雪山冰廳

营业中

休息中

深水埗人氣冰室，成日路過都人山人海，唯有下午茶時間去食啦，波士頓龍蝦叻沙摻摻估唔到普通冰室會有馬來西亞嘅名菜叻沙，而且配搭波士頓龍蝦，又唔貴，$88一大碗，真係忍唔住叫碗嚟試吓。湯底夠味，麵同粉絲都入味，上面仲有好多魚片，好多料。芝蛋牛肉漢堡呢個好似好出名，我見openrice個個都食，梗係唔執輸，雖然係三十幾蚊嘅下午茶餐，但誠意十足，塊牛都好厚身，仲有美味芝士同仲流心嘅太陽蛋，值得一試。豬扒炒公仔麵呢個又係下午茶餐，好邪惡，但係好好味，尤其係豬扒，香口惹味，唔怕肥嘅人一定要試呀☺️南乳雞翼雞翼成隻上，而且有三隻咁多，真係好抵，生炸好入味，層皮夠脆，唔錯。黑蔥炒時蔬原來黑蔥係咁嘅味道，甜甜哋又林林哋，幾得意，炒出嚟嘅芥蘭好香一啲都唔苦。仲有杯特飲雪山華田都好好飲，係邪惡㗎啦，肥死我啦🤣

雪山冰廳一向係我路過深水埗必食既餐廳呢日又再去食😆食我最愛既常餐黎到......勁失望😩牛肉好韌，麵無味😩小黃子個公仔麵都好難食擺得入口竟然係杯凍檸茶🥱最出名既凍奶茶都好難飲真係無下次感覺雪山轉左手🥹

肌肉熊最中意就係飲奶茶，仲話食茶記係男人嘅浪漫，深水埗有好多平民餐廳，其中有一間冰室出名有樽仔奶茶，一於就去試下地道傳統港式風味茶餐廳餐牌有好多選擇，一次試唔哂，要留返下次再去幫襯🙈除咗一般港式茶餐廳有嘅嘢食，仲有比較特別嘅火龍果咕嚕肉、波士頓龍蝦叻沙摻摻、流沙鹹蛋黃一字骨、酸菜魚，連all day breakfast都有，點夠你玩呀😂 冇諗過普通茶記嘅食物都咁高質，份量又足，價錢親民，推介👍🏻_➤始祖椒鹽豬扒飯炒底🐷🍛$65椒鹽豬扒有五大舊，唔會好多肥膏或骨，食落鬆軟入味得黎又有咬口，調味幾出色，唔會太鹹。炒飯有驚喜，味道一啲都唔hea，炒得夠乾身，粒粒分明，唔會好濕咁痴埋一舊，充滿鑊氣，仲落左三色椒、洋蔥，辣椒同炒蛋一齊炒，微辣開胃，食到停唔到口，又香又惹味，食完唔會覺得成口油，係成功嘅港式炒飯！➤招牌海南雞飯🐔🍛$68餐牌寫住每日限定100份，好彩晏就去食仲有得叫。雞件都唔少，雖然呢個海南雞冇個種透明Jelly, 但係雞皮同肉都好滑嫩，唔會嚡口。飯唔係傳統黃油飯，但味道都唔錯，加埋炸到香脆嘅蒜片，好有口感。亦配有海南雞甜醬同泰式酸辣醬➤避風塘生炸雞髀 🍗$42即叫即炸熱辣辣，成隻

得一隻雞亦、雞亦尖、兩舊雞肉仲有肥膏一兩舊雞皮，雞皮仲多過啲雞呀，又凍冰冰，食落成口油🤮，啲飯仲衰，上面啲炸乾蔥硬到咬唔到，我以為食緊膠，啲飯好硬，食過最差嘅海南雞飯，外賣都唔駛咁呀？趕客咩……真係無下次，食到想嘔，做生意唔係咁做架，街坊生意更加不應該這樣，無良心，仲寫咩一日限售100份，以為有幾好食，諗住差極有限，點知失望至極，食到心情好差💔💔💔💔💔💔💔💔💔💔💔💔💔💔

