雲南風味 (已結業)

尋晚去apm睇完戲,就同男朋友過嚟開餐,八點幾,都幾full,因為嚟過幾次每次叫0既野都差唔多,所以今次叫d其他款試下,叫左...麻辣雞米線~~~我自己食晒,因bf不太吃辣,但其實d雞係唔辣,得d湯有麻辣味,不過整體都好食,因為我好鍾意飲d湯燜肉米線~~~bf摯愛,佢話d肉燜得好好味,而且唔辣,所以又再次番炒蒜泥白肉~~~不可不叫,真係好好味ga,有好香0既蒜味,一流干煸四季豆(辣)~~~好乾身,熱辣辣,仲有d肉碎,真係唔錯涼拌豆腐~~~d 豆腐係百福0既,唔係自家製,不過加埋應該係炸醬0既肉碎,辣辣地,同d汁溝埋嚟食,又係唔駛5分鐘又清碟因為嗌米線會送豆漿,所以有兩杯,但係我覺得d豆漿係完全唔甜囉,得豆味,不過老闆話係自家製,所以唔係太甜,算la,不過整體呢間餐廳d野食都冇得彈

見食評唔差，星期日特別到觀塘食呢間的雲南菜可能落雨，晚上七點多都不是太多人，坐底同老公商量後決定叫1)過橋米線–湯底幾鮮甜，飲落唔覺有味精，我鍾意2)蒜泥白肉–唔同餐廳其他做法，唔多油，很有蒜香3)麻辣豬耳–好麻但唔算太辣，越食越麻，但越食越過癮，後來加了醋吊味，更加好食4)油菜–ok，不是太多油5)豆漿–好有豆味，但唔甜，我個人幾鍾意，但可能其他人會覺得冇味6)炖羊肉–個湯好清，羊肉好淋但仍有點羊”show”味，好味下次會試抄手、水較同三鮮米線，我聽到很多都叫來吃

星期五, 滂沱大雨下, 走呀走, 走呀走,好不容易才找到這裡,因為之前睇過關於這裡的食評, 很有興趣,所以選擇來到這裡。這裡的位置都幾偏僻, 連男友住觀塘都唔知有呢間野,這裡的裝修幾有舊時d風味, 但男友卻認為是殘舊!哈!這裡都幾多選擇架喎, 有好多仲幾特別添!我地點了一個狀元米線, 一個紅油抄手及一碟烤羊乳扇。狀元米線好清, 可以話係無送咁濟, 得幾塊腩肉, 同幾細碗, 但味道唔錯, 湯底幾好, 唔似落好多味精果d。紅油抄手好細粒, 都幾辣, 係麻辣, 味道都幾特別。烤羊乳扇幾特別, 我想信其他地方較少機會食到,係一塊塊好薄好似腐足既野, 食落有d芝士味架,幾得意!!總括來講都唔錯, 同其他單賣米線的舖頭不同,但又唔萛好抵食咁啦!!~

我係openrice.com新仔，見倒好多網友o既食評覺得好useful，自己住官塘區竟然唔知有間雲南餐廳，都係多得網友推介。因為我係官塘友，所以覺得間餐廳都算易搵，但門面真係好細，所以平時就算行過都唔太覺眼。推門入去覺得間舖好細，同埋比較殘舊。我同另一個官塘友兩個人share左以下o既食物：狀元過橋米線：湯底好清，米線同餸另上，倒晒落去就食得，好好味，推介麻辣雞餌絲：麻辣雞唔係太辣，幾好味，餌絲係用年糕做成麵條狀，食落幾得意，但我都係覺得米線好食d脆炸牛乾巴：睇落似牛肉乾，聞落酥酥地，食落鹹鹹地，送酒唔錯紅油抄手：以前食開o既紅油抄手係辣o既，li度食o既紅油抄手係麻辣o既，雲吞細細粒，雲吞皮又大又滑，由於我本身嗜辣多於麻辣，所以下次會試清湯飲品方面我要o左杯豆漿，但好淡，不試也罷，我朋友叫o左支啤酒，埋單120，都算抵食！

