雪山冰廳

营业中

休息中

同朋友去黃金買完電腦野， 自詡石硤尾地膽嘅朋友就帶咗我黎呢間冰室食晚餐，朋友話細細個已經有食開。聽聞裝修左，感覺好整潔同光鮮！坐得舒服，冇壓迫感。我好想食咖哩所以就叫咗個咖哩牛助條飯。南洋咖哩牛肋條飯 （$55）咖哩好好味，係港式咖哩嘅香辣味完全冇令我失望！牛肋同薯仔嘅份量好足，不過牛肋有少少韌。但 整體覺得好好食。朋友叫咗個海南雞飯，係雞脾位置所以雞肉嫰滑，鹽焗雞味重，飯都有好香雞油味。海南雞飯 （$58）鹹蛋黃肉碎四季豆 （$72）鹹蛋黃好香，朋友覺得好好食，我覺得豬肉略嫌有啲鹹。最後，朋友知我鐘意食炸雞脾， 所以都推薦咗食呢一個避風塘生炸雞髀。避風塘生炸雞髀 （$28）上枱嗰下已經哇一聲，因為即炸所以要等，好期待，我真係好鍾意食炸雞脾炸雞翼，望落已經見到炸得好香脆，上面仲有一啲避風塘嘅炸蒜辣椒等等，超香！！即刻放低食緊嘅飯！ 好香脆又惹味，朋友食得辣所以覺得可以再辣啲。飲品方面，我點左最鍾意飲嘅奶茶，朋友喉嚨唔舒服就嗌咗檸檬西洋菜蜜。檸檬西洋菜蜜（＋$4）、樽仔奶茶（＋$9）樽仔奶茶好正，因為直接放入雪櫃，唔會因為冰粒而溝淡奶茶味道，同埋真係好香濃，又唔會太甜！正。而朋友都話杯菜

最近屋企部電腦壞左，唯有去黃金睇睇，順便約埋係附近反工嘅朋友仔食個快飯，因為朋友係要見架😂朋友極力介紹呢間雪山冰廳，既然地頭蟲咁講，就佢喇！都幾多人食，所以等左陣位。朋友話呢間冰廳原來已經開左成六十年，都係同事帶佢黎食，一試愛上，真誇張。講左兩句就有位喇，都算幾快。講下裝修先，因為朋友開頭話開左成60年，我有啲怕好烏糟，但一入到去有啲復古嘅感覺，裝修仲好新淨光猛👍即刻放心哂，可以嗌野食喇！交左比朋友發板🤔招牌海南雞飯份量唔算太大，但質量取勝👍啲甜酸羅白同青瓜好爽脆，唔會醃到淋哂👍雞肉部份因為好好彩咁係脾同胸，脾好嫩滑，胸都唔會鞋，重點係去哂骨，啖啖肉吖！唐揚雞搥炸漿好薄，肉好彈肉，唔會老，因為我自己好鍾意黑椒味，所以如果黑椒味多啲就仲正。但朋友就話佢覺得小食黎講就已經好夠味。炸魚薯條薯條係粗薯條，正中下懷😂炸魚好大塊，同我隻手掌咁大吖😍炸漿同雞搥一樣又薄又脆清炒西蘭花（聽到朋友嗌嘅時候我成頭都係黑人問號？？）到碟菜上黎嘅時候，我明白喇！好大碟，好翠綠，唔係平時伴碟又黃又淋嘅菜，的確係好岩無住家飯食嘅佢，而且又估佢唔到幾有鑊氣喎。樽仔奶茶茶底都幾香，奶茶唔係好濃厚果種，反而係好fresh

well~ 作為一個喺深水埗大嘅人，雪山絕對係一個經典嘅名字， 舅父就住喺舊雪山旁邊嗰條街九江街， 記得細個嘅時候大人賭馬就會去落雪山食晏，我同老表梗係跟埋去啦， 所以雪山對於我來講都係一個童年回憶， 雖然而家我已經搬走咗，但有時都會返去約老表食下嘢，前段時間行過雪山驚愕佢點解會閂咗門~ 執咗笠？ 唔通一代經典就咁走向歷史？ 問一問老表佢都唔知咩事~ 但過咗一段時間… 發現有個新嘅雪山，但搬過咗兩間舖， 再去問老表"人都係嗰啲人，但係成套風格唔同咗 "當時已經有心探一探… 今日終於… 入到舖頭…成個style的確唔同咗，但有個姨姨我仲依稀認得，坐低之後同以前一樣，上2杯水上餐牌，食物風格都同以前變咗好多…感覺高級咗， 個心都有少少失落…童年回憶係咪亦都係冇咗呢？我決心尋找童年回憶…叫一隻炸髀同咸牛蛋治烘底， 當然今時今日佢哋有一個好靚嘅名~就係：避風塘炸蒜雞髀 同爆餡蔥花蛋牛治~幾有氣勢… 因為同朋友一齊嘅， 朋友就叫咗個雪山檳城風特餐。 咁來茶記當然唔少得杯奶茶啦，而家可能高級啲為免加冰溝淡，變成樽仔奶茶… 最先上嘅就係樽仔奶茶，講真就幾滑嘅~但係個茶味就覺得唔夠濃~奶味就幾香； 再

