雪山冰廳

营业中

休息中

今日要去黃金買電腦，上網search下附近有咩好嘢食，發現有間翻新嘅冰室好多好評，「60年歷史，新裝修，新menu」咁話。搵呢間餐廳嘅時候，經過青山道嘉頓剛翻新嘅廠房寫字樓，嗰種「香港情懷」一湧而上。一邊黑白色牆身好有懷舊感覺，一邊白磚牆身加一幅頗有現代感嘅畫。避風塘生炸脾 - 估唔到比懷舊炸雞脾更好味，雞皮烤到香脆無肥膏，啲肉又唔鞋，不愧為招牌菜之一。波士頓龍蝦叻沙摻摻 - 估唔到隻龍蝦咁大隻，而且都幾多肉，賣相一流。摻摻係馬來西亞油麵同米粉「兩溝」嘅菜色，油麵粗粗而唔吸汁嘅口感，同吸汁嘅米粉配合下唔會太漏但又啖啖都有喇沙湯汁，好夾。海南雞飯 - 海南雞整得幾嫩滑，兩種醬都好正宗，忍唔住加多碗油飯，估唔到連油飯都好好食，我諗齋食油飯都可以食兩碗。樽仔奶茶 - 又係招牌菜之一，茶膽香濃又夠奶味，唔太甜又冰凍，好飲過一般嘅冰鎮奶茶。茶走紅豆冰 - 雖然唔係招牌菜，但我覺得呢個都係必叫嘅飲品。因為佢個奶茶底同樽仔奶茶有得揮，而且比起平時飲嘅紅豆冰冇咁甜，好飲到我飲到一粒豆都冇得剩。

#雪山冰室 係我屋企附近嘅冰室，換咗新裝修坐都坐得舒服啲。#椒鹽豬扒飯 $58炒飯底好香蛋味，夠鑊氣炒到粒粒分明夠乾身🤤加埋椒鹽豬扒好惹味，豬扒實淨而且分量好多。好抵食！兩個女仔share都夠飽🤤！#海南雞飯 $58又幾好食喎！油飯有雞油香而且雞好滑同有雞味😍仲有層啫喱係雞皮與肉之間，係靚雞同做法好呢層啫喱(骨膠原)先會出嚟㗎！仲有欣賞佢醬料分量多唔使慳住慳住用。#蔥花蛋牛治 烘底 $27小小牛治竟然爆餡，餡料好多有厚度，蔥花味好香，牛肉味唔係濃郁嗰隻，清清地都幾好食，買來做早餐一流。#香滑樽仔奶茶 $15已經預先較好咗甜味，但都唔會太甜，茶底都唔錯。不過無我鐘意既茶澀味😛。

收工落深水埗搵食 Openrice下 睇下好～ 決定來個港式晚餐下雨天 慢慢步行到嘉頓附近 不難找到較為modern既裝修設計 坐位寬闊一入內就見到放滿港式樽仔奶茶咖啡既雪櫃仔明白 實order!!hahaToday choices: 招牌海南飯+凍檸茶對茶記而言 上菜賣相幾特別 雞件分量足夠檳城特餐+樽仔奶茶粉麵設定為摻摻 即米粉溝油麵 都幾索湯汁 亦好夠叻沙味 蝦幾新鮮 應不是雪藏貨配以櫻花蝦炒蛋 厚多士這配角很搶鏡 將炒蛋放上烘到金黃牛油香的多士一同放入口 等櫻花蝦味慢慢滲出來 好正!!!!!!!每口食物配一口樽仔奶茶 很香很滑 很滿足

今日係深水埗行街時經過呢一間冰室，我對呢對港式餐廳鞋以抗拒，即刻入去試吓先😍叫咗佢嘅招牌椒鹽豬扒飯，果然冇令我失望🥰豬扒醃得好入味，唔會過鹹，肉質好鬆軟夠腍嫩，唔會咬甩de牙，然後佢嘅椒鹽味都好重，食落好惹味，有大排檔嘅風味😋😋份量都唔少，大家一齊分享啱晒😋佢係炒飯底嚟㗎，應該至少用左兩隻蛋，炒得好夠鑊氣，食落又唔會太乾，讚！另外，佢嘅奶茶都好地道，奶味係重，茶底都夠濃，正！我下次都會再嚟幫襯！

