雪山冰廳

营业中

休息中

男友近排嘅星期日終於得閒返❤️可以有全日同我去拍拖食好西🤤仲會好好咁搵定幾間餐廳俾我揀😍唔洗我煩呢日我就選中左雪山冰廳🤤因為俾openrice啲相吸引左，個「#芝士焗波士頓龍蝦海鮮飯」（$108）顏色亮麗🤣睇落好正咁‼️實物其實都同圖片好相符，不過唔知點解個飯一上檯只係暖暖地而唔係熱😅龍蝦都算質素唔錯，多膏之餘啲肉都算爽👍🏻龍蝦膏好香濃，我撩左啲出嚟撈飯，勁正‼️龍蝦鉗都好實肉，不過掛住食唔記得影相🤣 其他海鮮，青口、魷魚都幾好，不過啲蟹柳就真係好舊式嘅紅噹噹蟹柳🤣別有一番風味男友就試左 #椒鹽豬扒飯，睇落幾香口👍🏻而且飯有炒底，值得加分‼️ 由於比較熱氣嘅關係，都叫左 #樽仔奶茶 解解渴🤣茶香奶滑，不過稍為甜左啲，但凍冰冰時都飲得過🤤🤤

深水埗食肆林立，有很多出色餐廳，不過今日想試新嘢，朋友介紹這間歷史悠久的冰室，既然經歷時間冼禮依然屹立不倒，一定有番咁上下水準，於是拉埋為食好友一起去試，餐廳位置一點也不難找，大大個招牌一望就見行到熱辣辣，先叫杯賣相相當吸引的阿華田曲奇妙趣，上面一層香甜cream, 飲落有驚喜，華田夾著曲奇碎，香滑朱古力曲奇加上甜度適中的華田，大人小孩都喜歡榛子醬西多士，起初以為會好甜，所以只加少量糖漿，食落只是淡淡的榛子甜味，加上用上的糖漿比較淡味，所以不太好甜的朋友也可一試避風塘炸雞比是必試之品，大大隻，啖啖肉，㚈皮脆卜卜，內裏juice，加上乾蒜更加惹味可囗，果然招牌菜之一創意龍蝦配搭，有通粉，摻摻同焗飯選擇，我就揀了波士頓龍蝦摻摻，嘩！龍蝦大大隻，蝦身肉厚彈牙，龍蝦拑肉也大大嚿，美食當前，我毫不客氣，先來一口湯，香滑的椰香叻沙味充滿口腔，拉出麵條，摻摻原來是油麵加米粉，又幾有特色，仲有蛋同吸收湯味道的豆卜，食完真係大滿足行出門口見到原來可以叫我到會，仲要價錢一點也不貴，下次在家開party就不用煩惱食咩朋友果然無介紹錯，食物水準高，裝修整潔，店員服務殷勤，怪不得咁多人推介

深水埗是一個老區，附近食肆好多， 我哋揀咗這間（雪山冰廳）店舖地方不算太大，但已坐滿了好多客人，同時食物有好多種類提供，有晚市套餐、碟頭飯、小菜及輕盈的fusion菜，餐廳提供不同的菜式，價錢實惠，適合各人的口味，十分方便， 值得一讚。吉列豬扒漢堡包$28 豬扒炸得外脆內軟再配生菜及醬汁帶動個熱呼呼的漢堡包。正榛子西多士$28 第一次食西多士是用榛子醬做餡，西多炸得外層鬆脆， 裏面榛子醬不會太甜， 比起平時食的普通西多士， 多咗一份層次感。黑松露蝦球炒滑蛋$72 蝦仁大隻爽口，蛋夠滑，食起時仲有軟綿綿的口感。士多啤梨醬烤一字骨，一般餐廳將價就貨，會畀一啲只是有骨有肥而冇肉的食材， 這碟醬烤骨就係用咗優質的肉排，食起時你會感覺到。

同老公去深水埗寶血醫院探姨母，走的時候經過雪山冰廳，姨母剛才說這餐廳是老字號，她常常光顧，食物味道唔錯，叫我們試試！那麼就入座吧！餐廳裝修簡約，有茶餐廳的懷舊感覺。食物都多元化，價錢大眾化。晚市有多款抵食套餐，我們點了街坊孖寶。豉汁蒸紅鮪：魚肉剛離骨，內外皆嫩滑，豉汁味道好惹味。海南雞半隻：皮薄爽口，雞肉鮮嫩，配醬汁，有甜有酸辣味！可以提升味道。海南雞必配油飯，不油膩，飯軟硬適中帶香味！蜜豆腰果炒蝦仁：蜜豆爽脆，蝦仁爽口，唯腰果有D潮左，冇甘清脆。吉列豬扒包：吉列豬扒厚切，外脆肉嫩，包外脆內軟熟，加入蔬菜和特製醬汁甚美味。凍咖啡夠冰凍香濃。樽仔奶茶：將奶茶入樽雪凍，不用加冰，原味奶茶不會被冰水溝淡，味道香甜又夠滑。紅豆冰：紅豆林甜，奶味香濃，不會太甜。

