雞駅花膠雞米線專門店

营业中

休息中

觀塘收工近近地去鄰近MTR 既東廣場搵食，一樓嗰層類似food court咁樣中間好多位自己揀嚟坐。見到間舖頭幾多人等就試吓佢。叫咗一碗推薦花膠雞米線，同胡椒豬肚雞米線。一嚟梗係試吓個湯先啦，一飲個鮮味突出到，即刻飲多幾啖，係完全可以飲晒嘅Level，雞就正常料，嫩滑嘅，但連埋皮同脂肪一齊食個口感就麻麻哋，花膠同米線冇咩特別。仲有碗就都類似，同款湯底加咗胡椒咁，唔會好辣，都好飲既，前題唔好預佢好似出邊啲胡椒豬肚湯咁重味。其他配料就同上，冇咩特別。但最後為咗個湯都值得嚟試一試。

最近同同事收工去東廣場雞駅花膠雞米線專門店到食晚餐。呢間餐廳之前佢食過話好好食一定要介紹比我。佢個湯底真係無得輸！熬製出嚟嘅雞湯香濃甘甜，飲落覺得好滋潤，每啖都好似飲緊雞精一樣滋補又暖胃但又唔會好油膩。我地點左姬松茸竹笙花膠雞米線，呢個真係女士必食推介。仲有胡椒豬肚雞米線。雞肉嫩滑入味，肉質結實但容易咬開，唔會乾柴。姬松茸同竹笙令到湯多咗層次嘅口感，兼且帶點菌菇清香。花膠吸收咗湯嘅精華，軟糯之中帶嚼勁，大大塊QQ好味道。胡椒豬肚爽脆彈牙，唔係周圍都有得食，再配上細滑，軟硬適中嘅米線，口感層次超豐富，食完真係齒頰留香。仲點左麻藥蛋，入味又係半糖心，心機之作，加埋少少芝麻同芫荽，食落口感味道更香。唔怪得連閒日夜晚都咁多人食，真係好味。

這次放假去官塘探望媽咪，聽到她想吃米線，我立刻在網上搜尋附近的選擇。發現東廣場有間雞駅花膠雞米線專門店，聽起來挺有趣，於是決定試一試。這間店的座位設計十分特別，除了店內位置外，還有商場中間的開放式座位，繁忙時段也不容易找不到位。我們點了姫松茸竹笙花膠雞米線和水煮魚米線。姫松茸竹笙花膠雞米線的湯頭不僅有雞味，還帶著淡淡的酒香，雞肉份量十足，讓人十分滿足。而水煮魚米線的魚肉滑嫩，雖然是微辣，但對於不喜歡辛辣的朋友來說，這也是個不錯的選擇。吃完熱辣辣的米線，我們不忘喝兩杯消暑的冷泡茶，桂花烏龍和白桃烏龍各具風味，清新怡人，讓整個用餐體驗更加完美。這次的米線之旅真是令人難忘，期待下次再來品嚐更多美味！

人氣米線，平價有質素清湯花膠雞米線🍜 招牌花膠雞米線雞湯底米線係店內既招牌，雞湯底鮮甜不膩，完全沒有油膩感，喝起來很舒服清澈。花膠份量十足，軟糯入口淋滑。雞肉煮得剛剛好，好嫩滑，咬下去感受到濃濃既雞味，啖啖肉，口感很實在。米線爽滑，吸收了湯底的鮮味。🍄 姫松茸竹笙花膠雞米線呢款米線比招牌款多左姫松茸和竹笙，湯底帶有淡淡的菇香和蟲草花提味，竹笙的爽脆令湯底層次更豐富，花膠和雞肉保持滑溜質地。🧊 金磚豆腐金磚豆腐外層炸得金黃酥脆，內裡保持軟嫩，入口有淡淡的豆香。即叫即炸熱辣辣，撒上鹽恰到好處。🍹 柚子蜜、白桃烏龍冷泡茶飲品方面試了柚子蜜和白桃烏龍冷泡茶。柚子蜜清新酸甜，冷泡烏龍順口清香有白桃果味，好適合搭配濃味既雞湯米線。用料誠意足新鮮，搭配用心製作，用餐體驗令人滿意。

