雲家小鍋米線 (328廣場)

营业中

休息中

荃灣出名多人氣米線，今次晏咗起身，3點幾先去食lunch，所以就決定試呢間平時食飯時間排長龍嘅雲家小鍋米線叫咗酸辣小鍋米線配魚肉春卷同腩肉，BB辣唔算辣，所以食到辣嘅朋友其實可以叫辣少少，而魚肉春卷幾彈牙，外皮炸得幾脆，腩肉就辣辣地同幾淋，醃得幾惹味，不過湯底飲落其實唔算太驚艷，可能因為本身期望太高，但都係一碗出色嘅米線涼拌墨魚頭好爽口，調味調得幾好，而份量都多，唔怪得枱枱都有叫最後叫埋支豆漿黎飲，解辣一流

今日嚟到位於荃灣嘅雲加小窩米線食飯，依間米線一向喺荃灣都好有名，我之前都曾經嚟過食。餐廳嘅定價都好親民，大約四十幾五十蚊就可以食到一個米線啦。小窩米線米線入口依然一樣係咁彈牙，仲有少少米香，湯底亦都唔會太咸。另外，亦都可以按自己喜好加上唔同嘅配菜，我就加咗腩肉，牛腩等等。腩肉富有肉香，亦都唔會太多脂肪，牛腩唔會太過韌，煮得非常之入味。紅薯粉紅薯粉入口彈牙，份量重好多添，而家都唔係咁多地方可以食到紅薯粉啦。炸雞中翼雞中翼外皮炸得香脆，亦唔會炸到過咗火，入口仲係好多肉汁嘅。蒜泥白肉入口有好香蒜蓉香味，肉質亦都偏軟，唔會太過韌。整體來講，餐廳嘅定價貼地，加上食物質素唔錯，唔怪之得咁多人捧場。#荃灣美食 #荃灣好去處 #hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfood#hkkol#fotd#hkfoodporn

荃灣名物除咗係行人天橋之外，仲係米線之都，一街都係米線，隨時排長龍，呢間大胃都跟機排吓隊點解呢間會排隊？味道一家有返咁上下，連份量都好似蝕畀你咁，未食過咁大份嘅過橋米線，勁多料，就嚟滿瀉咁春卷勁大碌又勁香蝦味，冬菇好大好腍，雞絲、腐皮同海帶多到懷疑人生胃弟嗌咗中辣嘅酸辣粉，湯底好香好酸大量韭菜，豬紅大大粒，又綿又彈，薯粉都好滑溜彈牙豬頸肉極之抵食，一碟好大份，切條上，炸得外脆內爽，口感唔錯，點甜酸醬都唔錯皮蛋嘅顏色非常之靚，透明到唔係好見到蛋白咁滯，大量蒜蓉好入味，蛋身漿漿地又滑又香跟餐加$11就有特飲，檸七嘅鹹檸都幾爆檸香檸樂都有無糖版，大胃覺得味道依然，冇乜影響

雲家，唔使多講啦！鍾意食米線既人一定唔陌生，係米線界黎講都好出名！🤑平時見太多人排隊我都放棄佐，聽聞下午茶時間去會好啲，所以今次3點幾先去到， 一去到，前面都係有幾個人排緊隊😨😨見到個鋪面其實入面好細唔太多位，但店員手腳好快 所以我地等佐10分鐘左右就可以入去~環境唔大但坐落都算乾凈舒服，之後我地即刻落單，總共叫佐三碗米線加一枝豆漿同埋可樂，而我就叫佐豬頸肉加通菜酸辣米線，因為我唔太食得辣，但又鍾意食辣 所以叫佐BB辣！個豬頸肉好好味好彈牙通菜好綠睇落好新鮮好多，個湯底食落去一啲都唔辣，酸酸地好開胃，米線係有咬口嗰隻，唔硬唔腍，啱啱好果然冇來錯！ 試埋朋友既餸，啲蘿蔔甜到漏，我係鍾意既，但朋友覺得好似落太多糖再試埋腩肉，腌得真係好入味！！唔怪得大家都話必嗌，仲試埋個豬大腸，豬大腸洗得好乾凈，一啲都唔腥湯底黎講我覺得我個酸辣湯底最好味， 但下次會想試埋麻辣湯底，試下小辣會唔會好辣一定會再幫襯！！

