雲南風味 (已結業)

最近一個月,也去了兩次,也發覺老闆不在.第二次食完,埋單時,問老闆呢?那新老闆娘也說易手三個月了, 很老實.兩次去,也吃到新鮮的牛肝菌,很好吃.以前都是吃晒乾的.廚房的亞姐是以前的,而味道也跟以前差不多.但是...上次吃完,我的伴侶拉肚子;而今次,到我腸胃炎,不知是巧合.定係..我諗會比多一次機會予它.有冇人知道以前的老闆是否另起爐灶?真係有點失落,這間反店做的雲南菜是我覺得最好吃的,找不到更好或者水準一樣的了.

成間舖(包括裝修同埋亞姐)都好似係大陸搬過黎咁架,個收銀員就係香港既.羊乳餅就唔羶,餌絲就有D似貴刁,雲南皮蛋上面D辣椒粒好好食,鍋貼就OK啦.

自上次與openrice食友横掃餐牌後一直念念不忘,上星期晚上返工前心思思想食雲南菜，男友未食過又得閒陪我食,好興奮的去了。約八時許,都有七、八位客人。兩個為食的人點了麻辣雞米線、煎羊乳餅、紅油抄手、夫妻肺片、炸臭豆腐及清燉羊肉(好似好多,但其實每碟的份量不多)。麻辣雞米線要了中辣。都幾麻辣,湯底清清地,雞肉細細粒帶骨,個人覺得譚仔好食啲。煎羊乳餅嗅下羶羶地,食落去質感像芝士,有點香香的羊奶味又不太羶,是我至愛之一。紅油抄手好細隻,肉饀不多,皮則好滑溜!加上甜甜地辣辣地,很開胃。夫妻肺片有豬耳、豬脷、肺片等,不太辣,普通了點。炸臭豆腐無坊間的咁'臭',但略嫌炸得太乾身,硬咗啲。清燉羊肉要了小鍋,湯好鮮甜無味精,帶羊羶味,怕羊者末必啱口味。羊肉嫩,肉多脂肪少。喝完好暖,驅寒最好。埋單約$120,幾抵食又正宗，必會再翻炒。

住官塘咁耐都唔知有呢檔野, 昨晚去試. 首先環境方面千萬不要其望, 好舊..但座低一看餐牌, 不得了! 好多正宗的雲南美食, 在望望廚房, 一班不是廣東口面的廚師, 更放心了!點:雲南皮蛋, 蛋上邊加了辣油, 味道一般, 不是太有特式.蒜泥白肉, 薄薄的豬肉加上蒜泥與汁, 好能讓您開胃的涼菜.麻辣雞湯年糕絲(忘了名字), 個湯好甜, 麻辣味好夠好適中.水煎羊軟餅, 軟軟的好香奶酪味, 上面有丁點鹽及花椒, 好若味...令我想起係chesa 食的煎芝士(價錢一個天一個地)我好喜歡!炒牛肝菌, 好鮮味, 但油太多,少油一點更好.最後再點了一個山珍汔鍋雞, 湯真的好鮮甜, 好令人回味. 六樣野埋單才百三蚊, 超值! 而最重要係這家小餐廳保留了地道雲南的味道, 味道與食材上沒有太多遷就港人口味的妥協, 好!

5/10/2005晚上同女友再去光顧時,發覺老闆已經轉了.幸好從老闆口中得知廚房仍然係"原班人馬".(希望真係)我們點了麻辣雞米線(味道好似淡),拍黃瓜(仍然咁正),醬骨架和紅油抄手(ok).盼望味道可以Keep得到.因為真的很喜歡他們的味道!

食0左:鍋貼,羊乳餅,狀元餌絲,牛肝菌,涼拌豆腐最好味係狀元餌絲,因為佢清清地,唔太油,又好重鷄湯味,材料豐富,有木耳,朱肉,付pay,ham, etc鍋貼:都好味,不過太多油喇,記住熱食牛肝菌姑好新鮮,不過有太多蒜片一齊炒喇..涼拌豆腐:普通百福豆腐加肉碎,唔夠特別羊乳餅:第一"淡"好so呀>.< 不過食多幾"淡"就唔覺..本人對依樣野冇好感

今個星期二晚放假,一早同男朋友講要去呢度食,因為差唔多成個月冇嚟過,有d牽腸掛肚tim,所以決定去大擦一餐,叫了蒜泥白肉,涼拌豆腐,乾煸四季豆,紅油抄手,涼拌米線,羊肉米線,羊乳扇,其實其他食物0既味道都唔需要多講,都係咁好味,但係羊乳扇,羊肉米線,涼拌米線係第一次叫的,叫羊乳扇時都幾擔心唔知會唔會好難入口,但係一試之下,原來係好似芝士味0既脆卜卜薄片,上面灑了少少鹽,好香口,好特別,真係值得推介,而另外羊肉米線,有羊肉同少少蘿蔔,d羊肉同蘿蔔燘得好入味,唔錯唔錯,而我覺得涼拌米線係夏天食就最啱,因為酸酸地好開胃,雖然料就唔多都係得d肉碎,但係d汁已經可以令你三扒兩撥將佢倒晒入個肚度,又係一個不能錯過0既米線,今餐真係好滿足同開心,埋單都只係140,但就食到捧住個肚走,真係一間不可多得的平靚正餐廳.p.s.原來如果米線要加麻辣,加2蚊就可以,咁下次終於可以食辣d lu,仲有原來跟米線送d豆漿是不可以不要的,因為聽到隔離枱話因豆漿太淡不想喝,但老闆話不要的話就要收多5蚊,因為係自製咁話,咁又係0既,咁辛苦自己磨,唔要好浪費嘛