招輝招牌花膠雞米線 · 抵食養顏之選（$68）一上枱就聞到陣陣雞湯香，湯底金黃清澈，飲落鮮甜唔油膩，喉嚨完全冇負擔，正！ 雞肉絕對唔係求其白烚嘅「鞋烚烚」貨色，肉質嫩滑得嚟仲好入味，每啖都食到雞嘅鮮味。至於花膠更加係驚喜，厚身又彈牙，咬落去滿口膠質，滋陰養顏，女士們一定鍾意！ 米線吸晒湯汁精華，滑溜唔糊口，成碗食完個胃暖笠笠，皮膚即刻覺得潤咗咁，$68呢個價錢真心抵食！ 必試原因：真材實料花膠湯底，膠質爆燈 雞肉嫩滑入味，絕非普通白切雞 鮮甜唔口渴，飲完唔會覺得好濟 養顏滋補，食完覺得自己精神左

今天來到觀塘東廣場的雞駅，試了幾道招牌菜，整體體驗相當不錯。首先推薦的是姫松茸竹笙花膠雞上海麵，湯底每日鮮製，濃郁卻不膩口，姫松茸的香氣與竹笙的爽脆完美結合，花膠給得大方，口感滑嫩，雞肉也煮得剛好，不會過老。上海麵吸飽湯汁，每一口都充滿層次感，絕對是必點之選。桂花烏龍冷泡茶是意外的驚喜，茶香清新，桂花的甜味點到即止，不會搶了烏龍的風頭，冰涼解膩，搭配重口味的餐點非常合適。蟹肉忌廉薯餅外脆內軟，咬開後濃濃的蟹肉香湧出，忌廉的滑順讓整體口感更豐富，雖然是炸物但完全不油膩，讓人忍不住一口接一口。最後是麻藥蛋，名字取得很有趣，蛋黃呈現完美的半熟狀態，滷得入味卻不死鹹，蛋白嫩滑，確實有點「麻藥」般讓人上癮的效果。雞駅的環境乾淨舒適，服務態度親切，價格也算合理，是觀塘區值得一試的小店。如果你喜歡濃郁湯頭和創意小食，這裡會是個不錯的選擇。

雞全部都係雞，今次都係雞~~~~~~ 養生雞料理☺️平民價錢，滋補又美味招牌花膠雞米線 $68雞肉本身已經好夠味，好嫩滑，唔似一般白烚雞冇靈魂，雞湯底好鮮味仲有花膠，勁多膠原，入口滑溜又有口感，對皮膚同關節都係一大福音☺️雞湯底鮮甜清澈，飲落去無負擔👍🏻葱油雞飯 $48唔想食米線，都有飯可以選擇，仲可以加$10轉雞髀，雞髀皮脆肉嫩，補而不膩；葱油夠香👍🏻麻藥蛋 $28半熟蛋配麻油香，非常入味，蛋黃流心令人心情都軟化，好多莞茜，有蛋白質又唔太重口味明太子醬薯條 $32雖然唔屬滋補主菜，但間中小確幸都好重要🤣薯條即叫即炸，明太子醬鹹香濃郁，正

