雪山冰廳

营业中

休息中

放工後和同事來到深水埗雪山冰室，裝修企理乾淨。海南雞油飯$58:海南雞件夠嫩滑，兩種醬汁正宗惹味，配上黃油飯來吃一流﹗鮑魚啫啫雞煲$78:上枱時啫啫聲響，啫啫雞同樣夠滑，還好入味，配上素鮑魚仔，送白飯一絕﹗波士頓龍蝦叻沙摻摻$98: 油面加米粉，豆卜丶魚片同雞蛋，索晒喇沙湯汁，夠晒惹味﹗ 烘香蔥蛋碎牛三文治烘底$27:烘底出色，夠脆身。蛋好夠滑，香蔥碎牛肉夠咸香~樽仔奶茶+$9:奶茶夠香滑濃郁，少甜，無茶既苦澀味忌廉薄薄荷朱古力+$15:朱古力味香濃，好飲~店舖客人不少，應該都是以熟客為主。呢間深水埗的老牌茶餐廳—雪山冰廳，自1956年開業至今已超過六十個年，出品不錯，屹立不倒的確有其過人之處﹗

屋企部電腦壞壞地去左黃金買配件, 太熱唔想煮順便食埋飯先走.行行下去到嘉頓旁邊有間叫雪山冰廳, 仲寫住1956年到而家, 係老字號買少見既情況下, 就諗住試一試佢！入到去原來係舊店從新翻新, 好整潔既餐廳, 同而家大部份見到既冰室類型相似。見到餐牌有好多唔同選擇, 由東南亞菜, 茶記小食, 西餐, 小菜, 麵包類都有!! 以一間餐廳黎講真係好多選擇！諗左好耐好耐, 叫左好多野食想試下唔同野有個招牌椒鹽豬扒飯, 係好少見既炒飯底, 豬扒煮得好入味, 又易咬, 配飯一流！另外估唔到茶記都有龍蝦食, 叫左個波士頓龍蝦摻摻, 有半隻龍蝦架! 好甜好多肉, 正! 個叻沙湯底好都幾濃厚, 唔錯唔錯！叫左個炒西蘭花, 嘩估唔到佢炒得真係幾好食, 唔係普通兜兩兜, 蒜蓉溶入左啲西蘭花到, 而且啲菜都好新鮮, 炒到菜爽又入味, 估唔到係茶記食個菜有咁高水準!由於為食既關係, 叫左個炸魚薯條試試, 炸魚柳新鮮炸, 又熱又嫩, 薯條就比較一般啦~最後重點介紹, 係呢到既飲品, 其實以前冰室/冰廳主要售賣冷飲、雪糕及沙冰等凍飲既餐廳, 所以開左成60年, 招牌仲掛住冰廳兩個字, 啲野飲一定唔失禮, 於是我加左

住在深水埗附近，一直想試這間人氣高企的冰室。晚市選擇非常多，有招牌小菜，又有二人孖寶，令人眼花撩亂。最後點了一個檳城特餐（$50）加樽仔奶茶（+$9）。檳城特餐是叻沙摻摻和日本櫻花蝦炒蛋配牛乳厚多士叻沙摻摻附送了特製的辣醬，跟湯底混和後非常惹味，豆腐卜和米粉吸索了湯汁特別好吃。日本櫻花蝦炒蛋也不錯，櫻花蝦味香濃、蛋炒得嫩滑，蛋控的我覺得份量可以多一點更加好，蛋真的是吃不厭啊。另外還叫了炒貴习（$58）貴习看似是簡單的菜式，但弄得好吃是一點都不容易。這碟炒貴习是出乎意料的美味，配料又豐富，超級大碟，我們不斷吃都吃不完。最後還有樽仔奶茶，很香滑！晚餐總數只是百多塊，很實惠的一餐。

