雪山冰廳

营业中

休息中

曾經住了深水埗兩年，到過一間從前不太起眼的老店，「雪山茶餐廳」，散發著舊式茶餐廳的魅力，也曾被電視台取景拍劇，雪山冰廳轉手翻新過後， 白色的牆身瓷磚讓老中青也眼皮受落，餐廳光鮮整潔。 一入門口左邊牆上的一幅彩色掛畫，充滿著懷舊的冰室加新一代街畫時代感。雖然話當年的老闆娘已轉手新老闆，但仍然攸到價錢合理，食物質素保證到水平，實屬難得。避風塘炸蒜雞髀$28鎮釜店之寶真心皮脆肉滑，加上避風堂香酥味，夠哂入味又有光澤，蒜香味濃，再加入少見到的黑芝麻，更加香口美味。波士頓龍蝦叻沙摻摻$98龍蝦膏完全滿足海鮮食慾，叻沙湯Mix龍蝦是第一次吃，味道原來非常夾，蝦肉亦比想像中多，餐廳還會供應蟹殼鉗方便拆開蟹爪，其他材料還有雞蛋及魚片四塊，油麵與米粉混合，米粉入味，油麵彈牙，兩種口感加上叻沙椰奶香味，吸收湯底惹味香口賣相又吸引。焗肉醬溫泉蛋飯$42肉醬、半熟蛋狀及芝士分佈平均，肉醬份量足夠而且濃郁Juicy，坦白講是一般快餐店一定攸不到的味道，是舊茶記的必食一款，樽仔奶茶(+9)31茶味濃滑突出，份量、茶與奶比例剛剛足夠，甜度做到中間不過甜的味道選擇。港式茶走紅豆冰(+$15)紅豆滿意軟林林，茶走濃茶香

深水埗長沙灣係我細個生活既地方，而呢間餐廳細個都有食過，到大左都好少食了。今日重遊舊地，見到裝修新淨左，一於試下味道有沒有保持水準！店員大多都係老員工，感覺份外親切。我們點左d小食炸薯條🍟$22新鮮炸岀來，熱辣辣，好香口好脆，薯條都好粗👍🏾雞搥🍗$24份量唔算大，但勝在熱辣辣，好惹味😋椒鹽鮮魷$78呢個真心推薦，好好食！椒鹽味好香，同時又唔會蓋過鮮魷味，鮮魷亦好淋，好爽口。鐵板蝦米肉碎啫啫芥蘭$72熱辣辣上碟，仲有少少咋咋聲，份量都好大。芥蘭配呢個蝦米啫啫好夾，好爽口，撈飯一流！👍🏾盛推火龍果咕嚕肉$72大家都比個組合吸引，未試過呢個食法。熱既火龍果真係第一次食，估唔到個汁同佢都幾夾😋咕嚕肉幾脆口，好食，係略微有點多骨，其他都好岩撈飯🤩白飯就正常，粒粒都煙un 🍚下次會想下午茶試下佢個紅豆冰同多士🤩

下午茶係幾抵食既，不過筆者一向鍾意常餐，所以嗌咗雪山常餐1 $46雪山沙茶牛肉公仔麵 + 午餐肉炒蛋 +香酥丹麥多士+$3凍奶茶公仔面唔會太林，唔會太硬，口感岩岩好！午餐肉唔會係好cheap 雖然唔算大塊，但煎得香口，炒蛋Average,丹麥多士同我想像有少少出入，都好食！凍奶茶茶咪有少少唔太出，可能多奶左少少但整體都好味！服務幾好！撞正員工食飯時間，見佢地圍埋一齊食飯 幾warm咁！我會再返黎試埋檳城特餐或者另一個常餐！推介

📍特色叻沙摻摻 -- 雪山冰廳🗻今日同朋友去深水埗行街 見到呢間冰室裝修唔錯 就入去醫下肚仔 估唔到都有驚喜😄-------⭐檳城特餐 ($52)✨檳城叻沙摻摻呢個有別於一般嘅叻沙 所謂摻摻麵底係用左油麵同米粉 食落口感有粗有幼 非常豐富💕湯底聞落椰奶味重 不過覺得可以再creamy少少😍而且係微辣 惹味得黎又啱晒小編呢啲唔太食得辣嘅人😂配料嘅蝦新鮮爽口 魚片彈牙 豆卜索左湯底好正👍✨日本櫻花蝦炒蛋炒蛋老左少少 但好彩有櫻花蝦嘅鮮香搭夠 加返分👍✨香酥丹麥厚多士呢間冰室選用丹麥酥包 比一般方包更香更酥脆😍加埋牛油真係令小編食唔停口💕✨樽仔奶茶(+$9)口感順滑 但茶底濃少少會更好飲😄-------總括黎講小編最中意個叻沙 好有特色😍見到餐牌其他菜式都好吸引 有機會會再去試😄-------價錢：$52+$9-------評分(10分滿分）賣相：8味道：8性價比：7回頭率：7-------餐廳資料名稱：雪山冰廳地址：深水埗青山道62D號地鋪前往方法：深水埗D2出口