一時興起約好友試新野,諗起雜誌曾介紹的觀塘雲南餐\廳,門面不算顯眼,店內亦算簡潔,但久違了的麻辣味,足以彌補這一切,因為只得兩個人的原故,加上中秋前,店中很多美味已經售罄,遺憾地吃不到餌絲和羊乳餅,而叫了兩款米線,鍋貼及烤羊乳扇還有麻辣雙拼(豬肚和豬脷),臨走還外賣一客鍋貼!如果早到還有豆漿送.在我周邊的客人都有叫醬燒骨,所以決定下次多叫點友好,可以盡試美食!一再推界羊做的和麻辣的菜餚,價錢適中.

星期日另外約了幾個朋友來食，本來也不打算寫得這樣快，但因叫了未食過的汽鍋雞和上次無試的幾個小菜，所以就只寫少少吧！當晚我們都叫了唔少食物，但可能人多，食物一再溜單，令我們坐了很久。我們叫了蒜泥白肉(唔辣)、狀元過橋米線、烤羊乳扇、醬骨架、乾煸四季豆、手造和炸饅頭和紅油炒手、汽鍋雞(大)、生煎鍋貼、夫妻肺片和清炖羊肉(小)。汽鍋雞(大) - 雞湯都幾好味，可惜太油，飲一兩碗還可以，太多就唔太好了。早知叫個細的！生煎鍋貼- 煎得剛剛好，味道也不錯，剛好每人一隻。清炖羊肉(小) - 香味幾羶，但飲落又唔覺，羊肉好，味道一流，實在不可錯過，人少少飲個細的已經夠了。這食店實在是看不出會這樣好食，如沒有人介紹，相信經過也不會入去。

23-8-2005 2000觀塘區除了兒時遊車河入大埔必經之地及見工時會去之外，平時都好少踏足，夜晚更加不在話下，今晚openrice的聚會就選擇在此舉行，如果搭紅van落西貢及柴灣等地，此處絕對不會陌生。當晚大家的分佈如下：大長檯佔去大部份食友；四人卡位勁少辣及走牛；另一張八人檯係大小通吃兼勁多辣；我當然幫襯勁多辣。人齊後，各樣菜式就開始陸陸續續奉上，各檯的先後次序及款式會有少少分別。第一道菜係炸臭豆腐，每碟只有五粒兼好細件，讓了各位女士先，然後再加大，臭味適中，炸得有少少過火，不過都係值得一試的；第二道是頂頂大名的蒜泥白肉，肉片切得好薄，清淡得來有比較濃烈的蒜蓉味，食法與譚仔記截然不同，用眼去欣賞我會選前者，味道後者會適合我多一些；第三道小食便是脆炸牛平巴，炸成牛肉乾的形狀及質感，有少少辣及卜卜脆，加上底走過油的菜碟，送油一流；緊著而來的炸地根甘甘地，味道冇乜，就係佢既特點，好似食緊冇味的豬肉條；辣度開始增加，夫妻肺片辣度適中，爽爽地，加埋中國芹菜，味道就可以稍為中和一些，在打緊食評時找一些肺片的命名，其實是牛心、牛肚、牛舌和牛肉，名稱是在30年代名叫郭朝華夫婦在成都市街頭販賣，這

都講過，好的菜館，一年吃一次都絕不嫌多。第一次來是舊年十月，該次聚會，是叫好又叫座。想起那個鮮甜的羊肉窩，今年又想再搞一次，就發起看大家有沒有興趣。結果預算一圍，結果是開了兩圍廿四人，在這間小店，是足足坐滿了兩張長檯及一張四人卡位，已經佔去店內大部份位置。意外地發現，牆上的餐牌跟一年前是沒有兩樣。因為有上次的記憶，叫菜容易多了，就一口氣叫了十多味，之後再陸續叫多十多味。菜色仍能保持水準，不逐一去評了﹝詳細食評請看之前的版頭﹞，只挑幾味最喜歡的談談：清炖羊肉：用一汽窩奉客，熱辣辣又好有雲南特色。湯多肉少，喝口湯，又清鮮又甜美，丁方羊肉亦煲得軟腍好味，只有淡淡的羊臊味，見同檯食友也好像不太欣賞，這個菜是給Glass和我喝過煲底朝天。大窩只賣60蚊，物超所值，是不可不試的一味菜。可惜是日只有兩客，有一檯食友是嚐不到了，唯有叫個氣窩雞去補數；烤羊乳扇：塊塊香口，除了濃郁的芝士味道外，亦有淡淡的甜味，是送啤酒的不二之選，個人覺得比同類型的羊乳餅好吃得多，亦是不可以錯過；炸地根：同羊乳扇一樣也是下酒良品，炸得乾身又香口，味道帶微甘，非常不錯，可能也是當晚啤酒賣清的原因之一；干煸四季豆：四季豆少得很

