雲南風味 (已結業)

同蝦頭妹兩個本來諗住食ribs或火鍋，點知中途有意外，最後去左食雲南野。終極蝦頭妹戒口期間，好多食物要就住就住就到最後無就到…於是，每樣要D 碟頭細細咁食完一餐，不過可能真係碟頭多，成餐飯無咩點題主角咁。

見衣度食評咁好,便和男朋友在16:00去試了一下.全場一個人都冇,我地好似包左場咁,而且員工好似準備緊晚市,不太理會我地...2個人試了醬燒骨+ 蒜泥白肉+ 酸辣米線+ 酸菜雞肉米線+ 豆漿.＊＊蒜泥白肉:絕對推介,完全不覺豬肉的油膩~凍凍的好醒胃~!最快清晒!!＊＊醬燒骨:煮到好軟好腍好入味!!!睇落好似好濃~但其實味道剛好!!不過...聽到佢用微波爐翻熱....始終心中扣了一點分...＊＊酸辣米線＝得個辣字，一點酸味也沒有．．．不太討好．＊＊酸菜雞肉米線＝還可以，冇驚喜．＊＊豆漿＝唔夠甜，純豆味不太合自己口味心水．環境有ｄ”ｕｐ　ｄｕｐ”及污糟，但食物是可以的！

若不是看到食評只是經過這裡的話,一定不會入去.店舖十分簡陋,但估唔到食物十分有水準.米線正, 紅油抄手d 皮很滑,食過番尋味,一定會再來.

話說一行9個人o黎依度食飯, 雖然依度d食物碟頭細, 但都估唔到食o左咁多o野:白酒x 2支- Thomas自備o既~田七花茶x 1杯- 俾佢"排毒"兩個字吸引o左, hahah! 甘甘o地, 幾特別喎~ 佢有100g乾花賣, 可以自己返屋企沖~豆漿x N杯- 佢o地話幾滑喎~水煎羊乳餅x 4碟- 好正呀~~ 夠晒穌, 掂呀~炸地根x 1碟- 一上檯以為係蟲~ 不過我無理就放落口，一邊食一邊問老闆係咩o黎~ 睇怕遲d有人俾毒藥我食我都唔知~ hahahah! 脆脆香香, 送酒最o岩~醬骨架x 2碟- 好入味, 好稔, 正~清燉羊(大) x 2窩- 真係超級推介~~ 老闆講名依度o既湯無加味精!! 湯好甜, 好香羊肉味, 仲好多羊肉o添~ 正~~~~~~田七汽窩雞(大) x 1窩- 好濃田七味同雞味, 都唔錯o架!!過橋餌絲x 1碗- 餌絲係長方形o既, 口感有d似年糕o既麵條, 配埋其他材料幾惹味, 唔錯!涼伴米線x 1碗- 好好食呀!!! 個汁甜甜地, 好正呀~~夫妻肺片x 2碟(一個普通, 一個小辣) - 我食普通, 即係辣d啦, 好麻好好食~麻辣豬耳x 1碟- 依個仲麻, 正呀~

上次同個同事兼好友食完隔離既上海野之後....話過下次要試呢間雲南野架.....兩個人...叫左一個麻辣雞餌絲($23)...一個過橋餌絲($35)....同一個蒸臭豆腐($25).....送兩杯豆漿...餌絲者...雲南年糕拉製而成既長方形米線....出邊未試過...所以叫黎試下......餌絲好咬口...而且幾煙"UN".....但係好容易食到飽.....朋友話D餌絲浸極都唔"淋" 喎.....我又覺得冇乜問題......果個麻辣雞好大浸藥材味...而且都辣辣地....不過味道麻麻.....過橋餌絲..有火腿..菜..芫西...魚片..冬菇...肉片等...好大堆頭.....不過見佢係個雪柜入邊拎出黎...估佢係有人order 先整番熱佢...個湯好鹹...可能係因為D餌絲& 配料都冇乜味......為左調味而專登整鹹D既....雖然佢地標榜所有湯絕無味精.....但係對於我呢D鐘意飲埋湯既人黎講....."哂"左D唧....至於果個期待已久既蒸臭豆腐(等左起碼三個字)....都冇想像中好味.....我地一入呢間餐廳時....聞到好一浸怪味....原來就係呢D臭豆腐.....睇佢果

