雞駅花膠雞米線專門店

营业中

休息中

🍜雞駅雞迷們必試的觀塘東廣場美食天堂！姫松茸竹笙花膠雞米線這碗米線不簡單，湯頭濃郁鮮美，襯以鮮嫩的雞肉與嬌貴的姫松茸、竹笙和花膠，每一口都是滿滿的幸福感。絕對是冬日裡的暖心之選，讓你一秒穿越到溫暖的春天！雞駅雞翼（原味）外皮烤得香脆，內裡肉質鮮嫩多汁，原味已經讓人欲罷不能。但別急，還有蜜糖雞翼等你來戰！蜜糖的香甜完美融入雞翼中，每一口都是甜蜜的爆擊，吃下就幸福感滿載！麻藥蛋雞蛋的細膩，簡直是舌尖上的壯麗詩篇！這裡都能滿足你的味蕾！快來一探究竟吧～🐔💨

雞駅花膠雞米線專門店雞駅係觀塘東廣場開左新分店! 係東廣場一樓既小food court其中一間舗頭 星期日都有開!! (駱駝漆分店星期日唔開嫁)招牌花膠雞米線 $68金黃色湯底充滿骨膠原 唔算太濃 屬清甜輕身類 雞肉質感嫩滑 雞胸都唔鞋唔梅 仲有幾舊花膠仔 但係米線比較粗身同硬 唔夠入味 金磚豆腐$42豆腐即炸起 熱辣辣 外皮金黃酥脆 外脆內嫩 必食必食!

雞駅觀塘東廣場新分店🤩 平民價錢高質味道☺️蒲開觀塘都知東廣場一樓有個小food court 😚喺度翻放工都唔愁無得醫肚☺️沙薑雞米線😚超多沙薑好惹味🩷米線同餸分開但湯底有濃濃花膠雞湯味。胡椒豬肚米線，湯底一樣咁惹味，唔會太嗆喉。椒鹽豆腐滾熱辣，冬天靠哂佢暖胃🤩日式年糕好煙韌，有啲米香，唔會太滯。叫咗2個米線+2飲品+2小食先$200，非常抵食，而且職員態度友善，值得支持🩷📍雞駅花膠雞米線專門店觀塘東廣場一樓116號鋪

自煉奶芝士年糕後，都無再柯打了。聽同事推介花甲粉好食，份量算多，花甲鮮甜，諗住一試究竟。張單寫明轉米線，出到嚟無轉，跟返原本個粉。返到公司先發現都無得點架啦 😒。加咗 $15 雞。食過嘅那同事：“嘩，今次花甲真係好少唔抵食！”總之佢話食過唔係咁啦。花甲係鮮甜，但佔少數 😒。可能加雞影響原本份量卦。出去食雙併都係架，加咗錢啲嘢會少咗 🤷‍♂️🤷‍♂️，唔明咩邏輯，但一直係咁 😒。講返個雞湯，飲一啖勁大蒜味 😂，平時呢個雞湯邊係咁架。應該“爆甲”嘅時候落嘅，嘥咗個湯 😒👎。為影相摷晒啲餸出黎，先知個湯都俾得幾少下 😑都會再食嘅 😂，不過就唔轉本身設定嘞，唔係盞失望又嬲 🐷 😛

東廣場有好多新開張美食😋 今日想食米線，見到依間雞駅好吸引🍜 試咗2款米線加1個小食，好唔錯！姫松茸竹笙花膠雞米線 🍜🍄必食！湯底鮮美，雞肉好多好大件，口感嫩滑，姫松茸同竹笙令整碗米線更加豐富。花膠嘅口感滑嫩，感覺好滋補！🥰蜜糖雞翼芝士竹輪米線 🍗🧀有驚喜嘅美食！炸雞翼加蜜糖好好味😍 外脆內嫩，味道甜而不膩，搭配芝士竹輪十分豐富，好滿足感！金磚豆腐外脆內嫩，豆腐粒外皮金黃酥脆，配調味粉味道香濃，適合與朋友分享！😋凍檸檬水 🍋凍檸檬薏米水 🍋清新解渴嘅特飲，檸檬酸酸甜甜，薏米帶有淡淡嘅香氣～