第一次寫食評，唔明點解仲有咁多好評。首先佢嘅招牌樽仔奶茶個茶底好淡又冇奶味 唔明點解可以做到招牌。跟住叫咗佢嘅招牌特餐 有佢出名嘅櫻花蝦炒蛋但佢嘅份量細過佢圖示嘅一半 冇咩香味，重要一出曬水🙄最後要講下令到我最嬲，嬲到忍唔住要寫食評嘅就係佢個南洋吉列豬扒咖喱飯蛋包飯，豬扒同佢圖示嘅豬扒爭勁多(我知相一向唔可以作準)，但豬扒連炸粉薄過塊紙皮，又燶又乾，放入口會整損嘴，話明蛋包飯但隻蛋包唔晒啲飯😡😵，只可以講個咖喱汁不過不失。如果你想話食餐飯百幾蚊係咁㗎啦，咁好啦，我介紹你去食。👌👌👍👍

很多人以為深水埗😂好雜好亂, 都唔敢去。雖然我在澳洲長大,卻偏偏喜愛好有香港特色的地方。自問也是一個有品位的人茶餐廳更是香港人集體回憶，於是去食晚飯。餐廳裝修得很整齊。第一道菜就是蒜蓉jur jur雞煲,到咗時候特別新鮮滾熱辣,雞肉鮮嫩,亦有很多蒜蓉味道。煮得恰到好處。第二道菜就是炒西蘭花。炒得非常翠綠,加上蒜蓉來炒,將美味帶到極點。最後飲到最出名嘅紅豆冰,紅豆好嫩滑。而且分量適中,絕對冇苦劫味。綜合以上分析,我會再邀請其他朋友一齊嚟食晚餐。慶祝自己嘅生日。😘😘😊

嗰次一棚人嚟就食晏，都喺叫啲特餐、午餐之類，今次因為過開嚟深水埗鴨寮街睇睇啲電話數據卡，就順便約啲親友食個便飯。深水埗 - 雪山冰廳自1956年已經存在，佢哋嘅奶茶由第一代沖到依家第三代，依然保留住傳統嘅茶底配方，足足60年歷史，難怪咁多食客都專程去飲返杯靚奶茶裝潢改變了不少，加入了不少現代元素，加上顏色鮮艷的壁畫，充滿了時代感。黑松露沙拉一字骨$78兩種醬汁出奇地配合，一字骨的肉量不少，肥瘦適中，如果配上白飯一定超完美！

多數都是一些懷舊餐室，但這間雪山冰廳的裝修一點懷舊味道都沒有，牆上還有一大幅噴畫牆，原來它的舊是在於餐廳已屹立60載，現在重新裝修之餘，食物都來一個大番新。星期日的下午茶時間都逼滿了食客，所以多數要撘枱，坐得會比較迫一點。不過眼見忙碌的茶市，但侍應們仍然有禮招待，讚呀!餐牌款式頗多，但聽聞有幾款是餐廳推介，當然要試下。其中一樣是檳城特餐，$50有大大碗的檳城叻沙摻摻，摻摻是油麵加米粉，一啖便可食出兩種不同口感的麵。配上魚片，豆卜及鮮蝦，最重要是叻沙湯底，充滿椰香味。配上的不是普通炒蛋多士，而是日本櫻花蝦炒蛋及丹麥麵包，蛋不會炒得過老，配上咸咸香香的櫻花蝦，很新鮮。丹麥麵包不用塗牛油，都充滿牛油香，很鬆軟。另外點了始祖椒鹽豬扒配炒飯底，豬扒炸得鬆軟香脆，配上椒鹽更惹味，難得的是配炒飯底，簡單用上蛋絲，蔥粒來粉，飯面再灑上炸蒜，十分欣賞。餐飲點了另一餐廳推介-樽仔咖啡，另有樽仔奶茶，樽仔咖啡幼滑而有充滿咖啡香，又不會太甜。