嚟開深水埗買電子嘢，咪搵下附近有乜食，結果就腳入咗一間叫雪山冰廳嘅餐廳。避風塘生炸脾 $28大大隻超抵食，皮脆肉嫩一啲都唔鞋，仲有小小juicy，蒜香味好重好香口，小小辣。榛子醬西多士 $28冇油膩嘅感覺，甜度啱啱好，食完唔會覺得好漏，諗唔到榛子醬配西多士竟然咁match。炸魚薯條 $30魚炸得好香脆，趁熱食會冇腥味，配埋千島醬食別有一番風味。薯條都係炸起趁新鮮食好。鮑魚啫啫雞煲 $78雞肉唔算鞋，而且好入味，啲雞係炸過先再攞去燜，令其口感更豐富。配埋三色椒、秀珍菇、冬茹片、薑蔥一齊燜，好惹味。樽仔奶茶 $25奶味偏重，甜度適中，樽裝方便攜帶。

我地兩個傻瓜👭又一齊出動啦，今次嘅目的地係港味🇭🇰色彩濃厚嘅雪山冰室1️⃣榛子醬西多士 $28我地就冇加糖醬去食，因為榛子醬🌰+西多士+牛油已經夠邪惡啦😈西多士嘅蛋香味幾濃郁，榛子醬🌰唔會多到湧出來，又唔算好甜嘅，不過我自己鐘意就咁食西多士多d🙈🙆🏻‍♀️美味指數:6.89/102️⃣波士頓龍蝦叻沙摻摻🦞🍜 $98波士頓龍蝦🦞嘅肉好少，而且點講呢⋯⋯唔係爽口彈牙嗰種，又未到霉嘅😹叻沙湯底做得幾濃下，但係摻摻麵，油麵同米粉點食都索唔到叻沙湯底嘅味道😅配材仲有芽菜，豆卜，魚片同雞蛋🥚豆卜最正，索哂d叻沙湯底嘅味道😎🙆🏻‍♀️美味指數:6.10/103️⃣香蔥碎牛三文治🥪 (烘底+$1) $27呢個係我覺得最正嘅嘢食🥰三文治🥪烘得夠香脆，香蔥嘅味好突出，配上香滑嘅炒蛋🍳同碎牛，口感大滿足。碎牛🐮份量比想像中較少，炒蛋做得夠滑身，不過醎醎地幾惹味。🙆🏻‍♀️美味指數:7.02/104️⃣日本櫻花蝦配牛乳厚多士 $28櫻花蝦份量十足，多到d炒蛋都包唔哂，佢嘅厚多士酥香軟滑，炒蛋就冇香蔥碎牛三文治🥪 裡面嘅炒蛋咁正，因為日本櫻花蝦配牛乳厚多士嘅炒蛋有少少出水😅🙆🏻‍♀️美味指數:6.12/105️⃣樽仔奶茶 $25我就覺得其

上次食緊嘢嘅時候，見到有個龍蝦焗飯送出嚟，超級吸引呀！所以就睇下幾時再黎深水埗就再幫襯，今次有機會喇！一個人食就唔好咁貪心啦 只係叫咗個龍蝦公司通粉同好傳統嘅黑牛。。。一上枱就知道佢係呃like極品，佢既有傳統去茶記食通粉嘅腸仔餐肉同火腿，仲半隻好靚仔嘅波士頓龍蝦，翻開隻龍蝦啲肉好結實又多膏，簡直係驚喜，啲龍蝦肉入口真係爽㗎，仲跟埋鉗拆殼，去左酒樓咁，真係大滿足呀。黑牛其實我都係第一次叫，因為呢度懷舊先試下，原來係朱古力雪糕加可樂，都幾好味，唔識形容。

我們兩人來，剛好可點一個二人餐：$168時令湯水：冬瓜湯，消暑解熱蒜茸炒時蔬由兩款菜炒出，西蘭花、菜心，蒜味濃郁，而且爽而不韌海南雞（半隻）海南雞的件數較多，雞肉滑而又不會感覺不新鮮脆米尖椒辣子雞丁看起來好像多辣椒，其實沒那麼辣了而且雞件多亦不會太多骨油飯 $5西多士 $28西多士基本上是茶餐廳必點之物，樽仔奶茶 $9來雪山冰廳必點的樽仔奶茶，我們都點了，沒有冰的冰凍奶茶，不會因冰塊融化而變淡，奶茶喝起來真的很濃郁，奶的鮮茶的香澀也能感受到