是日到黃金商場買 hard disc終於搵到平d既2T la。攪掂當然要食小小野啦，朋友推介下行左去嘉頓附近既茶記。「雪山冰廳」裝修新穎，地下的磚好有特色！朋友之前黎過，推介食雞脾同奶茶。🔸樽仔奶茶天氣熱order 左支凍既樽仔奶茶，細細支茶味幾濃且夠香滑似係茶走既味道，唔會太甜口感好滑有陣陣既茶香，不錯👍🏻有水準！🔸避風塘蒜炸雞脾炸雞脾比連鎖店唔同既係佢係生炸的，皮炸得酥脆，熟透之餘肉質都夠腍身幾鮮嫩，加埋黑椒同蒜既味道十分野味，唔算太肥膩果然是招牌菜呢！好食😋🔸紅豆冰勁邪惡但好正，紅豆份量多，比例是奶及紅豆各一半，個人是紅豆腔，岩曬我超多紅豆的呢！！雞脾加紅豆冰是絕配黎，甜甜地好快巳被我KO了😋🔸碎牛蛋三文治烘底揀左烘底面包焗得脆脆，大大份含料好豐富！碎牛加蛋好香帶有小小牛油香好野味卻不會太咸，贊😋

放工之後因為要慶祝紀念日，近近地就揀咗深水埗食嘢。加上唔想用太多錢，而且近排多咗幫襯冰室，所以都想試吓呢間冰室。睇食評見到佢嘅西多士同樽仔奶茶都幾出名，偏偏我哋都冇揀到，反而按自己喜好揀咗其他嘢食。-全日早餐（千島吉列豬柳+法蘭克福腸+炒蛋+茄汁焗豆+牛乳厚多士）$48由於個日我唔太肚餓，所以無叫到飯或者粉面，有點求其咁揀咗個全日早餐就算。千島吉列豬柳炸得幾香口同酥脆，但係肉質唔算好厚身。豬柳咬落尚算鬆軟，配上酸甜千島醬超級開胃。法蘭克福腸嘅外皮煎得好香脆，腸肉有少少煙熏味。可惜太過油膩，外皮瘋狂飆油。炒蛋唔算特別好味，無乜奶香，入口太濕潤。茄汁焗豆都係罐頭貨色，無乜特別。牛乳厚多士比較有驚喜，咬落好鬆軟，麵包帶有少少牛奶香，如果再搽多啲牛油會更香口。-華田曲奇妙趣$25一開始見到呢個名，諗住係阿華田溝曲奇碎，點知呢杯嘅賣相同我想像中好唔同。阿華田頂層唧咗一層忌廉，灑上少少朱古力針，放咗兩塊Oreo曲奇插着忌廉入面。其實見到已經覺得有啲膩，將忌廉同阿華田溝勻，其實純粹將阿華田嘅味溝淡，無咩特別。之後我嘗試將曲奇篤碎，再溝嚟飲，但浸耐咗嘅曲奇已經唔好飲，同行嗰位仲話呢杯好似飲緊融化咗嘅雪

我覺得深水埗都挺多美食的，所以常常來吃飯！這間雪山冰室我就覺得是價錢便宜得來又好食喔🥳叫了幾款食物，全部質素都好高！好驚喜啊! 我想我會再回來吃的！蔥花蛋牛治 $26超好評👍🏻超香蔥味和蛋味的，蛋的生熟程度剛剛好～香滑樽仔奶茶/咖啡 $25這裏比較出名的是樽仔奶茶，可是因為只剩下最後兩支被朋友要了，所以我唯有喝樽仔咖啡！想不到超有驚喜，咖啡好好喝啊！香濃甜度適中！而朋友的奶茶也很不錯👍🏻值得一試椒鹽豬扒飯 $58喜歡香口的絕對會愛上這個飯，椒鹽豬扒相當惹味，而飯底還是炒飯來的😍粒粒分明！榛子西多士 $28榛子醬餡的西多士我還是第一次吃，想不到會那麼夾的！如果一個人吃可能會太膩，兩至三個人分來吃就剛剛好喔！

雖然深水埗冰室餐廳越開越多但係質素好嘅就唔多。今日同姨婆行開深水埗見到呢間餐廳，有我最鍾意嘅凍奶茶當然入去試下果然一試難忘。😊最愛嘅係佢焗豬扒飯。我已經叫咗炒飯底。😊最好食係佢豬扒預先鑽得好香調咗味而且唔會太鹹。可以做到色香味俱全絕對唔簡單加埋裏邊有蒜蓉味同埋蒜粒。絕對啱曬口味。另外舅父照咗個炒蛋食佢話味道濃好啱年輕一族。我自己比較喜愛嘅係叉燒蝦仁炒蛋飯。因為佢哋用料正而且海鮮新鮮其他餐廳無得。希望暑假再來食多次。