今日下午同老婆去左雪山炭下午茶，我地分別叫左生炸避風塘雞脾配紅豆冰，熱狗配茶走，另外追加左個紫菜薯條。雞脾送到埋黎時睇得出真係即炸，食落口塊皮好脆，內裡非常熱。味道不錯。熱狗上枱時都好靚，條腸食落口都好脆，(索索聲)。跟住黎埋個紫菜薯條，薯條好粗同大條，摸上手仲好熱，放落口有一絲絲紫菜味滲出，好清新，絕對唔似老麥個包紫菜調味粉既味，令人想一條接一條咁繼續食落去，若果能提供辣椒仔辣椒油，相信味覺會再一次得到提升。紅豆冰都做得唔錯，豆都煲得淋。下次會黎再試!

深水埗 - 雪山冰廳自1956年已經存在，佢哋嘅奶茶由第一代沖到依家第三代，依然保留住傳統嘅茶底配方，足足60年歷史，難怪咁多食客都專程去飲返杯靚奶茶啦！回想起，原來自己都曾經經過，但因裝修古舊而沒有入內嚐嚐，現在再次經過才發現自己有眼不識泰山。一入去見到裝修簡潔，利用白色磚仔營造懷舊冰室味道，而且地方四四方方，空間感大，唔會有擠迫的感覺。吸引到我的正正是他：雪山王的壁畫，充滿魚躍龍門既感覺。雪山冰廳的餐牌都有些特別，較平常的冰室、茶餐廳有點不同，總是加了點特色如：鮑魚啫啫雞煲、火龍果咕嚕肉、黃金瑤柱蒸肉餅等...而且茶餐廳有全日早餐供應、更甚的是他們連龍蝦都拿出來買....這間真的是冰廳嗎？懷舊餐廳當然唔少得飲品既黑牛、更有自家製作的樽仔奶茶、咖啡。樽仔咖啡 - $25 （跟餐+$15）平時的凍咖啡飲到尾會因為融冰而變淡，而他們會將調好的咖啡加入樽內再放入雪櫃，以保持每一枝咖啡的原味道。樽仔咖啡飲落香濃，細滑。香蔥碎牛肉三文治（烘底）- $26香蔥碎牛肉炒蛋三文治入面非常足料，香蔥蛋碎牛肉厚身，香蔥蛋的滑配上碎牛的咸異常突出，再加上香脆麵包，正！火龍果咕嚕肉 - $72本人特別喜歡吃

一向無葱不歡既我係朋友介紹下去試左雪山冰廳既爆餡葱花蛋牛治葱花加上滑蛋同咸牛肉味道又香又夾最可惜係我五記得左嗌烘底如果再配上香脆既麵包應該會再加分下次再食要試烘底！

今日放工去ssp買電腦， 再周圍行下睇下有乜嘢食，冇意中比個打燈位吸引住 入面都好多位滿哂， 不過好彩唔使等老闆好好人呀，雖然係繁忙時間都畀我哋坐卡位比我地二人世界工作效率好快叫咗都唔使用5分鐘啲野食就到叫咗個大熱門蔥花蛋牛治好正呀超好食， 好足料個海南雞飯啲雞好滑 好耐冇飲過 雪糕加可樂 懷舊黑牛呢個樽仔奶茶真係冇得彈奶同茶味適中又唔會太甜， 仲好飲過即沖奶茶最後忍唔住叫咗多個炸雞肶食， 好邪惡呀真係脆卜卜熱辣辣上網仲見到推介個西多士不過太飽下次會再嚟食

