雪山冰廳

营业中

休息中

深水埗有好多富有人情味嘅小店，甚至有啲已經扎根喺深水埗一段好長嘅時間。今日我哋就去咗已經係深水埗開咗好耐嘅雪山冰廳，餐廳經過重新裝修之後，環境同埋座位都非常之舒適。食物方面我哋就揀咗佢哋嘅咖喱吉列豬扒蛋包飯、招牌漢堡包、避風塘炸雞髀。🔸 咖喱吉列豬扒蛋包飯咖喱味道偏甜唔算辣，幾易入口，感覺偏日式。吉列豬扒炸得算香脆，蛋包飯嘅滑蛋夠哂滑，但可惜蛋味唔夠濃，同埋飯底係普通白飯底。🔸經典芝士煎蛋牛肉漢堡包港式嘅漢堡包配上芝士、流心煎蛋同埋非常多汁嘅牛肉漢堡，味道實在一流。一口咬落去之後，蛋汁同埋牛肉汁一齊流出，仲有夾雜着芝士嘅味道，實在非常豐富，再加上烘香嘅麵包，食落鬆軟，口感都富有層次。🔸避風塘炸雞髀雞髀成隻碟咁大隻，雞皮炸得酥脆，雞肉肉厚嫩滑！加上避風塘嘅香辣調味，勁惹味！🔸樽仔咖啡香濃幼滑，有傳統茶餐廳咖啡風味，無加冰所以唔會愈飲愈淡。