之前喺駱駝漆大廈已經食過幾次雞駅花膠雞米線，鍾意呢度食物質素吾錯，食物款式多，份量又足夠，價錢又吸引，見到東廣場開左分店，當然要幫襯下，地點更方便，食物水準亦保持到，下次會再幫襯蔥油雞飯 $48蔥油雞飯雞肉幼滑，蔥油好香口，飯份量都剛剛好口水雞飯 $48口水雞辣到剛剛好，吾會太辣，肉質幼滑又惹味，送飯一流蜜糖雞翼 $42蜜糖雞翼皮脆肉嫩，甜甜地好醒胃手帕青瓜 $36手帕青瓜新鮮爽口，如果辣些，或調味多些更好麻藥蛋 $28麻油糖心蛋，加左芝麻，令味道更香口

觀塘駱駝漆主打食花膠雞湯米線既專門店，最近喺東廣場新開咗分店💁🏻‍♀️ 新店環境簡潔，有多種款式米線、小食同飯等。🍴日本芝士年糕（$38）芝士年糕炸到金黃色，外層香脆，內層軟糯👄中間係流質既芝士🧀點埋附有既煉奶，鹹鹹甜甜，味道幾夾👍🏻🍴姬松茸竹笙花膠雞米線（$78）湯底係濃雞湯，味道濃得黎帶點清甜，雞既份量都幾多，皮爽肉滑👅竹笙爽口入味，姬松茸鮮味，同竹笙吸哂湯既精華😋花膠口感滑溜，幾滋潤👐🏻🍴燒豚肉濃湯米線（$48）豚肉厚切，表面燒到微微焦脆，肉質腍得黎帶點爽口🤤幾入味，米線軟硬適中👌🏻🍴桂花烏龍冷泡茶（跟餐加$18）茶味濃郁帶少許茶甘味，桂花清香~🍴凍檸檬薏米水（跟餐加$18）薏米水酸甜開胃，入口順滑，唔會好甜👐🏻

駱駝漆食過雞駅花膠雞米線覺得唔錯，呢日經過東廣場，見到新開咗間花膠雞米線分店，就揀喺度食午餐。呢度幾間小店圍住中間有一個好大嘅地方，可以自由用餐，係小food court咁，整潔乾淨，坐得舒服。我哋都揀了出名的花膠雞米線。🟣姫松茸竹笙花膠雞米線🟣藥膳黃酒花膠雞米線🟣麻藥蛋🟣熱柚子蜜🟣凍檸檬梳打雞肉嫩滑，花膠厚實而且多。藥膳黃酒湯底秋冬飲就最啱，補身又暖胃，太好味，我哋好快就食晒。整體都不錯，店舖亦有堂食位置選擇。

藥膳黃酒花膠雞米線🍜$68湯底用上黃酒同藥膳熬製😋完全散發出誘人嘅香氣😁再結合埋營養豐富嘅花膠同柔嫩多汁嘅雞肉😌加上米線吸收咗湯汁嘅精華，口感軟滑☺️仲兼具養生功效😏絕對係秋冬季節嘅理想選擇😙麻藥雞拌麵☺️$68原來麻藥嘅解釋係令人食到上癮嘅意思😬鮮嫩嘅雞肉與麻藥蛋嘅配搭😌雞肉可自行添加麻辣醬汁🌶️醬香四溢，入口鮮美，特別惹味😍麵條則選用米線，加上麻藥糖心蛋🥚拌飯或拌麵都好好食🤤配搭埋新鮮芫荽同青瓜😆更增添了清脆嘅口感同香氣😙悍匪雞翼(胡椒孜然)🐔$42雞翼即叫即炸，夠晒新鮮熱辣辣😊外皮炸至金黃酥脆，內裡鮮嫩多汁😬胡椒同孜然嘅調味亦恰到好處😌令雞翼增添咗獨特嘅魅力與微妙嘅辣味😎食完一隻又一隻，真係食到停唔到口😋凍咖啡☕️ 跟餐+$8凍柚子蜜梳打🍹跟餐+$12

新舖我第二次食都係外賣。第一次芝士年糕，煉奶係另上。第二次芝士年糕唧埋煉奶，一打開我X咗出聲，唧埋煉奶係公司決定還是員工決定？！另上就好地地，唧埋煉奶係咩玩法 😒，假設炸饅頭都另上煉奶啦，唧埋咪淋晒，餐牌上完全無提及有煉奶二字 🤷‍♂️年糕外賣個蓋上次有剪開留口，今次成個蓋冚埋，咁咪。。😒到整好，其實我都行到埋去，前台仲痴張膠紙喺個膠袋上面，心諗：送外賣咩 🤷‍♂️。。有幾多張單出到邊好似唔知咁，感覺上都卦住傾計 😂

