雪山冰廳

营业中

休息中

又來到星期日，懶洋洋的一日，可以瞓到好晏先起身， 本來今日都唔想出街的，但好姊妹話想去深水埗到買d野想我陪佢，咁我見好耐冇同佢行街街就去啦，陪佢買完野我就提議去雪山食tea，因為雪山d tea好抵食。來到雪山唔洗講一定要叫佢最出名的避風塘生炸脾配紅豆冰加海苔炸薯條， 因為係生炸所以皮真係特別香脆配上炸蒜好夠味，紅豆冰內裡紅豆夠棉。另外叫了一客榛子醬西多士， 新鮮炸起的西多內裡搽了滿滿的榛子醬，岩哂鍾意朱古力醬的我，配上忌廉薄荷朱古力， 真係雙重享受。最後我地仲叫左一碟迷你溫泉蛋焗肉醬意粉 ，很喜歡呢到的肉醬 因佢唔會好酸，味道剛剛好，配華田曲奇妙趣。朋友食完後大賺抵食又好味，仲話下次叫多幾個人一起來咁先可以叫多幾款食物來 share 食添。

雪山冰室我由細食到大，高質素茶餐廳，價格又唔貴，加上重新裝修左，靚左好多，環境好咗好多。#印尼炒飯$58炒飯底有蛋三色椒同醬油味，炒得乾身，配料有一塊大蝦餅、兩隻蝦、一隻椒鹽炸雞翼、一隻流心蛋。感覺好豐盛，炸雞翼勁香脆內裏啲肉好juicy 。伴炒飯食好香口。#喇沙海南雞米線 $40下午茶黎，份量都ok夠飽。係賣相無咁好睇。不過味道係幾好食既！喇沙味都好正宗，香椰奶味又辣辣地，開胃又惹味。#芝士蛋牛肉漢堡$36食嘅時候要小心啲，因為隻蛋係流心蛋，會爆餡。餡料好多，層次好豐富。漢堡扒係手剁牛肉，juicy又有口感，肉質好實在。加埋芝士真係無得輸。麵包烘得外脆內軟。港式漢堡包來講呢個值100分。#香滑樽仔奶茶 同凍檸菜蜜兩個嘢飲我都覺得幾好飲。樽仔奶茶甜到就固定左不過唔算好甜茶底幾香。凍檸蜜係勁重檸檬味，我好鍾意。

餐廳：雪山冰廳 (深水埗)地址：深水埗青山道62D號地舖深水埗近住嘉頓山附近有一間親民大眾化嘅冰廳，中午食飯時間都有唔少工人幫襯👨‍🏭👷，食物價錢亦都夠哂抵👍🏼，最重要係食物水準有返咁上下經典芝士牛肉漢堡包配迷你肉醬意粉 $48餐廳嘅皇牌推介芝士牛肉漢堡包麵包香脆亦充滿白芝麻🍔，牛肉、芝士同太陽蛋嘅配搭夠哂惹味🤤，牛肉足料多汁💦，呢個價錢仲有碟肉醬意粉真係好抵🍝，仲唔洗驚唔夠食添始祖椒鹽豬扒飯(炒底) $58另一個餐廳推薦嘅就係呢個椒鹽豬扒飯🐷，豬扒香脆😋，醃製完之後仲非常入味，亦唔會好鹹，配埋炒飯就更加一流避風塘生炸肶 $28今餐嘅重點就係避風塘炸雞肶🍗，雞肶足足成隻碟咁大，炸得非常香口😍，避風塘嘅調味辣辣地好過癮，仲要好多肉，食完真係有衝動想叫多隻樽仔奶茶 (跟餐+$9)不可不提嘅仲有餐廳自家製嘅樽仔奶茶，啖啖茶香加上香滑嘅奶🥛，茶同奶嘅比例控制得非常好🤞，係我飲過咁多奶茶入面其中一個比較好飲嘅

