似平時拉麵咁咸，醬汁比較杰，食落好香，套餐仲有唐揚炸雞，咬落去爆汁，堅好食

整體上而言是一碗合格的拉麵聽講這是一個網紅店，平時見到很多遊客都在排隊等食但是有沒有想像中那麼吸引及特別我叫的這碗是雞白湯雞叉燒雞白湯很油膩，但又不是完全是”白湯”，雞湯味不是想像中那麼濃郁雞叉燒是挻特別的糖心蛋是我認為做得最出色麵條選用幼面，不過與湯底沒有融為一體的感覺

霸嗎拉麵📍.以前經過尖沙咀成日見到呢間黎自日本廣島既連鎖拉麵店排滿人👥好難得早幾日經過見到人龍唔多所以就決定試下佢地既拉麵😋.🍜辛辣炙燒豚肉拉麵（$88）豚肉大大塊厚切入味🐷自家製麵條幾滑身掛湯能力唔錯 幾有口感麻油味幾濃 中辣都辣得幾過癮🔥.🐽炙燒豚肉味玉拉麵 （$88）豚骨湯底夠濃 有豬骨味 入口都唔會太油 表現都唔錯👌🏻.整體黎講 對比起出面既拉麵店呢間拉麵味濃而且不膩不鹹🙆🏻‍♀️表現都幾好 可以一試.人均消費：$88美味指數：😋😋😋😋😋😋😋（7.5/10）抵食指數：💰💰💰💰💰💰💰 （7/10）打卡指數：📷📷📷📷📷📷📷（7/10）.店名：霸嗎拉麵 (尖沙咀)尖沙咀金巴利道26號地舖

霸嗎拉麵都黎左香港幾年，但一次都未食過，今晚見佢唔使點排隊，一於試你。叫左兩碗最基本款既豚肉拉麵同一碟炸雞。霸嗎拉麵既種類麵係博多拉麵，麵身邊硬，湯底超濃豬骨味等。可能連鎖店既關係，拉麵質素有標準，成碗麵冇咩特色，略為普通。

喜歡造勢的拉麵店之前飲完野見到呢一間係人都讚嘅拉麵店就去試吓啦，見到入面都有座位，咪直接行入去囉～點知店員一野截住咗～話要喺門口排隊，咁我哋就好自然問下點解啦，因為入面都有幾多座位下～店員話佢哋做唔切所以要喺門口等～我哋係尊重嘅，但唯一唔明白嘅就係點解唔可以坐住等😂既然都有位點解唔可以坐下呢？不過唔緊要，啲人講到咁好食你排下隊囉又又唔係唔企得🤪跟住叫咗碗拉麵同餃子食下，個湯有啲淡～我下次應該寧願食一間唔使等佢做唔切但有位嘅鋪頭

尖沙咀真係有好多好食嘅拉麵舖~ 平時夜晚霸嗎拉麵都會有好多人排隊今日2點幾經過見唔洗排隊即刻決定同朋友一齊試下~灸燒豚肉味玉拉麵 ($88)一入去去舖頭已經好香拉麵湯底味碗麵嚟到就見到大大舊肥美嘅叉燒完全可以滿足食肉獸!!!!!平時食拉麵都係得薄薄一塊叉燒架麻~個湯底一睇就知係屬於濃厚口感個種飲一啖 果真好夠味 好rich 好想飲晒佢!!!!!面條軟硬度都岩岩好加埋隻畫龍點睛嘅流心蛋真係好滿足嘅一餐

今次點了辛辣炙燒豚肉味玉拉麵同雞叉燒辛辣雞白湯拉麵。兩碗麵選擇了適中的軟硬度，而辣度就簡左中辣。等左一陣，店員就將麵送到，就咁睇顏色以為好辣，試第一啖湯既時候，辣度岩岩好，d麵都唔會浸到好淋，煙韌彈牙，食落岩岩好。而炙燒豚肉同雞叉燒肥瘦均勻，份量亦唔可以睇少，再吸收濃郁香口既香辣湯底，就會明白點解會咁多人排隊嫁啦！我同朋友覺得唯一覺得美中不足，我地無簡到少油，食到尾聲時，覺得好油膩。建議如果唔中意太油既，可以選擇少油。飲品方面我地叫左靜岡蜜瓜梳打同信洲蘋果梳打，梳打唔算太甜，而且又唔係好假既果汁味，好好飲，值得推介餐牌上既日本直送飲品。因為剛剛碗麵都比較油膩，配上梳打可以中和番，感覺就好似釋放晒一日嘅壓力，好正呀！

又去到尖沙咀一間拉麵店，門口望落好特別！入到去都ok，至於食物方面都好好！拉麵非常好有口感！軟硬適中，真係唔錯！我再次去到，我叫左碗紫菜豚肉拉麵，味道都好正，非常一流，豚肉鬆軟好有口感！令人食到停唔到口！😋😋😋！ 至於其它個碗雞肉义燒拉麵，又唔係好棘、味道一流！又三種唔同的味道、真係好正！雞肉嫩滑、又有口感，值得一試😋😋😋! 價錢為:➡️醬燜雞叉燒辛辣雞湯拉麵 HKD$88➡️豬骨豚肉紫菜玉子拉麵 HKD$98