親民貼地又好食嘅其實一直都係我哋嘅身邊，今日就嚟介紹下呢間位於西九龍嘅經典冰廳😌😝🥢爆餡烘底蛋牛治 $28烘抵三文治一直都係冰廳嘅經典食物，一場嚟到點都要試吓佢哋嘅招牌爆餡蛋牛治🤤果然一試便知龍與鳳，離遠已經見到鹹牛肉炒蛋餡料多到咇晒出嚟🤩流淌嘅蛋汁真係令人垂涎欲滴架😚🥢芝士太陽蛋牛肉漢堡茶餐 $46冰廳茶室最為人津津樂道嘅地方，就係將中西交融發揮到淋漓盡致👍🏻😜大大份牛肉漢堡包加入茶記特色嘅流心太陽蛋，啖啖芝味送到入口☺️而家跟餐追加$8，就可以試埋海苔碎薯條添，真係大件夾抵食呀😝🥢波士頓龍蝦叻沙摻摻 🦞 $88壓軸介紹嘅係雪山冰廳招牌菜，波士頓龍蝦叻沙摻摻😝摻摻其實就係指幼面加埋米粉，配上濃郁又香辣嘅叻沙湯底☺️講到呢度又點可以唔隆重推介主角波士頓龍蝦呢🦞😌大大隻開邊龍蝦有幾可喺冰廳見到呢？連埋架撐手起刀落咁樣大快朵頤，既有姿勢又有實際🤩😆龍蝦仲要超多蝦肉，肉質爽口鮮甜😚食到舔舔脷😝🥤樽仔奶茶🧋華田曲奇妙趣特飲

-//位於深水埗已經有66年歷史·老字號冰室提供多款懷舊茶餐廳菜式，有避風塘炸髀、海南雞飯、南洋咖喱飯等，選擇都幾多架//重點係平民價錢🥰另外長沙灣都有分店💁🏻‍♀️📍招牌海南雞飯🐥 $68唔好錯過 每日限量100份嘅招牌海南雞飯🍚真係色香味俱全🥳香味十足之餘，份量都夠雞肉嫩滑，油飯配埋甜豉油+辣醬 係絕配😎另外 個飯仲會配埋啲金黃香脆嘅炸蒜片🧄睇落好似可有可無，其實先係靈魂所在👻📍波士頓龍蝦·叻沙摻摻🦞 $88淨係聽個名都覺得 霸氣十足🤣材料都足料有蛋、魚片，豆卜、芽菜、原隻半邊龍蝦🦞放心！會提供埋個鉗你 等你自己慢慢鉗🤣個人覺得有啲驚喜😂冇諗過茶記都有呢啲個龍蝦都算新鮮，肉質鮮甜，堅係啖啖肉😋湯底味道正宗香濃，摻摻其實係油麵加米粉個麵都幾掛汁🥰今餐真係飽到捧住個肚走📍南乳雞翼（3隻）$33如果講到大家最愛嘅食物，雞翼肯定頭3位呢款南乳雞翼就有3隻全翼，份量可以接受雖然南乳味唔算好濃，但就炸到香脆惹味😻/以茶記嚟講真心高質，下次可以再嚟試其他📍忌廉咖啡 （套餐+$9）📍凍檸七 （套餐+$9）#深水埗美食 #餐廳推介不設加一服務費✖️抵食程度：🌝🌝🌝🌝🌗📍雪山冰廳 (深水埗)深水埗

呢間餐廳係深水埗已有多年歷史～係街坊嘅老字號✨ 咁出名就梗係趁有機會嚟朝聖啦😆😆😆上湯香菇浸時蔬成日出去食都菜少肉多，為了健康都叫咗個菜🤣湯底濃郁咸香，蔬菜好入味✨用唔同種類嘅蔬菜，好多菇，都幾足料。板燒雞扒潛艇雞扒脆脆地，味道咸香，加埋酸酸甜甜嘅沙律都幾夾😆 就咁食雞扒會覺得偏咸，連埋麵包就啱啱好👍🏻芝士焗波士頓龍蝦海鮮飯呢個真係幾驚喜✨超多海鮮好足料～有青口、魷魚、蝦球、龍蝦和魚柳等等‼️龍蝦連埋蟹鉗都幾多肉，仲要好多甘香嘅蝦膏✨蝦球彈牙，啲海鮮都仲食到海水嘅鮮味👍🏻份量都幾多～淨係個龍蝦已經超值～Tea 拼盤二人套餐份量都幾多！！前菜有沙律，主菜有兩set雞翼及薯條，仲有cheese cake做甜品🤣 放埋喺同一個碟望落去都幾豐富😆 仲要都幾有茶餐廳水準👍🏻跟餐就叫咗兩款飲品😆樽仔奶茶：奶味比較重，茶味好香😆 華田曲奇妙脆：呢款華田好有Cafe嘅感覺😆 上面好多Cream 好邪惡，但真的不錯😆總括嚟講，呢間餐廳雖然老字號，但菜式都幾新穎又有多國菜選擇～ 總有一款啱食😆