今天次來到呢間已翻新的老字號雪山冰廳十幾年前做電腦sales来食過，果時仲係好舊，估唔到而家靚左咁多，阿姐客氣有禮。今次叫天馬來特餐，先講炒旦入面仍加左小蝦仔，好正好味。再來面包係丹麥多士包，成本高，又鬆軟，正。。再講碗面，係油面加米粉，好似好正宗，每碗有2隻大蝦，魚旦片同豆卜，個湯底亦交足貨，食落同乜媽乜媽果D專做馬拉面食的有得揮。仲有少少馬拉spicy sauce 加比休你一齊食，堅惹味。見到隔離枱食緊即炸雞比，好似話係招牌貨，下次一E定要試下。

新式冰室愈來愈多，舊式茶餐廳要與時並進，保留傳統味道之餘，亦要創新，雪山剛好做得到。同朋友想食平之餘又唔想逼， 本來諗雪山冰廳係hea食之選，食完之後覺得有佢生存之奧妙。首先唔洗等位又坐得寬敞，感覺良好！其次睇menu選擇都同普通茶餐廳有啲唔同， 一開始就睇中咗榛子西多士！本來諗住當甜品食，可惜朋友們最後太飽食唔到。火龍果咕嚕肉：好多塊肉，肉就硬咗少少，不過呢個配搭都幾新奇，火龍果清清地，剛好配埋甜酸醬味。臘味飯係以每位計算，我哋叫一位先，諗住試下味就算，點知好大份，而且好食呀！ 臘腸同潤腸粒粒好多，青蔥又識得最後先放，可惜冇飯焦。另外仲有叫龍蝦焗飯嘅，不過我唔鍾意食龍蝦，見朋友食完都話ok。 雪山冰廳絕對適合平時諗唔到食乜嘢嘅時候做選擇。值得得閒就食。

上次同班Friend打麻雀，朋友話雪山冰廳隻避風堂炸雞比好正，好食到要專登過嚟買返去俾佢家姐品嚐～雪山冰廳我自己就去過幾次，但從來冇食過呢隻炸比。隔咗兩日，我同老公卒之都係決定嚟試吓俾朋友讚到爆嘅炸比～個雞比真係炸到好酥脆！而入面嘅雞肉居然都仲係好多汁好嫩！！！而面頭上嘅避風堂辣味配料都好夠惹味～芝士煎蛋牛肉漢堡包好大個！！烘到脆口嘅面包加上芝麻好好味呀～而身為芝士控同牛肉控嘅我真係覺得呢個包好好味！另一款令我覺得有驚喜嘅美食就係呢碟炸魚薯條，本身其實冇諗過叫（因為好似好熱氣咁）但又覺得個肚仲可以塞得落嘢（啫係未飽啦！）結果就點咗個一試難忘嘅炸魚薯條。首先薯條炸得啱啱好，唔會話乾身或者燶，而舊炸魚係勁好味！！！入面啲魚肉係好鮮甜，唔知係咪鱈魚嚟呢？我就覺得無論味道同個樣都好似鱈魚！老公次次都會叫佢哋招牌嘅樽仔奶茶架，因為佢話茶味夠香濃！而我就揀咗茶走紅荳冰～第一次飲覺得好特別！奶茶紅荳冰都已經少見，佢仲要係茶走（啫係落煉奶）估唔到佢又唔算太甜！又有啲紅荳可以𡁻吓！！好飲～！！