我今日與朋友到深水埗搵食，原來行遠少少，嘉頓附近有一個寧靜的街道，紅色招牌較突出，決定一試波士頓龍蝦叻沙摻摻 $98龍蝦肉爽口彈牙，蟹鉗肉厚，豆卜吸味，炸魚片爽口，摻摻有米粉加麵，份量多，叻沙少辣，湯頭香濃，惹味海南雞飯_油飯海南雞香滑雞味濃，雞皮薄，有雞油香，沾醬油更鮮味，雞油飯香軟，醃青瓜、醃紅蘿蔔、醃白蘿蔔，消滯美味，份量足。吉列豬柳香脆肉嫩，配上發蘭克福腸，炒蛋，茄豆，多士，豐富又大份量樽仔奶茶 跟餐$9茶底香，茶味濃，奶味香滑，正式茶餐廳口味華田曲奇炒趣 跟餐$15華田做底，上層有濃濃甜忌廉，曲奇裝飾得像甜品雪糕紅豆冰 跟餐$9朱古力雪糕配冰凍紅豆冰，紅豆甜糯，邪惡又滿足人流旺，落單快，上菜快，乾淨整齊，職員友善，食得開心，會再來

昨晚走左去試，豬扒飯的確好好味，不乾不油，飯底也不錯，喇沙也做得出色，但炒蛋就不夠滑，奶茶夠香滑，但偏甜，總括來說不錯，但衰在，最後餐廳後巷廁所，嘩...即刻對扣晒分🙈。

雖然不大想出賣年齡, 但雪山冰廳真是細細個已經食過。當年還是爸媽帶我們來吃焗豬扒飯, 飲紅豆冰。這晚卻是我帶着身邊那位, 買完電腦產品後來懷舊一下。換上新的大招牌, 在舊區的街道更為突出。但還可以見到舊招牌仍在, 對我來說更有親切感。雖然食物都是普通茶餐廳的選擇, 但這些才是真正的香港味道, 茶餐和海南雞飯這麽多年還是熱賣中。我當然點了一份招牌海南雞飯懷念一下, 晚餐來說真的性價比很高。去骨後的海南雞雞肉嫩滑, 雞皮爽滑之餘也不會太肥, 加上酸辣雞醬及黑豉油, 惹味之餘又不失雞肉的甜香。而油飯的斑蘭味和黃薑味也調得很好, 香而不俗, 令人不經不覺地吃掉整碗飯。整個飯的質素絶對可以媲美那些東南食品店。身邊那位點了另一款熱賣的, 椒鹽豬扒炒飯。椒鹽豬扒炸得香口, 新鮮即炸, 外脆內軟, 咸香惹味, 很有大牌檔的"鑊氣", 相信配啤酒都可以。炒飯也炒得粒粒分明, 加了蛋絲和蔥粒的味道更為豐富。其實不用什麼名貴的材料, 只要新鮮有心煮, 普通的茶餐廳食物也很好吃的。每餐吃點蔬菜總覺得好像健康一點, 我點了什菌浸時菜。想不到是這麽大碟, 白菜仔條條靚仔爽脆, 經上湯加菇菌乾煮過後就更甜更好吃。 

話說之前去完深水埗玩具街行街之後，肚餓想搵野食，由於之前依稀記得有一間冰室喺嘉頓嗰邊，都係算新派嘅冰室，噉就一於去嗰度試下。一坐低，環境裝修都算簡潔同埋新淨，我嗰日都係平日夜晚過去，都差啲坐滿曬，似乎都幾好生意。問個侍應姐姐有乜好食，佢都推介呢度嘅海南雞，炸雞髀，咕嚕肉等等，貪心嘅我哋真係乜都叫曬😂😂😂招牌海南雞飯。海南雞無骨，食落好爽，亦都非常之滑，飯底雖然唔係油飯，但配上炒飯底，都算唔差嘅，可能佢再配上佢嘅醬汁同埋蒜蓉，加埋嚟食就好好食。波士頓龍蝦叻沙摻摻上碟嘅時候都唔係好相信冰室可以食到龍蝦，觀感已經係震撼十足。雖然龍蝦食落肉唔算話好多，但蝦膏卻唔少。另外一個驚喜就係叻沙湯底，飲落非常濃烈同好香，值得一讚。火龍果咕嚕肉。呢個值得推介，咕嚕肉外脆內嫩，肉質非常爽口，調味亦都適中，唔會太酸，難怪佢係推薦菜。避風塘生炸雞髀。呢個又係另一個必叫嘅菜式，雞髀炸得好香脆，再配上避風塘炒辣椒，又香又辣，食得非常過癮。樽仔凍奶茶。佢嘅原理有啲似翠華噉樣，唔想加冰溝淡個奶茶，而樽仔奶茶都夠凍，味道唔算太甜，有茶香，感覺唔錯。招牌港式茶走紅豆冰。呢杯野飲都幾過癮，即係奶茶溝紅豆，雖然奶茶嘅味道就比較