雪山冰廳，即使無親臨過，係香港長大的人大部分都不會陌生。因為佢有六十六年歷史，曾經亦有不少香港電視劇同電影都係度取景。即使室內格局有微調過，但光顧時總有一份莫名其妙的親切感。💎 始祖椒鹽豬扒飯(炒底) $65原來香港的第一碟椒鹽豬扒飯係起源於雪山冰室的。豬扒鬆軟惹味，炒過嘅飯香口且粒粒分明。拼住吃越食越惹味，而且豬扒份量多。💎 波士頓龍蝦叻沙摻摻 $88單單材料方面已經值回票價，龍蝦鮮甜，叻沙湯底味濃，味道很正宗。💎 避風塘生炸雞脾 $42呢個係下午茶餐再配一杯飲品。雞脾外層金黃香脆，肉質嫩滑。避風塘甘口焦香，脆而不糊，令雞肉更香口。💎 經典芝蛋牛肉漢堡拼薯條 $46經典漢堡不需花巧，兩塊麵包夾住手打漢堡配以芝士及半生熟蛋。漢堡肉味濃郁多汁。人均消費💰 ： ＄ 80總結✍ ： 用心製作，用料上盛，份量頗大。

📍深水埗青山道62D號地舖上一次係慕名而來，今日真係想再食佢嗰平民價下午茶😁😁特登去深水埗😆😆1. 芝蛋牛肉漢堡🍔$38🤤🤤🤤又再次食到嗰塊溶咗嘅芝士漢堡，今次隻煎蛋超留心，啲蛋黃汁滲入去個漢堡包裏面，好食到😋。今次我自己特登加咗茄汁去增加漢堡嘅層次感🤦🏻‍♂️所以冇得輸。2. 避風塘生炸髀配紅豆冰🍗 +🥤$42炸得啱啱好唔會太乾，肌雞髀肉超juicy同埋塊雞皮加上避風塘調味料超香口，加埋杯傳統紅豆冰😝😝解暑一流😁😁😁3. 榛子醬西多士🥪 $35嗰味道幾特別好似食緊金莎朱古力咁，加埋呢maple syrup，好似食緊甜品咁 😋😋😋環境喺茶餐廳一間😁😁，味道好食同埋佢下午茶嘅價錢都好合理，👍🏻👍🏻👍🏻服務態度好😆😆都會推介俾朋友仔，個下午茶set都要有幾個選擇。cp值都高👍🏻👍🏻👍🏻

下午茶來食叻沙海南雞米線+央走 $48一次過滿足哂愛吃叻沙同海南雞既胃🍜賣相靚叻沙湯味夠濃 少少辣(岩岩好 因為我唔太食到辣)雞上面有pat醬同埋乾洋蔥碎既物體米線質地唔會煮到淋啤啤雞滑同有醃到味(不是雞胸好食好食）略嫌米線份量少 唔夠飽同埋問過職員米線唔可以轉摻摻如餐廳之後可以轉的話就更滿足了是次用餐坐門口圓枱位唔知關唔關事 成餐飯都好多蚊螆飛來飛去

位於青山道嘅呢間雪山冰廳，好耐之前喺YouTube見霍哥同衛詩雅去食嘅時候已經有留意🙈今日一於去會一會佢🤣專登選擇左茶餐時間去，試多幾款呢到馳名嘅小食🤤🔸茶餐時間係由14:00-18:30🔸🍗避風塘生炸脾 配紅豆冰 ($42)生炸雞髀超大隻非常吸引😍雞髀肉質鮮嫩，雞皮炸得好香脆，亦唔會油淋淋😋雞髀面頭上面有少少避風糖蒜酥，配埋一齊食辣辣地好香口🤤雞髀嘅味道更加昇華，相當唔錯一定要試🔥🍔經典芝蛋牛肉漢堡包 ($38)呢到嘅漢堡包好大個，一上台已經見到中間嘅芝士同蛋滿溢，好邪惡呀！😈半熟蛋帶有麻油香，配搭埋中間半溶嘅芝士同牛肉漢堡一齊食，口感豐富非常滿足，推介🤤🍫🍞榛子醬西多士 ($35)配樽仔奶茶 (+$9)絕對係冰室嘅招牌下午茶⭐️西多士外層香脆，食落唔會有油益味👍🏻味道唔會過甜非常好🙈榛子醬配搭西多士，唔會有違和感亦唔係好膩，嚟食下午茶絕對唔好錯過❗️🥛樽仔奶茶奶茶茶味香濃，口感順滑😍奶同茶嘅比例適中，唔會太甜，而且因為無冰嘅關係，一路飲到最後都唔會變淡👍🏻🦞芝士焗波士頓龍蝦海鮮飯 ($108)焗飯一上台已經好吸睛🤩大大隻龍蝦喺面前，呢個價錢茶餐廳嚟講好似有點兒貴，但食到波士頓龍蝦，其實

雪山冰廳喺深水埗區來講算係老牌茶記，裝修完之後環境坐得舒服咗！今次黎食咗個早餐豬扒麵拼火腿炒蛋丹麥多士 $35+$9豬扒好大塊又厚生，煎得啱啱好脆脆地，肉質嫩就滑有咬口～好食炒蛋都夠滑，火腿同丹麥多士正常發揮沙嗲牛肉麵拼芝士牛肉漢堡包 $31+$18牛肉食得出肉質新鮮，沙嗲味濃郁塊牛肉脂肪比例比較多，咬落肉質軟身鬆散，不過因為比較肥，所以煎得比較香口，夾埋個包一齊食都ok奶茶 茶底好濃，茶同奶比例啱啱好