很多人一提起深水埗，就會想到豬潤麵和米線等等的美食，但其實深水埗還有很多好吃又便宜的小店，我個人認為雪山冰廳就是其中一家又便宜又好吃的小店。而且，我覺得他們的椒鹽豬扒飯真的很良心又實惠，為什麼很良心又實惠呢？下面再細說個中原因！香滑樽仔奶茶口感順滑又充滿奶香，最重要是甜度適中（因為我不喜歡甜，可能對普通人來說不是很適中）避風塘炸蒜雞髀避風塘炸蒜味不是很重，但是火候剛剛好，皮脆脆的肉質又很嫩，絕對是剛剛炸好出來的！蔥花蛋牛治香蔥味和雞蛋味很濃，很好吃！如果麵包有烘底會再好吃一點椒鹽豬扒飯很驚喜的一點是飯底不是白飯，是炒飯底！這個大加分！豬扒的味道是甜甜中帶一點點辣，好像用了甜酸醬和椒鹽調味而成，味道不錯！豬扒份量很多，加分！肉質則正正常常，不會太老又不會太干身榛子醬西多士這個作為甜點，絕對是一個美好的收尾！雖然我個人認為榛子味可以再多一點，但是我想如果再多一點點再加上西多士的牛油和糖醬，應該會很甜很重口味吧？所以口感上絕對沒有想像中的很油很重的感覺，反之我覺得口感也尚算輕盈總結來說，性價比很高的一家小店，豬扒和奶茶很有驚喜，整體上質素不錯。但是位置上有點偏遠和環境上則一般！

波士頓龍蝦叻沙摻摻🦞$98原來響冰廳都可以食到咁正既龍蝦😛仲要係勁多膏🤤南洋風味，叻沙做湯底😚仲有豆卜丶魚片同雞蛋😋摻摻麵，油麵混合米粉🍜口感特別有層次😝超級什扒飯🍛$65大大塊豬扒😋醃得好入味😝仲有火腿丶炸雞翼同脆皮腸😝大大份，肉食獸至愛😍香蔥碎牛肉三文治🥪$26炒滑蛋夠細滑🤤香蔥夠香，碎牛夠嫩😚好好食，非常出色☺️避風塘生炸肶🍗$28味道唔錯😉外脆內軟☺️避風塘風味😏相當有香港特色😎櫻花蝦炒蛋配牛乳厚多士🦐$28牛乳味道濃郁☺️炒蛋夠香夠滑🤩配上櫻花蝦😝味道更突出👍值得一試🤤樽仔奶茶☕️$15 (自取價)一路食，一路見到有唔少街坊😎幾支幾支咁外賣拎走🙈奶茶香濃幼滑😉果然係皇牌👍懷舊黑牛🍨$25懷舊特飲😝的確唔係好多地方有得飲☺️重拾不少童年回憶🙈華田曲奇秒趣🍪$25味道幾好👍配搭有趣😝

之前喺深水埗見到依間冰室勁多人排隊雖然多人排但係都好快就入得而且價錢嚟講都唔係貴🤩-#避風塘生炸髀 $28見到好多人叫炸雞髀所以小編都嗌返隻嚟食下🤤外表有好多避風塘炸蒜 都有輕微辣裏面好juicy 食嗰陣有啲肉汁流出嚟-#香蔥碎牛肉三文治 $26（烘底+$1）三文治烘底真係會好食好多麵包脆脆地配埋好香好厚嘅滑蛋碎牛鹹鹹地好易入口 食完仲想叫多份🤪-#樽仔奶茶 $25好多時喺茶餐廳飲凍奶茶通常啲冰多到飲得幾啖奶茶又或者隔一陣啲冰溝淡杯奶茶樽仔奶茶冇冰就冇依啲情況發生啦🤩奶茶甜度適中 可惜就多咗啲奶 如果多返茶味會好啲🧐不過如果淨係想試下奶茶嘅都可以外賣外賣嘅話會平$10㗎

