雪山冰廳

营业中

休息中

香港現時的舊式冰室，有些會重新裝修及加入不同新口味給客人選擇，從前不時途經也曾幫親過的雪山冰廳也不例外，今日剛工作完畢，可以去慢慢吃。避風塘炸脾 $28外皮很香脆，炸得乾身，不肥膩，很輕的辣度，肉質腍軟含少許肉汁，蒜粒脆香，野味。芝士焗龍波士頓龍蝦海鮮飯 $108本來點波士頓龍蝦叻沙摻摻，侍應姐姐推介我們吃芝士焗龍蝦飯，她說料多，好味，抵食點，所以我們改點了。有陣陣的芝士香味，外貌不錯，海鮮有青口，魚塊，魷魚, 仿鮑片，蟹柳粒， 加上主角，龍蝦半隻 (有鮮味， 龍蝦膏，有嚼勁)，用炒飯做飯底，配上三色椒粒，足夠的白汁，西蘭花軟硬度適中，味道很不錯 。華田曲奇妙趣 $19(跟餐) 凍阿華田加了曲奇妙趣餅乾及忌廉，華田少甜，把忌廉攪勻後, 華田有奶味且變滑了。檳城特餐 $50檳城叻沙摻摻湯底有椰香與蝦味，兩隻蝦(鮮甜Q彈)，兩片魚片(沒有魚腥味)，兩件豆卜 (略硬)，油麵(彈牙)與米粉份量足夠, 以我個人喜歡米粉多一點， 因為米粉吸湯力強，如湯底再濃厚一些味道更佳。日本櫻花蝦炒蛋配牛乳厚多士櫻花蝦鮮甜有咬口，甚少加在炒蛋中的，連蝦殼吃，鈣質豐富；多士的牛油味香濃，麵包鬆軟。紅豆冰 $9 跟

睇完戲去深水埗搵食，喺在開飯見到此餐廳有檳城特餐，有喇沙摻摻、有櫻花蝦炒蛋、多士，都幾特別，姑且一試！喇沙喺油麵加米粉，有兩隻蝦、兩三片魚片及2個豆卜，尚算足料，但湯底就一般，色水似喇沙，但味道唔香辣，又冇椰汁味，炒蛋味道淡淡的。若食開茶餐廳常餐或特餐食到悶，可以一試，至少有新鮮感。以今時今日的生活指數，$50包埋熱飲，都可接受。

今日同妹妹和女女去左深水埗食lunch，呢間冰室好厲害，始於1956年，有60幾年歷史，能抵受時代巨輪，必有過人之處。餐牌菜式多元化，而且價錢大眾化，難怪大批捧場客。我們三人坐卡位，頗舒適的，叫了招牌菜海南雞飯，雞肉鮮味濃郁，肉質嫩滑，配充滿油香的油飯，十分滋味，好有正宗東南亞風味。波士頓龍蝦叻沙份量重量級，足有半隻龍蝦，湯底香濃有椰香。公司三文治足料，粟米雜果沙律亦好清新。我亦點了呢度好出名的樽仔奶茶，奶味茶味平衡，口感香滑，難怪張張檯都有點啦!今餐真係好飽好滿足。

朋友話以前呢間鋪頭嘅位置 係電視台御用拍攝嘅懷舊冰室 不過依家已經進行左大翻身 懷舊餐廳已經搖身一變成為”雪山冰室”！入到餐廳 已經見到有幾台都食緊一個賣相好吸引嘅雞飯原來係冰室嘅王牌推介：招牌海南雞飯（每日限定100份）我梗係唔會錯過食好嘢嘅機會即刻嚟一份先！除咗個樣睇得 食落一啲都唔差！我真係好彩每分都冇指定部位 而咁啱呢 我就派中咗隻雞髀位～無骨嘅雞髀真係冇得彈 夠晒滑！啖啖肉！雞肉大件但係一啲都唔油膩 配埋用椰子油撈左既油飯 超香～另外朋友嗌咗一個：南洋咖喱吉列豬扒配蛋包飯香噴噴嘅咖喱配蛋包飯真係完美配搭 不過略嫌豬扒比較乾 同埋如果咖喱汁可以多啲就好啦我覺得呢度嘅特色嘢飲都好值得一提1: 招牌樽仔奶茶/咖啡 好得意細細支放喺膠樽入面 好方便攞走 無論係食早餐定係下午茶 好匆忙嘅時候攞走樽仔就得啦 樽仔細細個仲可以循環再用好方便放落袋！2: 茶走紅豆冰我第一次飲咋紅豆大大粒配埋超濃嘅奶茶加煉奶 原來都咁夾得埋㗎喎 味道偏甜啱晒女仔飲