見到咁多人讚,為食0既我就當然拉埋男朋友一齊去試la,好彩我男朋友熟呢區,都好快搵到lu,但未入門口時,心諗係咪真係咁好食呀,不過原來係唔可以睇表面ga我地叫左熌肉米線,蒜泥白肉,紅油抄手,麻辣雙拼(鴨腎同唔記得左係乜),同埋豆漿and汽水,首先嚟係蒜泥白肉,喜好濃味0既我,一試就覺得非常正,薄薄地好鬼快清晒,不過若再多d蒜蓉仲好,跟住米線就到,雖然唔似平時食開0既酸辣雲南米線,但係味道都好清,d湯好好味,但當我飲d湯時發現有條蟲係入面,真係嚇死,不過太好味0既關係,"畢"左出嚟就繼續再飲,再食紅油抄手,d皮好薄好滑呀,加埋d辣油,超正,連唔食得辣0既男朋友都大讚呀,最後麻辣雙拼,我覺得d味道都幾野味,所以唔覺唔覺又食晒,不過我冇飲豆漿,但男朋友話唔夠甜,唔係咁好飲囉,但一次會再嚟,因為實在太好味la~~~~

專登去找呢間店, 地點都算容易找到, 可能我住觀塘區啦~ 店子不算大, 有好多熟客幫襯. 叫左---小鍋米線--- 同出面食的好唔同, 這裡不可以加好多餸, 湯底不算太濃, 但好好飲, 有梅菜, 肉碎等.. 不是太差. 食完不會太口渴. 豆漿--- 好淡, 睇meun 話係健康飲品, 不過, 好似淡左d..炸豬扖 --- 醃得好林, 炸得剛剛好, 好食.湯水餃--- 包得好好呀, 而且煮既時間都係剛剛好, 皮係熟的, 餡亦好好味, 可能一試呀~~總括: 可以試一試.

佔地不大, 卻很有住家親切感.如果你嗜辣, 就必試麻辣雞米線同酸筍雞米線.紅油抄手亦不可錯過, 皮薄滑,味鮮. 仲有涼拌豆腐, 熱辣肉碎配凍滑豆腐, 雙重口感! 最正係湯底, 無味精, 飲多都唔見口渴.

成日見到d食評話呢間野好好食, 諗住點都要試, 叫個好似叫小鍋米線, 水煎乳餅, 皮旦, 個米線上綱睇d人話d肉係生既好正宗, 點知黎之後超難食唔在講, 不但d 肉唔係熟既, 而且仲見到雲南米線度有魚tim, 真係唔明有幾正宗, 仲有個乳餅, 都唔知佢係乜味, 仲縮tim, 至於個皮旦就唔係糖心, 好硬, 唔好食, 但相比兩樣已經算係ok ga la.........

一直好想在這裡推介這家店給大家！從前家住官塘，一直以這小店作飯堂，因為食物夠地道之外，老闆及老闆娘都好好，招待的姨姨嬸嬸們都好好！在香港，好難找到這種有住家親切feel而食物夠水平的小店！現在我雖然搬離官塘區，但我也經常帶朋友去吃飯，因為就好像去看朋友一樣．大家一定要試：－水煎乳餅（適合愛chesse一族）－茴香豆腐湯（適合愛香草一族；但不是日日有的！！）－牛乾巴（適合愛喝啤酒一族）－鉺絲（既然人人賣米線，你就試吃他們的特吃麵條，像年糕切條放湯）還有很多很多......　一定要去試喔！

d間真係係官塘少有好食又唔貴既食店之人....我同我女朋友今日第二次黎食...佢既紅油抄手真係掂..第二次食都覺得好有驚喜..佢既蒜泥白肉好薄.凍凍地..好易入口..就算唔鐘意食蒜頭都會食d 個菜..可以一試...仲有佢個過橋米線..d料夠足..個湯都好香...唔錯.^^..真係值得大家專登去試下..

D 蒜泥白肉真係好正, 不愧為推介. 一人一碗雞肉餌絲, 即係雲南式方形米線. 紅油抄手係辣椒油湯+粉皮包住d 餡, 聽個名真係唔知係乜. 呢間野同雲貴川風味比好好多, 款式多又好食. 間野仲有張告示叫人可以留低email 等間野有咩新野通知你, 好pro.

