雲家小鍋米線 (328廣場)

营业中

休息中

📌 雲家小鍋米線 📍 荃灣沙咀道328號328廣場地下G01舖（鹹田街聖方濟中學對面）☎️ 24395767★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*朋友係米線控，呢日佢專誠出城去荃灣同我行街，仲要求我同佢去食正嘅米線。我諗起上次食雲家小鍋米線果陣想食嘅豬頸肉無貨，所以呢次再encore雲家去填補心裡嘅缺失。😝💫雲家米線$60最鍾意呢個好多餸嘅米線，我嗌咗唔辣，湯底香濃好甜帶微酸，好啱我飲。分量大大碗，賣相出眾，最愛魚春卷夠彈牙，螺旋草爽口細嫩，索晒湯嘅精華，雞翼肉質夠滑，冬菇好厚身入味，幼身米線夠爽滑煙韌。💫涼伴墨魚頭 $45呢個簡直係必叫招牌菜。用餐當日見到幾乎每枱都有點，墨魚頭好彈牙爽口，蒜泥醬汁帶點微辣，點埋個酸汁，開胃又惹味！💫秘製豬頸肉$46分量十足，豬頸肉半肥瘦，表面煎得香脆，幾厚身，咬落爽口，唔會覺得好肥好油。💫豬大腸小鍋米線 嗌咗小辣酸辣湯底，湯底夠濃郁唔油，酸辣味有層次，豬大腸好夠腍同入味，大量配菜唔留手，食完好飽足！呢個價錢食到咁好味嘅食物，唔怪之得鋪頭細細，坐得都幾迫吓，都有好多食客黎，坐無虛席啦！★*

ᴀᴜɢᴜsᴛ 2022💁🏻‍♀️： 我今日好想食米線呀。🙋🏻‍♂️：咁同你去荃灣食啦^o^（成日都睇到社交平台話荃灣有好多間雲南米線都好好食，今次我哋就揀咗呢一間比較多人like 既米線店，環境方面可能人手不足嘅關係唔算清潔得好衛生，而我今次試下佢個雞絲魚肉春卷米線先，配菜來講都尚算合格，魚肉春卷係成碗米來講係比較好食，但對我泥講湯唔夠濃 同埋米線嘅質地煮出嚟太腍，完全唔爽口，係有點失望 。）

荃灣· 雲家小鍋米線重寫左幾次🤧 每次寫完個稿都莫名唔見左 心累🥹mark左呢間餐廳好耐 終於試到 地點唔算就腳 星期日去確實條隊都唔短✨小鍋米線 $30-酸辣小小辣-湯底有芽菜肉碎蔥等等嘅配料 湯底好香濃鹹味多於酸味 -辣度偏底易入口 酸味有 但唔會過重-米線係軟滑煙韌 都入味-份量都唔細-下次會想試吓再辣啲 相信味道會更出色✨配料▫️+豬頸肉$18-份量好多 每一舊都好大塊 啖啖肉-調味唔會重配埋米線好夾▪️+豬大腸$10-食得出滷過嘅味道 但唔係咸-亦都滷得唔係好淋 有D咬口 不過咬幾下好易食-無任何怪味▫️+豬耳$8-滿滿嘅膠原配上爽口嘅耳骨 外淋內脆 超易咬 入味好食-份量好多 同米線好夾▪️+炸醬 $10-味道比較濃 湯底已經有大量肉碎 本身湯底味道已經好夠✨蒜泥白肉 $40-蒜泥多到滿瀉 每一塊白肉都比大量嘅蒜泥覆蓋住-腩肉既香亦易咬 又帶點麻油香味✨麻辣金錢肚 $46-好少見米線譜有得食金錢肚-好香麻辣味-金錢肚帶點咬口之餘亦都好夠淋-鹹香味比較重但好惹味✨醬拌皮蛋 $24-帶點魚油味嘅醬汁 皮蛋亦有蔥蒜包裹住-份量好多 皮蛋係透黃色蛋白

在OPENRICE找一下荃灣有什麼好食的介紹時，雲家正正在第一頁，因此特別走過去食。當時下午3點左右，外面沒有人排隊，但內里是坐滿人了，店內不算大，食米線都預左。去之前已經諗好食咩，叫了腩肉 + 金錢肚 小鍋米線，餸的份量都可以，金錢肚仲好多塊，但是覺得金錢肚比較硬身。湯底跟連鎖式雲南米線 "雲XX"差不多味。所以普通左少少。如果想試下的朋友都可以試，但未去到好好食的地步。

