雲家小鍋米線 (328廣場)

营业中

休息中

這是一間近千色店的小窩米線店，座位舒適寧靜，米線配料很多，尤其肉碎，叫左小小辣，味道剛剛好，之後叫了口水雞，味道較淡，但有放了花生粒。燒豬瑣肉烤得行到位，香口，量又多好味，冷盤八爪魚較彈牙。串燒雞丸骨亦烤得很入味和脆，用了七味粉。

今日又因為工作關係黎到荃灣~~兩點幾呢啲時間好尷尬~又唔想食下午茶唔夠飽~ 唔想食譚仔又唔想食雲桂香因為成日食連鎖餐廳已經有DD悶~結果行行下黎到雲家小鍋米線~見到佢門口個餐牌選擇又夠多喎!~~! 見到價錢又係街坊價WO~決定入去試下~!!講真，有成40幾樣餸選擇，有選擇困難症既我都真係要用番D時間先簡到食咩好~XDD 最終叫咗小鍋紅薯粉~因為唔想食米線~好細心呀雲家小鍋米線可以揀走韭菜、酸菜、芫茜~又可以揀大辣、中辣、少辣、少少辣、唔辣 ~ 我叫咗鴨腎、豬耳、大腸、菜心!然後比我望到竟然有串燒食!冇諗過賣小鍋米線既餐廳竟然有串燒食呀!好開心決定叫咗兩串雞軟骨食XDD 其實佢啲特色小食我全部都好鬼想食，但費事眼闊肚窄浪費食物，所以我只係忍口忍手叫咗個手拍青瓜算啦~仲叫咗柑桔蜜飲~個手拍青瓜一啲都唔細碟!好惹味!好入味!好開胃!青瓜好爽脆!小鍋紅薯粉啲餸好夠多!上枱幾靚睇得出廚師好細心咁砌靚咗先比客人~好欣賞~街坊嘅價錢但我感受到既係物超所值嘅質素!!紅薯粉又夠彈牙~唔會煮到過林~湯底又夠濃郁~份量又非常十足~男生都一定一定夠飽~!雞軟骨都好惹味好食!下次黎開荃灣又多個好選擇!!

身邊很多朋友都愛吃米線 最愛濃郁的湯底，令人百吃不厭平時座小巴常經過這裡說實在這裡並沒有裝潢可言，基本的茶餐廳格局可隨意配搭食材，有米線/紅薯粉可選擇也有小食跟串燒，價錢也不算貴點了小鍋米線加豬腸，炸醬(麻辣湯底) 配料已有芽菜，酸菜，蔥等等炸醬肉燥剁得夠細，口感不錯，跟嫩滑的米線很搭豬腸也來得入味蒜泥白肉表面蒜泥十分多，非常惹味，吃得開懷涼拌墨魚頭 ，墨魚爽口且不靭，加上大量的蔥蒜粒醬汁酸酸甜甜可記一功，有驚喜芥蘭青嫩不帶渣，份量亦足整體食物質素不錯，份量十足 荃灣沙咀道328號328廣場地下G01舖

收工諗住周圍行下今日改搭小巴返屋企, 行到寶石樓見到一間雲加小鍋米線,今晚冇飯食所以簡單食碗米線做晚餐。四出奔走了一天，非常肚餓, 除了米線外, 我們點了一些小吃,手拍青瓜，墨魚頭，涼拌雲耳和蒜泥白肉。蒜泥白肉上來嘅時候碟邊係非常之熱。豬腩肉切得好薄，充足的蒜泥放在白肉上， 每一口都可以有用白肉包住蒜泥，口感適中，味道非常之好。另外涼拌墨魚頭，上面都撒上一些炒香蒜頭，咬下去很爽口。第一次食這個小食，下次自己食可以單點為一個餸。手拍青瓜和雲耳，拌醬以蒜蓉和豉汁為主，另外佢有一個小碟是用來裝了陳醋，讓食歡呷醋的朋友可以自己點，店主好細心。今日喉嚨好痛，所以食唔到辣嘅米線，稱較爲清淡的蘿蔔豬潤米線。蘿蔔非常甜，有成四五大大件，豬潤亦是大大塊，有四五塊，好抵食。另外朋友點了豬頸肉紫菜，我覺得每人叫兩餸大家可以分享。最抵讚是他的湯底無乜味精，食完都唔會點口渴。這間可以做我們的飯堂，下次要食返個辣米線先。滿分為10分(1分最低，10分最高)食物：8環境：8衛生：8服務：8價錢: 8舒適度：8總分：8