呢間雪山冰廳雖然歷史悠久，但食物幾貼近潮流，好多選擇，而且價錢大眾化👍🏻一打開個menu，好多嘢我都想食呀😆🔸波士頓龍蝦叻沙摻摻（💰$88) $88食到半隻龍蝦🦞仲有蟹鉗！龍蝦有膏添😂肉質都算可以。摻摻係油麵加米粉，仲有爽口彈牙嘅魚片，好多芽菜，一隻蛋，豆卜。湯底可以再濃啲。🔸榛子醬西多士(💰$32)⭐️西多熱辣辣，俾埋樽糖漿我自己落🤪榛子醬加糖漿嘅西多真係好味道😋不過佢嘅榛子醬集中喺中間，搞到我切旁邊四個三角形係無乜榛子醬嘅。🔸避風塘生炸髀(💰$35)⭐️呢個真係出色！熱辣辣！大大隻！炸到啲皮脆卜卜！我未食過咁脆嘅皮！而且雞肉有肉汁添。加埋避風塘嘅碎碎，好香口！正😋🔸爆餡蛋牛治(💰$28)呢個賣相ok，但食落普通，有點失望。評分：8/10 👍🏻

經過深水埗見到呢間冰室晏晝時段都好多人排隊喎，見到佢哋Menu好有特色，有波士頓龍蝦摻摻，又有酸菜魚，一啲都唔似普通茶餐廳，好有特色就一於試一試啦~🍴波士頓龍蝦喇沙摻摻 $88 (9/10)好驚喜$88有半隻龍蝦再加隻蟹鉗，摻摻係油面加米粉，有魚片，豆卜，芽菜，一隻雞蛋，配料豐富，份量十足！湯底都幾香，喇沙好香唔會辣，椰汁味好出，摻摻麵好多，油麵彈牙，米粉爽口好掛汁，龍蝦係係有蝦膏，雖然都知道係急凍嘅龍蝦，但蝦肉都爽口，蟹鉗肉都好食！食晒成碗麵真係好飽，$88值回票價，好高質！🍴老壇酸菜魚 迷你份量 配寬粉 $98 (8.5/10)份量都好足！酸菜魚有酸菜，芽菜，魚肉，寬粉，魚肉好滑，酸辣都好夠味，如果唔係好食到辣嘅話應該都會覺得幾辣，越食越過癮，真心冇諗過茶餐廳都有好食嘅酸菜魚！🍴避風塘生炸雞髀 $35 (9/10)好大隻！即叫即炸，皮脆肉香，炸得一啲都唔乾，有肉汁，係正宗港式炸雞髀再加避風塘辣辣地，真心好好食！🍴榛子醬西多士 $32 (7/10)西多士即叫即炸，外脆內軟，略嫌榛子醬未夠香濃，要加糖漿先夠甜，但$32咁大份都抵食！🍴華田曲奇妙趣 +$15 (7/10)入邊有一塊Ore

🍴經典芝蛋牛肉漢堡包加海苔薯條46 蚊🍔個包皮帶 d香脆 煎得唔錯🔥帶 d芝麻香 蛋半熟 d蛋汁連埋半溶芝士🧀 仲有香濃既免治牛肉 應該自己手打🐮 好 juicy入味 薯條粗厚度適中 夠香脆 點 d茄汁更好食👍🏻: 🍴椒鹽豬扒飯炒底 65 蚊🍚🐷炒低飯色水幾靚 有 d蛋香同老抽調味 仲有葱花 紅椒夠口感👍🏻 豬扒大大塊切開 夠咸香同入面彈牙 炒得飯粒分明 同豬扒好 match正👍🏻👍🏻 🍴老壇子酸菜魚 跟寛粉 98 蚊🐟 🌶️大大碟酸菜魚 魚冇骨切成薄片 夠爽滑彈牙 有芽菜 辣椒 蘿蔔 葱花 湯底夠酸辣 魚肉夠入味 寛粉好爽口 同埋闊身 所以食落好有口感 食啖魚飲啖汁都唔錯 👍🏻 🍴避風塘炸脾 35 蚊炸脾大大隻 避風塘好夠蒜香 帶 d辣 夠惹味 雞脾皮夠香脆 入面雞肉熱辣辣夠哂彈牙 正🐥🔥#冰室 #茶餐廳 #炸脾 #雞脾 #漢堡 #芝士 #煎蛋 #酸菜魚 #寛粉 #炒飯 #椒鹽 #豬扒Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $