雲家小鍋米線 (328廣場)

营业中

休息中

【Overall 評分】食物質素：★★★★環境感覺：★★★★服務質素：★★★★衛生指數：★★★★抵食指數：★★★★☆打卡指數：★★★☆回頭指數：★★★☆🔜 位於荃灣嘅「雲家小鍋米線」一直備受「米線關注組」的熱捧，仲受到米紙嘅推薦，小店人氣長期超旺，特別係假日，真係大排長龍架😂 除左用料豐富，價錢親民兼大碗，想食記得要早D到🤣────────────────────【雞絲螺旋草米線 酸辣 中辣 $46】。+腸仔 $8，雲吞， 雞翼 $9。螺絲螺旋草米線比較少見。螺旋草口感爽脆，吸湯力強。雞絲份量足，口感紮實嫩滑。腸仔經油炸香。雲吞係白菜豬肉餡。雞翼鹵入味，肉質細嫩。湯頭濃郁，酸辣開胃，辣得過癮。米線底好足又大碗.【小鍋米線 酸辣 小辣 $30】。+豬皮 $9，蘿蔔 $7，牛腩 $15。米線底同樣豐富。有芽菜，酸菜，韭菜，蔥，芫茜，辣肉碎。豬皮爽彈，掛上辣湯汁，超正。牛腩已經入哂味，入口軟腍.【手拍青瓜 $22】。青瓜咬落清脆，加上大量嘅蒜蓉。消暑一流.【炸春卷 $24】。其實是網紋炸春卷。入口酥脆香口.【凍奶茶。凍檸檬 $12】

叫兩碗米線，比左一碗配菜，全部都係芽菜同韭菜，另一碗係乾面，其實可以叫面餅，要自己再加熱先食得。本身兩個人食兩碗依家要share一碗。仲要山長水遠係荃灣拎返屯門先知道

米線殘粉兼食辣🌶愛好者都會到荃灣上為米線之都覓食，今次同大家介紹荃灣三大米線之稱嘅雲家小窩米線。三家都有佢哋嘅特色，但如果要比拼，雲家最大嘅賣點係湯！好多雲南米線最大問題油太多，雖然係辣油，無又好似失去左風味。但而雲家就唔同，佢嘅湯除咗夠濃味，上面更冇一層厚厚油，食完絕對冇封住喉嚨嘅感覺，呢點絕對係一大大賣點👍👍👍 另外，肉碎、酸菜、配菜都多。雲加招牌菜係腩肉、豬頸肉及豬扒，而我今次點了腩肉及魚肉春卷薯粉🐷腩肉雖然佢唔係用五花腩，個人就鐘意瘦腩肉，食落去唔會覺得肥膩，又唔會覺得好鞋口，處理得非常好。仲要滷得好入味，加上少少辣，難怪成為招牌菜。🐟魚肉春卷雖然唔算好特別，不過勝在彈牙，入面仲有啲啲蔬菜粒感覺都係健康。🍜另外，朋友就推介下次必定要點米線，大讚米線口感比起其餘兩家家及譚仔都優勝，絕對爽口彈牙度十足，唔會似譚仔咁太淋。🐙涼拌墨魚頭及炸雞翼作小食，涼拌墨魚頭基本上個個都必點，果然不令我失望，份量相當多，醬汁配上大量大蒜、香油，涼涼地好爽口，帶有少少酸味，好適合夏天天氣，食完會上癮。🐣炸雞翼，好好彩比我掂到最後一年碟，味道有點像泰國香茅雞翼，外皮香脆，中間肉汁好多。呢個當真要趁熱食，

睇完網上 有人介紹呢間，山長水遠係觀塘走黎食.入面冷氣唔夠，都真係有d熱，兩位阿姐好勤力，可以請多一個人幫手，煩忙時間見到佢地都冇時間執枱，一腳踢，都唔敢催佢地，至於食物叫左個麻辣小鍋米綫，d湯俾得少，唔使好快已經俾個fd 笑係撈麵。配料係金錢肚同魚肉春卷。金錢肚有d硬唔入味，春卷都冇咩特別。仲叫左個最期待既涼拌墨魚咀都係一般啦😹其實整體都ok既，不過又冇咩特別😹下次都係唔好跑甘遠， 攰！