~今期推薦雪菜肉絲米粉，吉列魚柳。又一次來到雪山冰室吃早餐，今次沒有叫蕃茄通粉或沙嗲牛肉麵等等，而是了一個吉列魚柳精選早餐。我又試了雪菜肉絲米粉加冰鎮菠蘿油。雪菜肉絲米粉，10分有驚喜。雪菜肉絲配搭一流，米粉的質地煮得恰恰好。最不推薦為冰鎮菠蘿油，雖然那塊菠蘿油是放在冰塊上，10分吸引人注意，但是本身菠蘿油不好吃，這些噱頭是挽回不了食物質素。吉列魚柳精選早餐的吉列魚是我最喜愛的，附送的麵包也幾好吃。

~今期推薦南洋咖喱吉列魚柳蛋包飯在8號波下，很多餐廳在下午時候已經關門。唯獨這間餐廳還沒有關門，都預咗佢會冇下午茶餐，但係估唔到佢冇發8號波財，沒有特別再加價，都算係有良心，10分欣賞。大家緊記不要再8號下叫外賣，生命無價。最近比較吃喜歡吃這間冰室，已經連續在這間冰室吃了兩次早餐，今次午餐都在這裏試試。叫了一個南洋咖喱吉列魚柳蛋包飯，果然冇令我失望，炸魚柳十分好吃，蛋有蛋香，雞蛋柔嫩，只差在不夠咖喱汁下次會要多咖喱汁。期待下次會在這裏吃晚餐。

值得紀錄的一天，有時候表面平平無奇既茶餐廳，都可以搵到啲吸引既野食，慢慢先發掘到幾與別不同。————————————#芝士焗波士頓龍蝦🦞海鮮飯 💰108 對於龍蝦迷黎講，真係估唔到茶記都有龍蝦食，仲要唔洗加一‼️半隻既龍蝦有好多膏，肉質都算幾爽口，其他既海鮮有青口、魚塊，仲有啲蟹柳粒同菇，材料都幾多款式。呢款海鮮飯同朋友share 食絕對岩岩好。⚠️原來6:30pm前仲有下午茶餐食，真係超抵⚠️#避風塘生炸肶 （微辣）💰35呢款茶餐竟然免費配埋紅豆冰，但有人特別中意食雪糕🍦，所以加多$9就有雪糕紅豆冰。炸肶個面有啲似避風塘既feel ，炸得幾脆。樽仔奶茶都係我既至愛👉🏻#跟住皇后深水埗

地膽@雪山冰廳 網址: 地址: 深水埗青山道62D號地舖 電話: 23865025 太多新開張的茶餐廳改名時加冰室兩室，要數懷舊冰室，呢間是當中表表者。朋友說這間在深水埗真正是歷史久，且非常街坊有人情味，價錢是深演埗平民價，我就專登坐車來食的。避風塘炸蒜雞髀$28，炸到個皮脆如薯片，而面上有好多香口卜卜脆的炸蒜同椒鹹，滾味夾惹味呀，但因要脆身火喉令到肉乾身了點啦，但大隻抵食晚市仲有小菜架，鑊氣十足估唔到幾有水準$72 鹹蛋黃肉碎四季豆，油甘架鹹蛋皇醬好下飯 $78 鮑魚啫啫滑雞煲，個汁夠濃味，有加埋正色椒得惹味無比，雞件都好多塊肉嫩。轉餐有湯有飯$35 上湯香菇時蔬，清好多唔油膩。香滑樽仔奶茶，朋友話好重奶香同茶香。

今日去深水埗探姑媽，這個舊區周圍都係食肆，姑媽帶我去到（雪山冰廳 ）原來1956年已經開業，可以屹立到現在，相信是餐廳食物的質素及價錢，得到附近街坊肯定及認同。吉列豬扒漢堡包， 豬扒用咗麵包糠炸得外脆內軟，加上生菜及芝麻的漢堡包一起吃十分配合。榛子醬西多士，外面金黃色內面夾住榛子醬， 不會太甜， 如果覺得唔夠甜可以再加些糖漿都不錯。叫咗個套餐，清蒸紅友，魚肉蒸到不會太老，魚肉鮮甜嫩滑，加上蔥花及醬汁，十分美味，要叫碗白飯先得。清炒小菜分量不算太多，但勝在好香口。 凍咖啡，味濃厚身，飲完十分精神。 餐牌款式十分多，分別有晚餐、小菜、炒粉麵飯、漢堡包、西多士、懷舊紅豆冰等 肯定有一款鍾意。

