雪山冰廳

营业中

休息中

茶餐廳，客源狹窄，多只服務左麟右里街坊，甚少可成功吸引外區生客光顧。茶餐廳菜單難有新意，來來去去都是早餐做沙爹牛肉五香肉丁公仔麵、午餐做什扒炒粉麵飯套餐、晚餐經營例牌小菜，配上一個靚茶水檔沖奶茶咖啡，即成典型香港茶餐廳格局。預算較多的，會加個麵包房做出爐蛋撻菠蘿油。但若要茶餐廳壯大發展，引到外區生客來到，就要多想餐廳營銷策略。雪山位處偏僻一角，不在鴨寮黃金主街，晚上來到整街昏暗，只有雪山招牌門面耀眼白光照亮。餐廳外在環境乾淨光猛，企理整潔，這兒沒有屋村茶餐廳那種污漬遢遢的感覺。用黑白陰陽做設計色調，以強烈色差吸引眼球非常醒目。門框黑的、玻璃是磨砂奶白的、枱是黑木、椅是柔黃自然木，深暖互相輝映，相得益彰。燈光充盈，牆邊卡位射燈吊下，白光直射枱上食物，是經營者對出品信心的表現，光線讓客人驗清驗楚食物出品，特別開胃。吸引我來雪山，是餐廳在Openrice深水埗區第一位。欣賞餐牌，黑色柔體文字孔雀藍框白底，配上65度角拍攝食物相片，排板清楚易明分門別類，推介菜式用雪山標示。餐廳為何取名雪山，想必又是一段可歌可泣之動情故事。上文說過茶餐廳難有賣點，即管試試這兒兩個雪山推介食物。焗厚切豬扒飯先炒飯

我在深水埗長大，青山道，元州街，大埔道是我兒時經常流連的地方。幾十年過去，滄海桑田，人面全非，為了拾回兒時遺忘了的記憶，我在放假的時候，特別喜歡回到深水埗。深水埗有兩樣寶：鴨寮街和茶餐廳，都充斥著無限香港情懷。 今次我要介紹的，是雪山冰廳的早午晚。首先，是超大份的早餐：厚厚的吉列魚柳，加上脆皮香腸，黑松露牛乳炒蛋，再配以茄汁焗豆和厚多士，單看陣容，也不得不嘗一嘗吧！還有馳名的「樽仔奶茶」，可惜的是，對我來說，茶味是淡了少許！ 又到午飯時候了。鹹魚肉餅飯，鹹魚茸，煎肉餅，外脆內軟，簡單之中包含著認真的態度。還有呢，香噴噴的焗豬扒飯和肉質鮮嫩的蒜蓉炸雞脾也值得一試呀！ 夜幕低垂，是浪漫晚餐的好時機，今次，我選擇了中式。清蒸石班，嫰滑海南雞，滴汁燒排骨，還有足料老火燉湯。二人套餐，不用二百元，真是既浪漫又實際，一字總結----抵！

深水步搵食攻略 去冰室開飯！經典芝士煎蛋牛肉漢堡包　加嫩滑招牌海南雞　仲有濃香奶茶　 搵食攻略去到深水步～去到一間冰室，上網GOOGLE也很多人介紹由老店變身翻身後更舒適的空間~我只有兩人來訪,今次先試左常餐先下次先試埋炸雞脾~另外也點了一客海南雞飯半隻$128 加錢要飯,再要埋燉湯常餐2號 48蚊經典芝士蛋牛包加迷你肉醬意粉一碟加3蚊換凍飲, 配樽仔奶茶 $9先講碟意粉,唔會太濕身,肉醬份量少了一點但味道相當好,夠香濃之餘,肉碎也好足料拌勻意粉食唔錯呢! 再黎招牌芝士蛋牛肉漢堡包 烘得夠脆身,一隻流心太陽蛋加芝士手打牛肉漢堡扒,夠肉味,多肉汁又鬆軟 最無敵既組合,蛋,芝士,牛肉!認真推薦! 紅豆奶茶 紅豆粒粒分明,夠甜,撞埋濃郁既奶茶起骨海南雞配飯起左骨,食起黎方便,皮爽肉嫩味鮮~個醬一甜一酸辣,溝埋最好! 又甜又辣 雞肉味濃而嫩,好出色