超鐘意食米線，風雨無阻！🌀☔️🥰 次次嚟呢間食都有驚喜！🤤📍 #dia_荃灣/ 食物 Food /❤️‍🔥酸辣小鍋米線：腩肉+豬大腸 + 豬紅 $30+$10+10+9❤️‍🔥酸辣小鍋米線：腩肉+豬脷 $30+$10+$9❤️‍🔥涼拌墨魚頭 $45❤️‍🔥麻辣金錢肚 $46小鍋米線份量十足，超多食到好飽，湯底夠酸夠辣，濃郁有肉碎，多青多芫荽好正！🤪 我嗰碗叫咗三個餸，份量勁平均，滷水豬大腸厚身爽彈，腩肉肥瘦分明，豬紅乾淨彈滑甜！次次嚟呢度都好想試涼拌墨魚頭，今次終於嗌到！😝 涼拌墨魚頭上面鋪滿炒香嘅蒜蓉，墨魚頭煙韌彈牙，非常惹味！😍 金錢肚麻辣過癮，配上蒜蓉粒，炒得超好食！🔥 / 其他 Others /▪️餐廳晚市勁多人，排隊要起碼15分鐘。▪️餐廳環境唔算好大，食客要坐得逼少少，大家去嘅話預咗要搭檯！≡※≡※≡※≡※≡※≡※≡※≡※≡※≡※≡※≡※≡※≡※≡※雲家小鍋米線荃灣沙咀道328號328廣場地下G01舖≡※≡※≡※≡※≡※≡※≡※≡※≡※≡※≡※≡※≡※≡※≡※

( ͡° ͜ʖ ͡°) 雲家小鍋米線——香港嘢——❝ 米紙推薦荃灣米線小店 熱門人氣人龍店 ❞✿ 涼伴墨魚頭 $45夏天咁熱最啱食涼伴嘢 哩款係必點！蒜蓉醬油汁調得好好 非常開胃惹味墨魚頭新鮮彈牙口感一流 會令你食唔停口！✿ 酸辣小鍋米線 $30配料有芽菜、酸菜、韮菜、蔥、芫茜加配餸：腩肉+$10 大腸+$10 豬耳+$9 豬頸肉$18上菜一大碗米線同好多餸 非常豐富！揀咗酸辣小辣 唔算好辣湯底亦唔會太酸 酸辣度平均 夠濃好惹味～腩肉唔會好肥 唔係一層層肥肉嗰種個人比較喜歡哩種腩肉 比較爽口豬大腸切成一絲絲 夠腍夠入味 不錯豬耳厚切好有口感而彈牙 配米線好夾～另外重追家埋豬頸肉同朋友分享雖然+$18 但最少有6片 肉質爽口 好厚切啖啖肉 好味😋✿ 酸辣小鍋米線 $30加配餸：豬軟骨+$10 腩肉+$10 大腸+$10 佢叫微微辣 適合唔係好食得辣嘅朋友豬軟骨有咬口 味道正常其餘嘅都點咗同我差唔多嘅餸～✿ 凍檸茶 +$8╰☆* 推介指數：🌕🌕🌕🌕🌑

一直都聽好多人介紹雲貴川呢間米線今日喺荃灣終於有機會一探究竟咁啱午飯時間所以都需要等位 餐廳出面都大排長龍米線口感正常湯底味道濃郁 整體味道不錯但係要排隊就未必會幫襯覺得如果經過又唔使點等位就可以一試

大熱天時食呢間好好味、大大碗米線！一個人實在食碗米線已經飽到嘔！多個人就可以叫埋我想試好耐嘅涼拌墨魚頭啦！！不往我行到身水身汗….炸醬腩肉螺旋草小鍋米線$59太熱唔敢太辣，要小辣，但真係唔多夠辣🤭今次就乖乖地唔咁刺激😛炸醬 - 超級好👍🏼唔會有勁肥嘅肉碎，而且炒得好香！腩肉 - 少少辣辣地、入晒味、爽口、同上次一樣咁正！！螺旋草 - 即係昆布吧！配米線食又幾得意喎！而且都好索味！蘿蔔魚肉春卷小鍋米線$46魚肉春卷 - 有驚喜！有少少彈牙！又真係有啲魚肉味！蘿蔔 - 睇佢大大舊！已經煮到入晒味！但又有些少咬口！涼拌墨魚頭$45涼拌嘅醬汁好正！墨魚頭爽口！但，如果再凍啲會更好食！呢間係我認為暫時係荃灣嘅No.1米線，未食過嘅真係要試試啦！