今日行開荃灣，見到呢間米線，就入左去試下同男朋友叫左一個魚肉春卷豬大腸雲吞米線，一個腩肉生菜魚肉春卷米線，同埋秘製豬頸肉做小食我個魚肉春卷豬大腸雲吞米線就係唔辣嘅，米線份量相當多，岩晒d想食飽肚嘅朋友👍🏻 魚肉春卷嘅感覺比較似魚腐，有一陣淡淡嘅五香粉味，good!! 雲吞皮薄餡靚，師傅相當有心思！朋友嘅腩肉生菜魚肉春卷米線就係酸辣湯底，唔同嘅配菜例如芽菜，酸菜，肉碎等都配搭得幾好，特別欣賞腩肉有一陣淡淡嘅麻油香，非常建議大家下次嚟嘅時候試下！豬頸肉做小食都幾好，燒得又脆，但肉質又唔會太老，鎖住肉汁，再配上泰式甜酸醬，都幾唔錯幾開胃！

荃灣食肆眾多，什麼款式都能找到，連那些酸辣米線店也有多間，真的太花多眼亂。一到吃飯時間，到處都排滿人群。剛巧在沙咀道落車後，先吃點東西醫肚。在同一條街道見到有間米線店便走進去了，挺多街坊光顧，也有些外賣。餐牌跟同類米線店無別，都是揀選湯底款式再揀配料。小鍋米線（酸辣／麻辣）+ 自選配料：我揀了酸辣的湯底，可選擇辣度，配料方面揀選了腩肉、螺旋草及炸醬。湯頭非常濃郁且濃味，米線彈牙，吸盡湯的味道及精華。腩肉是店推介之一，的確出色，沒有很多肥肉，肉味濃，很入味。驚喜的是螺旋草，之前吃過了，不過不常找到，比起海帶或普通海藻更加好味及有嚼口，而且營養價值高。整碗的份量挺大份，配料足，而米線半身已經有芽菜、酸菜、韮菜、蔥、莞茜及豬肉碎。除此之外，還叫了些小食。口水雞：雞肉嫩滑，不過因為浸在紅油裡，感覺有點油膩。涼拌墨魚頭 ：推介小吃，墨魚爽口不靭，加上大量的蔥蒜粒，蘸點旁邊的醬料，酸酸辣辣，很香口。

公司附近有一家家庭式的米線小店📍，主打正宗雲南風味☁，小店默默堅持每日為食客用心製作出米線❤️️，麻辣和酸辣湯底非常惹味🌶，小店更每日用上幾小時來熬煮湯底🔥，加入了豬骨🐽、雞🐔、金華火腿🥓等明火精製，正正因為這種堅持💪，一向都吸引了我們一眾同事😄。星期五的晚上又要加班😭，辛苦老公🍋在一直等我😞，下班後就想帶他來試試吧😌。餐單上除了多款米線外📜，更有多款小食及串燒🍢。豬軟骨墨魚頭肥牛小鍋紅薯粉🍜：餐單上的配料超過20款😳，看得人妻有點花多眼亂🤩，最後點了這幾款😛。湯底選了麻辣🌶，辣度屬於可接受範圍內👌，味道濃郁😋；紅薯粉口感煙靭👍，配上了濃郁的湯底🤤，更是滋味💖；豬軟骨一向是人氣之一✨，入口肉質軟腍😊，加上了脆滑的軟骨🍖，口感層次豐富💘。炸醬豬軟骨蟹子丸涼拌米線🍝：炸醬每晚炒製🔥，用上了半肥瘦的豬肉🥓，以大火炒至粒粒分明🤩，相對上亦比較乾身😋，吃下去不會有太油膩👍；米線口感爽滑彈牙🤤，配上了醬汁😌，入口更是香濃😍。涼拌墨魚頭🦑：新鮮的墨魚頭口感爽嫩彈牙😲，配上了店家獨特的醬汁配方🌟，味道酸酸辣辣的🌶，風味獨特👍。蒜泥白肉🥓：蒜控千萬不要錯過✨！五花肉片上鋪上了滿滿的蒜蓉😍，香氣撲鼻👍，每片嫩