六十年冰室* 檳城特餐：檳城喇沙摻摻（摻摻即是一半米粉一半油麵）配日本櫻花蝦炒蛋加丹麥多士，配熱鴛鴦👉🏻喇沙湯底夠哂味，食完又唔會好口亁，辣到適中，夠哂香，有兩次蝦，豆腐卜和魚片，一半買份一半油麵，可以一次滿足兩個慾望，不過趁熱要快食，因為會好快索晒啲湯，不過老闆非常之貼心，另上多一碗湯俾我地。用左櫻花蝦炒蛋，超足料，夠特別，熱鴛鴦夠香滑，茶冇苦澀味。* 雪山焗厚切豬扒飯 : 大大塊厚切焗豬，配樽仔奶茶👉🏻豬扒夠淋，個汁甜甜地，餸飯一流，樽仔奶茶冇冰，唔會因為啲冰融晒飲到最尾令奶茶味變淡。* 榛子西多士👉🏻西多炸得夠金黃又唔會好油，配埋榛子醬餡再加少少糖漿就已經夠甜啦！*老闆同員工服務夠貼心，態度友善，裝修後，座位更舒適，一定會再來幫襯👍🏻👍🏻👍🏻👍🏻👍🏻

夏日熱辣辣行街行到攰又一身汗，真係拿拿聲搵間茶記坐底嘆下冷氣食下雞脾好過，一入餐廳發現每一枱都真係有件雞脾，當然我都唔汁輸都叫左一份真係估佢唔到，呢個避風塘生炸雞脾真係一試難忙，薯條同雞脾都係新鮮滾熱辣即炸！脆卜卜既雞皮加嫩滑又入味既雞脾肉，完全不能夠同其他茶記既椒鹽炸雞脾比美！而且帶有避風塘嘅蒜香，加十幾蚊配埋個海苔炸薯條！麥當勞嘅價錢高質素嘅炸雞唔好睇呢個西多士平平凡凡，其實內有乾坤冇睇錯係黑色唔係啡色，因為入邊嗰啲係榛子醬，花生醬同阿參醬都食過，原來配搭榛子醬先至係王道，味道好match，落好少糖醬都夠曬美味！紅豆冰嘅紅豆百分比佔咗六成，有得飲有得食仲有個雪糕球都只係加9蚊就有，仲要係我最愛既cookies and cream 😍加分加分！自家製港式奶茶，樽仔上，重點係凍奶茶冇冰，唔會飲到底就溶冰令到奶茶淡到水咁。推薦比鍾意飲奶茶嘅你哋！呢間餐廳嘅價錢平之餘食到咁高質嘅食品真係覺得賺咗，仲要地理位置方便，行出門口就有車站搭巴士返屋企！一定會再幫襯

大半年前已經同媽媽黎過位於深水埗青山道的雪山冰廳，我地都覺得食物質素好好，同埋非常懷念佢個日本櫻花蝦炒蛋配牛乳厚多士，所以是日再黎encore餐牌更新左，變得美觀，又多咗d選擇！我地就叫左以下食物：避風塘炸蒜雞髀雞髀好大隻，生炸外皮好香脆，頗厚肉又肥美的！炸得好入味，配合埋秘製避風塘炸蒜，鹹香惹味，好食哦雪山檳城風特餐價值$50嘅特餐食物內容好豐富，有炒蛋多士同埋喇沙麵，仲好大份添，男仔食都夠飽日本櫻花蝦炒蛋配牛乳厚多士炒蛋好嫩滑，有蛋香同蛋汁，蛋裡混合左櫻花蝦同少量蔥花，所以特別香口，好好味！旁邊的牛乳厚吐司香脆又香甜，內裡口感鬆軟，充滿牛奶香檳城喇沙摻摻喇沙湯底好香，入口有椰香同微微辣香，我好鍾意個湯底！爽滑的油麵吸收左喇沙湯嘅香味，好好食！而喇沙嘅配料都唔少架，有鮮蝦、豆卜同魚片，配料新鮮，大滿足呀港式熱奶茶雪山冰廳嘅熱奶茶都做得幾出色，茶同奶嘅比例啱啱好，茶香濃，奶夠滑蕃茄濃湯牛肉通粉媽媽叫左呢個番茄牛肉通粉，通粉份量好多，蕃茄湯底酸酸甜甜好清新，好開胃！牛肉都幾滑溜，正啊凍檸茶茶底香濃，檸檬味十足，冰凍解渴