成日响啲米線關注組提及雲家，一直都好想試吓。今日難得路過，唔係唔試嘛？！今日唔係好多人，等咗兩枱就到我哋喇！店內地方唔大，每枱都好迫，坐得唔係咁舒服。😅 餐單選擇多，但今日冇熱/冷撈米線，只有湯米線。聽聞佢嘅酸辣湯底唔錯，今日揀咗酸辣腩肉燕皮肉餃湯米線、酸辣腩肉肥牛湯米線、涼拌麻辣金錢肚、另加兩杯凍飲，承惠$166。點餐後，就進入漫長嘅等待喇…… 冇錯，原來嚟雲家就要預咗等最少15分鐘。今日又遇著好多外賣，就更慢喇！結果等咗差唔多25分鐘。米線上枱第一件事就係飲湯，佢嘅酸辣係帶甜味嘅，個人喜好再酸啲，但枱面上冇任何調味料，想加醋加辣都唔得，有少少不知所措。只可以講各有所好啦😅 ！腩肉係瘦肉，偏乾但份量好足，食極都有，非常抵食。燕皮肉餃有3-4隻（唔記得），燕皮比雲吞皮薄少少，其他差唔多。肥牛就份量少，只有3片，唔抵食。米線比較軟身，但份量好多，比雲貴川更多。第一次食一碗米線就飽成咁。🤣涼拌麻辣金錢肚蒜頭辣椒好多，但唔麻唔辣，仲有少少鹹。但味道整體嚟講都OK 嘅。總結一下鹹魚青菜各有所愛，口味唔同都好難講得中肯。於我而言，佢味道雖好，但未到神級，亦唔入我嘅三大。對於雲南米線，我個人偏好重

[ 雲家小鍋米線 ]荃灣有幾間米線小店都好出名，其中呢間除咗米線，小食同樣出色🤤🤤✿ 麻酸辣小鍋米線 $30湯底嘅麻、酸&辣味層次分明，唔會太過重口味&唔油膩；米線質地爽口帶點煙韌🤤米線配料有芽菜、酸菜、韭菜、蔥&芫荽，加配餸每款由$7至$18不等。$9款式：豬耳、豬紅$10款式：豬軟骨、豬大腸🐷🐷豬紅夾起唔會散，口感實淨，帶少少咸味。豬耳、豬軟骨&豬大腸都係用滷水熬煮，滷水味好香好入味但唔會好咸，而且熬煮時間控制得好好，保持到口感，唔會過林或過硬。豬軟骨大大舊無肥膏，肉&軟骨比例相約，軟骨炆到起膠；豬大腸呈條狀，去除晒所有肥膏，感覺健康啲🤣✿ 涼拌墨魚頭 🦑$45嚟到呢款小食係必食！眼見幾乎每枱食客都會叫😂 墨魚份量好多，帶鮮嫩味，爽脆唔韌，爆炒過嘅蒜蓉加埋微辣汁，開胃又食唔停口🤤總結🫦呢間米線小店質素穩定，就算全場座無虛席都保持到食物水準。店鋪位置雖然遠離市中心，但平晚都要排半個鐘先入座😧😧✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿雲家小鍋米線地址：荃灣沙咀道328號寶石大廈地下G01舖電話：24395767✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

🐷豬頸肉小鍋米線 $48湯底可以揀酸辣or麻辣，今次叫左酸辣小辣💁🏼‍♀️辣度唔高，酸味比較突出，面頭都唔會有一層油😌值得一讚係豬頸肉份量好多，有8-9舊😱🦑涼拌墨魚頭 $45呢到既招牌菜✨墨魚頭爽脆，加埋大量爆過既蒜真係好香口🧄味道仲有少少辣，惹味🤤美中不足係個底油左d～荃灣有好幾間人氣米線店，作為米線控梗係要黎試下☺️個人覺得雲家米線唔算好特別，反而係個墨魚頭幾出色，而且唔係到到有得食🤩

