雲家小鍋米線 (328廣場)

营业中

休息中

早排去咗試呢小窩米線，上網睇啲人講好似OK，入到去好快說諗好叫小窩米線同埋蒜泥白肉。點知叫左勁來都冇人理，等左好耐終於等到。然後姐姐抹枱撞黎撞去.....完全唔覺得有問題.....所以覺得服務態度好差，不過算啦呢啲地方應該冇乜服務，小窩米線都覺得ok,可以一試。但係個蒜泥白肉就非常一般又乾....蒜頭超級多，整到好似食蒜頭咁...冇咩肉味...食譚仔或雲貴香好過，價錢都係差唔多，但係服務上埋味道都好啲

係網上睇到介紹，所以走左去食。叫左小鍋米線（酸辣），另加凍咖啡。米線都幾好食，好辣下。可惜咖啡係由三合一即溶咖啡沖的。吾太好飲。最差係個收銀阿姐（長頭髮阿嬸）化到濃妝，仲要態度差到要死。下次吾會想食，見到佢都無胃口。

如題 真係好正！唔油膩。非油炸。又好味小食滋味多 老細又靚仔 員工又健談 一副親切有善嘅臉孔 好啦唔好咁假 講番正經野先湯 好鮮甜 汁 好美味麵 好嫩滑 小店 真係食過返尋味食食下 聽到隔離枱講 好好味 但可惜過幾日要出國 “唔得” 呢幾日要黎食多幾次先得 說說 我同女朋友一齊去食喎 見到呢間幾就腳 就入去試下啦 啊！一坐低 就見到咁多元化既選擇 又有小食 又有麵食 仲有野飲 一個字”正” 係形容唔到我當時既感覺 所以我要兩個字黎形容會貼切啲 “好正”下次會再去

荃灣又多左一間米線鋪.對於鍾意食米線既我.又多個選擇.平日lunch幾乎行過來呢邊間米線鋪都爆晒.根本都冇機會試下.今日係假期終於可以同同事過來試下啦.一下叫左兩個米線+三個小食.好彩全部KO晒!牛腩金錢肚小鍋米線.牛腩煮到好入味又唔會好韌.湯底夠濃.正！仲要勁大碗.好飽飽蒜泥白肉.好香蒜味.最岩重口味既我豬頸肉&雞翼.炸到岩岩好.好嫩既肉.會繼續幫襯！！！涼拌青瓜.青瓜勁爽口.夠酸.搞到我胃口大開！！

荃灣區多食市，今天經過取中藥的小店，正是家庭式經營。附近多民居，也有不少學校；加上便宜又大碗的份量，午市通常客滿。這種街坊小店，多來幾次，自然而生有一種熟悉的感覺。即使隔了一段時間沒來，仍舊像遇上舊朋友式的溫暖。今天點的是過橋米缐，一看就知道份量充足。天氣冷時，吃熱呼呼的食物，感覺就是很好。最喜歡吃冬菇及雞絲，可惜感冒帶咳，今天只能忍一忍口了。清湯底的米線，味道比較清，也是本人最喜歡的。另外，嗜辣的朋友，不妨試試他們的酸辣米線。據朋友說，非常好吃。

實在太嬲所以先打差評。我大約11:05分就已經打去叫外賣，請求12點鐘送到，我係12:08分打去問既時候發現，果位聽電話既阿姐原來mark錯左12:30。於是我地請佢可唔可以盡快送左比我地先，個阿姐就一路得得得，得完等到12:45分都無到其實如果係甘忙無時間幫我地送不如唔好接單啦。食飯時間就甘得番10分鐘都無甘食。落單果陣問過可唔可以幫分湯，佢地以「忙」既藉口唔幫分湯，好啦我地都ok左唔分湯。我地都好唔好意思要係甘打去係甘催，你地mark錯12:30，但連12:30前都無送到，我好懷疑到底係咪漏單!有無搞錯啊到底? 早一粒鐘都送唔到，如果用「忙」做藉口，到不如真係唔好接外賣單。依家係到做到可能紅左少少就甘呢? 食飯時間忙係理解既，但係我地都早左成粒鐘你地都要甘樣遲送，我覺得你地唔適合做送外賣，仲話做開送工商區，完全係blacklist，就算幾好食，你地甘無口齒都唔會想再惠顧。