呢日朋友嚟搵我食晏，我就帶咗佢去試深水埗嘅名物：雪山冰廳，就好似我初嚟報到，同事帶我嚟食晏咁😂。餐廳應該係老字號嚟，不過翻新咗，所以裝修都好摩登下。茶餐廳環境好光猛，望落幾乾淨，地磚同牆畫都幾藝術🎨。不過座位之間唔算闊落，加上中午食飯時間好多人，未必適合慢慢坐。餐廳有做Lunch Set，點半鐘過後已經有兩款賣哂，平均都係$5x，價錢算係咁。不過我哋食咗其他嘢，包括雪山常餐🗻同招牌叻沙🍜。雪山常餐包括經典芝蛋牛肉漢堡包拼迷你肉醬意粉($48)，我會話呢個係成人份量嘅兒童餐👶🏻，因為兩樣食物都係小朋友至愛。抵讚係呢到嘅份量幾大，男仔食應該都夠飽，何況係小朋友？兩個小朋友食就差唔多。經典芝蛋牛肉漢堡包🍔(單點$32)，呢個港式Burger都算唔錯，特別係隻煎蛋，咬開後爆哂漿，成個包變得Juicy🤤。整體唔算話好驚艷，但每一樣嘢都整得幾好食，麵包本身好多芝麻、好香，口感夠鬆軟；漢堡亦好濃肉味。迷你肉醬意粉🍝，份量比我想像中多好多！因為佢話係迷你，我真係預計得兩啖，點知實際只係比正常量少啲。除咗份量多以外，更重要嘅係個肉醬意粉好高質，啲肉醬好好味😋，食下食下我成個食哂，好彩一早夾起咗一啖畀個朋

係長沙灣番左工都有年幾，時不時都會行去深水埗覓食，但居然一直都漏左一間聲稱1956年既港式冰廳，其歷史唔係重點，重點係價錢經濟，食物質素好，選擇又多，我未食完已經諗梗下星期再黎!! 可想而知我有幾中意佢~冰廳晚市除左有全日餐牌上既小食、碟頭飯、三文治包類等外，仲有蒸魚、有鑊氣既鍋仔菜(我無試到，但味到隔離枱傳黎既香味)、雞煲等，選擇好多，不知不覺我地兩個人就點左5樣野，食到非常滿足。熱咖啡&凍檸茶咖啡聞落香飲落滑，估計應該奶既比較高少少，不過岩我口味。平係茶記既特餐都不外乎公仔麵配多士炒蛋，雖然呢間茶記都係呢三個配搭，但特別既湯底、多士、炒蛋，令人對佢印象非常深刻。特餐-叻沙摻摻配櫻花蝦炒蛋、香酥丹麥多士 $52摻摻其實即係油麵加米粉，兩種口感。叻沙湯底幾香，以茶記黎講已經唔錯，配料亦豐富，有兩隻蝦、普通既魚片、吸哂湯汁既豆卜。丹麥多士烘到焦黃，香脆溫熱，搽上少許牛油，瞬間滲入麵包中，入口啖啖牛油香。炒蛋中既櫻花蝦分量好多，啖啖都有櫻花蝦，而且好有蝦味，蛋又唔會太老，友人話好有驚喜。始祖椒鹽豬扒飯(炒底) $58炒飯上枱好有鑊氣香~~炒飯炒到粒粒分明，再配上6塊啖啖肉既椒鹽豬扒，分量真

武漢肺炎疫情持續擴散，大家都興起去行山，可以除低口罩呼吸新鮮空氣之餘，行山又可以強身健體。我呢個行山初哥就揀左去深水埗行嘉頓山，呢個小山行幾十分鐘就行完，啱哂我。去完嘉頓山行山，就喺山腳附近搵野食，就揀左呢間雪山冰廳。去到已經係下午茶時間，所以我地叫左兩個下午茶餐。避風塘生炸雞脾配紅豆冰（$35)炸雞脾超大隻！成隻碟咁大，而且係好多肉，唔會因為開大左隻雞脾就令到雞脾太薄。另外雞皮炸得非常香脆，脆到好似食緊薯片咁，加上雞脾調味有少少辣辣地咁勁香口！套餐本身配埋紅豆冰，都只係$35，抵。經典芝蛋牛肉漢堡包（$36)下午茶個漢堡包都幾正，見到隻蛋就知！煎蛋係半熟狀態，一咬落去啲蛋汁就流哂喺個包度。另外漢堡扒都幾厚身，而且肉味濃又夠juicy .