成日都見香港米線關注組提及呢間，雖然我住得好近，但真係一次都冇食過🥹總係覺得秋意濃既日子🍂好岩食返碗暖笠笠既米線🍜所以就約左朋友平日中午去食！鋪位唔算好大，座位都相對狹窄，而平日12點幾都已經要等位了🫣(好彩早左一步黎都唔算話等好耐🤔)～不過明顯人手有啲唔夠，同埋好似係逐碗逐碗咁煮，所以出餐有啲慢🤫-🎈腩肉豬紅魚肉春卷小鍋米線 (酸辣小辣) $58米線一到可見份量都真係好多，無論米線定配料都係🤭最尾應該有食剩1/3既米線😂湯底好濃，酸味黎講可接受(但我唔太鍾意好酸，所以呢間都幾岩口味的)～腩肉聲稱話每日限量供應，確實係幾好食幾入味，但就偏瘦啲唔算係半肥瘦個種，所以食落會有啲啲鞋😳至於其他餸就正常發揮！-🎈涼拌墨魚頭 $45自己幾鍾意食❤️蒜香十足而且食落好彈牙爽口！必食啊🙌🏻絕對會因為掛住或者突然好想食佢呢間既小食而encore🙆🏻‍♀️-總括而言，個人覺得未至於話好好食，必定要山長水遠黎荃灣食既一間米線～但如果行開呢邊可以試下佢既小食🤪小食絕對係比米線有驚喜得多🥳-🔸雲家小鍋米線📍荃灣沙咀道328號328廣場地下G01舖

每隔一排就會想食雲家小鍋米線🍜的而且確係一間會令我吃不厭的餐廳👍🏻每一次黎門外都係一條長長的人龍。每一次都係爆場，相信都有唔少Fans😊今次同朋友一人一碗小鍋米線 $30，沒有加配餸。食得辣既朋友一定要點辣，湯底勁惹味。無加餸既原因係想食多幾款小食😋😋涼拌墨魚頭 $45多蒜先係重點，墨魚頭份量多多，口感彈牙，惹味十足！麻辣金錢肚 $46即使係麻辣，都不會太辣。金錢肚口感爽脆，非常美味！蒜泥白肉 $40極量蒜泥😍😍薄切肉片，每次食都要一片肉，上面滿滿都係蒜泥，食完成口都係蒜味。凍檸茶餐牌如下。

喺度住咗咁耐，從來依家米線都冇乜人去，不過唔知點解最近突然間好多人推介呢間米線，而且有時仲會有人排隊添，明明印象中唔係特別好食，但係都忍唔住去試咗一次。承諾同記憶中一樣，冇咩特別，而且佢嘅辣味唔太夠辣，不過竟然比我發現到，呢度嘅涼拌墨魚頭竟然好好食，而且價錢唔係貴，但係份量又較多。佢嘅墨魚頭識落幾彈牙，應該幾新鮮，而且調味好夠，越食越開胃。我覺得呢間米線店嘅米線反而冇乜特別，但係如果大家嚟到就推介大家試吓呢度嘅涼拌墨魚頭啦。

雲家米線作為米線之都既荃灣人點會唔周圍搵米線食吖！咁啱去完中南買文具見倒就去試一試先！🔸米線 -腩肉豬大腸全走Bb辣腩肉唔似 _ 仔果種，係有醃製小辣果種，啱唒我！豬大腸份量好多！全走係因為我唔鍾意d芽菜阻住我食米線BB辣係因為未試過所以小試一下。自己都可以呢。冬天可以叫小辣🔸涼拌墨魚頭強烈推薦呢個！作為冷盤，爽口彈牙，加埋醬油酸酸地，非常開胃<我見人地一個人食都會叫一碟😋>不過美中不足係米線偏淋想去試既朋友可能落單果陣叫麵爽效果會好好多呢PS: 要排隊，門口仲要食正太陽，排隊果陣曬到燶！要注意防曬⚠️推薦指數⭐️⭐️⭐️/⭐️⭐️⭐️⭐️⭐️🏠荃灣沙咀道328號328廣場G01舖#米線#米線關注組 #米線控 #荃灣#gd.food.gd.mood#eatwithfoodiez#foodiesinternationalchat