收藏了很久的雪山冰廳，今晚終於有機會去食啦。6點幾去到，唔洗等位，座位之間都夠寬闊。同男朋友點左2個餐share食。日本櫻花蝦炒蛋配多士櫻花蝦為一份炒蛋帶點咸香，蛋亦炒得嫩滑。檳城叻沙摻摻呢個叻沙湯底好有驚喜！夠濃郁而又唔覺膩，粉麵同豆卜都索哂個湯，我同男朋友都爭住食。魚片爽彈，唯獨係隻蝦扣左d分，食得出唔係新鮮蝦。芝士焗波士頓龍蝦海鮮飯一直好期待呢個龍蝦焗飯，見openrice好多人推介。大大隻龍蝦的確係吸睛ge，而且都好足料，裡面仲有魚柳、青口、蟹柳、尤魚等。可惜就係個芝士醬汁好普通，質素都係同一般茶記無差別，的確係有d失望。印象最深刻係呢到d員工服務態度好好，主動而又親切。

上網見到人介紹依間就慕名而黎，好多人都推介喇沙，當然我都要嗌返個，呢間冰室幾新穎，有唔少打卡位，一入去環境都幾舒服，光線亦都好夠。我去到咁岩做緊下午茶(14:00-18:30下午茶時段)檳城喇沙海南雞米線可能期望太大，但真係好一般，湯底唔夠濃郁，唔夠正中，海南雞唔夠滑，冇乜味，整體味道麻麻，有少少失望😞南洋咖喱雞扒飯相比之下咖喱飯好食，吾會好辣，咖喱味好香，入口好食，價錢合理我覺得都比好多其他嘅冰室好食，都可以一試！

今期推薦～避風塘炸雞髀終於可以到這間冰室食到招牌的避風塘炸雞比。下午茶餐牌，這個避風塘炸雞髀可以配上紅豆冰，但因為我沒有特別太喜歡，所以都是配返冰凍的檸檬茶就可以。這個避風塘的炸雞比味道入味，當我反轉隻雞比的時候，見到有茶葉，應該本身隻雞髀有調過味，加上避風塘的味道10分有特色。相比起普通炸雞比，我更喜歡這款避風塘炸雞比，希望下次再來餐廳食這款避風塘炸雞髀的時候，不會退步，我會再嚟食，希望下次可以再試其他下午茶餐。

今日同朋友黎深水埗睇睇平價生活用品 行到去嘉頓附近 見到呢家餐廳個價錢親民 就睇睇好品好食因為好肚餓真係 所以兩個人都叫左五樣野食第一樣係清清地既蒜蓉炒菜心🥬（$38）菜心好新鮮 加上用炸過既蒜頭炒香 真係無得輸 有油光有色澤 唔錯第二樣係香蔥碎牛肉三文治烘底🥪（$28）蛋好夠滑 香蔥碎牛肉好夠咸香 另外 烘底既面包好脆 一定要趁熱辣辣食 打開入面你會見到幾錦足料 一定要試下第三樣係咖喱吉列豬扒蛋包飯🍳🐷🍛($65)真係要講講佢既吉列豬扒 炸得好乾身 粉又唔厚 加上點麵包糠去炸 有種粒粒既口感 一d都唔柴 香脆可口 真係想食多幾塊 另外一大塊蛋遮蓋住米飯 🍚 佢既飯粒粒分白 配上帶有椰汁味嘅甜咖哩 又幾夾第四樣係避風塘生炸脾🍗（$28）肉塊切得均勻厚薄 粉唔會過厚 炸到脆到食薯片錦 肉嫩多汁 切開之後見到肉汁 加上避風塘既蒜香 十分惹味第五樣係波士頓龍蝦叻沙摻摻🦞🍜($98)摻摻原來係油面加米粉 長知識了龍蝦係有膏 肉質非常彈牙 另外有幾塊魚片同埋一隻蛋 材料好吸味 湯底有蝦味帶有椰香 豆卜一口吸曬湯汁 咸香咸香 好正最後叫左支好出名既樽仔奶茶☕️($15)完全係多奶少甜 又香又滑