住係荃灣嘅人都知道，荃灣係有好多唔同種類嘅米線，酸辣米線小鍋米線都有好多間，今次係沙咀道附近就發現了一間隱世米線。 雲家小鍋米線嘅餐牌基本上同其他類型嘅米線店都無什麼分別，都是米線再揀餸。我就揀了雞翼、腩肉和生菜。等了一會兒就有得食，腩肉有驚喜😻佢唔會係煮得太熟跟住咬唔到(因為有試過其他係咁我就少叫了)，無諗到呢間煮得剛剛好。而米線亦都夠稔配埋個湯好正之後口痕又叫左幾樣小食：秘制豬頸肉、涼拌墨魚頭同春卷。 豬頸肉食得出師傅火候控制得很好，燒得好好食。另外春卷配左個醬，本人比較沾甜酸醬，覺得更加好食以後去荃灣食米線又多個選擇了！

喺荃灣附近工作，聽同事講呢間米線唔錯所以有日lunch Time決定去試吓，點知真係非常驚喜。當日叫咗個豬扒米線加腩肉炸醬酸辣湯底個湯底真心唔錯湯底好香濃 米線軟硬適中 豬扒食得出係用特別調味炸出黎 好味 同埋腩肉係食過咁多間米線最好食好奇下問老闆 原來全部都係佢地每日自製除咗米線之外仲帶咗三份小食，豬頸肉、春卷、墨魚頭 全部都香口配米線一流 豬頸肉同墨魚頭絕對係誠意之作估唔到小店都有咁大嘅驚喜，豬頸肉燒得好香墨魚頭加咗特製嘅蒜蓉醬同辣椒 食落爽囗！！！ 推介 以後返工又多個選擇啦

不嬲都好鐘意食雲南米線，因為湯底會好濃，酸酸辣辣正中我心🙊琴日行開荃灣，一於簡間雲南米線過下癮，點知比我發掘到好野！！米線控必入！餐牌應有盡有，小鍋米線、紅薯粉、熱拌米線、涼拌米線🍜今次我就點左米線必有既炸醬😆炸醬超足料，食到最後仲係成碗肉碎同埋酸菜，啖啖麵線都好豐富，而且炸醬非常入味，正！湯底方面簡左酸辣，湯底好濃郁，每條米線都好掛湯，酸度剛好，個人覺得個湯調得好過雲貴香！！🙊米線必點其次當然仲有腩肉😋肉質稔稔，有適當既肥膏部分，不錯不錯！依到既送都比得好足料，而且好好食！除左米線，仲點左小食，一樣咁滿意涼拌墨魚頭($40)，依個真係幾抵讚，墨魚做到爽口又唔韌，配上大量蒜汁，將惹味仲有燒豬頸肉($40)大大塊豬頸肉，肥瘦適中，咬落有口感，都ok總結食到好飽！米線既湯底同送真係有質素 ，係一間會回頭既米線，支持小店

放工諗唔到食乜,平時見客已經成日食西餐日本菜食到胃都膩曬,所以簡左間簡簡單單既米線鋪食,本以為佢同其實米線鋪都係咁上下,但估唔到佢有出面無得食既墨魚咀,每粒都好彈牙好有咬口,但有少少辣要注意,而且每一碗麵既份量都比出面大,我諗大概係1.5倍,而且即使加好多款配菜,每款配菜份量都唔覺得會減左,例如我碗米線既腐皮就超多,腩肉亦都幾乎食唔曬。但惟一比較失望既就係塊豬乾左一D,但係以咁既價錢黎講其實都唔可以期望可以炸到可以出面D高級餐廳咁架喇。呢間餐廳我諗係做街坊生意,住荃灣區既朋友行過都可以試試,

