雲家小鍋米線 (328廣場)

营业中

休息中

荃灣出名米線麵食店多及出名，最近發現在沙咀道，聖芳濟中學對面有家新店，食材及味道都好正宗，暫時不用排長龍，一於去試一試！老闆娘好有霸氣，同夥計用普通話講嘢時好惡，好彩對客人都好客氣！😂大腸腩肉酸辣米線(中辣）👍👍👍

星期六既晚上，由於下午食完buffet 勁飽，晚上就食1個簡單的米線小店雖小，喺星期6的晚上，都係全院滿座的。由於仲未餓既關係，提議叫熱拌米線加豬軟骨豬軟骨5太淋，不過碗米線真係好大碗，食極都有，將炸菜，花生，酸菜撈埋一齊不錯哦，係個豬軟骨有點失望叫左雲耳羅白腩肉小鍋米線，又係好大好大碗，不過味道普通，無咩特別心血來潮想食雞翼，由於雞翼新鮮炸，熱辣辣，好食總括而言，小店嚟講，咁大碗，正常價錢，糧尾的朋友可以try try 哦

早幾日我地去左荃灣雲家小鍋米線食飯，點左鋪頭幾樣招牌菜：第一碗炸醬腩肉螺旋草，炸醬係師傅炒左兩個鐘製成，食落有咬口，唔會好腍。而螺旋草其實係類似海帶既食物，估唔到襯埋米線又幾夾。而另一碗豬軟骨腩肉雞絲米線，豬軟骨炆到好腍，而雞絲係手撕既，好有心機。湯底係由豬骨同金華火腿等材料熬製多個小時而成，今次我地點左酸辣，入口唔會好油，比起出面其他米線鋪既辣更多左一份鮮甜香味。小食方面就推介涼拌墨魚頭。老闆透露墨魚係新鮮手切既，入口爽脆。配埋自家製醬汁，食到停唔到口值得一提既係小店係家庭式經營，樣樣食物都食得出廚師既心機

米線已成為香港人的common food，價錢廉宜份量亦飽肚。雖然米線店在香港隨處可見但又有幾多間能夠為花心機去為每一位客人做一碗美味的米線呢?今次在荃灣找到間價格經濟之如製作亦相當花心思的雲家小鍋米線。價錢由$25的小鍋米線起，湯底由師傅用豬骨和金華火腿等熬製十小時而成。有別於其他的湯底，入口味道先香後濃再辣，而配料豬軟骨炆至軟骨腍身，就像啫喱般易咬，完全沒過硬的感覺，就算牙力不太好的朋友亦可一試。另外炸醬也是師傅精心烹調製成， 揉合了孜然、麻辣和豬肉的香味，相當迎合米線的風味。除此以外，我們還點了些小食，印象最深刻的還是涼拌墨魚頭。 縱使小食亦不馬虎，入貨都是新鮮的墨魚再切碎，淋上 蒜汁，碟旁還有自家爆炒的蒜頭紅油，味道非常出眾。喜歡濃味的朋友也可試麻辣豬耳，同樣也配有自家爆炒的蒜頭紅油。米線的份量比其他略為多，加碟小食或飲品已經非常飽肚，而且價錢比較為大眾能負擔的，也是一家值得推介的餐廳。

荃灣美食多眾所周知，但是都集中在同一條街。這次發掘了一家在旺區以外的米線店，店家招牌的 小鍋米線 是師傅親自在雲南麗江學師，熬足6小時而成，絕對地道～小鍋米線（酸辣／麻辣）$25小鍋米線 湯底每日新鮮用30磅豬骨、雞、金華火腿等明火熬足6小時精製而成，賣完要等第二日才可以再品嚐。有別於其他米線店，用明火熬煮湯底確實十分罕有，而且每碗均是以湯頭獨立煮，非常用心。米線粗幼、軟硬適中，亦不會煮得太碎。辣度由不辣、不酸到BB辣至勁辣均可選擇，順應不同口味。▲腩肉$7、雞絲$7、豆卜$6腩肉是小店的招牌配料，不少客人專程是一試再試就是為了腩肉。跟外面米線店不同，這裡的腩肉是比較瘦，切得也較為幼身，但是卻很入味。▲蟹柳$7、冬菇$6、紅腸$7湯底可選酸辣或麻辣，配料包括芽菜、酸菜、韮菜、蔥、莞茜、豬肉碎。自選的冬菇有驚喜，雖然不是大大粒，但是極為入味，口感良好。▲豬軟骨$7、雲耳$6除了腩肉，豬軟骨也是店家最受歡迎配料之一。涼拌墨魚頭 $35最推介的小食！墨魚頭口感爽、彈，夠新鮮；調味酸酸辣辣，甚為開胃。店家的醬汁是自己的配方，這碟的配汁用上蒜頭，但能做到蒜香而不口臭～炸春卷 $20/5隻抵食之選

中午前來，店來幾乎已坐滿客人。地方乾淨，地下唔會黐立立。上菜速度好快，雖然人多，但唔洗好一耐已有得食。呢度嘅小鍋米線比較甜，唔會太鹹入面嘅酸菜都係比較甜的。米線嘅份量好足夠。而配菜嘅酸菜芽菜韮菜份量都好多，唔會好小氣俾好少你。如果有幾個人一齊，一定要試下小食墨魚頭！不過麵配飲品比較貴。

推薦尼間的酸辣米線米線只是小辣，辣味重，味濃，但又唔會過份重口味，唔會太口渴試過一次食大辣，辣到飛起，從此放棄了之後都是安心的食小辣了過橋米線有許多配菜，涼拌墨魚頭都幾好味，但蒜味較重豬頸肉很香脆，就是炸的時間稍稍比較長，需要等候

今日中午經過荃灣間細細地嘅米線鋪。雖然地方唔大但係擺設座位很寬闊，舒服又乾淨。坐落不久就有個靚仔「幾handsome」 幫我落柯打，佢介紹咗啲小食串串雞同牛， 宜米線我揀咗豬頸肉雲吞韭菜麻辣。碗米線一嚟到就香噴噴，好有味道，睇落同埋個份量絕對一讚。加埋碟串燒真係令人流哂口水。埋單連杯凍飲一啲都唔貴，一定平過出面一般嗰啲米線店。下次可能同班同事叫外賣支持下 特別推介小食燒韮菜，麻辣腩肉，鹵水雞翼，豬軟骨~~

今晚放工好攰，係荃灣到周圍行下，結果來左呢到，跟著就叫左一個少辣多酸既腩肉雲吞小鍋米線加一串牛肉串燒，同凍檸茶。米線味道很好同足料，份量多多，飲品大大杯，最適合我呢d大胃口既人黎食，必定飽呢度唔似連鎖經營既米線鋪，譚x,川x,雲xx，位置要逼到一定要坐爆人咁，唔洗撞人同被撞，最舒服既就係晚上黎左食，佢呢到令到我好放鬆，放低左平時急速既節奏，因為坐住食跟著廚房就傳黎左好多我既年代既歌，聽到岩聽既就跟著佢唱整體很好，支持小店，值得推介

米線係本人既熱愛.但呢一間米線真係令人好失望一去到坐低, 有一個說普通話的人落單心想, 呢間米線真"正宗"連侍應都是外地人, 一定好食掛, 叫左個酸辣雲吞米線+檸茶滿有期待.但一食太喊,仲有酸味一D都無米線份量少&雲吞得兩只....雲吞好難食..無味道..食到一半已經吾想再食..雖然今日有點肚餓..呢間雲家米線....可一不可再...