近來都聽講荃灣既雲家米線好出名，甚至喺各大米線關注組都會見到好多人介紹佢，今次特等黎朝聖一下。🫣大概夜晚6點黎到，等咗10分鐘就有得入位。米線大大碗搭配埋好多唔同既配料，好豐富，😋員工上菜速度都好快，態度都唔錯，不過店鋪位置唔係好大，坐得有小小迫。 ✨小鍋米線：豬頸肉+豬軟骨 $58🐷小鍋米線本身就有芽菜、酸菜、韭菜、蔥同埋芫荽，配菜好豐富，就咁食都夠晒。米線口感爽口，湯底酸得黎唔會過鹹，覺得啱啱好😚。而豬軟骨口感軟淋，入口即化，非常入味，豬頸肉香口得黎又係厚切，肉質爽口。🤤 ✨小鍋紅薯粉：豬紅+響鈴+腐竹 $58紅薯粉口感較為煙韌，豬紅都係熱賣配料，口感新鮮，滑嘟嘟咁，響鈴吸收晒酸辣既湯底，好多汁juicy，推薦！！ 🥳 ✨涼拌墨魚頭（$45）🦑墨魚頭口感爽脆，面頭有好多既蒜蓉，好重口味，加埋黑醋汁，更具層次。😜 ✨醬拌皮蛋（$24）🥚流心蛋黃搭配埋秘制既蒜蓉汁，一口一個，好滿足。😋 雲家小鍋米線📍荃灣沙咀道328號328廣場地下G01舖

位於荃灣有一間「米線關注組」一直都好推薦嘅米線店，作為米線忠粉，過咗咁耐先食真係好可惜。喺上個星期嘅午餐時段，見終於無咁多人過黎食，所以我就專登過黎試下呢間「雲家小鍋米線」，但都有唔少人排隊。而之前有睇左網上報導，話每一碗米線都係獨立烹調，就住呢一點我覺得已經非常值得一試。我就叫咗碗豬頸肉小鍋米線，外加螺旋草 ，豬頸肉份量十足！而平時少食螺旋草，無意中發現米線有呢款特別嘅配料，立即忍唔住試下，螺旋草嘅味道好似海帶，上網一搵先知原來佢係營養密度最高嘅食物之一，堪稱天然綜合維生素，經過今次我又認識多樣健康食材啦。螺旋草嘅份量好多，好香好淋，夾住米線食一流。我朋友就話好想食小鍋米線再加魚肉春卷同炸醬。佢表示覺得魚肉春捲係外脆內軟，浸喺湯裏吸收酸辣湯味道，更加有胃口。米線配料同湯底選擇方面，有芽菜、酸菜、韮菜、蔥、芫茜，唔同辣度都可以任意搭配（包括麻辣&酸辣），小編揀左酸辣，味道十分之惹味。有時好怕一層辣油喺面好油，但係呢間嘅米線最大特點就係佢個湯底唔油。值得一提嘅係， 佢上菜速度非常快。另外，我同朋友都叫左碟雲耳，加埋辣椒油真係好唔錯。

我同女朋友都係第一次食，下晝2點幾去到都要排隊，但多數排得隊都係好食🤤入座後好快叫左一碗魚肉春卷腩肉米線同埋豬頸肉豬大腸米線，再加個墨魚頭！結果係墨魚頭最高分 好入味🤤感覺非常開胃！魚肉春卷同豬頸肉都好好食，唔怪得都係招牌🫠豬頸肉非常淋 唔算好咸 好入味好好食，魚肉春卷都係出面比較少有嘅餸，結果都無令人失望。美中不足就係未試佢嘅雞翼同白肉，好似都係招牌菜嚟！好開心荃灣咁多好食嘅米線鋪，希望佢可以長做長有啦

