雲家小鍋米線 (328廣場)

营业中

休息中

呢排返工累到一個點，趁著放假就黎荃灣按摩放鬆一下自己～～早左少少黎到荃灣一於跟朋友去醫一醫肚，荃灣隱藏最多就是特色米線，今次揀左位於沙咀道的雲家小鍋米線～～我見網上口碑不錯！位置係寶石大廈附近，位於內街近學校處，Sharp醒的門面好易就搵到～有多款米線提供，熱拌，小鍋甚至重慶酸辣粉都有⋯⋯而且加餸類亦十分多元化，絕對能夠滿足各人口味！！小鍋紅薯粉——有芽菜，酸菜，韮菜，蔥，芫茜及豬肉碎（小辣）另加豬紅，腩肉及金針菇腩肉雖然是薄切，但不失其惹味，味道濃郁有風味～～朋友點的小鍋米線加大腸，春卷及螺旋草朋友話湯底偏濃郁，正合她重口味！朋友大推必食春卷！少有機會可以點的螺旋草，口感比海帶順滑，又比紫菜爽彈的，感覺挺特別！ 大推的涼拌墨魚頭完全估唔到米線店的特色小食都落足心機去炮製，絕對有驚喜！墨魚頭一入口超級爽彈，有咬口但一點也不韌！連埋蒜末醬汁，愈食愈滋味！另一大推蒜泥白肉跟其他店做的蒜泥白肉不同，白肉是薄切，確保肉完全被蒜泥包裹，每一片白肉都是惹味無比，食完口腔蒜蓉味揮之不去！不一定要食連鎖店一式一樣，喜歡吃米線的朋友一定不可以錯過雲家小鍋米線，吃完就知我冇介紹錯！

昨天吃過日式拉麵，今天就來品嚐一下雲南米線，大概已經吃膩了那間＂連鎖米線餐廳＂，下午茶時間到了，就來一碗地道風味的…來到荃灣，不乏專賣米線丶酸辣粉的餐廳，我被那門外一大幅的米線＂寫真照＂所吸引，便毅然走進店裡，一試究竟。餐廳環境簡潔，座位舒適，我點選了＂小窩米線＂（配雲吞丶腩肉丶雞翼)，餐牌寫著一系列的配料，仼均自由選擇，而嘴饞的我，還另外點選了一碟特色小食＂蒜泥白肉＂。小窩米線（選配雲吞丶腩肉丶雞翼)＄47，端上餐桌，看見啡啡的湯底顏色，先來喝一口湯，味道濃郁帶有豬肉香味；再來吃一口米線，軟滑彈牙，連同豬肉碎丶芽菜丶酸菜及韭菜等配料一起來吃，味道及質感層次即時提升，另外，雲吞大大粒，腩肉及雞翼也很入味，整體味道令人十分滿意。蒜泥白肉＄39，來夾起一片白肉，切得薄身細長，這樣白肉就更容易吸收秘製辣油醬汁的味道，吃一口，白肉肥瘦適中，夾雜著蒜蓉粒一起來吃，鹹香惹味，辣味剛好。凍檸茶（下午茶跟餐)加＄3。

係IG見到好多人介紹雲家，今日中午就食佢😊我叫左魚肉春卷同豬軟骨小窩米線👍🏻 我覺得佢個魚肉春卷好新鮮，魚味特別重👍🏻好食🙂豬軟骨啲軟骨都好林👍🏻好食過雲貴軒🙈 湯底方面，我食到好香嘅花生味👍🏻 不過小小辣都有d 辣🙂 不過勝在佢飲杯大大杯👍🏻👍🏻 我會再黎😆

酷熱天氣，氣溫33度街上一陣一陣熱氣，做什麼好？當然是食米線咯未走到目標處見到兩塊白板，遮住視線，嚇呆了見不到雲家，難道.....不敢想落去走近才發現，幸好在營業中。原來是隔壁店鋪大裝修點了我最愛的酸辣小窩米線，豬皮魚肉春捲，還有菇試了一下湯，湯底的味道濃郁但有些鹹心中是有些矛盾，每次落單時，總想讓師傅煮米線時小鹹但又擔心湯底會變淡所以一直沒有同落單的阿姐說無謂這小小的遐思，在這酷熱天氣警告下，拿出食米線的裝備紙巾，叫一杯凍檸茶多冰（救🔥用）米線的份量依舊偏多這樣一碗米線對女仔來講實在是太多啦據說味覺只有3種酸 甜 苦辣是屬於痛，不屬於味覺的一種我天生喜歡食辣，所以開心時會去食酸辣米線，悲傷時也會食米線（辣椒可能有痛的感覺可以療傷）注，夜晚去雲家食米線朝聖是不需要排隊D