雪山冰廳 (深水埗).芝士焗波士頓龍蝦海鮮飯.大大隻波士頓龍蝦配上青口蟹柳等海鮮配料，賣相睇得又好吃.椒鹽炒底豬扒飯.作為店舖王牌之一，椒鹽豬扒本來已經夠曬惹味，再配埋炒飯底更加係冇得輸！.芝士煎蛋牛肉漢堡包.同女朋友屋企人四個一齊食，見到呢個漢堡包又係招牌菜，所以叫一個嚟試吓，果然冇令我地失望！.蜜椒野菌薯角牛仔骨煲.密椒薯角本來已經夠好食，呢度更加係用煲上，保持佢熱辣辣，而牛仔骨肉薄，癡係骨變的肉更加嫩滑！.馬拉盞菜心煲.馬拉盞芥蘭煲今日沒有芥蘭，改成菜心煲，一樣咁好吃！.華田曲奇妙趣.上面有厚厚的忌廉再加上朱古力碎，賣相討好而且小朋友必定喜歡，即是忌廉再加凍華田！.📍雪山冰廳 (深水埗)深水埗青山道62D號地舖.

雪山冰廳 (深水埗).⚜️芝士焗波士頓龍蝦海鮮飯⚜️$108.好大隻波士頓龍蝦🦞 再芝士焗，仲有青口，蟹柳等配料！冰廳都有打卡一流嘅美食！.⚜️椒鹽炒底豬扒飯⚜️$58.椒鹽豬扒本來都好惹味，再加埋炒底真係勁正，成個飯都好香，仲要先至$58，好抵食！ 推薦！.⚜️芝士煎蛋牛肉漢堡包⚜️$32.好似係店鋪皇牌之一，我地四人share每日試到一啖，好香芝士配上嫩牛肉，好好食！ 必食之一！.⚜️蜜椒野菌薯角牛仔骨煲⚜️$78.密椒薯仔牛柳粒你就食得多，但係我都未食過配牛仔骨，牛仔骨仲薄，令到個肉更香更嫩，仲有埋啲菇.⚜️馬拉盞菜心煲⚜️$78.本身係芥蘭煲，今日剛好無芥蘭就叫菜心，一樣咁熱辣辣又好食！.⚜️樽仔咖啡⚜️套餐加$15.呢度有秘製嘅樽仔咖啡同埋樽仔奶茶，果然飲落味道醇厚，濃郁，行過買一支飲都係$15咋！如果住附近嘅買早餐食再飲一支真係一流呀(⁎⁍̴̛ᴗ⁍̴̛⁎).環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌 雪山冰廳 (深水埗)深水埗青山道62D號地舖.—————————————————————-

去年跟從事電話咭行業的朋友晚飯, 在這邊乘坐巴士返家. 當時朋友推介這家茶餐廳很抵食. 今天和小米路過深水埗, 就到這家抵食的餐廳午餐.  可能是12時正, 午市剛開始, 客人不多. 就座後, 要細看餐牌.    經典芝蛋牛肉漢堡包   漢堡包能夠成為主打招牌菜, 肯定有原因. 散點32個大洋, 套餐48, 即是多付16蚊, 就有迷你肉醬意粉和飲品. 自己精打細算, 當然要計到盡, 一個套餐, 二人共享.   包包, 我來也!   芝麻包夾著煎蛋, 半溶化的芝士和牛肉漢堡. 煎蛋仍是流心呢!!! 最開心一刻 = 篤爆蛋黃之時! 小米看到漢堡包, 又想試一試. 唯有對半分件, 自己以五指山來享用包包, 小米有潔癖, 竟然用刀叉來享用漢堡包!!!!!!!   芝麻包鬆軟又夠香, 夾著滑滑的煎蛋的溶化的芝士, 還有實篤篤的牛肉漢堡, 味道上有山竹牛肉的影子, 不過要張大口來享用漢堡包. 幸好今天没有化妝, 嘻嘻! 嚐過牛肉漢堡, 就明白這個經典漢堡包有什麼特別. 用我的母語<廣東話>演繹, 即係 : <有D龍LIU>.   迷你肉醬意粉 小米負責肉醬意粉. 按

