雲家小鍋米線 (328廣場)

营业中

休息中

夜晚唔知食乜，經過有間米線舖未食過就諗住試下啦。走入間舖頭，未坐定，侍應就即刻問我食咩。咁我同佢講話想望下張餐牌先。唔夠一分鐘，又再走過嚟問我要咩。如是者重複咗兩次。我心諗你間野又唔係多食客，莫非趕住收工？張餐牌明明寫住收11點，都唔明點解要咁急住落單。重慶酸辣粉$25，貴就唔係貴，但冇乜料，尤其肉碎得好少。而且叫豬頸肉要加$12，都係得好少。所以，當附近幾間米線/紅薯粉要等位嘅時候，呢間野食客十隻手指數得晒係合理嘅。

叫親外賣總會有野漏，錢就照收，餸就比少左打去補番又推又拖今次叫麻大辣就比左麻小辣打去同佢講話佢落錯單，佢話係我寫錯（？）會唔會係佢自已落錯單？本人係打電話叫外賣的問佢可唔可以換番，阿姐話冇得換，淨係可以唔要，轉頭搵人黎收番走，真係極品👍🏽老嗰個阿姐服務態度超差！已經唔止一次！垃圾食店！如果唔係附近冇第二間雲南米線可以叫外賣的話，絕對唔會再幫襯哩間！

現在的米線店愈開愈多間，除了連鎖店之外，仲有不少自家小店。最近去了荃灣沙咀道的［雲家米線］🍜店面光鮮明亮，容易認出環境不大，但尚算整潔。米線款式除了有小鍋米線，還有重慶酸辣粉、少見的螺旋草米線等⋯加配餸由$6-12不等，其他都係串燒小食。友人揀了清湯小鍋米線，加左雞翼、鴨腎、鮮什菌，材料豐富，每款份量不少。米線底亦好足料，有兩配咁多，食落都幾飽肚！另一碗就叫左螺旋草試下，其實係藻類一種，能提高免疫力、降低血脂。好少食米線都咁講究健康其他配料有豬頸肉、墨丸，豬頸肉燒得香口，墨丸彈牙。可惜湯底係偏濃味，食到一半就要不停飲水。涼拌墨魚頭 $40 有些少辣，口感爽脆，食落都幾開胃既$40一大碟，份量足夠幾抵食！最後仲加多碟油菜添！

米線米線比得好大方，份量好多。第一啖試左米線先，因為驚浸耐左會變左質感。米線質地夠滑，但可能個人較傾向有彈性既米線，覺得米線煮得耐左少少，略嫌米線淋左啲，但問題不大。都唔差既！湯底Order左小鍋米線，走辣。小鍋米線會有芽菜、韭菜、酸菜等配料。留意返，走辣既話會無左肉碎。芽菜同酸菜既份量都好多，尤其係酸菜。食到最尾果啖米線都仲有酸菜係到~芽菜爽脆、酸菜唔會過鹹或偏酸、韭菜較生。而湯底調味唔會過鹹，食落無咩負擔既感覺！值得一讚既係，食完成碗米線，唔會覺得口渴，證明左哩到無咩味精！又可能係我走左辣，會淡口味左，最怕食完米線會口乾既我，食完哩碗完全無哩種感覺，正！雞絲份量好多！雞絲無肥膏，亦唔連皮。食到係鹽焗雞既味道，唔會太鹹；不過浸湯浸耐左就會失去鹽焗雞既味，變成普通既雞絲。雖然雞絲唔會話好滑、好重雞味，但以哩個價錢可以提供到哩個份量同味道既雞絲既話，我覺得完全收貨！性價比高！螺旋草份量依然大方！螺旋草爽脆，無論係味道定口感，都係海帶既朋友><有作少許調味，食到鹹鹹地。要留意返，浸落啲湯到耐左會冇咁爽口同鹹味都會消失，建議叫另上或者快啲食左佢先啦！係健康之選呀~雞絲螺旋草小

人在荃灣，不算太肚餓，想吃得輕巧一點，所以決定去雲家小鍋米線，那在寶石大廈，地舖，大大個招牌，唔難搵。除咗最經典嘅米線，亦都有紅薯粉。今日選擇了小鍋紅薯粉。餸菜配搭有點像車仔麵，四款價格，自由配搭。配菜，麻辣度等等一併可以任君選擇。不想食麻也不想食辣，所以全走，清湯也不錯；每碗default 有芽菜，酸菜，韭菜，蔥和芫茜，味道已經不簡單。紅薯粉q彈軟滑，晶瑩剔透。餸菜有魚肉春卷和菜心，前者似魚蛋，不過外層炸得更脆，後者來貨幾好，有菜心嘅甜。加個特色小食，涼拌墨魚頭，辣汁加香蒜，少少辣，食得醒神。墨魚彈牙可口；墨魚頭意思係切得細細粒，唔係墨魚個頭呢。食完辣嘢就想飲凍飲，於是叫杯凍菊蜜，又夠滋潤。