今日我放工經過觀塘東廣場，行咗個圈比一間叫「雞駅」嘅花膠雞米線吸引咗我入去，天口熱想食啲湯粉麵，姬松䇯花膠雞，幾正咁喎，店內和店外大堂也有坐位可坐，睇睇餐牌好快就鎖定目標了。呢度好多特式湯麵、米、湯飯，有特式，我點咗「姬松茸竹笙花膠雞米線」，聽落已經好有食材嘅高級感，叫埋個金磚豆腐、手拍青瓜，清涼嘅柚子蜜。正所謂健康飲食個金字塔即刻呈現咗出嚟！呢碗米線好快就送到嚟，色澤鮮明，湯底香濃材料充足，好香嘅雞肉同花膠嘅味道已經聞到。二話不說整啖米線先，好一段日子冇食過咁爽滑嘅米線，唔會比湯浸淋，花膠雞湯依然好有雞湯味，雞肶肉嫩滑，雞皮仲要係軟滑彈彈吓主角花膠同姬松茸嘅加入，令湯底更加有層次感，感覺食咗好多營養落肚咁，仲帶啲啲菌香味，好味健康。竹笙軟熟索哂湯又係好食，爽脆雲耳添少少顏色從來都穩陣角色，整體黎講咁豐富嘅配料同埋配搭，真係心思制作！除咗主角米線，仲有金磗豆腐，炸豆腐外面鬆脆裏面細膩滑溜，入口淡淡豆香（小心熱辣辣），配搭啲清新嘅手拍豆醬青瓜，味道清新又唔會鹹。同步點咗杯凍柚子蜜，清涼中帶清甜，好味道，飲完解喝又滿足。整體嚟講，呢間觀塘東廣場「雞駅」嘅花膠雞米線真係值得一試，湯底濃郁又唔

之前去過【雞駅】食佢個花膠雞米線覺得唔錯，所以今次上堂之前就去左食個lunch。當然就必點招牌花膠雞米線啦，另外仲叫左金磚豆腐 同悍匪雞翼。招牌花膠雞米線：湯底濃郁鮮甜唔會太油，花膠厚身軟糯，滿滿骨膠原！雞肉嫩滑，米線吸飽湯汁，仲有蟲草花提味，滋補又暖胃～ 養生之選！金磚豆腐：外皮炸到金黃酥脆，一咬開豆腐嫩滑如布甸！本身外皮已經好夠味、外脆內軟。悍匪雞翼：雞翼炸到超脆皮，醃料帶微辣同孜然味重，咬落肉汁爆出，邪惡到停唔到口。

之前食開駱駝漆嗰間分店，第一次嚟呢間分店藥膳黃酒花膠雞米線 $68黃白色湯底，感覺好濃郁，飲落有少少藥膳黃酒味，鮮甜滋補，雞件頗多，肉質都幾滑，花膠好淋，而米線係比較幼身的，好滑而且口感唔錯，連湯都飲得嘅米線，飲完都冇口渴😋麻藥蛋雞拌麵 $68拌入辣醬，好惹味，個人覺得唔算太辣，拌麵口感算彈牙，配上雞肉同溏心蛋，好快就成碗食曬。相對湯米線，呢個重口味啲～悍匪雞翼 $42外脆內裏肉質嫩滑，醃得好入味，再配上胡椒孜然粉，好香口同埋唔算油跟餐+$12就有杯凍柚子梳打，原來都幾好飲，好解渴

一向鍾情於花膠雞米線，除咗雞夠唔夠滑，對個湯都好有要求👍🏼終於試到呢間人氣小店！果然性價比超高～🐔 姬松茸竹笙花膠雞米線($78) 湯底超濃郁，而且唔油！滿滿膠質嘅花膠＋嫩滑雞件，姬松茸同竹笙提鮮，飲完唔會口渴～米線吸盡精華，養顏之選💖 🌶️ 麻藥雞拌麵($68) 嗜辣必點！辣醬汁好惹味，辣得黎要追果種，雞肉份量足，拌麵彈牙有咬口～麻而不燥，食到停唔到口🔥 🍞 金磚豆腐 （$42）外脆內嫩！豆腐超滑溜，炸粉薄脆唔油膩 環境乾淨光猛，服務態度好好，姐姐知我拎住一大袋野依然俾個位我放袋🥹🥹超值得讚，下次一定會再encore