冇同你地食, 梗係要自己補飛啦~ 不過本人食唔到得辣野架wor~~~ (難為了同行嗜辣的朋友~~)蒸嗅豆腐--- 聽講唔錯就試試啦~ 我鐘意嗅豆腐, 呢個蒸既幾特別丫, 但唔覺得好食~ 唔係受唔到嗅豆腐既味....可能覺得d豆腐質感真係好怪卦~ 結果食唔晒...烤羊乳扇--- 有d鹽向面頭, 食落好似cheese, 幾特別, 好食~~ 不過朋友覺得羶味多左d...醬燒骨--- 醬燒豬骨好好味, 食到有d藥材味, 令我想起肉骨茶(當然查實完全係兩件事~~)..... 肉腍入味~正! 看上好深色唔好以為好濃味, 食落就知比心目中預計清淡~烤餌塊--- 堅韌野岩晒我! 似在日本街頭食過既烤年糕, 面頭黑色焦焦地, 擺明係燒既~風花雪月--- 啤酒, (menu好似冇寫出來架!) 味道清清淡淡.地方細細, 加上店員口音, 風味十足~ 下次再試埋清湯羊~

上次join唔到你地，今次來個午餐食住先。無得頂的蒸臭豆腐，同滬式台式又完全唔同。連盡幾份都得。其他都唔再重複了，總之都係上選。不過今次無食辣野，下次晚飯先報仇咁報。

過橋米線：湯底：無味精，但無乜雞味。材料：有魚片、普通火腿、雲腿、菜等等唔算多油。

知道各食家來這裹開餐，而評語都唔錯，就專程來這裹試試。下午4點來到，得我地一檯，和同事兩個都叫左好多：青燉羊肉-唔係好"蘇"，應該係加薑清燉(=回族古法??)烤乳塊-好蘇，落單時已被提醒過，記得去雲南旅行時都食過。小鍋米線-一般，湯底小小甜，應該有落冰糖，$23，只有肉碎和酸菜，比一般米線鋪略貴虎皮椒炒牛肝菌-虎皮椒唔算好辣，牛肝菌係乾貨(新鮮未必有貨，而且會好貴)，但口感都幾好。牛肝巴-係牛肉版金華火腿，小小咸，但有小小壓味，唔係人人受得皮蛋-小小辣，辣油味道一般，小小麻饅頭-真係手做，會一個大一個細干煸四季豆-都幾好，但只係幾好，可能係下午關係，無其他食家說得那樣出色。整體係幾有風味，我想除了食物本身之外，那小小的地方和環境令人會覺得很有風味和特色。反而新興的一些外省菜館，太靚太乾淨，食物也太大路，而無可避免地失真了。個人而言，比較喜歡企理一點的食肆，但對這些小店亦念念不忘...埋單$230...好飽，午餐晚餐一次攪掂。

在一眾本港雲南菜館，只有此家的干煸四季豆稱得上做出風味。希望一眾愛吃之士多支持這出色的店子，摒棄那些晃著甚麼地方菜的幌子卻只會做出港式口味的東西的食店。

難得的機會，可以和一群無利益突，但有數個generation gap 的人，聚在一起，暫時將工作和家庭煩惱放開，目的衹在食心頭好。在林林總總中，最欣賞下列：1. 清炖羊肉-湯雖然加了點兒胡椒，但仍鮮甜到飛起，我忍不著飲完再飲。所不同，2. 烤羊乳扇-極甘香，3. 蒜泥白肉- 紙咁薄.大顯刀章，與川式的有沒有花椒、紅辣油和醬油，只有蒜泥。4. 蒸臭豆腐-好味，和金魚街的炸臭豆腐，不相上下，絕對讚成每人一碗！吃牛乾巴時，未有聽從老闆娘指引-"涼了才吃"。便失去了個"脆"字，想不到這小食和紅酒一樣，要先透氣。吃虎皮椒時，我出了貓，吃了一口，便把其餘的"仁"挑了出來，如果全數細嚼，我的味蕾會馬上罷工，不為我傳送其他美食的滋味，絕不化算^m^。到最後聽見：每位HK$87，我呆了一呆，心裡在笑，沒可能這便宜，肯定老闆娘，忙得魂頭轉向，入少了單。題外話1：哥士的不可亂用哥士的是強，有毒性，我相信此店用的不是一般五金店買到的，應是食品加工用的Food Grade哥士的。http://www.vegetarian.v-.com.hk/vegetarian/11/11-04.htm題外話2：不要看扁花椒的