【Overall 評分】食物質素：★★★★環境感覺：★★★★服務質素：★★★★衛生指數：★★★★抵食指數：★★★★☆打卡指數：★★★☆回頭指數：★★★☆🔜 位於荃灣嘅「雲家小鍋米線」一直備受「米線關注組」的熱捧，仲受到米紙嘅推薦，小店人氣長期超旺，特別係假日，真係大排長龍架😂 除左用料豐富，價錢親民兼大碗，想食記得要早D到🤣────────────────────【雞絲螺旋草米線 酸辣 中辣 $46】。+腸仔 $8，雲吞， 雞翼 $9。螺絲螺旋草米線比較少見。螺旋草口感爽脆，吸湯力強。雞絲份量足，口感紮實嫩滑。腸仔經油炸香。雲吞係白菜豬肉餡。雞翼鹵入味，肉質細嫩。湯頭濃郁，酸辣開胃，辣得過癮。米線底好足又大碗.【小鍋米線 酸辣 小辣 $30】。+豬皮 $9，蘿蔔 $7，牛腩 $15。米線底同樣豐富。有芽菜，酸菜，韭菜，蔥，芫茜，辣肉碎。豬皮爽彈，掛上辣湯汁，超正。牛腩已經入哂味，入口軟腍.【手拍青瓜 $22】。青瓜咬落清脆，加上大量嘅蒜蓉。消暑一流.【炸春卷 $24】。其實是網紋炸春卷。入口酥脆香口.【凍奶茶。凍檸檬 $12】

叫兩碗米線，比左一碗配菜，全部都係芽菜同韭菜，另一碗係乾面，其實可以叫面餅，要自己再加熱先食得。本身兩個人食兩碗依家要share一碗。仲要山長水遠係荃灣拎返屯門先知道

米線殘粉兼食辣🌶愛好者都會到荃灣上為米線之都覓食，今次同大家介紹荃灣三大米線之稱嘅雲家小窩米線。三家都有佢哋嘅特色，但如果要比拼，雲家最大嘅賣點係湯！好多雲南米線最大問題油太多，雖然係辣油，無又好似失去左風味。但而雲家就唔同，佢嘅湯除咗夠濃味，上面更冇一層厚厚油，食完絕對冇封住喉嚨嘅感覺，呢點絕對係一大大賣點👍👍👍 另外，肉碎、酸菜、配菜都多。雲加招牌菜係腩肉、豬頸肉及豬扒，而我今次點了腩肉及魚肉春卷薯粉🐷腩肉雖然佢唔係用五花腩，個人就鐘意瘦腩肉，食落去唔會覺得肥膩，又唔會覺得好鞋口，處理得非常好。仲要滷得好入味，加上少少辣，難怪成為招牌菜。🐟魚肉春卷雖然唔算好特別，不過勝在彈牙，入面仲有啲啲蔬菜粒感覺都係健康。🍜另外，朋友就推介下次必定要點米線，大讚米線口感比起其餘兩家家及譚仔都優勝，絕對爽口彈牙度十足，唔會似譚仔咁太淋。🐙涼拌墨魚頭及炸雞翼作小食，涼拌墨魚頭基本上個個都必點，果然不令我失望，份量相當多，醬汁配上大量大蒜、香油，涼涼地好爽口，帶有少少酸味，好適合夏天天氣，食完會上癮。🐣炸雞翼，好好彩比我掂到最後一年碟，味道有點像泰國香茅雞翼，外皮香脆，中間肉汁好多。呢個當真要趁熱食，

睇完網上 有人介紹呢間，山長水遠係觀塘走黎食.入面冷氣唔夠，都真係有d熱，兩位阿姐好勤力，可以請多一個人幫手，煩忙時間見到佢地都冇時間執枱，一腳踢，都唔敢催佢地，至於食物叫左個麻辣小鍋米綫，d湯俾得少，唔使好快已經俾個fd 笑係撈麵。配料係金錢肚同魚肉春卷。金錢肚有d硬唔入味，春卷都冇咩特別。仲叫左個最期待既涼拌墨魚咀都係一般啦😹其實整體都ok既，不過又冇咩特別😹下次都係唔好跑甘遠， 攰！

超鐘意食米線，風雨無阻！🌀☔️🥰 次次嚟呢間食都有驚喜！🤤📍 #dia_荃灣/ 食物 Food /❤️‍🔥酸辣小鍋米線：腩肉+豬大腸 + 豬紅 $30+$10+10+9❤️‍🔥酸辣小鍋米線：腩肉+豬脷 $30+$10+$9❤️‍🔥涼拌墨魚頭 $45❤️‍🔥麻辣金錢肚 $46小鍋米線份量十足，超多食到好飽，湯底夠酸夠辣，濃郁有肉碎，多青多芫荽好正！🤪 我嗰碗叫咗三個餸，份量勁平均，滷水豬大腸厚身爽彈，腩肉肥瘦分明，豬紅乾淨彈滑甜！次次嚟呢度都好想試涼拌墨魚頭，今次終於嗌到！😝 涼拌墨魚頭上面鋪滿炒香嘅蒜蓉，墨魚頭煙韌彈牙，非常惹味！😍 金錢肚麻辣過癮，配上蒜蓉粒，炒得超好食！🔥 / 其他 Others /▪️餐廳晚市勁多人，排隊要起碼15分鐘。▪️餐廳環境唔算好大，食客要坐得逼少少，大家去嘅話預咗要搭檯！≡※≡※≡※≡※≡※≡※≡※≡※≡※≡※≡※≡※≡※≡※≡※雲家小鍋米線荃灣沙咀道328號328廣場地下G01舖≡※≡※≡※≡※≡※≡※≡※≡※≡※≡※≡※≡※≡※≡※≡※

( ͡° ͜ʖ ͡°) 雲家小鍋米線——香港嘢——❝ 米紙推薦荃灣米線小店 熱門人氣人龍店 ❞✿ 涼伴墨魚頭 $45夏天咁熱最啱食涼伴嘢 哩款係必點！蒜蓉醬油汁調得好好 非常開胃惹味墨魚頭新鮮彈牙口感一流 會令你食唔停口！✿ 酸辣小鍋米線 $30配料有芽菜、酸菜、韮菜、蔥、芫茜加配餸：腩肉+$10 大腸+$10 豬耳+$9 豬頸肉$18上菜一大碗米線同好多餸 非常豐富！揀咗酸辣小辣 唔算好辣湯底亦唔會太酸 酸辣度平均 夠濃好惹味～腩肉唔會好肥 唔係一層層肥肉嗰種個人比較喜歡哩種腩肉 比較爽口豬大腸切成一絲絲 夠腍夠入味 不錯豬耳厚切好有口感而彈牙 配米線好夾～另外重追家埋豬頸肉同朋友分享雖然+$18 但最少有6片 肉質爽口 好厚切啖啖肉 好味😋✿ 酸辣小鍋米線 $30加配餸：豬軟骨+$10 腩肉+$10 大腸+$10 佢叫微微辣 適合唔係好食得辣嘅朋友豬軟骨有咬口 味道正常其餘嘅都點咗同我差唔多嘅餸～✿ 凍檸茶 +$8╰☆* 推介指數：🌕🌕🌕🌕🌑

一直都聽好多人介紹雲貴川呢間米線今日喺荃灣終於有機會一探究竟咁啱午飯時間所以都需要等位 餐廳出面都大排長龍米線口感正常湯底味道濃郁 整體味道不錯但係要排隊就未必會幫襯覺得如果經過又唔使點等位就可以一試

大熱天時食呢間好好味、大大碗米線！一個人實在食碗米線已經飽到嘔！多個人就可以叫埋我想試好耐嘅涼拌墨魚頭啦！！不往我行到身水身汗….炸醬腩肉螺旋草小鍋米線$59太熱唔敢太辣，要小辣，但真係唔多夠辣🤭今次就乖乖地唔咁刺激😛炸醬 - 超級好👍🏼唔會有勁肥嘅肉碎，而且炒得好香！腩肉 - 少少辣辣地、入晒味、爽口、同上次一樣咁正！！螺旋草 - 即係昆布吧！配米線食又幾得意喎！而且都好索味！蘿蔔魚肉春卷小鍋米線$46魚肉春卷 - 有驚喜！有少少彈牙！又真係有啲魚肉味！蘿蔔 - 睇佢大大舊！已經煮到入晒味！但又有些少咬口！涼拌墨魚頭$45涼拌嘅醬汁好正！墨魚頭爽口！但，如果再凍啲會更好食！呢間係我認為暫時係荃灣嘅No.1米線，未食過嘅真係要試試啦！

成日响啲米線關注組提及雲家，一直都好想試吓。今日難得路過，唔係唔試嘛？！今日唔係好多人，等咗兩枱就到我哋喇！店內地方唔大，每枱都好迫，坐得唔係咁舒服。😅 餐單選擇多，但今日冇熱/冷撈米線，只有湯米線。聽聞佢嘅酸辣湯底唔錯，今日揀咗酸辣腩肉燕皮肉餃湯米線、酸辣腩肉肥牛湯米線、涼拌麻辣金錢肚、另加兩杯凍飲，承惠$166。點餐後，就進入漫長嘅等待喇…… 冇錯，原來嚟雲家就要預咗等最少15分鐘。今日又遇著好多外賣，就更慢喇！結果等咗差唔多25分鐘。米線上枱第一件事就係飲湯，佢嘅酸辣係帶甜味嘅，個人喜好再酸啲，但枱面上冇任何調味料，想加醋加辣都唔得，有少少不知所措。只可以講各有所好啦😅 ！腩肉係瘦肉，偏乾但份量好足，食極都有，非常抵食。燕皮肉餃有3-4隻（唔記得），燕皮比雲吞皮薄少少，其他差唔多。肥牛就份量少，只有3片，唔抵食。米線比較軟身，但份量好多，比雲貴川更多。第一次食一碗米線就飽成咁。🤣涼拌麻辣金錢肚蒜頭辣椒好多，但唔麻唔辣，仲有少少鹹。但味道整體嚟講都OK 嘅。總結一下鹹魚青菜各有所愛，口味唔同都好難講得中肯。於我而言，佢味道雖好，但未到神級，亦唔入我嘅三大。對於雲南米線，我個人偏好重

[ 雲家小鍋米線 ]荃灣有幾間米線小店都好出名，其中呢間除咗米線，小食同樣出色🤤🤤✿ 麻酸辣小鍋米線 $30湯底嘅麻、酸&辣味層次分明，唔會太過重口味&唔油膩；米線質地爽口帶點煙韌🤤米線配料有芽菜、酸菜、韭菜、蔥&芫荽，加配餸每款由$7至$18不等。$9款式：豬耳、豬紅$10款式：豬軟骨、豬大腸🐷🐷豬紅夾起唔會散，口感實淨，帶少少咸味。豬耳、豬軟骨&豬大腸都係用滷水熬煮，滷水味好香好入味但唔會好咸，而且熬煮時間控制得好好，保持到口感，唔會過林或過硬。豬軟骨大大舊無肥膏，肉&軟骨比例相約，軟骨炆到起膠；豬大腸呈條狀，去除晒所有肥膏，感覺健康啲🤣✿ 涼拌墨魚頭 🦑$45嚟到呢款小食係必食！眼見幾乎每枱食客都會叫😂 墨魚份量好多，帶鮮嫩味，爽脆唔韌，爆炒過嘅蒜蓉加埋微辣汁，開胃又食唔停口🤤總結🫦呢間米線小店質素穩定，就算全場座無虛席都保持到食物水準。店鋪位置雖然遠離市中心，但平晚都要排半個鐘先入座😧😧✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿雲家小鍋米線地址：荃灣沙咀道328號寶石大廈地下G01舖電話：24395767✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

🐷豬頸肉小鍋米線 $48湯底可以揀酸辣or麻辣，今次叫左酸辣小辣💁🏼‍♀️辣度唔高，酸味比較突出，面頭都唔會有一層油😌值得一讚係豬頸肉份量好多，有8-9舊😱🦑涼拌墨魚頭 $45呢到既招牌菜✨墨魚頭爽脆，加埋大量爆過既蒜真係好香口🧄味道仲有少少辣，惹味🤤美中不足係個底油左d～荃灣有好幾間人氣米線店，作為米線控梗係要黎試下☺️個人覺得雲家米線唔算好特別，反而係個墨魚頭幾出色，而且唔係到到有得食🤩