影片
更多
2022-02-06
57 浏览
📍雪山冰廳 - #YFF深水埗 💎-虎年快樂🐯🧨 新年流流 最啱行返個大運 (ง๑ •̀_•́)ง呢日係嘉頓山輕鬆兜左個圈 見有啲肚餓 就入咗黎附近呢間冰室諗住食個early dinner😛見呢間餐廳裝修幾modern 食物選擇又幾新穎 仲以為係新派冰室 但聽街坊食客講 原來呢間冰室係經營咗幾十年既老字號 經歷咗咁耐都仲屹立不倒 相信食物質素應該有保證 🤓-💡波士頓龍蝦喇沙摻摻 ($88)喇沙湯底幾濃郁 微微帶辣 好香椰汁味 飲落惹味得黎幾順口(⁎⁍̴̛ᴗ⁍̴̛⁎) 麵底用上咗摻摻 即係油麵米粉兩溝 正宗做法😚👍🏻油麵質地偏腍 個人鐘意有咬口啲既texture 不過幾索湯😼配料仲有魚片 蛋 同埋 豆卜 同個湯底幾夾～ 而龍蝦肉質唔算好彈牙 不過大大隻連埋鉗 仲有幾多蝦膏下 幾香 jengggg🦞-💡始祖椒鹽豬扒飯（炒底）$65出面好少見椒鹽豬扒係跟炒飯底😧 印象中淨係喺元朗間玻璃屋食過 見到呢到係炒底就即刻嗌左 果然冇令我失望😻✌🏻炒飯底即叫即炒 炒得幾乾爽 粒粒分明 食落唔會成口油～椒鹽豬扒同炒飯的確係絕配 紅椒同炸蒜令兩者非常融合 提升咗成個飯既層次 而且夠晒鑊氣 趁熱食真係食唔停口(´･_･
-
虎年快樂🐯🧨 新年流流 最啱行返個大運 (ง๑ •̀_•́)ง
呢日係嘉頓山輕鬆兜左個圈 見有啲肚餓 就入咗黎附近呢間冰室諗住食個early dinner😛
見呢間餐廳裝修幾modern 食物選擇又幾新穎 仲以為係新派冰室 但聽街坊食客講 原來呢間冰室係經營咗幾十年既老字號 經歷咗咁耐都仲屹立不倒 相信食物質素應該有保證 🤓
-
💡波士頓龍蝦喇沙摻摻 ($88)
喇沙湯底幾濃郁 微微帶辣 好香椰汁味 飲落惹味得黎幾順口(⁎⁍̴̛ᴗ⁍̴̛⁎) 麵底用上咗摻摻 即係油麵米粉兩溝 正宗做法😚👍🏻
油麵質地偏腍 個人鐘意有咬口啲既texture 不過幾索湯😼
配料仲有魚片 蛋 同埋 豆卜 同個湯底幾夾～ 而龍蝦肉質唔算好彈牙 不過大大隻連埋鉗 仲有幾多蝦膏下 幾香 jengggg🦞
-
💡始祖椒鹽豬扒飯（炒底）$65
出面好少見椒鹽豬扒係跟炒飯底😧 印象中淨係喺元朗間玻璃屋食過 見到呢到係炒底就即刻嗌左 果然冇令我失望😻✌🏻
炒飯底即叫即炒 炒得幾乾爽 粒粒分明 食落唔會成口油～
椒鹽豬扒同炒飯的確係絕配 紅椒同炸蒜令兩者非常融合 提升咗成個飯既層次 而且夠晒鑊氣 趁熱食真係食唔停口(´･_･`)
豬扒肥瘦均稱 腍得黎又幾有咬口 完全唔係一般茶記用鬆肉粉醃到爛晒既肉質 唔錯🐖
味道方面 入口微辣 散發出椒鹽嘅陣陣鹹香 配埋炸蒜勁惹味香口 好有港式大排檔風味😍
-
💡爆餡蛋牛治（烘底）$28
一上菜見到中間夾住既炒蛋勁厚 即刻好期待🤩
炒蛋撈咗鹹牛肉同埋蔥花 蔥花完全發揮到佢既功能 食落令到成個包既味道香咗好多 又增添到口感😛
建議大家要趁熱趁多士仲脆嗰陣食 如果唔係等耐咗炒蛋會整腍咗塊多士🥪 咁就冇咁好食架喇( ; _ ; )/
-
💡榛子醬西多 ($35)
呢個西多士好新奇 中間係夾nutella而唔係慣常既花生醬～
榛子醬份量幾足 食落冇花生醬咁膩口 整體都幾夾🤣
-
💡華田曲奇妙趣 ($25 // 跟餐+$9）
呢杯係一杯上面加咗cream同埋幾塊oreo既凍華田🤣
飲落幾重華田麥芽味 味道唔算好甜 加$9就轉到特飲幾抵😚
-
💡樽仔奶茶 ($25 // 跟餐+$15)
身為奶茶愛好者 見到呢到有樽仔奶茶 毫不猶豫即刻嗌咗😆
樽仔奶茶比一般奶茶香滑濃厚 因為冇咗融冰溝淡味道～
呢樽奶味幾香 味道頗甜 應該幾啱偏好重奶味既奶茶fans😼
-
📍地址：
深水埗青山道62D號地舖
张贴