17/05/2005 21:00從某新聞組得知此店，而且評語都是一面倒的有讚冇彈，特登渣車黎一試！對於我呢個好日都唔去觀塘o既九龍人，事前做足準備功夫，結果都唔算難搵，不過附近就冇乜泊車位，見都成九點，一於泊門口算~店內雖然冇乜裝修而且都幾簡陋，但都感覺幾warm，好似一家人經營咁，o的侍者都係穿白制服及帶白頭巾，感覺又幾地道~兩個人叫了：蒜泥白肉($18)、過橋米線($35)、皮蛋($12)同一盅清炖羊肉湯($35)。蒜泥白肉片得很薄，雖然係腩肉但完全不覺肥膩，而且雪得很冰凍，食落清新。過橋米線最精彩的不是米線也不是材料，而是湯。這個湯非常鮮甜，應該是清雞湯來的，店主還寫著沒有味精，可信程度十分高。但其實材料亦非常出色，多之餘亦好新鮮。皮蛋就普普通通，不過$12太貴了。還有炖羊肉，亦係好好好鮮味的湯，材料真的很"清"，相信除了羊肉外就只有幾片薑。但這正好吃出羊肉的真正味道，炖的非常夠火，連羊肉也開始鬆化起來，但奇怪的是一點羶味也沒有，照計以這些材料烹調是會很羶的，可能有些秘方吧！親身試過後，覺得此店的出品頗有心機，再加上感覺上作風低調，是真正以實力招徠食客的食肆。埋單剛好$100 ，

已經係個幾月前事了!見咁多人話好食,點都要試下,我其實都係住佢附近的,叫左個小米線走,因為我唔食辣的,但佢話冇得走的,只好叫佢盡量少辣啦!返到屋企食,只係得個辣字,乜野味都冇(可能係辣,令到我食唔到其他味啦!)最後我自己落左好多醋,先食得完咋!(唔好食都唔好浪費, 冇衣食呀!)

今晚放工專誠到此食晚飯,未夠7點去到,吾算多人,得2臺客,我地2個人叫左蒜泥白肉$18,炸雞翼$6,上湯紅油抄手6只$15,排骨餌絲$23,蔥絲豆腐$15,炸臭豆腐$10,羊乳餅$18, 灼小棠菜$10,田7茶$7,豆漿$6.蒜泥白肉---炒香既蒜茸舖面,白肉肥瘦分明,切得頗薄,食落有種蒜辣味道,但一d都吾油膩,不錯!炸雞翼---男友order,雞翼雞搥連雞尖,炸得幾乾身,內裏仍保持juicy及食到蒜香味;上湯紅油抄手---湯十分清,抄手細細粒,抄手皮有口感,肉餡亦新鮮;排骨餌絲---餌絲即雲南方形米線,幾煙韌!湯底有著濃烈既藥材味道,排骨相當入味且腍身,水準之作!蔥絲豆腐---一般!用百福豆腐,上面灑上蔥花及麻油,味道偏淡.炸臭豆腐---5小粒,點雲南腐乳及甜醬食,幾有特色!羊乳餅---自己吾好羊,但據男友講都吾差,味道似greek salad d goat cheese.小棠菜---尚可!幾嫩且清甜!田7茶---甘甘地,都幾清!豆漿---味道偏淡,但無豆渣.埋單$126,十分抵食!老闆亦相當nice,值得一試!

上星期六去玩哩間鋪.搞到好唔開心我上網睇kt 邊度好食喇.咁走同bf走去食喇一去到到門口.我bf已經唔想入.佢覺得好dirty.但係我就覺得係風味囉最後我問佢唔食哩間都得.最後佢都say ok入去入到去佢叫0左個排骨米線而我就叫0左碟蒜泥白肉同麻辣羊肉米線1.蒜泥白肉有的黑黑地,都唔似你地0的相係雪白色不過食落都幾好味2.排骨米線,BF話果0的都唔係排骨係肉粒3.我果碗麻辣羊肉米線,0的羊肉幾好味..但係以$25黎講,0的羊肉真係小到好可憐,麻辣得個辣字.成個湯底只係辣油未...0的豆漿冇甜未加冇豆味.我bf仲見度豆漿裡面有辣油.飲0左一口就冇飲囉我地兩個都食唔晒0的米線同蒜泥白肉,以後都唔會再去