雞駅花膠雞米線專門店

营业中

休息中

之前食過位於駱駝漆嘅雞駅花膠雞米線專門店，最近發現原來觀塘東廣場開咗新店，商場裝修完好新淨企理呀。菜單除咗有花膠雞湯系列之外，仲有花甲粉、飯、擔擔麵及多款小食。我哋點咗招牌花膠雞煲翅同蔥油雞飯，另加小食麻藥蛋同凍檸茶兩杯。花膠雞煲翅（$98）- 果然係招牌菜，雞湯底鮮甜清澈，雞件分量唔少，入口好嫩滑，仲有大大束翅及數件花膠。米線好滑溜，充滿鮮甜嘅雞湯味。蔥油雞飯（$48）- 加$10 upgrade 咗做雞髀，雞件同樣嫩滑，配埋蔥油，好惹味呀。麻藥蛋（$28）- 糖心蛋，蛋香配以麻油香味，味道好有層次感，值得推介。