今日去朋友屋企經過呢間鋪叫雲家米線，因為下午想食少少野，入去叫咗個豬口小窩米線，發現碗米線勁大碗米線同宇宙最強石蔭梨木樹米線味道一樣咁好味，以後食米線唔洗去石蔭排隊，係荃灣都多咗一個選擇，入面環境仲幾舒服，有wifi供應，米線鋪暫時只見得呢間，以後去荃灣一定會再黎！后尾先知原來朋友都係呢間米線鋪既熟客，佢話最鍾意呢間鋪既小窩米線同凍檸茶，佢話凍檸茶除有茶味外仲會散發淡淡既香味，唔知佢地加咗咩落去呢？最衰我冇叫到原來佢下午茶野飲都係3蚊，下次一定要試下佢地杯凍檸茶！

小店，隱藏在沙咀道的寶石大廈停車場旁， 不是大街，識得路的熟客才會搵到，做店入面，好快就會聽到廚房內快而有力的鑊聲，火爐煮的米線夠入味把湯的香味全部吸入米線中了初初覺得鑊聲有些吵耳。但習慣後就不大覺了每次點完米線，廚房的火爐就響可以分辨出，米線是逐碗逐碗煮的 米線最突出的是湯底，個人偏好濃重口味的湯底 但亦不想食完極度口渴這間店舖的米線，似乎少落或者無落味精，食完濃郁的米線後不會太渴不只需飲少量的水就得點了豆卜，豬軟骨，小辣米線豆卜無乜特別，但吸收了湯的香味才較好味豬軟骨一入口就化，我好鐘意，喜歡米線的朋友可以去試下。

叫o左個腩肉酸辣米線大辣，d米線唔會煮得太淋或太硬，而係有咬口個種。酸辣湯底酸酸地幾開胃，腩肉唔會好似出邊太肥膩個種，好多肥膏，而係有8成肉2成脂肪，食完都無乜罪惡感！同埋唔知呢間鋪係無落味精定落得少呢，食完都唔口渴，我仲飲哂d湯tim 本身見到隔離有人叫o左串燒同蒜泥白肉，好似好吸引咁，都想叫份試o下，但碗米線實在係太大碗，食完已經飽到行唔到咁濟，唯有留返下次試啦。食到飽飽都只係$32，去邊到搵阿

昨天放假，去探一個好耐無見既朋友，成日講到呢間「雲家」有幾正，一於就去佢呢間米線店食d野再上佢屋企玩咁多種麵條黎講，我最鐘意就係食米線，鐘意佢個種爽口得黎又有咬口既感覺，唔知呢間鋪頭又可否為我帶來驚喜呢一入到去一位姨姨就好熱情咁招待我地兩個，唔知係咪老闆娘呢！我點左一碗小窩米線加大腸腩肉，酸辣小辣，再加串燒牛雞各2串，朋友就叫左小窩紅薯粉加肥牛金錢肚都係酸辣小辣。再每人叫左支豆漿。好快兩碗熱辣辣既麵就送到黎我地面前，嘩！果然色、香俱全，唔知味道如何呢？我有個習慣就係食麵類前都會飲啖湯先，一飲，發覺無我想像中辣，唔知係味因爲我比較食得辣（平時食譚仔我係食開中辣），我覺得辣得唔夠喉！呢個時候姨姨竟然主動問我係咪覺得唔夠辣，若唔夠，可以幫我加辣！嘩！真貼心既服務，又細心留意到客人既需要，贊一個加完辣之後果然做到色香味俱全！岩哂我口味！話口未完，串燒都黎埋，一啖咬落去，熱到我個嘴痛，果然熱辣辣又夠惹味，我覺得雲家既串燒好食過出面好多串燒店！大家有機會食雲家一定要試下佢既串燒！食飽飽之後就飲埋我支豆漿，感覺熱氣都下哂埋單都係一百數鬆d，真係幾抵下。飲飽食醉之後就上朋友屋企玩下佢個bb啦，下次有機

今日在街上行下行下見到一間新開的米線店鋪，鍾情食米線的我當然入去試下店鋪的員工不多是間小店，一走進店鋪就聞都一陣濃濃的米線味（應該是辣椒味）店鋪整體上較乾淨，清潔，卡位較多不必座硬凳點了冬菇，雞絲，炸醬冬菇OK厚身，悶的入味不苦炸醬好特別，全是瘦肉，一點都唔肥雞絲感覺好新鮮，應該是即做即賣的飲了小小湯，湯底好濃郁，應該是大量豬骨煲的，湯底夠酸夠辣，有強烈的食慾要飲落去但感覺米線實在是太大碗了，對於食量不大的我，要全部食晒，實在是一個挑戰