今日友人話帶我去食冰廳，心唸姐係茶記啦！？點知係雪山冰廳，嘉頓旁邊自從翻咗工就好少再去呢類型既餐廳，通常食快餐店多，方便快捷呀ma香滑樽仔奶茶見幾特別就嗌黎試吓 奶茶茶味同奶味比例可以避風塘炸蒜雞髀見旁邊枱人嗌就順便嗌啦新鮮炸出黎，熱辣辣既炸雞髀無得輸啦根本茄湯牛肉炒蛋意粉冰廳食呢啲根本無得輸啦，牛肉呢到唔係用茶記冰鮮貨色！相信係有做過功夫芝士焗波士頓龍蝦海鮮飯睇到個賣相都知得啦，大大隻龍蝦 青口魷魚🦑焗飯 飯有少少飯焦 精華黎啦總結，食咁多野都係$192，快靚正！

而家冰室開得越嚟越多, 但質素就好參差! 今日行開深水埗見到呢間雪山冰廳, 出名既係我最愛的奶茶, 咁當然要入去試下, 結果真係一試難忘!椒鹽豬扒飯(炒飯底)就咁睇menu已經覺得好似好正咁, 真係冇嗌錯! 首先豬扒煎得好香而調味又岩岩好唔會太咸, 再加埋椒鹽同蒸粒係面, 真係好香口同埋滿足!!炒飯底亦都好足料唔會只得幾塊炒蛋。份量又足而且味道好夾, 鍾意濃味既一定要試!叉燒蝦仁炒蛋飯呢個又係必食既冰室招牌菜, 呢度既叉燒唔會乾瞪瞪, 加埋有大約5-6隻既炒蛋同埋大大粒蝦仁, 呢個組合真係冇得輸! 特別想講既係蝦仁係新鮮蝦仁而唔係雪藏既蝦仔! 加埋冰室自己調配既鼓油汁令到成個飯都昇華左!龍蝦叻沙滲滲一嚟到已經好多人望住, 因為真係有半隻大龍蝦, 同時喇沙味好香濃同埋椰醬比例岩岩好, 油麵再米粉既配搭好有層次, 亦都索到好多湯汁, 朋友表示好足料而又唔會太咸!樽仔奶茶呢個真係好飲, 奶味同茶味都好突出, 茶底亦都好香, 最重要係唔會太甜, 一樽真係好快飲哂!蔥花蛋牛治食完正餐都仲係好開胃, 就決定叫個蛋牛治。個蛋炒得好滑蛋味好重, 再加埋蔥花免治牛點綴, 仲有個烘底既麵包, 好快就食完了

網上見到呢間冰室既評價好高，都想試好耐架啦，今日行開深水埗，總於比我搵到機會黎試下啦😆雪山冰室裝修比起一般茶餐廳更有style，地中海風格既地板感覺耳目一新木魚花蝦球煎烏冬$58從來未係茶餐廳見過呢類食物，咁特別當然要試下先。烏冬撈上蛋漿煎成餅底，內有大量芽菜、蔥段同蝦，表面鋪上木魚及日式燒醬，食落幾有大阪燒的味道🤪本身怕烏冬煎完會一pat嘢，好彩烏冬還是條條分明，仲彈牙的👍🏻避風塘炸雞比$28炸比配上香口既炸蒜，令到風味大大提升。雞皮既油炸到出曬，所以雞皮食落好薄好脆口碎牛炒蛋治$29本身想食呢度既招牌蔥花碎牛炒蛋治，可能因為溝通錯誤，最後落左冇蔥花版。不過都幾好食，蛋非常滑同厚，如果有蔥花相信會更正冰鎮菠蘿油$25牛油用冰凍住上，直到放入菠蘿包既一刻都係保持雪凍既狀態。菠蘿包微暖，食落一冷一熱，好正。茶走紅豆冰$9（跟餐）平時奶茶紅豆冰都算特別，呢間仲用埋茶走，飲落有陣陣煉奶味，同紅豆好夾樽仔奶茶$9（跟餐）奶茶非常順滑，而且奶味同茶味都濃郁。用樽仔裝住就可以又凍，又唔怕比冰整淡杯奶茶呢間冰室味道比起一般茶餐廳果然出色不少，而且仲有特色菜式可以試下，所以都幾值得黎