同同事趕project 到11、12點，仲未食晚飯，行左一兩條街，結果發現仲有拉麵食？！多數食親呢間拉麵，都係肚餓到傻，成晚未食過野嘅setting，所以講真，食咩都好味架啦！個人覺得佢果隻蛋好味，麵底份量岩岩好，湯飲完唔口渴。個人唔特別鐘意食佢個叉燒，有時食到嘅係滑滑嘅，有時係好乾好瘦，要講少少運氣。間鋪即使係十一二點去，有時去都會有少量人龍，最耐試過要等15-20分鐘。而且仲有機會會被安排去坐巴枱位，如果朋友去食，一行三四人的話，可應會唔方便。

這拉麵店靜靜已經食過幾次 在附近下車後看到這家而且是剛剛開門不用等位 所以決定進去食個午餐😍這分店單人坐位比較多 一個人食東西不用望到對面坐下來安頓之後 店員附上兩杯水和餐牌以便我們選擇就算自己食也可以haha 雖然我是與家人來食拉麵😇喜歡這家拉麵店是因為可以選擇少油 這個很重要的🤫少油感覺健康一點 辣度和蔥花也可因應喜好而選擇❤·醬燜雞叉燒辛辣雞湯拉麵 HKD$88 這碗拉麵選擇少辣少油走蔥花走荀版本 不想浪費食物自己不吃的食物就不要 我們不可以浪費食物是對的😊用做叉燒的方式做雞肉 肉質比較滑身不會太韌的口感而拉麵就選擇了較硬版本 因為我喜歡食有咬感的拉麵湯底味道很香濃 飲了幾口來品嚐 味道不辣不太油呢~·豬骨豚肉紫菜玉子拉麵 HKD$98 有幾片紫菜拌碟感覺很棒😍 拍到松鼠妹妹想食的模樣這碗拉麵就選擇了少辣少油 拉麵的麵質是適中質感🤤豚肉裡面帶點肥肉 食起上來比較腍身帶點油份在口腔感覺挻香呢🤭 湯底方面豬骨味挻香帶微辣味挻惹味~食物素質不錯所以會再去吃 拉麵份量不過不失可接受而且這裡是沒有加一服務費 感覺會便宜一點挻不錯haha

點了兩碗拉麵，一碗豬骨湯叉燒拉麵，日本雞湯雞肉拉麵，湯底較油不算濃味，叉燒一件過較肥和油膩，雞肉很乾，麵底和配料份量較少，女生吃也不飽，唯一最滿意是糖心蛋是流心，試一次就夠了。

自問唔係一個識得欣賞食拉麵嘅食家😂😂不過天氣咁凍🥶🥶🥶🥶就自然想食一碗拉麵暖下身啦！🍜🥵人齊入座 如果未人齊佢會比張薄單紙你揀住野食先 👍🏼入到去等多10分鐘就有得食lu⏱🕙🕙 有提供飲用食水 仲有2塊檸檬係入面浸住🍋🍋因為唔係啲識得欣賞拉麵嘅人 所以我覺得麻麻地不過個湯係幾好飲只係咸左dddddddd咁🥵🥵拉麵我就覺得唔係咁彈牙咁樣🤔🤔而且食得耐有啲寡嘅感覺炸雞好食！值得一試🍗🍗

霸嗎拉麵近期推出了期間限定担々麵(擔擔麵)，售價是$88，不設加一服務費。我在試霸嗎這個担々麵之前，我去過幾間專賣擔擔麵的店舖看過試過。只看過餐牌價錢的有XX婆婆($55)以及堅X號上海XX皇($48)另外入内吃過擔擔麵的有上XX姥($50)及鼎X豐($55)四間專賣擔擔麵的店舖，擔擔麵的平均售價都只是四五十元，但霸嗎的担々麵是賣$88，為何兩者相差那麼遠呢?細看一下，霸嗎的担々麵只是多了條菜，但你再試吃一下就知有很大的分別。首先是湯汁，霸嗎的日式担々麵色澤呈橙紅，質地濃稠，先前所講的中式擔擔麵湯汁較為呈水雲狀，未攪拌顏色有幾種。由於霸嗎加入了豚骨湯，材料多了自然濃厚味感複雜。味道方面辣度各有不同，有店舖是可選辣還是不辣，但霸嗎是只得一款，辣度我認為是中辣，口腔滿佈辣感，但這種辣度只影響口腔，舌頭和喉嚨都沒有被波及，相當奇特有趣，而口渴度只喝了一杯水便可以。擔擔麵的另一特色是花生香，霸嗎的担担麵亦有頗濃烈的花生香，花生粒偶然在湯汁中發現。至於麵條霸嗎是自家手打麵，而並非機製的上海麵條，有麵香掛湯力亦高，與濃稠的湯汁互相輝映。霸嗎的担担麵我認為是奇異的，就正如麻婆豆腐在日本吃的也和香港