放工和朋友去深水埗買電子產品零件，順便找找附近有什麼好美食，食埋個晚餐倾談一下，完美的一天😌！行過見到有間(雪山冰廳)，有我至愛的龍蝦食，而且地方濶落又有卡位，二話不說就進店試試！波士頓龍蝦叻沙摻摻＄98湯底 微辣 又 可口 , 叻沙湯底 香味 濃郁 , 麵 底 是 油 麵 加米 粉 , 正宗食法 , 每一 啖 都 吸收 了 湯底 精華，好好味😋，加上 有 半 隻 龍蝦，好多 膏 , 肉質 爽口，體貼地 附上鉗子 , 方便 進食😌！避風塘炸蒜雞髀 ＄28皮脆而肉質鮮嫩，亦保持到肉質的水份，一D都唔乾，抵讚👍🏻！加上避風塘蒜香，令雞髀越食越惹味😋！招牌海南雞飯＄58 皮光肉滑，啖啖肉，又無雞腥味亦冇肥膏，十分新鮮，沾上醬汁連油一齊食,滿口都是雞香味！🐓🐓

早排已經幫襯過雪山冰廳一次，個陣覺得啲食物都唔錯。咁岩星期六同朋友去深水埗買野，未食早餐嘅我行到5點幾，個肚真係餓到喊。為求方便快捷，決定再戰冰廳，一口氣叫咗好多食物。-檳城叻沙海南雞米線湯底充滿叻沙香氣，入口雖然唔會太辣，怕辣人士都食得。我一向鍾意米線配湯一啖咁食，呢款食落真係好足味。海南雞質感較扎實，但咬落唔會鞋口，雞皮嫩滑程度都好抵讚。-爆餡蔥花蛋牛治(烘底)識食蛋牛治一定要叫烘底，入口外脆內軟。炒蛋夾雜蔥花同粒粒碎牛，雞蛋都幾厚身，稍嫌蔥香蓋過其他食材味道。-避風塘生炸脾雖然好熱氣，但真係好吸引。避風塘碎碎聞落有啲似媽咪麵調味粉香，配上炸脾幾夾。外皮炸得有少少老，但整體都香脆可口。-榛子醬西多士上次幫襯已經見到有人叫，似乎幾受歡迎。倒埋糖漿真係好邪惡，夾心有濃濃榛子醬，味道幾特別。-港式茶走紅豆冰原來茶走紅豆冰都幾好味，紅豆中和奶茶嘅澀味，比傳統紅豆冰更勝一籌。-樽仔奶茶朋友叫咗招牌樽仔奶茶，細細枝幾可愛。入口茶味香濃，質感幼滑。-懷舊黑牛黑牛可謂係茶記經典，朱古力曲奇雪糕加上可樂，入口多一份奶香，口感都creamy少少，頗有趣。

招牌海南雞飯($58)，份量都幾足，數過有8件雞，雞肉夠嫩滑，海南雞中間應該有層啫喱狀，而佢亦做到，而且去晒骨可以啖啖肉，醬料方面有2款，係辣醬和甜豉油，我個人覺得辣醬唔錯，至於個飯係雞油飯，顏色唔需要好黃色，但口感仍然能散發出陣陣油香。大澳咸魚茸香煎肉餅($78)，共有6塊，肉餅好鬆軟彈牙，而且帶有少少咸魚香味，配白飯一流，每塊形狀不一，證明用人手新鮮打出黎。公司三文治($35)，材料夠足，件件賣相望落都脹卜卜，麵包有烘過食落有焦脆，醬汁搽左千島醬，食完都幾飽肚。榛子醬西多士($28)，西多外層炸得好脆，內層鬆軟，而且配搭榛子醬都幾夾，一定要加埋食西多必落既糖漿。熱檸水(跟餐$0)。華田曲奇秒趣(跟餐$15)，賣相色彩繽紛，好有童年感覺，忌廉下層有一球雪糕，華田味夠濃郁，不會淡到好似飲水。