覓食嘅時間又到啦🙆‍♀️一放假，我同男友又開始去深水埗尋尋覓覓啦.今次就去到呢間老字號「雪山冰室」🗻「雪山冰室」由1956年開業至今超過六十個年頭， 仍然屹立不倒可想而知，一定係以平靚正，款式多樣化取勝👍.推門而入，正值下午茶時間座無虛席室，十分墟冚✨搵好座位後， 即刻速閱一下Menu.餐牌款式十分多樣化炒粉麵飯，熱狗，三文治炸薯條，西多士，樣樣有齊，我樣樣都想食🤤對於有選擇困難症嘅我，係一個難題🤣.🔸始祖椒鹽豬扒炒飯 $58椒鹽豬扒醃得非常入味再炸至金香酥脆，灑上蔥油同炸蒜，夠香口配上粒粒分明嘅炒飯底， 夠晒惹味🙆‍♀️.🔸避風塘生炸脾 $35 呢個避風塘生炸雞脾「雪山冰室」嘅招牌菜之一即叫即炸嘅雞髀夠晒大隻炸至金黃色，外皮非常之薄脆啖啖肉腍甜香，最重要係富有肉汁添😍配上粒粒炸蒜，惹味香口集於一身💕另外加$8仲有海苔炸薯條海苔粉灑喺薯條上令原本就外脆內薯嘅薯條，未到咁豐富😋.🔸生菜番茄吞拿魚三文治。烘底 $28我最鍾意食生菜蕃茄吞拿魚三文治🥪雖然係好簡單，但唔係間間茶餐廳都整都好食吞拿魚同沙律醬嘅比例要好講究吞拿魚太多，會覺得有啲乾，冇水份沙律醬太多，會覺得好甜好膩而呢個吞拿魚沙律， 味

天氣太熱去深水埗買部風扇仔 行到攰去搵下野食 呢間茶餐廳就係嘉頓隔離 非常易搵下午茶時間入面幾乎滿座 一坐底就即刻叫野食個menu好多選擇 樣樣都想試🤤最後揀左3樣野食加野飲1.日本櫻花蝦炒蛋配牛乳厚多士($28)炒蛋炒得好嫩滑 啖啖都係櫻花蝦 口感豐富😍塊牛乳厚多士好鬆軟 有少少似牛角包嘅質感 2.避風塘生炸脾 ($28)隻雞脾有手掌咁大 話明係避風塘 係有微微辣 食落非常香脆可口之餘仍然鎖住肉汁😋3.全日早餐 ($48)係千島吉列豬柳+法蘭克福腸+炒蛋+茄汁焗豆+牛乳厚多士成個餐非常豐富 重點係個千島吉列豬柳 豬柳肉好嫩 配千島醬 酸酸地 中和左油膩感😚4.港式茶走紅豆冰 (跟餐加$9)凍嘅茶走第一次見 雖然係凍 幾乎係無冰塊 保留奶茶嘅原味 不會太甜 茶底香濃 飲落啖啖紅豆 好滿足重有好多野食想食 下次再黎試下招牌海南雞飯同埋檳城風特餐🥰🥰

經常係呢區食嘢都不知這裡有間冰廳係到，而且仲乜都有得食，有東南亞食物，有港式食物，鋪外舖內都好光猛，令人有精神的感覺😊環境地方亦算寛闊，坐位亦算坐得舒適，待應服務亦招呼週到😊😊昵度既無冰樽仔奶茶，夠滑又香濃的奶茶，好味道😋茶走紅豆冰——紅豆足料奶茶出色波士頓龍蝦叻沙摻摻——-龍蝦🦞肉新鮮奭口，叻沙足料扺食海南雞飯——-配料酸菜開胃，🐔肉滑，醬汁配料正宗好味道火龍果生炒骨——-味道配合夠哂新鲜感覺一間1956年的懷舊冰廳，確實出色👏👏✌️✌️👍👍

放咗工冇咩好搞，約個朋友出嚟食餐飯。兩條麻甩佬冇咩好揀，就決定喺OpenRice是但搵間茶記食，Search到呢間特別多正評，一於試試。一入門，明明有好多位，個店員夾硬死執我哋去搭枱，個卡位窄到冇人有，算數費事再搵第二間。好啦叫餸，估唔到一間咁嘅嘢都要收大排檔嘅價錢，套餐80幾蚊仲要淨係可以揀湯或嘢飲，算數硬食。諗住收大排檔嘅價錢應該有大排檔嘅份量，點知個孜然骨得個5舊，仲要韌到食唔到。雜菇西蘭花冇咩特別。不過大家可以睇到下面幅圖，擺盤嘢喺度已經隊到埋去人哋度，窄到咁點食呀。你睇連個飯都細過人。諗唔明點解咁多正評，食大排檔好過。