今晚好想食辣仲要係麻辣，咁不如就米線啦！試試新野黎左哩到雲家米線，睇下係咪網上講到咁正先！叫左兩碗米線，一碗麻辣一碗酸辣，加麻辣鴨腎同炸春捲，一共多謝120大元，食米線黎講都有點貴😂先黎左米線，用料足！米線分量算多，唔會係食左兩啖就得返配菜個種，而配菜都足夠，鐘意佢既芽菜仲係爽口！豬軟骨出色啊，煮到真心好淋，一咬即溶但又唔會做到一夾即散同好鞋口，抵讚👍🏿👍🏿👍🏿但可惜既係湯底有待改善，麻辣唔夠麻只得第一啖係有少少少少麻既感覺雖然已經中辣；而酸都唔夠酸味極力推介麻辣鴨腎，相當出色！睇得出係有將蒜蓉、紅油同鴨腎一齊撈過再上碟，唔係就咁將蒜蓉pat上面，而且蒜蓉多😍😍😍亦都唔係好油！！好味😏至於炸春捲同豬排就不過不失，豬排係有調味過先炸既，不過就偏油啦🤦🏿‍♀️整體黎講，值得推介既！特別係鴨腎，真好係誠意之作，但如果食得辣既朋友，建議可以見老闆娘加辣，如果唔係就唔過癮啦食得😆

之前咁岩行過呢邊先知有呢間米線所以就突登去試下，入面得好少位，所以lunch時間可能要等下配菜既選擇都算多，而我就嗌左豬軟骨腩肉酸辣米線，簡左小辣上黎個陣碗麵好熱米線煮得岩岩好唔會過腍或硬湯底酸酸地，十分開胃雖然嗌左小辣，但唔會辣，可以話無辣味😂配菜方面，豬軟骨勁腍、一夾就爛，連d軟骨都煮到超腍好正呢間既腩肉唔會有過多既肥肉，但就唔夠味、如果醃耐d就會更加正朋友都係嗌左酸辣米線佢都覺得好味如果莞茜可以多d就更加正啦不過位真係好少，之後諗住食多次都無位啦

男朋友今日太粗心激左我幾次哦😠😠 本來打算食串串香 都唔知道今日紅日係星期一都唔開🤷‍♀️搞到我冇得食酸辣粉😠😠 就係附近又咁好彩見到呢間雲家小窩米線有酸辣粉喎！😍😍 就快快拉我入去試吓啦🤓要咗個重慶酸辣粉 又OK喎😝😝 個紅薯粉煮得好煙un！！😍😍 （串串香有陣時都會失手） 芫荽都好香！不過我都係鍾意食酸啲😋😋 下次試吓叫多酸先😋 同埋佢紅薯粉都幾多下 兩個人share做下午茶都OK😛小食口水雞就爭啲 可能少啲人叫😂未解凍得切😂😂 食嘅時候仲有少少碎冰係中心🤦🏻‍♂️🤦🏻‍♂️ 不過雞肉都嫩嘅 同埋佢都真係幾辣下😂 好啦💁‍♀️見過重慶酸辣粉都幾好食😝😝 我心情都好番啲啦☺️

平時叫開雲家都大約15分鐘左右送到今次突然間快到5分鐘唔洗食食下liu到條骨 我當日食嘅係豬腸 豬紅配重慶酸辣粉唔知邊到黎骨我有即刻call佢地 佢地話會即刻黎同我換之後我打左上食環 講講下佢地d員工到左企左係我側邊至少10分鐘礙於情面 我同電話個邊講考慮雲家態度再作投訴決定當時依個員工同我解釋因為湯底有豬骨雞骨等 當時繁忙時間所以開到個火最大 d骨浮左上面不論真假 一次錯失不至於無視團隊經營嘅努力我取消左投訴但我覺得我有責任俾大家知道有件咁嘅事發生其他野自行判斷 我就唔會再叫了

叫左個凍GE 撈米線, 呢度幾有誠意呀, 米線真是凍的, 有D 店子係煮熟, 暖暖地咁俾你,咁就唔係凍米線了....同埋米線唔會太林, 煮得剛好。叫左少辣, 不過對我來講,已是中辣, 越食越辣果隻。叫左魚肉春卷, 以為是鮮竹卷果款, 點知是一條仲要切開3舊, 少左D LAW, 不過味道幾好。貢丸同腩肉都正常質素

呢間米線店鋪，午市時大排長龍，趕時間的可以選擇夜晚來食我每次都會食酸辣中辣，湯底食到豬骨味，偏浓郁，酸辣湯夠惹味，腩肉有將肥的部分全部切掉，全是瘦的部分腐竹的份量夠就是服務一般我想要一杯凍水，阿姐碑了我一杯暖水