呢排都好忙，好耐冇好好放鬆一下，同朋友行街買野行完街之後，就去左充滿香港特色既茶餐廳食野。我地去左雪山冰廳，聽人講嗰到既野大件夾抵食，我地都想去大食一餐 😆冰廳環境寬闊，我地7 點幾去到，係食飯時間，所以入面已經坐滿人，大家都點左店內既招牌菜，例如西多士同芝士牛肉漢堡包～餐牌有大量美食任君選擇，我地一時間都下唔到決定，每一樣野都想試 😍餐牌簡潔俐落，主食、小食、飲品甚至特色食品都包括在內。不過由於係地道香港茶餐廳，佢地既餐牌只有中文，如果有遊客黎到可能會有少少唔方便～自家製樽仔奶茶 $9港式奶茶既特點就係將熱茶沖入熱奶，而唔係好似西式奶茶咁樣將奶倒入熱茶入面。想製作一杯好味既港式奶茶，除左茶要夠濃郁，奶也要阿濃厚，咁樣先至可以達致入口幼滑如絲，唔會一似而瀉，而係延綿細密。☕️呢樽自家製既樽仔奶茶茶味濃郁，甜度適中，奶既味道亦唔會蓋過茶味，再加上冰鎮過，味道的確係唔錯 🥛☕️海南雞飯 $60呢道海南雞飯用既係油飯，油飯香滑，口感煙韌。而海南雞既雞皮油潤肥美，雞油香氣撲鼻。雞肉亦鮮嫩多汁，口感嫩滑又唔韌。配埋旁邊微辣既醬汁，味道更好～😋榛子醬西多士 $28蛋黃流沙西多士就食得多，榛子醬西多士真

呢間餐廳位置就在嘉頓廠房附近，好在七點左右到達，因為坐咗一陣突然間多咗好多客人，想像不到如此旺場！聽講呢度出名芝士流心蛋漢堡，當然要叫返一個。果然名不虛傳，望到就知道有幾邪惡，脹卜卜流心蛋下面有塊厚厚嘅漢堡扒，一放入口，半流心蛋黃嘅香味，伴著漢堡扒嘅肉汁，加埋半溶嘅芝士，令人食到欲罷不能！另外叫咗海南雞半隻，雞肉非常嫩滑，有小小肥，入口有雞油香味，我自己最鍾意點甜豉油，特別好送飯。油鹽水蜆肉浸菜苗- 一睇個菜式就知道係幾有誠意嘅餐廳，有好多蝦乾、筍、仲有大量蜆肉同埋爽脆嘅菜苗，最畫龍點睛嘅就係有幾粒炸蒜，令清淡嘅菜苗變得香口惹味！最最最需要介紹嘅，就係只需加$9嘅燉湯，呢度嘅燉湯會轉款，今日飲嘅係蟲草花雞腳湯，用一個小瓦煲上枱，入邊其實係不銹鋼保溫材料，確保燉湯熱辣辣呈上枱比客人，喺茶餐廳來講係好少見！燉湯一小煲滿滿的，仲配有湯料，雞腳蟲草花、圓肉，通通毫不吝嗇，下次嚟一定會再叫！

[ 平淡但當中有你，已經足夠 ]拍拖唔一定要去食高級餐廳， 今次食到一間平民餐之餘高CP一餐，實在太好先講講我本人最中意而又最邪惡西多士[ 榛子醬流心西多士 ]實在太正， 滿滿榛子醬，我真想一個人食哂去海苔薯條 一樣正正無敵邪惡之 [ 經典芝士煎蛋牛肉漢堡包]如何教我忍口滿滿肉汁，香脆麵包皮再加上流心蛋 咬第一口已經流到張枱都係肉汁仲忍唔住叫 番茄蛋牛肉通粉 當然唔小得樽仔奶茶啦， 都係我最愛之一 飲埋個 燉湯 補一補身， 成個人暖粒粒咁走大滿足