人在 荃灣 - 沙咀道 , 沒有特別想吃的東西 , 也不覺得太肚餓 , 求其找點吃的就可以了 ....於是就入了這間 雲家小鍋米線 吃碗粉麵 ~Menu ~點了一杯 檸凍檸茶 走甜 , 但端來的是一杯有糖的凍檸檬茶 , 筆者要求更換 , 店員就黑面了 ~ 點了一碗兩餸酸辣米線 (魚腐蒸腩肉) , 我點這碗米線的時候 , 說明是要走芫茜的 , 不過端來時就是有芫茜 .... 唉 .... 超級無奈 ~ 魚腐是坊間行貨到不可再行的出品 , 腩肉切得零零碎碎 , 肉質乾柴 , 頽到一個點 ~ 米線的質感普普通通 , 沒什麼好評論 ~本篇完 ~

蒜泥白肉：用一片片長既豬肉片．每片帶有一粒骨仔，不喜歡有骨．蒜夠多，好味．份量ok.魚肉春卷+酸辣薯粉（小辣）：一份魚肉春卷上枱有三條，但每條魚肉春卷切左一半，所以正常只有一條半．食落其實同魚片口感差不多．冇乜特別既．酸辣薯粉份量夠多，仲食吾晒．小辣調得剛剛好．凍飲加$7．叫左凍檸茶．正常．_---------_--------------_------------_--_----------_環境:地方細細服務：ok

好一排無食米線，經過雲家小鍋米線，於是入去開餐。食物選擇不算太多，但配搭絕不單調，可以揀米粉或紅薯粉，餸菜選擇極多，可以組合適合自己口味的一碗米線啊。我的組合是一碗小鍋米線，加魚肉春卷、鮮什菌、牛腩。魚肉春卷大概是魚蛋吧，不過外層的香脆與春卷倒有幾分相似。鮮什菌份量夠多，亦令整碗米線更健康。牛腩帶點辣味，比較刺激，亦好醒神。米線內有芽菜、酸菜、韭菜、蔥和元茜，要走乜都可以同侍應講，唔使上菜後先至慢慢揀走咁辛苦。小食揀了炸春卷，一客五件，新鮮炸起，非常香脆。飲品配了熱檸茶，只需加HKD6。

好耐無食過米線了突然有點想食，就等埋老公放工出左荃灣食晚餐了。呢到除左食米線之外，仲有不少小食提供！！所以我地就點左一碗米線再另點幾款小食樣樣試下！！😋😋😋熱柑桔🍊蜜$16 凍檸茶小鍋米線🍜 肥牛小辣$37米線份量十足超大一碗，$37呢個價錢真係好抵食，米線夠晒彈牙軟硬適中🤗手拍青瓜$20青瓜蒜味十足，咬落十分爽口！！涼拌雲耳$20又係超大一碟，多到我地都食唔晒，雲耳爽口有質感！！炸春捲$20炸春捲$20有5條，條條都炸到好香脆熱辣辣，入面係芋頭...食落好有口感！！燒雞軟骨$15$15有兩串，雞軟骨大大粒咬落去特別有口感，辣度亦調教得剛剛好！！燒四季豆$10一串裏面有9條，好抵食呀，燒到又唔會好乾，美味可口！！涼拌墨魚頭$40食落去超級爽口彈牙，值得一試！！推薦推薦🤗埋單$185兩個人$200都唔洗就食到飽飽了，真係抵食又好味呀！！

黎到荃灣同阿哥食下午茶，選了這間米線。都幾多客人食；有電視有wifi,可以慢慢食。以木枱木椅為主，簡單的！選擇米線或紅薯粉，餸都好多款，可加錢點不同餸菜；湯底有酸辣或麻辣選擇，辣度可選（小/中/大）魚肉春卷酸辣米線加魚腐加芥蘭大大碗，好香！材料好足！芥蘭好翠綠，加菜多了纖維，健康蔬菜米線好多好彈牙、酸辣湯底好野味好開胃！魚腐有3-4塊，內面似魚旦，外香香的皮（魚肉春卷）切半條的，好有口感的魚肉春卷好味道，香香又彈牙，我喜歡這質感（蒜泥白肉）我哥點了這個，好；好多蒜蓉、滿滿在白肉上，好吸引喔白肉一層一層肥瘦相間，好軟但又不失彈性，微微辣的汁配上蒜蓉同食，味道口感一流咸檸7罐上7up, 有另一杯是冰及半個青檸！好正又解渴又清熱

腩肉豬大腸螺旋草酸辣米線 $47呢間米線bookmark好耐 前排成日見到佢喺fb同ig賣廣告 雖然有d煩🤡 但成功令我去試既念頭更加堅定🤟🏻腩肉充滿豬頸肉feel 偏薄身 邊位有少少脂肪 食落唔會又韌又鞋😋 豬腸一條條有咬口 唔會太肥 螺旋草係嗌黎減低邪惡感😇 湯底叫左小酸辣 香得黎又唔會太鹹太辣 幾岩我口味 整體都唔錯