依間冰廳不嬲係區內都幾出名😗前幾日就去左試一試佢🤣🤣我同朋友三個人都叫左依個檳城特餐😗咁個餐就有碗喇沙摻摻 櫻花蝦炒蛋配牛乳厚多士🍞加杯野飲碗喇沙摻摻都幾多料 喇沙味幾重既😗整體都唔錯🤪櫻花蝦炒蛋 都幾多櫻花蝦🤣🤣個人覺得個蛋偏淡😗個多士夠脆好好食啊🤪🤪我自己就叫左個樽仔奶茶🤤🤤好得意🤪同埋真係好飲! 好有港式奶茶味茶底夠濃🤪🤪朋友們就叫左港式茶走紅豆冰😗唔會太甜 幾好飲🤪

今日同朋友去咗深水埗嘅「雪山冰廳」食晚飯。 餐廳位於深水埗青山道62D號地舖。見到大大個logo 在地上， 吸引咗我哋去試吓。我叫咗碗《波士頓龍蝦叻沙摻摻》，材料豐富， 包括半隻波士頓龍蝦、魚片、同蛋等。 最正個《摻摻麵》， 混合咗油麵同米粉一齊食，口感特別， 仲有香濃濃嘅叻沙做湯底， 又唔太辣， 超惹味！ 限定 《招牌海南雞飯》， 每日限定 100 份! 叫咗個海南雞飯，份量不少， 雞肉嫰滑，仲要雞肉起咗骨， 加上秘製醬汁一齊食， 特別惹味， 好食呀！ 仲有叫《木魚花蝦米煎烏冬》， 有煎得香噴噴嘅雞蛋加上蝦仁&烏冬， 再有木魚花， 味道特別香， 又好好食， 不妨一試！ 嘢飲方面，叫咗《樽仔奶茶》& 《港式茶走紅豆冰走》， 樽仔奶茶又香又滑， 仲係獨立包裝添， 正！

喺呢區住咗好多年，第一次試呢間茶餐廳，一試就有驚喜，真係可以話俾起同區茶餐廳，差唔多價錢，但味道同質素都要好！👍🏻1. 招牌海南雞飯（＄58）🐣想特別一講以一間茶記會用竹盤裝海南雞飯，嚟得特別有風味，佢地有俾雞胸肉俾我，但肉質仍然幾嫩滑，點少少甜豉油又或者酸甜醬，食落更惹味😋2. 檳城叻沙摻摻配日本櫻花蝦炒蛋配牛乳厚多士特餐（＄50）摻摻即係油麵加米粉，口感好特別，而且好多料，有兩隻蝦、好滑又爽口嘅魚片、豆卜，叻沙湯底本身已經有甜甜海鮮同椰奶味，仲俾埋特製辣醬🌶，食起嚟特別惹味，又唔會好辣😊做到少少滑蛋嘅效果🍳，而且混有唔少櫻花蝦，為蛋帶多一點鹹香味同口感；但我最愛都係呢塊牛乳厚多士，因為係酥皮丹麥包🍞，一層層酥香口感，再加埋少少牛油，特別好食彤樂評分：9/103. 香滑樽仔奶茶（＋＄9）☕樽仔奶茶嘅茶底雖然唔算好濃，但質感好滑身，而且唔會好甜，啱啱好👏🏻彤樂評分：8/104. 紅豆冰（＋＄9）有成1/3杯紅豆咁多，重點唔會太甜，下次要試埋「港式茶走紅豆冰」先！😂彤樂評分：8/10

我排隊的時候，排在第3個位置前面分別是4位及3位，而我是2位門口有侍應說2人有位然後我入去後，侍應卻說有枱4位等緊叫我出去排隊，不要打尖我跟她說是你叫我入黎，我已經排左了佢仲好囂張地話呢度佢話事這位侍應態度非常惡劣我想食龍肉也唔會有味