雪山廳是長沙灣一間開業已久的冰室。近年餐廳進行了大翻新，翻新後一直未有機會去試。今日終於可以去懷緬一下。翻新後， 牆身鋪上了白色瓷磚，餐廳變得很光鮮。 牆上掛著一幅很大的彩色掛畫，令懷舊的冰室加添一點時尚感。下午茶選擇多，而且價錢合理。我和朋友點了兩份下午茶餐。烤豬扒煎蛋撈公仔麵($34)豬扒超大塊，跟餐碟一樣大，份量十足。 豬扒煮得剛好， 不硬，很嫩口。 醬汁調味剛好，似日式燒汁， 酸酸甜甜， 配豬扒和撈公仔麵很好。讚！鮮奶油豬仔包($25)豬仔包烤過， 外面脆卜卜。 油是鮮牛油， 配上熱辣辣脆卜卜的豬仔包， 牛油慢慢地熔在脆豬仔包上，感覺一流。熱奶茶 (跟餐)傳統冰室的奶茶， 保持一貫水準， 茶香奶滑！傳統冰室已經買少見少， 而且食物還要是高質， 我會一直支持！

過嚟深水埗買咗對靚喇叭，行到攰攰哋竟然見到老字號1956年經已開業嘅「雪山冰廳」，咁當然要入去試吓啦。而我哋嘅坐位正正對住「雪山王」壁畫。餐牌上有嗰同嘅套餐同埋小菜，而我就揀咗幾款。招牌海南雞飯，食落油飯香軟、雞肉嫩滑，色香味十足。鐵板蝦米肉碎啫啫芥蘭，離遠已經聞到陣香味啦，好多蝦米啊，蝦米味滲咗落啲芥蘭度，好香口啊！除咗主菜，仲叫咗幾款小食，避風塘生炸雞髀，趁熱食隻大雞髀先，啖啖肉之餘，避風塘式實在係太惹味。櫻花蝦炒蛋多士，啲炒得蛋好滑。叻沙摻摻，足料得嚟湯底夠香濃，絕對有馬拉風味啊。仲叫咗杯飲品，華田曲奇秒趣，勁多cream係面，cream好幼滑，個人覺得先試一啖cream，先將佢同華田溝埋飲仲正！

這間位於深水埗的老牌茶餐廳，雪山冰廳自1956年開業至今已超過六十個年頭，能夠經歷超過半世紀䇄立至今，當然有其獨到之處。餐牌的選擇多，價錢大眾化，無怪乎吸引當區街坊外，還有不少遠道而來的食客，就是為了感受一下香港的老味道。始祖椒鹽豬扒飯 （$58）👍👍👍👍椒鹽豬扒醃得很入味，味道帶有濃濃的美極醬油味，加入葱油和炸蒜令味道更濃厚，這就是一種經典的茶餐廳的豉油西餐味道。炒飯亦炒得很香口，飯粒分明，跟豬扒味道很配。樽仔奶茶（+$15）👍👍👍👍奶茶用樽仔載著並冷藏，無須加入冰塊，所以奶茶味道仍然保留著原有味道。招牌海南雞飯（$58）👍👍👍👍👍每日限定 100 份的海南雞飯，雞肉已起骨，雞皮爽脆並帶雞油香氣，雞肉嫩滑，配合濃醬油和海南雞辣椒醬更加美味。油飯帶有淡淡的香氣，還有醃漬的酸蘿蔔令人胃口大開。港式茶走紅豆冰（+$9）👍👍👍👍茶走紅豆冰，甜味剛好，紅豆粒粒分明，不會煮得過腍。咸牛肉炒蛋潛艇（$30）👍👍👍👍潛艇烘至外皮鬆脆，𥚃面夾著剛炒好，熱騰騰的咸牛肉炒蛋，炒蛋炒得嫩滑，咸牛肉亦為炒蛋加入少許鹹香，一個切半，二人分享剛剛好。門面內在環境餐牌

我同男朋友除咗中宜周圍揾野食，仲好中宜睇youtube，所以youtuber介紹既我地都會留意！今次呢間雪山冰廳，就係一個香港幾多人睇既youtuber介紹嫁啦！咁岩黎深水埗，都試一試啦！【榛子醬西多士】賣相ok啦，都好夠熱既。而入面真係有榛子醬！不過食落就無咩特別，如果唔中宜太甜既人就唔好落太夠糖漿啦～【避風塘豬扒飯炒底】呢個都幾惹果，幾好食。佢好香，有鑊氣，好有茶餐廳感覺，唔好覺得我講呢句好多餘啊，宜家好多所謂既茶餐廳都好垃圾！炒飯夠乾，粒粒分明又唔碎。可惜係個豬扒太薄，有d柴。總結，youtuber講野未必唔真，可能我食咗佢無叫既野食，如果要黎食，就要叫避風港豬扒炒底啦！