今日在荃灣區開會~ 收完左同事話附近有間米紙推薦既米線店話想試下於是跟住朋友黎到雲家小鍋米線~ 店裡都算spacious,每枱內及與其他枱都有膠板隔住~ 貼心我地到達店舖時大約6:45pm, 當時都店外都已經開始有人排隊! 超人氣~我地好幸運到好快就有二人位~ 坐得之後就睇返有咩好食了發現餐牌上勁多正野, 揀左陣終於有心水落單!小食方面,我地叫左一碟醬拌皮蛋($24)皮蛋係好特別既金黃色皮蛋賣相又靚又好食皮蛋上放滿足料蒜泥,蔥花及少許辣椒. 入口勁正~第二客小食我地則叫左炸春卷(5隻, $24)春卷共有五條~ 每條都炸至金黃脆身! 外皮有銀絲般紋, 而咬落每一啖都勁香 讚~主食方面,我同朋友叫左一碗凈雲吞(6隻, $39) share黎食雲吞包得好好~ 雲吞皮厚薄適中, 雲吞餡亦十分新鮮~ 選用了菜肉餡湯頭亦好好飲黎到米線~ 朋友叫左碗魚肉春卷米線($39) 加通菜($7)魚肉春卷米線揀左小小辣朋友大讚魚肉春卷好得! 好有口感,魚肉味十分鮮香~ 配埋通菜仲一級棒呢! 而我自己就揀左牛腩小鍋米線(45) 加響鈴($9)牛腩煮炆得十分腍軟~ 肥瘦剛好 非常好食響鈴亦同樣十分出色~ 佢地完吸

呢間雲家小鍋米線米紙都推介過，係荃灣米線舖林立既地方都可以佔一席位，所以決定放假去食下。一去到2:00過左lunch時間，都已經要排隊等位，好受歡迎。豬軟骨螺旋藻酸辣小鍋紅薯粉$51佢既份量真係無得輸，酸辣湯底仲可以自己揀辣度，而且好鐘意螺旋藻口感，豬軟骨都入味，配埋紅薯粉煙靭，好過癮。雞絲腩肉清湯米線$51試左一啖清湯都好喜出望外，調味剛好唔會太淡，而且雞絲份量勁多 ，搭埋其他配菜一齊食，媽咪都好飽食唔哂咁濟。涼拌墨魚頭$45呢碟簡直係枱枱既標配咁濟，係佢地既招牌，果然墨魚頭好彈牙，而且個蒜汁好濃味，仲可以蘸魚露，要整得爽口唔易，而且出面比較少見，可以一試。醬拌皮蛋$24尖椒皮蛋食得多，醬拌皮蛋同涼拌墨魚頭既醬好相似，好香蒜蓉味，如果就咁食就比較重口味，配埋米線食就剛剛好。

聽聞荃灣雲家小鍋米線足料好味，今日下就決定同男朋友一齊去試下，點知係一次失望既體驗😰男友叫左一碗魚肉春卷小鍋米線，春卷對半開邊，總共只有三塊，份量實在係少。春卷口感厚實，似食緊一塊冇魚味既麵粉🥲我叫左一碗豬扒小鍋米線，豬扒另上，豬扒份量正常，但塊扒咬落去好硬又好柴，而且碟底頗多油😰😰另外，湯底就不過不失啦，米線份量都足夠。食物質素、味道已經一般，加上店員既服務態度亦唔友善，一開始啊姐冇比餐牌我地，我地要求想要餐牌，佢就好唔耐煩地係隔離枱抽個餐牌過來，我地同隔離枱既客人都呆一呆😂既然標榜得係老字號，希望可以改善下食物既質素啦😕

第一次來食叫左兩碗米線加一個小食，好彩早食唔係排長龍。涼拌墨魚頭：$45 呢個價錢都大碟，超好食，墨魚好爽，點埋個汁酸酸甜甜咁，唔會太硬，好鮮味！唔怪之得個個都叫。正😄麻酸辣少辣小鍋米線$30加$9豬潤，不得不讚佢既豬潤，好多，岩岩好，唔會過熟會硬又多，正，個湯有酸菜，好多肉碎，配埋芽菜麵一起食好香，個米線好滑，最重要夠熱。，好開胃。麻辣少辣魚春卷米線$39，麻味重又香，麻辣又有獨特既好食，魚春卷唔同出面食開既，佢呢度比較硬，正！整體來講會再去，比起連鎖店既好食好多。座位迫少少唔緊要，最緊要好食😋