朋友話想嚟試呢間~話上網見到有人介紹好好味~去到企喺門口,但未齊人,A店員問我幾位~我話5位但未齊人,佢就話入嚟吖~我再話未齊人喎~佢都話入嚟坐住等啦~嗰時我心諗,真係好喇~未齊人都比人入去~見佢仲專登叫其他人調位,讓個6人座位比我~其實朋友都好快到咗~但我以為佢帶埋佢2個仔嚟先叫5位點知佢帶咗1個仔嚟,好似呃咗佢哋張6人枱咁咁我哋揀嘢食啦~但得一張Menu,所以咪去第二張枱拎多一張嚟睇囉~拎完坐返低,無啦啦有個B店員掉咗兩張Menu過嚟"啪"咗聲~當堂嚇咗嚇....我哋望望個店員...黑面..嗰時.朋友同我講...無論好唔好食都唔想再嚟....算啦~有時好食嘅店舖都硬係有啲特別風格~見咁多人介紹咁好食~明白多人嚟會好多嘢做,唔怪佢哋態度差B店員好似好憎我哋咁....放低單都背住我哋咁放??唔通我哋因為我臨尾變咗4個人佢嬲我哋??其實嘢食真係唔係話好好味~我叫咗重慶酸辣粉(唔想介紹揀咗咩餸喇)~好酸啊~而其他人都係叫腩肉炸醬酸辣小鍋米線(同樣都唔逐一介紹佢哋啲餸)太酸嘅關係,我食得慢咗啲...同埋我嗰碗又最遲嚟嘅....食咗三份之一,而我其他嗰2個朋友又食完,我同小朋友都仲有咁大碗喺度

上次寫完永續雲加，心血來潮嘅時候諗住再食，食完就睇到新聞話雲加要退休，只好撰文懷念一下雲加吧友人繼續食撈米線，蘿蔔大大件，咬落冇根冇渣，處理得唔錯腩肉唔錯，味道夠香我繼續係食湯米線叫咗上次都有叫嘅墨魚頭，份量仍然保持到一定嘅數量今次改食豬扒，唔知係咪留到最後先食，略嫌炸得太乾身，有少少柴咗皮嘅感覺米線都保持到水準，唔會煮得太耐而發脹👍🏻咁當然又叫咗必點嘅蒜泥白肉真係加d韮菜更好味，伴著大蒜香雲加，祝你退休生活美滿愉快

網上媒體介紹過呢間米線，一直收藏着，見佢有冇話好多好評，唔通係隱世美食？入面嘅店員都識講流利普通話，可能係內地過來，更加識得整正宗美味嘅米線😋呢度嘅湯底好足料，好豐富嘅味道，唔係水加化學野咁樣👍🏿食米線識食一定叫炸醬！我嘅朋友通常都會將啲肉粒同米線每啖一齊食，我就鍾意撈晒啲炸醬落個湯，令個湯變得更濃！之後每一啖都會用匙裝湯先，會順便裝到啲肉碎，之後再夾米線放上去，一嘢放落個口到，超正🤤另外推介涼拌墨魚頭，每一粒都超爽口彈牙，夠晒鮮味，上面淋咗啲蒜蓉同辣油，仲有啲酸酸辣辣醬可以點，勁惹味🤤

荃灣有好多好出名的米線店，例如老闆娘、唯一；亦有好多不太出名但都好好味的，例如兆和街雲南小鍋米線。而這間雲家小鍋米線是朋友介紹的。店鋪不是很大，午飯時間一定要等位啊，最好1-2人來食，那就容易找位！我點了酸辣米線加雲耳，只是$25 + $6！當然飲品要另外加錢。但質素一點都不cheap！米線很滑、有咬口亦不會太韌，份量亦足夠！最重要當然是湯底，我點了小小辣，（這裡更有BB辣)，辣味剛剛好，酸味十足，令我一邊吃一邊分泌不少口水！

今日lunch time 去左雲家食，叫左個雲吞蟹柳小鍋米線，呢到d雲吞好大粒好好味，而且仲係鋪頭自家製添，唔係出面個d雪藏貨色。加上呢到d米線、餸同埋d配菜份量都好足，一個女仔一定食唔哂/好飽，而男士們就可以滿足到佢地既食欲啦(我見在場都有好多學生哥同男士)，呢到真係生意好好，好在我一個人去食，唔洗等位，如果唔係我怕我有排等呀，或者可以過左peak hours先去食囉，哈哈，下次再黎食過一個字:平靚正