姬松茸竹笙花膠雞米線 ($78) 湯底真材實料 ►睇到碗邊啲膠質未？花膠厚身，雞肉竟然用髀位夠嫩滑雞！竹笙吸飽湯汁超鮮甜，真材實料無味精，養生之選～ 麻藥雞拌麵 ($68) ►麻香後勁強，流心蛋黃邪惡度爆燈，食完成頭汗但超爽，雞肉又夠曬嫩滑～金磚豆腐 ($42) 外脆內嫩必點 ► 即叫即炸熱辣辣！脆皮薄到透光，咬落豆腐爆出！小食首選，記得趁熱食～呢間隱藏喺東廣場二樓嘅小店出奇地乾淨光猛✨ 原木色枱凳配暖黃燈光，開放式廚房見到師傅即叫即整！出菜速度超快，唔會因為人多就態度差

過開嚟觀塘附近做嘢，本身諗住去人氣駱駝漆米線舖，但係超長龍，所以過咗嚟呢間度諗住簡單食。$5，60碗米線勁抵食，雖然啲雞唔算好滑，但係都好大份。最緊要係舖頭啲侍應超好人，明明係晏晝繁忙時間坐滿晒人，佢都會盡量搵位俾張凳你放個袋，跟住見啲食客有啲熱，仲拎埋個坐枱風扇仔出嚟，勁細心。離開附近做嘢或者喺附近做嘢，絕對推薦！

米線控集合！食開譚仔既我今次去了一間滋補養生米線舖頭😍⚜️【姫松茸竹笙花膠雞米線】 $78湯底膠質滿滿！飲落有淡淡姫松茸香氣～順口又滋補🥰花膠厚身！竹笙脆爽！增加了口感層次👅特別要讚雞肉非常嫩滑🥳食得好滿足！👉🏻換購$18飲品🍸【 凍檸檬薏米水】薏米口感綿密😇飲落帶有檸檬清香🍋甜度適中！係祛濕養生首選啊👍🏻⚜️【日本芝士年糕】 $38年糕芝士味濃郁！搭配上煉奶 友人食得好開心🙂‍↕️⚜️【蒜蓉牛油醬薯條】 $32薯條炸到熱辣辣 脆卜卜🔥食到最尾都係脆的🤩邪惡又惹味！忍唔住不停咁食😝醬汁蒜香味濃郁！👉🏻飲品原價$18🍸 【 凍柚子蜜】韓國柚子醬調製而成～滋潤喉嚨又解膩😙📍雞駅花膠雞米線專門店觀塘成業街7號東廣場1樓116號舖#養生米線 #花膠雞湯 #平民美食 #香港美食 #香港必食 #觀塘美食 #觀塘 #遊客推薦 #香港打卡 #香港美食指南 #香港美食日記 #hongkong #hkfood #hkfoodie #hkfoodblogger #hkfoodlover #foodiehk #852food

原來除咗駱駝漆，東廣場都有雞駅分店！位於東廣場foodcourt，位置一流，行到觀塘shopping或返工路經都超方便！環境簡單快捷，服務快手到不得了，點單即煮即食，忙碌一族嘅救星！仲有熱辣辣嘅米線，食落即刻補充能量！
ᴡʜᴀᴛ ᴡᴇ ᴏʀᴅᴇʀᴇᴅ🍴 胡椒豬肚雞米線湯底濃郁嘅胡椒香氣暖胃又開胃，豬肚軟腍易咬無腥味，雞肉鮮嫩多汁同米線滑溜彈牙一齊入口，啖啖都充滿層次感，食完全身暖晒！🍴 花甲粉粉絲細滑掛湯，花甲鮮甜彈牙嘅口感一流，湯底清甜帶海鮮味同花甲嘅鮮味融合，輕盈又滿足，食落好似食緊海鮮大餐！

🍴 蜜糖雞翼雞翼皮脆肉嫩，蜜糖醬甜中帶香烤到焦香撲鼻，咬落去肉汁同蜜糖嘅濃郁味爆發，外脆內軟超級送飯！
🍴 凍檸檬薏米水凍檸檬嘅酸爽同薏米嘅清香完美搭，冰涼舒爽解渴，底部嘅薏米有嚼勁同檸檬片增添清新感，飲落健康又養生！

🍴 凍柚子梳打冰涼嘅柚子味酸甜清新，飲落好似夏日清風咁舒爽，解膩又提神，仲有微微嘅果香回甘！