今晚本來沒有打算來這裏食，因明晚已約了朋友來食；但另外的朋友，忽然打來話今晚想去這裏食，也沒有不可，就連續兩晚食同一食店吧！因人少少，沒有叫太多食物；我們叫了蒜泥白肉、狀元過橋米線、烤羊乳扇、醬骨架、乾煸四季豆、炸饅頭和上湯炒手。蒜泥白肉(唔辣) - 味道唔錯，但今次比較上韌了點，如果唔係就更加好味了。狀元過橋米線- 寫明沒有厚油和味精，食得當然安心好多，又健康；湯底幾有鮮味，米線又唔會好，材料也不錯，實在值得推介。烤羊乳扇- 一陣陣乳香味，炸得好脆，實在係好出色的送酒美食。醬骨架- 味道很好，但今次實在太多骨，沒有多少肉，有點唔多值的感覺。乾煸四季豆(唔辣) - 炒得好乾身，再加上肉碎，真係好美味，也是不可不試。炸饅頭- 炸到金黃色，外脆內鬆軟，再加上練奶，都算唔錯。上湯炒手(唔辣) - 等於上湯餛飩，細細隻，一口一粒，皮好滑、味道很好。價錢平，食物出色；好有在中國食的小店感覺，只可惜位置唔多方便。可惜雲南啤酒還未有，真係可惜！

同老公及2個囡囡專程去試試呢度o既美食,果然經濟又好食,老闆好親切,呢度地方唔大,好在到步時有張卡位,可以安置好我一家四口^,^點咗 : 過橋米線-- 幾大碗,兩個囡食唔停,湯幾鮮味,但我另加麻辣油,"正"麻辣油好香!排骨米線-- 初初以為係炸排骨,原來真係一粒粒o既小排骨(非油炸),但都幾稔及有味. 加麻辣油一齊食,好味!烤羊乳扇-- 好香,好脆,好似炸芝士片,幾得意紅油炒手-- 皮滑,麻辣味道,o岩我口味^^干煸四季豆-- 炒得幾香口埋單一百廿幾,好抵食"Good!!!!!"食完後仲可以順道行行apm,下次會再光顧!

1-9-2005今日放假專程到了這裏，因友人住在觀塘所以很順利便可找到。到達時才1:10多些不太多人、叫了1碗過橋米線是用雞湯作湯底(材料包括有雲腿、肉片、魚片、白肉、腐皮、韮菜、莞茜、香芹菜、蔥、生菜)、生拍黃瓜、小臭豆腐、烤餌塊、雲南松花蛋和麻辣豆乾。本應沒有想過會叫那麼多，祗因很細碟，所以就可試多幾款喇! 首先講講那款過穚米線，是一碗湯加一碟材料，自己將材料再倒落湯度，我都是第一次咁食真係有風味令我們回味無窮呀! 而且魚片是很鮮甜唔醒喎正! 本應一心想要餌絲來試試但咁早已經售罄咁搶手唯有見碟餌塊補番數，餌塊好似是一塊年糕烤得少少燶了，醬料有腐乳與甜醬，一邊咸同一邊甜各有特色，臭豆腐以為很大件，原來是一粒好似魚蛋咁大的不太好食，但幾得意囉! 生拍黃瓜是用辣椒油加其它調味料浸，青瓜很脆口。雲南松花蛋，原來是皮蛋加莞茜辣椒碎同汁浸住，那汁好似是魚露、醋與不知什麼幾得意。下次再早些到試試餌絲先，細看餐牌你會發覺店主頗為細心呢!

Openrice聚會，有時間當然要來啦，這裏地方真係幾細，24個人要分開三張坐，說真的又真係幾迫，但就很開心。人多就真係好辦事，差不多全部都叫了，雖然我不是全部也試過，但大部份也在水準之上；而且老闆又好有禮貌的招呼我們。叫了好多菜，不能全部說完(有忘記了)。記得的就說說吧！雲南啤酒- 味道比較甜，比飲開的酒更好味，不可不試。醬骨架- 很入味又，實在不可不試。蒜泥白肉- 肉質嫩滑、切得薄薄的豬肉，再加上淡醬油，也是不錯的選擇。炸地根- 外形很特別，有點像蠶蛹，但味道就像薯片，送酒一流。干煸四季豆- 四季豆很香口，也很入味，唔錯。氣窩雞- 味道鮮甜，也值得一試。烤羊乳扇- 切得薄薄的，一陣陣芝士味，很特別的一個小食。烤餌塊- 口感好奇怪，有點像厚切的羊乳扇，很有吃芝士的感覺，可以一試。有因係牛或者辣，所以沒有試。但聽其他食家說，味道也是不錯的。但價錢就有點兒戲，都不知是否真的有記數！