行完黃金搵野食, 同個friend去左雪山冰廳! 依間係幾廿年既老牌冰室, 好耐之前已經係網上見過唔小佢既介紹, 依幾日碌ig又見到佢d相, 見到佢隻炸脾攪到心思思想食幾廿年既老牌冰室, 保留左舊有情懷之餘都有翻新裝修過, 所以環境都乾淨企理大熱天時一坐低野食未嗌就叫支樽仔奶茶飲下先! 自家樽仔奶茶係依度既signature, 茶味香濃, 冰鎮樽仔唔洗落冰溝淡奶茶, 愛奶茶人士必選避風塘炸脾係你啦! 依幾日心思思想食既避風塘炸脾! 炸脾本身已經香口, 仲要加埋避風塘, 乾蒜超香, 生炸脾又唔會炸到乾哂, 超正 芝士焗波士頓龍蝦海鮮飯朋友揀既, 用重量級黎形容佢唔過份, 飯同料都好多, 加埋芝士焗係好好味但其實會有d溜~份量真係可以兩個人share除左主角龍蝦, 仲有一堆足料海鮮加炒飯底, 青口鮮魷龍脷柳! 朋友食左一半已經飽左!波士頓龍蝦叻沙摻摻愛食湯麵又重口味既我梗係揀叻沙啦, 賣相不錯, 湯既顏色好吸引, 估唔到係冰室食既龍蝦都可以有咁多膏湯底椰香味正! 摻摻即係油麵撈米粉, 依度既粉麵唔會碎濕濕, 吸哂d叻沙湯, 正! 第1次咁樣食, 兩種麵撈埋黎食又幾得意喎, 口感不錯

前排去開深水埗搵到間高質茶記😋點了黑松露沙拉一字骨，超驚喜，有大量既黑松露加沙拉醬，一字骨都炸到好香，一咬落去仲係好juicy😋😋而蔥花蛋牛冶都幾足料，味道都較到岩岩好，唔會太咸，咬落去淡淡都有蔥花同咸牛肉，蛋仲好多添，不過我地唔記得叫烘底😭😭如果烘埋熱辣辣應該仲正😋😋野飲方面點了華田曲奇妙趣，阿華田面頭加上cream同oreo 曲奇，大大杯都幾好飲😋🔸黑松露沙拉一字骨 ($78)🔹蔥花蛋牛治 ($26)🔸華田曲奇妙趣 (跟餐 $9)

最近比我地發現左深水埗一間幾有驚喜的茶記, 一定要同大家推介!😋鋪頭位於深水埗嘉頓附近，無論碟頭飯定小菜都好多選擇，一家大細黎都幾岩架👍🏻第一次黎我地就試左佢地d Fushion 菜式，榛子醬西多士，一切開係流心既榛子醬，同一般咸咸地既花生醬唔同，甜得黎唔太膩既榛子醬同外層鬆脆既表面都意外地夾😁仲有黑松露沙拉一字骨，沙拉骨大家都食唔小，呢個加埋大量既黑松露，一黎到已經好香，一字骨都炸到岩岩好，一咬落去肉汁飛哂出黎。唯一係沙拉醬真係有d多，成條骨都包到白色咁，好邪惡🐷🐷 小返d就prefect啦😆主食就叫左個海南雞飯，肉質都幾嫩，加埋甜豉油同酸甜醬都幾惹味👍🏻👍🏻野飲方面佢地有懷舊既樽仔奶茶，為左唔會因為溶冰而溝淡味道，冰室將預先整好既奶茶成樽拎去雪，味道非常唔錯，茶味好出又唔太甜，連我地飲開走甜都覺得OK😉🔹榛子醬西多士 ($30)🔸黑松露沙拉一字骨 ($78)🔸招牌海南雞飯 ($58)🔹樽仔奶茶 (跟餐 $9)總括黎講價錢非常親民，冰室黎講食物水準非常唔錯，仲有好多特色菜色可以揀，中西日東南亞同香港懷舊菜色都有，值得一試😋😋😋😋

黎開深水埗呢邊買電話卡，順便搵食，見到呢間超過60年歷史嘅冰室重新裝修，同埋餐牌有好多同傳統冰室唔同嘅野食～價錢都幾經濟😛✨避風塘生炸雞肶🍗 $28即叫即炸，食落個皮脆脆地又入味，再加埋蒜同辣椒🌶️避風塘口味食落更加惹味😊✨蔥花碎咸牛肉蛋治（烘底）$27滑蛋超級厚，而且好軟熟，加埋蔥花同咸牛肉，咸咸地 ，層次感好豐富，不過個人認為唔烘底好食啲！✨芝士焗波士頓龍蝦海鮮飯 $108係冰室黎講應該算係豪華野😂 個飯係炒飯底，入面有蝦、魷魚、龍利柳、蟹柳同青口，都幾足料，飯上面亦好多芝士，龍蝦都幾彈牙同埋多膏😛✨樽仔奶茶 $25飲落好滑，不會太甜，茶味同奶味恰到好處！✨茶走紅豆冰 $15我自己本身都鐘意呢兩樣食物，紅豆煮好綿密，茶走同樽仔奶茶有啲似不過當然重奶味啲😊推薦✨總括黎講呢間冰室黎開深水埗嘅話可以一試😌