以前食午飯時間，都會去下雪山，食下佢嘅懷舊風味 – 男人的浪漫；紙皮石地；舊式的雪櫃、枱、櫈…直至到雪山裝修。裝修好，好似無左以前的「懷舊風味」，食過一次午餐，都正正常常的。眼見隔離枱的，是食常餐，最特別係個塊「丹麥多士」，原來而家就係呢塊「丹麥多士」當紮，所以大為吸引。直到今天，我終於都去試下雪山的早餐「丹麥多士」喇…眼見雪山的早餐 menu ，我覺得有選擇權。平時茶餐廳早餐全部都一個價錢逼你食晒麵、牛油方包、雞蛋同餐飲。但雪山就可以比你選擇加唔加錢要。如果只係要 A 至 D 的麵同餐熱飲，最平都只係 $27 ，係一個可觀的價錢。而我呢個早餐要食蛋的人，再加上黎試「丹麥多士」，當然係 B 餐熱奶茶加錢再配 3 喇。先上奶茶，茶味唔算濃，奶茶算滑。再上丹麥多士配炒蛋，先說丹麥多士，上枱快，估計係整定，食落就更加明顯，個面唔脆，個麵包心係凍的，所以我真係好失望。炒蛋唔算滑，唔老已經好正常。最後係沙茶牛肉麵，牛肉有牛肉味，冧，但我個人感覺有用梳打粉，有沙茶味。呢個公仔麵底有彈性，唔錯。整體而言，有選擇值得，但我覺得我呢個早餐有改善的容間，尤其是個「丹麥多士」。

特色香港茶餐廳！茶餐廳由細食到大，間間大同小異，無諗過原來比少少新意，搖身一變，就可以成為咁有特色既餐廳！深水埗出名美食多，比d心機搵，你會發現比連鎖店更好的食物！我地叫左經典芝蛋牛肉漢堡包，日本櫻花蝦炒蛋配香酥丹麥多士，招牌海南雞飯，港式茶走紅豆冰，樽仔奶茶，飽到傻左。漢堡包令人難以忘懷，麵包好香脆，唔會比d醬浸到淋哂，牛肉好juicy，煎岩岩好唔會overcooked，芝士比得好足，同牛肉勁夾。炒蛋超香滑，櫻花蝦既存在提升左成個炒蛋既味道。多士如其名，又香又酥，面頭查左牛油，烘一烘，超好食！海南雞飯d雞勁滑，份量又多，食完碟飯真係飽到無朋友。最後兩杯野飲都十分出色，樽仔奶茶夠哂香滑，甜得黎又帶點澀。茶走紅豆冰相當有創意，無左平時椰汁紅豆冰個種膩。食完之後超滿，每碟野都好賞心悅目，令人食指大動。平時出街食飯，一般食完既印象就係：食得飽，唔難食。呢間餐廳正正相反，佢成功地係我個心留下深刻既印象，唔單單係個味道，更多既係每碟菜式背後所投放既心思。I will be back！

去親深水埗都會幫襯，日日都爆棚，就知道係好嘢。每次都必定點經典芝士煎蛋牛肉漢堡包 🍔 $32，自製牛肉漢堡，港式嘅漢堡包，中間仲有煎蛋、同埋芝士，個包煎過，內內外外都熱辣辣，加埋少少醬汁，好味到不得了！仲有避風塘炸蒜雞髀🍗$28，小小辣超惹味嘅，夠哂大隻，炸到雞皮乾身非常香脆😋！更加唔可以錯過每日限量發售100份嘅招牌海南雞飯🐥$60，個油飯真係好好味，就咁食飯都覺得好香軟，滑滑雞肉配兩種醬汁，仲有酸蘿蔔，一啲都唔馬虎。次次都忍唔住要嗌多一兩款小食，今次就叫咗足餡榛子流心西多🥪$28，花生醬做餡料就食得多，以為榛子醬好甜？原來都好夾。樽仔奶茶同茶走紅豆冰咁有香港特色都只係$25，香濃茶味，配上大大粒紅豆，甜度恰到好處，正正正！