昨夜與食友之飯局，還有少少補充。除了各食友自備的紅酒、白酒、汽酒及清酒外，還嚐了這裡的兩款啤酒，雲南大理啤及「風花雪月」。兩者皆夠凍，味道都不錯，一邊吃這裡的麻辣，一邊大淡渴確實解渴又潤喉。相比之下，食友們比較喜歡「風花雪月」，但個人計比較喜歡大理啤，貪其平易近人。這裡的雲南啤酒，要試一試；飲飽食醉，在去洗手間時，多事的走進廚房望一望，發現是比想像中小很多，廚具亦簡單，但卻可以做出不少的雲南菜，可真犀利；正當大家收拾離去之際，在乾碗機上發現幾兜似豆腐的物體，原來是店主的自製肥皂。經店主解說，材料簡單，只是豬油加歌士的。豬油吃得多，原來這樣就可以做到肥皂，今晚又學多一樣事物；

食友又聚會，今次是在這其貌不揚的小店。今次活動參加者眾，除了舊朋友，也有新面孔，足足有二十人出席。因這裡店子不大，我們二十人開了兩張大檯，包場的情況又差點出現。菜色花多眼亂，不是高人指路，也不知該從何入手。一於先來幾味小吃，後加一隻白切雞及清湯燉羊肉，最後來幾款撈米線來填肚子，事後看來，我們叫菜也混亂中帶點條理。因菜色繁多，不逐一品評了，以下是十幾味記得的菜色的短評：炸地根：外表似蠶蛹，吃落似炸腰果或薯條，香口又不油膩，淨食送酒也非常適宜。可惜吃完一碟，大家也說不出這是什麼東東，總之好吃便是了；脆炸牛平巴：這個應該是牛肉，炸成牛肉乾的樣子，口感應該是脆脆的。可惜今晚有點兒失準，有點韌，辣味及鹹香味都不太突出。反而墊底的原條芫萎是幾有特色，同檯幾位男士都是香草狂，是吃得痛快；夫妻肺片：除了肺片，我看還有豬手的部份，加入大量的芫萎及蔥花，配以辣油，是口感及味道兼備的菜色；麻辣豬耳：豬耳切絲，加上香菜及蔥，又是爽口冶味的一道菜色。個人覺得這個是辣比不辣的好味，所以唔辣的隔離檯最後也叫了一碟辣的來吃；蒜泥白肉：這裡善用佐料，這味重用蒜泥的菜色當不會失禮。薄薄的半肥廋豬肉，加上蒜泥及淡醬油，也不

好友剛轉到觀塘工作, 放工時候相約共對一杯, 雲南小食最適合作為下酒佳餚. 九月的天氣總有點悶熱, 在沒有大事慶祝的情況下, 先開一支香檳消消暑氣, 再來點菜.先點蒜泥白肉, 肥肉和佔一半比例十分之好, 白肉片得十分薄, 蒜泥汁味道輕清, 和香檳十分相配, 最後再追加兩碟. 另點了炸地根, 外表同質感有點似蝦條小食, 但味道香甜. 朋友點了山珍牛肝菌, 牛肝菌本身好香滑菌味重但略嚴多油.香檳只餘下一小杯, 朋友準備的智利紅酒亦已透氣充足, 時間尚早再來第二輪小食, 煎羊乳餅, 羊乳羶味清香, 同紅酒十分相襯, 再來脆炸牛干巴, 炸牛肉片底配上芫茜, 十分香口, 不過上台後不可即食, 要等五分鐘左緊才開始香脆, 炸過後的芫茜同樣香口, 朋友點了痳辣豬耳, 豬耳爽口, 對於我來說痳辣非常, 加上飲了大半支酒, 酒氣加上辣氣, 已有點醉意.幸好太座在我未全醉之前駕到, 可以正式叫主菜暖暖腸胃. 先叫太座至愛小鍋米線, 酸菜味道濃郁幾討好, 再來生拍黃瓜, 黃瓜和汁料味道輕清, 正好解一解酒, 再點醬骨架, 醬味香濃十分入味但略嚴羶味不足. 其間記得點了一度小塘菜, 相信在半醉間被太座獨佔

小時住過雲南, 幾乎找遍全港, 唯獨此家暫時最具家鄉風味, 那種色香味感覺像回到老家, 特別推介小鍋米線加麻辣鷄,涼拌米線........只有會吃雲南菜的人才能感受得到! 試過差不多隔天就去吃, 愛酸辣的您會吃上癮的喔, 有機會試試看, 包您胃口大開!