禮拜五晚揀左食米線，呢間喺荃灣一段時間，都見過有朋友介紹，但系未試過。可能係星期五，晚飯時間都好好生意，全店位置就唔算好多，好企理乾淨，有一張大枱埋單，我地就好好彩有位。店員好nice，遞多份餐牌俾我地，然後差唔多時間就過來幫我地落單menu主打小鍋米，可自選米線、薯粉等，25/27蚊再搭其他自選配料，同車仔麵一樣。配料果度有腩肉、炸醬、丸類、豬耳、餃類、蔬菜、豬扒、肥牛、豬頸肉等，價錢係6-12蚊，都好抵食。最重要係我地見到對面枱碗麵真係好大碗。另外仲有小食、串燒，都一樣好吸引。小鍋米線(麻辣小辣)、炸醬、豬大腸、魚肉春卷：揀左三個餸，碗麵上枱真係好大！我地揀麻辣小辣，店只有提到到佢地嘅麻辣係有酸嘅，問我地地洗唔洗走酸。佢地嘅麻辣唔算好辣，一般人都接受到，我諗如果平時食得辣嘅，都要點中辣以上豬腸份量都幾多，唔係話好腍果種，比較有咬口，亦都清理乾淨；魚肉春卷有三條，有魚肉味道，質地比較實淨，唔錯。炸醬係好似肉碎形式，唔係好辣，有肉香。小鍋紅薯粉(麻辣小辣)、芝心丸、雞翼：揀左兩個餸配薯粉，本身碗野已經有芽菜、酸菜、蔥、芫茜，我走左韭菜，小辣就唔算好夠喉，下次會試下大辣。芝心丸好彈牙，雞

同姊妹黎荃灣行街街，個陣唔算太肚餓就決定食米線，剛好經過呢間雲家小鍋米線，所以入去試下。地方唔算太大，大約坐到20多人左右既細店。望望MENU，都幾多款簡，點樣組合都諗到我頭大最後決定叫牛腩小鍋米線(HKD 37)+ 墨魚頭(HKD 12)+ 紫菜(HKD 6) + 金錢肚(HKD 12)，之後再加多支豆漿 (HKD 7)豆漿都係加HKD7 都幾便宜，而且唔算太甜同埋好重豆味! 唔錯!而我朋友叫左熱拌米線(HKD 25) + 芝心丸(HKD 7) + 蟹棒 (HKD 7) + 菜心 (HKD 6) + 腸仔 (HKD 7)我地仲要加多碟手拍青瓜(HKD 20 ) 同埋 辣豬耳 (HKD 38)墨魚頭:咬下去很爽口。第一次食這個小食，單點為一個餸係最好既選擇。金錢肚: 一定要點既ITEM，好濃味，好CHEWY 而且個滷水汁好入味呀!原來店主堅持使用雞肉、豬骨同金華火腿以明火爐熬煮湯底，同電磁爐煮食相比，煮出米線味道比較立體，所以材料都非常入味！手拍青瓜:，拌醬以蒜蓉和豉汁為主，另外佢有一個小碟是用來裝了陳醋，比喜歡呷醋的朋友可以自己點，店主好細心。)食左咁多肉類，緊係要食返d fresh

今晚同朋友黎到沙咀道e間小店～心血來潮見到小鍋米線做買點見唔係好肚餓，所以入去試下。睇睇菜單先叫左個牛脯小鍋米線（＄37）頂唔住頸叫多左金鈷雲吞金錢肚，仲有兩串串燒同埋一支豆漿主菜黎到啦～嘩！真係樣樣都比好多料！牛腩d肉一cc ，好易咬，有d部分仲有根，好正！金錢肚好林，老味好入味！雲吞大大粒仲要手工包 肉同菜比例剛好 肉汁都保留住！手工野係有保証！芽菜都好多好多 大方有誠意！韭菜洛既孜然粉剛剛好，唔會太鹹亦都唔會遮住韭菜味雞軟骨都燒得好香好好食，超正。最後飲埋個豆漿，禮成！！！！ 正！！！

13/12/2018仍然係凍冰冰，所以又去荃灣食米線，今次揀咗雲家小鍋米線。店仔細細，但窗明几淨，格局摩登。侍應雖不至於殷勤，但態度也不粗魯無禮。點了猪扒小鍋米線，猪扒同米線分開上嘅！猪扒幾大塊，雪藏貨，揾野喇過再油炸，雖脆口但略嫌乾。猪扒有骨同帶D肥膏，選料算不錯！米線不算大碗但都能吃飽，入面有好少好少肉碎，充足的酸菜，韮菜，芽菜同茜葱，係大路的米線配菜。今日點咗小辣，圖片所見湯底好似清清的，但原來都頗辣，幸好不太咸，吃完成碗面都不口渴。味道帶甜，易入口，只是有些少惹痰。米線軟硬適中，略幼幾滑，但配菜就淥得過了火，太稔。今餐盛惠37蚊，不跟餐飲，價錢在米線界嚟講都算合理。總括來說，味道不錯但欠缺特色，若在附近經過，不妨一試。