相約好朋友見面食下野，嚟到深水埗選擇比較多，當諗唔到的時候我哋就去咗雪山冰廳食個下午茶。餐廳裝修比較時尚，坐得好舒服，可以同好友邊食邊傾打開餐牌食物種類很多，早餐下午茶餐也有很多選擇當然要試下佢哋啲招牌食物，避風塘生炸肶-炸肶事實上係好正，皮脆肉嫩，肉汁多，啖啖肉，加入左避風塘的煮法，食落有少少微辣，非常香口惹味，正！天氣熱想食D清新一點嘅食品，於是點左個鮮茄牛肉飯-蕃茄大大隻非常爽口鮮甜，牛肉切得好薄非常嫩滑，醬汁酸酸甜甜好開胃，配白飯一流👍波士頓龍蝦喇沙摻摻-喇沙湯底非常香濃，酸辣鮮甜味都幾balance，一夾，係油麵同粉絲嘅組合，兩樣嘢都索湯，香濃美味，開邊龍蝦大大隻，值得一試奶茶同檸荼都做得出色，荼葉優質，所以飲落荼香細滑整體來說，呢度食物好味，環境舒服，位置方便，值得再黎

其實都幾鐘意試香港嘅茶記或者冰室，見呢間裝修幾靚又多人打卡，一於試試～今次Order下午茶餐，Around：$49/per💁🏻‍♀️餐廳裝飾風格幾fashion，睇落感覺新式主題茶記咁，無論地磚定牆身都落過心思設計，牆物上更有噴漆塗鴉作品，CP值唔錯。檳城叻沙海南雞米線$38-味道系可接受範圍水平內既，只係對我而言叻沙味道唔夠濃，可能因選用米線關係，米線本身比較難吸收湯底味道，如果改為米粉應比較合適，另外海南雞食得出滑嫩，可惜浸入叻沙湯底而唔係另上關係，耐左既雞已冇第一口☝🏻咁滑嫩，建議朋仔點單事先要求海南雞另上🍴咖哩雞扒飯$42-呢個十分欣賞佢較出後既咖哩，絕唔似日式咖哩，而系似中東經香料特別調製後既咖喱，夠晒香濃，而雞扒已切件經炒香再放入咖哩汁內，配上白飯到就好夾🤤跟餐$9樽裝招牌奶茶-出名自家凍奶茶會入樽裝，比較乎合衛生同方便買外賣既朋友，白濃夠滑，的確唔錯，對比維記樽裝港式奶茶既話，維記茶味會重d，而呢款奶味會重d🤔跟餐$9港式茶走紅豆冰-同往日茶記叫既紅豆冰唔係之處：拎走1/3奶左右既份量加入茶走奶茶，除左奶、紅豆味之外，仲多左份茶香，感覺幾特別因同平時飲既紅豆冰唔一樣，都唔錯

還有幾天才踏入大暑，但正午陽光普照所帶來的熱力也足以讓人溶劑。急不及待走進附近餐廳，除了醫肚也點杯冰飲消消暑。來到懷舊冰廳，當然就是要點一隻大雞脾！「雪山冰廳」的生炸脾夠大隻，外皮炸得脆身。切開時看到肉汁溢出，香口外層加上嫩滑雞肉，無可挑剔的一隻炸雞脾。而且避風塘口味頗特別，炸脾上灑了一些炸蒜，帶點微辣更惹味。長長的潛艇麵包，包芯塗上了牛油烘香，入口外脆內軟熟。中間夾上了炒蛋，滑嫩富蛋香之餘，又加上了咸牛肉碎和葱粒，口感豐富。賣相華麗的焗海鮮飯，一大隻波士頓龍蝦舖在飯面，連隔桌的小朋友也忍不住指著龍蝦連番讚嘆。龍蝦其實早已骨肉分離，大部分蝦肉已完整一塊脫出，但殼內也殘餘了一點膏肉，所以備了工具鉗。龍蝦肉彈牙，另還有魚柳、青口、蟹柳粒，當中魚柳肉質蠻鮮嫩。焗飯用了炒飯底，飯粒分明伴隨著蛋絲，可謂誠意之作；中間還夾雜了三色椒粒，有口感之餘又有營養。整餐的精華是這枝樽仔奶茶，入座時的汗流浹背，全靠它降溫。奶茶沒有放冰，放在雪櫃冷凍著。味道是濃郁的絲襪奶茶香，經典港式茶餐廳口味。