在深水埗甘多美食，今日就揀左茶餐廳食晚飯，見到呢間好多like,就去試下。我地點左二人套餐，有兩個小菜同兩個湯，都係一百幾蚊，都算抵食！我地揀左海南雞同牛仔骨，份量好多，兩個人一定食唔哂！海南雞係凍既，好滑，而且唔會好多骨。牛仔骨有啲辣，但好腍好易入口。最後要推介的是佢的燉湯，以為佢是一碗碗，點知真係一個盅甘燉，而且真係落足料。今晚的燉湯是松茸桂圓冬蟲草燉湯，個湯好清，完全飲唔出有味精，仲可以食埋啲配料，下次晚餐都要試燉湯

茶餐廳我就最鍾意食㗎啦，夠晒地道夠晒多選擇❤️❤️❤️永遠諗唔到食咩嘅時候就會入嚟哩度食😋😋🎈超誇張嘅茶記All Day Breakfast😋吉列魚柳勁大塊、法蘭克福腸、 牛乳炒蛋、茄汁焗豆及牛乳厚多士😍 超級豐富嘅早餐，炸魚唔係好厚粉🤗個黑松露炒蛋配丹麥多士好好味 😋🎈爆餡牛蛋治超厚超多料，蛋牛治大大份，蛋漿包住啲碎牛肉煎香，牛肉味道好濃，蛋既份量又超多，碎牛加厚蛋加埋塊多士烘得岩岩好😍完全滿足我哩嗰蛋控😜🎈大澳咸魚茸煎肉餅飯，成吋厚既肉餅，大塊過我塊面呀，煎完之後肉餅外層帶著焦香，但內裡既肉汁都仲銷緊，加埋豉油，撈飯一流😋 🎈 焗豬扒飯係用巴西豬扒，又厚身，即叫即焗濃濃既茄汁味，加上芝士，味道好夾，飯底係炒飯黎架，好爽身。🎈樽仔奶茶既茶底濃濃的，配埋啲奶真係好滑身，甜度岩岩好。🎈樽仔咖啡既茶底一樣好夠啡味，兩者夾埋就係最好飲嘅樽仔鴛鴦😃😃

深水埗嘉頓旁邊有一間冰室餐廳，位置非常便利，由地鐵站行過去也只是幾分鐘的路程。知道呢一間餐廳與眾不同，特別是有自家製的波士頓龍蝦海鮮🦞焗飯。去冰室食飯，識食嘅人，都一定會去食那一間餐廳的菠蘿油，因為菠蘿油做得好或不好，其實很反映那一間餐廳對本地食物特色的掌握。平時一般食菠蘿油，比較普通的餐廳，都會是把菠蘿包切開，然後在裏面搽牛油。比較好一點的餐廳，就是會在菠蘿包旁邊另外用一個膠兜，附上一舊牛油。但這一間餐廳更加用心，他知道食菠蘿油，其實最正嘅係牛油嘅凍、焗菠蘿包嘅熱，融合埋一齊先最正。而這一間餐廳完全掌握這一個道理，所以非常好。今年潮流興起熔岩芝士漢堡包🍔，而這一間餐廳也有，所以亦決定一試，煎蛋裏的蛋汁覆蓋晒整個漢堡包，另外配埋識得慢慢溶嘅芝士，不錯👍。食佢嘅茶餐，漢堡包配上肉醬意粉，本來以為肉醬意粉非常細碟，但驚喜地，發現原來這一個肉醬意粉也相當具份量，可見餐廳也是不計成本地去做。之後嚟到今次嘅重點，就係佢個波士頓龍蝦焗海鮮飯🦞🦞🦞🦞🦞🦞🦞🦞。這一個飯雖然$108，但熱辣辣嘅龍蝦，配上非常彈牙嘅海鮮配料，配合埋一個製作得非常好嘅白汁，都值得一試。大大舊青口，淨係視覺效果已經好高分。最

下午茶☕️黎講性價比算幾高📈大部分人都係叫左呢度既2️⃣大名物👇🏻<避風塘生炸髀🍗配紅豆冰>即叫即炸💥 仲炸得非常金黃香脆💥炸完都無影響雞肉🐓既嫩滑同多汁😳避風塘蒜粒幾香而且少少辣好惹味🤤有皮有肉仲要唔乾唔油又好食😋 真心推👍🏻<榛子醬🌰西多士>用榛子醬🌰做西多士餡料相對比較少西多士熱辣辣仲好似食緊繽紛樂🍫咁呀😌榛子醬🌰主要集中喺中央位置🎯如果4️⃣邊都搽暈曬榛子醬🌰就更完美😍

去完深水埗黃金，結果響附近覓食。咁啱響巴士站個頭見一間冰室。裝修幾好，結果走咗入去，食個下午茶先，再返屋企。叫咗個叫經典芝蛋牛肉漢堡包。盛惠$36，包熱飲。但我升級咗，加$9嘅樽仔奶茶。漢堡幾大個，塊扒好好食。奶茶夠香滑，值得一試。雪山冰廳 (深水埗)深水埗青山道62D號地舖