下班已經晚上八時多，和同事去荃灣食飯。今晚特別想食米線，來到位於沙咀道～雲家小鍋米線。之前來過一次，念念不忘雲家的麻辣米線和涼拌墨魚頭，今晚又可食了🤗店家的米線有分麻辣和酸辣，我叫了酸小辣米線，配了芫茜，紫菜和炸醬。小妹食過的米線店中，這家的酸辣湯底真心很不錯，湯底好香，我在別家食不到這個味道。米線好滑，軟硬適中，我怕偏硬的米線。肉醬份量很多，少少辣。紫菜浸這個酸辣湯底好好吃😋魚春卷麻辣小鍋米線，加配豬軟骨。麻辣湯底很惹味，豬軟骨夠稔，煮得入味，中間的脆骨爽口。我最念念不忘的涼拌墨魚頭出現了！食緊熱辣辣的米線，其間食下爽口的涼拌墨魚頭，又多一種味覺享受～墨魚頭份量算多，加上菜甫在一起，菜甫不辣的，配埋個蒜蓉醋汁好正。山椒鳯爪，無骨鳳爪少少辣，配上生洋蔥絲好香口。單食已經夠味，可以沾隨碟附上的菜甫醬汁，幾好食。很推薦山椒鳳瓜。雲家除了米線和涼拌小食之外，還有串燒物，我叫了雞軟骨和串燒雞肉，一上枱熱辣辣已經好香。落單時店員會問串燒要不要辣。雞肉是少甜的，建議不要加辣。雞軟骨可以加辣，好惹味。店員唔該前唔該後，很有禮貌，下次會再來👍

今日約了朋友收工後去食米線，朋友帶我去了這間雲家小鍋米線，說是很抵食的。我們分別叫了小鍋米線和雲家米線，兩份小食炸雞翼和豬頸肉，再加飲品凍檸茶和熱朱古力。兩碗米線都很大碗，因為我的小鍋米線再加多了牛丸，豬肚，豬大腸，豬紅及腩肉，所以係超大碗，雖然係好肚餓，但結果都係食唔晒。我覺得這家的米線算是不錯，湯底有點過鹹，豬大腸好食，份量好多，絕對完全滿足了我這個食肉獸；兩款小食中，我覺得豬頸肉是最好食的，配甜酸醬好開胃。叫了這麼多食物，埋單只是佰多元，真心好抵食，有機會還會再來。

每次食米線，多數行去路德圍嗰邊，有次無意中經過沙咀道鹹田街發現這間小鍋米線，決定要到來一試。看著餐牌有很多選擇，不知從何入手，見到有一款招牌米線：雲家米線，非常大碗，有很多餸：腐竹，冬菇，雞肉，螺旋草，雞翼，芽菜，酸菜，韮菜，蔥，芫茜，魚春卷，紅腸 .... 叫這一碗夠了，這麼多餸，也不需要再叫小食了。米線上檯，嚇了我一跳，真的非常大碗，可以做兩餐分開食呢！這碗米線是不辣的，清湯底，但因為螺旋草夠鹹，浸在湯裏，清湯也變濃味了，米線爽滑，冬菇肉厚，魚春卷和紅腸都好味，加上其他配料，好豐富好有營養的一餐。

同事介紹話e間口水雞超正超好味，因為今日冇住家飯食，就即管試一試啦。米線選擇比較集中，因我唔食得太辣，見到雲家米線唔辣，諗都冇諗就叫左😁原來都有好多小食咼強烈推介口水雞呀！！一個人的份量黎講，加埋呢個口水雞都幾豪呀～上菜速度好快，等左5分鐘左右，效率一流👍🏻👍🏻而且有賣相，睇得出師父係幾有心幾煮呢碗米線勁足料超鍾意個冬菇，夠入味呀魚春卷都好唔錯，加上有我最喜愛的紫菜，個湯都比我飲左一半🤣主角終於出場啦～雞肉夠嫩，加上面頭果層配料，香口十足，絕對係翻抄之選。