荃灣的確係米線之鄉，可能唔同嘅地區都會有唔同門路嘅米線，的確特別今次友人帶我嚟呢間叫做雲家嘅米線舖身為海鮮怪嘅我一見到墨魚頭即時發光我叫咗春卷墨魚頭米線，小辣湯底好香濃，芽菜份量都幾多最愛嘅墨魚頭爽口彈牙，份量都唔少，十分滿足春卷切片上，同湯汁一齊食的確唔錯友人叫咗撈米線，份量都幾大，配料有花生，酸菜，炸醬，都幾開胃豬腸爽口，下次我都會叫仲叫咗蒜泥白肉比x仔的更出色，友人的撈米線加埋蒜頭更加啱，正可以再encore

上次黎雲家食完米線之後，一直念念不忘，難得今日有機會同我男朋友黎荃灣呢邊行街，緊係要再試試佢d小食由於黎之前食左個粟米批，所以都係叫一碗米線share,同埋叫d小食算啦米線一上到枱，d雞肉多到嘩一聲，湯底keep住水準，夠哂濃郁惹味，今次就我男朋友，叫左小辣，dd辣都幾好味仲要d米線超多，直頭大碗過譚仔米線套餐食到最後，d米線食哂，d雞肉竟然仲有剩，勁食左陣米線好快碟墨魚頭就上菜啦，食落有d沙爹同埋蒜味，凍凍地好滋味呢個係蒜泥白肉，超級多蒜出面成日食到d腩肉係有條好un既皮，但係呢到既腩肉完全無呢個問題，仲啖啖蒜蓉味，食到最後都仲有好多蒜剩燒韮菜係最燒師傅功力既，估唔到呢到仲燒得好食過出面既串燒店！！一來夠惹味，二來勁juicy!!豬頸肉都超爽口！！最後最後，粟米係令我覺得最驚喜既！我未食過咁好食既燒粟米！爽口又清甜既粟米，每一啖都充滿住牛油同蜜糖既味道仲要賣$9咋。今時今日，香港食肆又平又好食份量又多邊到搵？我會為左呢串粟米再返黎雲家！！

米線湯底味道越嚟越唔夠味道，之前食咗2次都叫正正常常丫而家竟然差距咁大🖓🖓🖓份量係多嘅大食嘅人係啱哂。 蒜泥白肉超難食囉，橙色嘅蒜泥怪怪地同見到個面有微微乾身 一摸個碟就知佢哋係預先整定再翻熱比客人😕D肉又厚又韌好難食囉。 另外炸雞翼不過不失好正常，都係要再尋覓過好味道米線喇！?！?！

已經不是第一次到雲家吃米線了!對於麻辣米線,雲南米線控來説,雲家米線的確是可以作「長期飯堂」之用。首先,湯底不油不膩,而且不會過份鹹,即使我吃的中辣大辣,也不會像其他店鋪一樣死鹹,味道自然適中,辣度足夠。其次,配料量多充足,老闆毫不客氣的給了很多芽菜,而自選的配料也會豪氣的給很多,感覺十分良好,而且亦十分飽肚。

又在網上世界看到這間米線店，因為其實平日經過荃灣，都是走大街大巷，就像老闆娘米線一樣，沒有人宣傳，你未必會知道它的存在🤷🏿‍♂️😴。因為我經常在「川味」吃撈米線，如果到這一種米線舖，其實吃撈米線也不錯🤔，一來沒有這麼熱；二來，湯米線通常都是酸辣、麻辣；如果叫清湯，可能很淡味，又或者沒什麼特別。點了一個豬脷大腸撈米線。另外加了一碟蒜泥白肉。意想不到，蒜泥白肉竟然有少少橙色，蒜泥不算極之紛香撲鼻，但是香味也十分濃郁，可說是入口之後才會體驗的那種蒜香。炸醬不太乾身，但是也有少許肉汁，用來伴米線，都相當出色。我叫了撈米線，以蒜泥拌米線吃，更添滋味。豬大腸的份量也還不少，爽口彈牙，中間的垃圾全部都已經清理好，完全沒有臭的味道。即是點了雙拼米線，分量亦都不會因此而減少，這才是做生意最正路的做法，因為很多食肆都會因為你叫雙拼，兩種配料都減掉少許。撈米線還有一點花生在旁邊，亦都沒有我不喜歡的榨菜，可說是樣樣皆精。米線又煮得相當不錯，彈牙有勁，不會過林。因為就是川味，有時候我也覺得它將米線煮得太林。這間店舖，無論店面落單，又或者收銀員，都說一口流利普通話😯，始終，米線店還是有內地人，可能會比較出色，因為他

荃灣出名米線多，光是集團式的已有多間，再加上其他紮根荃灣很久的家庭式小店，可謂遍地開花。 雖然居於荃灣，但平常很少走到328廣場那邊，看到一家米線店，店子小小，食客也不少，重點是價錢不太貴便打算試一下。 ▼小鍋米線 酸辣／麻辣 ($25) 是次點了酸辣小辣，個人認為對比起譚仔，這裡的辣度會比較弱，所以在譚仔吃小辣的朋友，可以試試這邊的中辣！米線本身已有大量芽菜、酸菜、韮菜、蔥、莞茜，而米線份量相當多，絕對足夠兩個女生分著吃！ 和朋友總共點了以下配料： 腩肉 ($7)：腩肉脂肪比例較少，但不會韌，是店內的招牌之一 豬軟骨 ($7)：豬軟骨確實夠「軟骨」，牙力不足亦能好好品嚐，而且相當入味 豬肚 ($7)：豬肚切成幼絲，味道不俗 豬大腸 ($7)：豬大腸非常乾淨，有口感之餘又不會太韌 魚肉春卷 ($7)：魚肉春卷比較大路，一碗有三小條 螺旋草 ($6)：看到名字才點的，份量很多，吃起來就像海帶，個人非常喜歡，聽說它含有很多維生素，營養價值很高，不妨點這個就你你的米線增加一一點綠色元素！大推！ 雞翼 ($7)：雞翼一碗有兩隻，每隻都脹卜卜，肉質也很嫩，不錯！ ▼小食方面我們點了「蒜泥白肉」(

相信每人總認識一兩間高質而又倘未被發掘的小店，而每次介紹這些小店都處於一個矛盾的狀態 - 既想推介，又想自私獨食哈哈 這次決定無私分享一荃灣的米線小店。·雲家小鍋米線由店主一家小本家族經營，店主更親身到雲南學師，米線風味地道。重！點！是！小店的性價比高得驚人！超大碗米線平均$2x，小食都是大約$30，雖然地理位置不太就腳，但絕對值得支持啊～和朋友一次過試了米線和三款小食大🈵足啊～·圖中： 1. 小鍋米線（$25）完全理解不到為何可以咁平咁抵食😭米線的份量極級多多，大約是平日正常份的1.5倍OMG！湯底分了bb辣、小辣、中辣和大辣，我就點了小辣，比想像中辣呢奉勸不太能吃辣就點bb辣好了。湯底是店主一家每天用新鮮炒辣椒煮成，香濃得來不會太油膩。另一個很出色的配菜是豬腩肉，店主堅持肉類製品要每天新鮮取貨，絕不用隔夜肉。腩肉肉質彈牙，香辣惹味，更重要的是肥膏不多，切成幼條方便入口，不少人都是為了這個腩肉而來的說～建議怕辣的朋友浸一浸湯再吃。還有就是店方特別推介的螺旋草，口感和外貌似足海帶，但營養價值比較高，作為米線配菜挺新鮮。·2. 秘製豬頸肉（$38）好大碟足足有十大塊，又一足料之作！豬頸肉

嚇，得嗰三粒（夾埋姐係得一條）急凍嘅魚肉春卷仲要帶點點腥味下次都係食番腩肉好過，小辣湯底係ok嘅但下次都係要點番中辣/中小辣先得喇因為小辣係冇乜辣味嘅，想靜靜地食嘢嘅可以考慮嚟哩間幫襯吓

來食左好多次啦！都冇寫過食評今次一定要同大家分享下。平時唔想煮飯就會黎雲家小窩米線，食佢哋拿手好味嘅小鍋米線加腩肉（＄32）同小食：涼拌墨魚頭（＄35）、炸春卷（5隻）（＄20）。店主同我講佢哋D食材都係當日煮當日賣，所以我哋全家人都係非常放心食。而今次我叫左小鍋米線加冬菇先＄31蚊，原來佢哋個冬菇雖然唔係大粒但係好厚肉而且炆到個味道岩岩好，個小鍋米線底又足料又好食，下次來我一定還係加冬菇因為真係好好味