出色的老字號冰廳提起冰廳可能會覺得好舊式既餐廳雪山冰廳雖是老字號冰廳但內裡新式裝修 而且菜式多樣招牌椒鹽豬扒飯-炒飯底飯一到，椒鹽香氣撲鼻，十分吸引豬扒也很入味，入口鬆軟香口炒飯底更是加分，吃起來很有鑊氣避風塘生炸脾炸脾size大大隻，炸得香脆配上避風塘風味十分合襯香脆帶點辣，很惹味脆皮炸雞轉彎名字有趣 以為是炸雞好奇叫來一試原來是兩隻全翼，表面淋上燒汁木魚雖然不是想像的炸雞但也有驚喜吃起來也很滋味華田曲奇妙趣Oreo曲奇在表面 整杯是華田表層忌廉溝勻華田也不錯

誤打誤撞行左去深水埗嘉頓個邊 行行下見到呢間冰廳 裝修幾新淨又好似幾多野食 就入內坐低左啦 menu選擇都幾多下 避風塘生炸脾 好鍾意食炸物黎到冰廳點少得炸脾 表面鋪滿左避風塘脆粒 超級香，好邪惡 炸到脆卜卜 但裡面又唔乾，相當惹味 芝士焗波士頓龍蝦海鮮飯 大大份 都幾足料 見到有龍蝦、青口、鮮魷等海鮮 仲係芝士焗 食完都已經幾滿足 招牌椒鹽豬扒飯（炒飯底） 同炸脾一樣一黎到好香 有好多椒鹽粒粒係面 豬扒都唔少 仲好入味 加上係炒飯底 成個飯好香口好好食 價錢抵食又好味既冰廳 絕對會介紹比朋友黎試試

細細個已經知道聽過雪山冰廳個名今日行過，見到佢地翻新完，重新裝修就入去懷念下餐廳比以前光猛好多以黑白為主調，簡單舒適咁多年無變既當然係招牌常餐🤗新餐牌加入左好多東南亞美食連印尼炒飯都有小食選擇都好多招牌中既招牌：樽仔奶茶！茶味香濃，唔怕d冰溝淡味道每檯都係飲呢樽😃始祖椒鹽豬排飯 $58餐廳好有心思配炒底，配合返個椒鹽豬排既風味炒飯夠鍋氣，飯粒分明豬排切細塊，容易入口，醃製入味！豬排份量仲好多添，性價比好高啊仲有薑蔥拌碟，更惹味招牌海南雞飯 $58海南雞係無骨的，油飯重椰漿味，甚有東南亞風味值得一讚係個醬汁！微辣帶酸，非常開胃避風塘生炸脾 $28避風塘蒜粒炸至香脆，配埋雞脾一流雞脾外皮非常酥脆，內裡保持到嫩滑😳醃得好入味，內裡都充滿鹹香炸魚薯條 $30魚柳同外邊餐廳不一樣，係用原條非染色魚柳，更有海鮮的鮮味，外皮同炸脾一樣出色薯條則較普通

已經唔係第一次黎雪山冰廳食飯了，不知不覺已變成與朋友間的飯堂，貪其價錢合理、小菜夠獲氣而樽仔奶茶更是我每次必飲，入口十分香滑又帶茶香椒鹽鮮魷份量十分足夠，鮮魷彈牙、炸粉夠薄又脆口，帶椒鹽香味，點埋香醋更加惹味鐵板芥蘭有獲氣，芥蘭煮得剛好，仲有肉碎、蝦乾更加惹味鮑魚雞煲雞好香，鮑魚係鮑魚仔，好彈牙，醬汁好正通菜牛肉煲牛肉好多，通菜入味，夠獲氣咕嚕肉真係好大碟，外皮炸到好脆，醬汁酸酸甜甜好開胃！一啖接一啖停唔到口

星期六同同事去黃金商場幫公司買電腦用品，約埋一齊喺附近食個lunch先起行。同事話之前食過附近有間冰室唔錯，抵食夾大件，帶我試試。我地叫咗兩個主食，兩個飲品同一個三文治share。👉🏻檳城特餐 $50檳城叻沙摻摻叻沙湯底非常香濃，一啲都唔辣，好有鮮味，食落仲帶點鮮甜。仲有兩隻大蝦，魚片，豆卜，非常足料多餸；摻摻口感特別，係由油麵米粉兩溝而成，啖啖雙重口感。日本櫻花蝦炒蛋配牛乳厚多士炒蛋好滑，蛋香滿滿，配上香脆櫻花蝦嘅咸鮮，食落更惹味。厚多士軟綿綿，有彈性，仲有濃濃嘅牛油香！👉🏻招牌海南雞飯 $58海南雞皮爽肉嫩，肉質有彈性；雞飯充滿椰香，好開胃！黑豉油，酸辣雞汁都係其中一個亮點，為海南雞增色不少👍🏻👉🏻爆餡蔥花蛋牛治烘底 $27咸牛肉葱花蛋絕對其中一項係實力之選，碎牛咸香十足，配埋葱花香濃惹味，夾於外脆內軟烘多士之中，美味大滿足！👉🏻港式茶走紅豆冰紅荳軟腍，奶茶茶底甘香，甜度適中。👉🏻懷舊黑牛連細個最鐘意飲嘅黑牛都有！啱哂而家大熱天時飲返杯，清爽冰涼！