假日來到觀塘這間花膠雞米線專門店吃米線。這裡主打好幾款花膠雞米線。另外還有人蔘雞米線、水煮魚米線、花膠雞煲翅配飯等等。每款都是$70左右，性價比很高。招牌花膠雞米線$68湯底富濃濃的雞肉鮮味，無味精。雞肉滑嫩嫩的 ，一點也不鞋口。花膠有四大片，而且米線量多，相當抵食。一口湯一口米線，相當滿足。麻藥蛋$28令人停不下來的小食😆重麻油味，加上香蔥和芝麻，非常香口。👍🏻自家製檸檬薏米水（跟餐$18）原來檸檬和薏米水這麼配搭，健康好飲又不甜。👍🏻

觀塘東廣場開多左間雞湯米，就係駱駝漆嗰間「雞駅」‼️呢度啲位多啲，小型food court feel，食物味道一啲都唔food court，仲保持到水準「胡椒花甲粉」呢度嘅花甲啖啖肉好鮮甜，完全無沙的❤️呢個個湯底源用鎮店嘅雞湯，其多左一份鮮甜味，仲有微微嘅胡椒，不過個人認為胡椒落多少少會更香‼️「招牌花膠雞米線」花膠好厚肉，足足有兩大舊滿滿雞味的黃油雞，非常嫩滑好食，就算雞胸位都唔會好嚡「椒鹽粟米」椒鹽味完全地滲入粟米嘅深層，非常入味，highly recommend 「悍匪雞翼」味道係胡椒孜然，雞皮夠乾身，一啲都唔油！一咬外脆內juicy，好食過譚仔嘅土匪雞翼好多，我已經好多年冇食過譚仔嘅土匪雞翼了，外皮又濕，又唔juicy……

之前食過駱駝漆嗰間雞駅成日要等lift同喺門口排隊有少少唔方便呢間週末晚上唔使排隊今次試咗沙薑雞濃湯米線 ($52)🐓維持到食物質素同水準飲咗半碗雞湯都唔會口渴😂雞肉質地嫩滑 大概有六嚿‼️唯一缺點 係用紙羹飲湯😢

之前聽講觀塘有間食花膠米線好出名嘅，不過就係駱駝漆大廈，而家喺附近開咗間地舖分店，買完嘢食可以出去food court 坐，地方好大好寬敞。胡椒豬肚雞米線我認為最正就係個湯底，胡椒味辣辣地好醒胃，豬肚脆口，雞肉柔嫩，加埋滑嫩的米線，下次再嚟我都要再食。葱油雞飯未食已經聞到葱油和芝麻的香味，雞肉嫩而多汁，飯粒鬆軟，伴隨些許鹹味，整體十分開胃。蜜糖雞翼即叫即整，熱辣辣，外皮脆卜卜，內裡肉質鮮嫩，再加埋甜蜜的蜜糖，認真好吃。麻藥蛋見到紅卜卜嘅蛋黃已經好欣喜，再加埋醬油和香料的味道濃郁，又是一道開胃的小食。桂花烏龍冷泡茶有清新的桂花香氣，正！

昨晚放工後跟同事來到位於觀塘成業街東港場尋找美食，這裏一樓有一間位於角位的“雞駅花膠雞米線專門店”，想必是一間新開的食店，店內的面積雖然不大，但望落座位都感覺舒適整潔。椰子雞米線 $60，加熱檸檬水+$4，共$64熱辣辣的椰子雞米線端出來散發著濃濃的椰子香味，材料有白切雞、雲耳、椰子、蟲草花、芫茜和葱花。從來都不喜歡食雞胸肉的我都無法抗拒，雞肉食落一啲都不覺得鞋口，且有嫩滑的感覺。米線不太琳也不太靭，恰到好處，感覺爽口和彈牙，十分好味。姬松茸竹苼花膠雞米線 $78，加凍檸茶+$8，共$86熱辣辣的花膠雞米線端出來香味撲鼻，材料有姬松茸、竹苼、花膠、白切雞、雲耳、蟲草花、芫茜和葱花，十分豐富，認真扺食。雞肉食落感覺鮮嫩滑溜，且有雞味。姬松茸、竹苼和花膠咬落爽口，米線感覺爽口彈牙，濃湯吸收了所有材料的精華，鮮甜可口，滋味無窮。金磚豆腐 $42豆腐外層感覺脆口，內裏十分嫩滑，真的是外脆內軟，層次分明，食落還感覺到有微微的七味粉味道，滿足了我的味蕾。