嚟介紹特色餐廳啦🍜繼上兩個post分別介紹完薯粉同車仔麵🙌🏻，就當然要介紹多樣大家經常會接觸到嘅麵食啦❤️，就係大家最鍾意嘅米線啦😬。今次介紹嘅餐廳其實早前米紙都有介紹過㗎🤩，所以都算係超人氣嘅小店。即刻同大家睇下我嗰日食咗咩啦🫡。食物方面☝🏻#豬頸肉小鍋米線($48)首先介紹嘅係當時係餐廳嘅招牌小鍋米線🤤。想講其實我真係好鍾意食小鍋米線，因為佢嘅湯底實在太吸引😎。講返餐廳嘅小鍋米線先，嗰日我就叫咗碗豬頸肉小鍋米線🐖，另外再加咗兩款自選餸🤩，分別係魚腐（+$9）同埋雲吞（+$9）。豬頸肉醃得好入味，而且唔會切得太薄👍。魚腐口感軟滑🐟，雲吞餡都好足料🥟。我自己就最鍾意小鍋米線湯底嘅肉碎同酸菜🤪，加埋酸辣嘅配搭，話咁快就食完一碗，成件事真係勁開胃😋。#涼拌墨魚頭（$45）見到menu上面有個like，就點都唔會錯過呢份小食啦🫡。墨魚頭口感爽脆😬，而且上面有大量嘅蒜蓉🧄，夠晒惹味😚。加上本身墨魚頭係涼拌🥶，咁就可以喺食米線之前先食咗先🤩。再加埋黑醋汁一齊食，即刻提升咗成個體驗😇。#炸雞中翼（$29）之後要介紹嘅小食真心覺得係成餐嘅MVP😋，就係炸雞翼🐔。餐廳嘅炸雞翼就咁睇個賣相已經覺得好吸引，

講到近年比較出名嘅點會少左荃灣呢間雲家🤤 成日好多人排隊被迫放棄🥲 下午茶時間去終於都可以坐得鬆動少少😎 掙扎咗好耐要麻辣定係酸辣🤨但呢間好似係酸辣比較出名😗 絕對冇失望嘅😜 叫咗兩碗小鍋米線🍜份量十足😨 超多餸又多米線😨 配料都毫不吝嗇，有芽菜、酸菜、韮菜、蔥同芫荽😆米線口感爽口滑溜，叫左小辣覺得幾岩口味，夠酸夠辣🔥 (呢間整體係偏酸) 雞絲多到完全食唔哂🤣 好似雪花咁嘅雞絲吸哂湯😍 腩肉係每日限量可以話係必叫！！腩肉脂肪比例較少，可以話係肥瘦適中又夠入味😘 豬大腸切成幼絲，完全唔會不肥膩感🥹 金錢肚好好食入味又爽彈😗魚肉春卷反而同想像中有少少出入，口感比較似魚片頭😂 值得一提嘅係佢哋嘅酸菜屬於好酸😂岩哂我🫰🏻小食揀左佢哋招牌秘製豬頸肉🐷佢哋嘅豬頸肉係比較厚切，肉質爽口juicy～如果邊位燒得再香口啲會更好食🥹 下次嚟想試埋涼拌墨魚頭，見到枱枱都有食😂 下午茶最抵食凍飲加$3咋〰️酸辣米線: 腩肉+豬大腸 + 雞絲 +酸菜 $67酸辣米線: 腩肉+魚肉春卷+金錢肚 $64秘製豬頸肉 $46

前幾日約咗朋友荃灣食嘢，佢話想食米線，有間話要排2個鐘，咁就唔好啦不過呢間都要排。朋友到咗先，我比較路痴搵咗陣路，朋友話我知原來係間中學對面。入到去望下有咩食，小食都多嘢選，叫咗豬頸肉同好多叫嘅墨魚頭，朋友話唔好咁多肉就叫咗個手拍青瓜。秘製豬頸肉果然秘製，好好食呀，唔油膩，食咗好多塊都仲覺得好吸引。墨魚頭彈口小小辣好開胃，青瓜爽口。小食都大碟，好彩叫咗一碗米線，因為好大碗兩個人食都夠牛肉大塊又多，紫菜都大大份，餸都滿曬個碗面下次過開嚟要試埋佢其他小食，好想試埋麻辣金錢肚同蒜泥白肉。

一向都幾鍾意食米線，不過沙田除咗D連鎖米線鋪又唔多覺仲有邊間。上個星期出咗去荃灣，嚟咗呢間食，去到都要排下隊，應該唔錯。入到去坐低，正常米線鋪大細，勝在冷氣夠，坐近出入位都唔會熱。叫咗個腩肉米線加豬腸米線小辣，加8蚊要咗個凍奶茶。米線喜出望外咁大碗，視覺一流，米線唔會煮過龍，口感唔錯幾彈口。豬腸入味同feel到洗得好乾淨，好味又易咬。奶茶好有驚喜，茶底好好，茶味夠濃又唔會有苦澀味，竟然正過好多茶仔。另外叫咗個涼拌墨魚頭，見好人都有叫，的確好味道，D汁同墨魚味好夾，決定叫多個飲品，茶底咁正就叫凍檸茶，果然一樣咁正仲比足檸檬片。