雪山冰廰如果是開在上世紀九十年代，必定會成為一流熱店，那親民的價格跟熱切的服務令人想一來再來。在現在的環境下，店內還不少的客人消費，侍應們依舊有禮也充滿活力。雪山必點：炸蒜鮮炸𩨨，$28一隻？原來超大隻，而且外皮脆如薯片，肉質鮮嫩有肉汁，茶餐廳哪有這種質素？超軟稔新品  芝士蛋牛肉漢堡，包皮或許只是普通甜鬆麵包，但芝士味意想不到的濃香，牛肉真材實料，肥瘦均衡，五分熟而且不會烤太焦，漢堡一咬下去蛋汁流倘，正！樽仔奶茶非常有茶記風味的港式奶茶，質感幼滑，茶味清而不濃，不會是什麼高級茶葉但卻令人熟悉，遊客最愛也不過$15波士頓龍蝦叻沙摻摻$98可算是最貴的單點飯粉麵類，半隻龍蝦份量足，這未必是我吃過最新鮮的龍蝦，但質素已比很多酒店的雪藏品佳。油麵跟米粉份量多而且稔滑，湯底甜而不辣，好親民的味道！馬拉盞芥蘭煲$78份量巨大，帶些肉碎，吃完這盤也飽了吧！雪山還真的是我的最愛，沒事再來吃下東西吧！

榛子醬西多士當日早到了，所以叫左兩款小食醫住肚先。平時好少食西多士，驚好油膩，但朋友介紹一定要食。果然冇令人失望，上枱熱辣辣，炸到勁鬆軟，榛子醬出奇到好夾，值得出介。經典芝蛋牛肉漢堡塊漢堡扒好有肉汁，完全唔會乾爭爭。蛋唔係全熟，咬到蛋黃位連蛋汁流出，再加上芝士，鬆軟麵包，飽肚既小食。芝士焗波士頓龍蝦海鮮飯一上枱，第一個感覺就係好足料，表面係鋪滿唔同種類海鮮，完全見唔到底下既飯。好欣賞佢個飯底係炒飯底，比一般白飯香好多，份量好足，四個人都夠食。華田曲奇妙趣鐘意去舊式冰室，其中一個原因係有唔少特色飲品，唔係得奶茶咖啡檸茶，今次嗌左個華田曲奇妙趣。杯頂加左很多cream，原本以為會好甜，因為華田原本已經好甜，但又唔會喎，反面令杯飲品更濃郁，係很好既選擇！整體得分: 4 / 5

雪山冰廳係深水埗老字號茶餐廳，特別係佢既避風塘生炸脾同經典芝蛋牛肉漢堡最為出名，但係上次黎因為真係太飽所以剩係試左生炸脾，今次一於黎食埋佢個牛肉漢堡經典芝蛋牛肉漢堡 $32(美味指數: 😋😋😋😋)岩岩上枱個陣仲覺得漢堡好細個，但食落其實都有d份量🤣切開漢堡好足料好實在，牛肉漢堡扒仍然做到好juicy，芝士既溶化程度岩岩好，加上芝麻包既鬆軟，再配搭埋好香既半流心煎蛋，真係一試難忘華田曲奇妙趣 $25(美味指數: 😋😋😋)成杯野飲既造型真係好吸引，下面係凍阿華田，上面加埋忌廉，oreo同朱古力針做裝飾，未飲就覺得吸引，阿華田味好濃郁榛子醬西多士 $28(美味指數: 😋😋😋😋)另一個雪山必食推介就係黎個榛子醬西多士，黎個同普通既西多士唔一樣，入面唔係花生醬而係榛子醬，榛子醬唔太甜，西多士炸得岩岩好仲鬆軟，仲可以加埋糖漿燉湯 $35燉湯真係好出色，今日燉湯應該係猴頭菇桂圓燉豬肉，好足料，飲完覺得好滋補😋整體食物質素：4 / 5💰性價比：4 / 5👍推薦指數：4 / 5

🍴全日早餐 $50炸魚、法蘭克福腸、黑松露炒蛋、茄汁焗豆、丹麥多士超級豐富嘅早餐，炸魚唔係好厚粉👍🏻丹麥多士好鬆軟☺️樽仔奶茶/咖啡 跟餐+$9.🍔經典芝士牛肉漢堡 $32原本以為佢係普通嘅炒蛋加牛肉同芝士，原來佢係流心嘅荷包蛋🤩個包焗得外面脆入面軟😋大少食完話要叫多個🤣🤣🤣.🍗避風塘生炸雞髀 $28大大隻，即叫即炸，個皮勁脆好似食緊薯片咁，入邊啲肉都好Juice唔會好乾😋最正嘅係面層有啲炸蒜、七味粉....辣辣地好惹味🤩😚