朋友最近搬屋，搬咗過深水埗嘉頓附近，我趁weekend過去參觀下，幫手執嘢抺屋，再夜晚等齊人開個housewarming Party🎉 開工大清潔之前緊係要食飽啲先💪🏻朋友剛搬過嚟呢邊，環境唔太熟，但撘車經過一間成日爆滿嘅茶餐廳，正所謂人多嘅地方最安全，我地就一於試下。雪山冰廳，叫做冰廳又位處舊區，一聽可能以為係普通舊式茶記，嚟到發現呢到裝修新潮，環境開揚，燈光光猛，同埋真係好多人嚟食！最驚喜係餐牌，呢到絕非只有一般菜式，有創意，有懷舊，有港式地道，好多選擇！好多都想食想試！✨波士頓龍蝦公司通粉 $88一上枱，我地都忍唔住嘩一聲叫出嚟，好誇張呀🤩龍蝦好大隻！賣相震撼，隻鉗好巨型，份量多，啖啖肉，肉質彈牙，鮮味！除咗大大隻龍蝦，仲有火腿餐肉腸仔，好豐富😋✨招牌海南雞飯 $58海南雞入味，外皮爽滑，肉質嫩滑，味鮮，油香十足。個飯好有椰香，感覺清新。✨避風塘生炸雞比 $28生炸雞比外皮超級香脆！炸既火候剛剛好，脆皮底下係肉汁豐富既雞比，非常香口，好JUICY！面頭既避風塘炸蒜更添惹味！✨華田曲奇妙趣除左一般檸茶檸水，呢到仲有唔少特飲，朋友就揀左華田曲奇妙趣。特濃凍華田配上香甜忌廉，入口香濃幼

1️⃣「榛子醬西多士🌰($28)」榛子醬有d少 但正因為少所以唔太甜🙈French Toast with Nutella Filling is not too sweet coz the nutella sauce is not too much2️⃣「香蔥碎牛肉三文治🥪($26)」超香蔥味！蛋嫩滑多汁！但欠牛肉味 總括黎講值得推薦！😚 Scrambled Eggs with Minced Beef and Spring Onion Sandwiches is highly recommended! It is full of fragrance of spring onions and the scrambled eggs are juicy and perfectly cooked. It is better if the beef fragrance is richer.3️⃣「日本櫻花蝦炒蛋配牛乳厚多士🦐🌸($28)」炒蛋保留蛋汁 配櫻花蝦幾香幾特別 但重點係個多士 超香牛油味超酥🤤Scrambled Eggs with Japanese Dried Shrimp served with

接近下午茶時間諗住會少d人慢慢點味下呢間茶記既誠意之作，點知一個人都等左陣位，就知呢間野吸引到幾多人黎食啦😂😂所謂誠意之作就係呢個檳城特餐，摻摻即係油面加米粉，聽落配合度唔高但其實食落正正吸收到兩者既樂處，配試米線會冇咁滯，油面就可以吸下湯，仲可以有兩種口感👍🏻至於湯底係叻沙湯底，食落堅係香同濃同時唔會話有辣味，食落真係忍唔住飲幾啖湯🤤面頭兩隻蝦都仲樂彈牙，十分不錯👍🏻👍🏻套餐仲跟左丹麥多士同埋櫻花蝦炒蛋，絕對唔係平時既多士跟炒蛋咁簡單！炒蛋夠滑之餘配料都十分豐富，櫻花蝦增添左口感，加試蔥花令成件事更香🤪另外多士同樣唔一般，丹麥多士比普通多士更加鬆化，一個普通既特餐都用試最頂尖既材料令成個餐非一般同埋好食，滿足番對食充滿要求既大家😤跟餐嘢飲就加咗$9配呢個樽仔咖啡，平時叫嘅凍咖啡都係配冰，但冰一溶嘅話就會影響咖啡嘅味道，樽仔咖啡就係一早雪定喺雪櫃唔會比冰影響到質素。而的確呢樽咖啡依然保持到咖啡香，唔會偏酸或苦，真係飲杯咖啡都要講究d👍🏻👍🏻👍🏻