雞駅花膠雞米線專門店

营业中

休息中

觀塘東廣場喺馬會隔離行前少少一上電梯就見到個小型美食廣場原來呢度開咗一堆米線舖最吸引我嘅依然係雞駅嘅雞湯米線中間位置係先到先得任坐嘅～相信晏晝時段呢度都應該係爆晒場今次揀咗藥膳黃酒花膠雞米線雞依然係嫩滑唔過熟又夠juicy米線依然係做到有口感唔軟身夠實在個湯加咗少少黃酒反而有層次過招牌雞湯加上個藥膳唔會太濃，唔會有過多藥材味朋友想食辣就嗌咗水煮魚米線揀小辣就唔太辣，個味道都算係溫和嘅望就好紅好多油但撈埋佢又唔覺太麻啲魚都滑溜唔腥幾好食嘅～另外叫多咗悍匪雞翼同金磚豆腐啱啱炸起夠晒熱～唯一美中不足嘅係嘢食個份量有啲少，兩個人食到連湯到飲埋嘢飲每次必嗌凍檸檬薏米水！！我自己就幾鍾意呢度嘅嘢飲唔多冰就算擺耐咗都唔會溝啖晒嘛～

甚少到東廣場樓上層覓食，竟然讓我吃到一間平靚正的花膠雞米線！🍄姬松茸竹笙花膠雞米線 $78姬松茸與竹笙增添菌香與層次，湯底清醇中帶鮮。花膠雖非碩大厚實，但口感爽滑，膠質豐潤！雞件中脂少肉嫩，入味鮮美。米線份量適中，佐以清雞湯底，滋味無比😋💛藥膳黃酒花膠雞米粉 $68同樣養生的藥膳黃酒湯底泛著淡淡藥膳香氣，帶有紅棗、杞子、蟲草花等，風味較姬松茸湯底更濃郁，湯底香濃到我竟然把湯完全喝清光！花膠和雞件同樣保持水準：前者夠膠質，後者阿嫩滑；另外建議轉米粉，比米線更掛湯更入味，絕對值得一試😍

跟同事近近地食飯，大家都想食下湯類嘅食物，到左觀塘東廣場1樓搵食，見呢間雞駅花膠雞米線專門店幾吸引，就進入搵食囉。招牌花膠雞米線🍜，首先飲左啖金黃透亮嘅頭啖湯先，味道鮮湯熱度夠，花膠膠質豐盈煮得夠淋，加$10轉髀位啖啖肉好抵食，米線滑滑的又唔油。貴妃雞濃湯擔擔麵，都轉了嫩滑可口的髀位，擔擔麵帶些辣令人食得更開胃。小食的麻藥蛋，流心蛋有蛋香味，推薦嘅小食！飲品的凍檸茶同埋凍柚子梳打，即時清爽晒☺️

✨ 超人氣～觀塘一共有三間分店‼️✨ 超足料！平民價養顏滋補花膠雞🐔————————————————————🌟 招牌花膠雞米線---招牌必點！花膠雞份量好足🤩雞肉好嫩，仲有雞脾啖啖肉~湯底可以叫麻辣湯小辣，雞湯更惹味😋————————————————————🌟 蜜糖雞翼芝士竹輪米線---蜜糖雞翼炸得好香脆！超好食👍🏻沾滿蜜糖真係特別正特別香~配埋芝士竹輪米線，夠豐富夠滿足🥰————————————————————🌟 黑松露醬薯條---小食我好推薦點呢款！好脆口😗份量好多，點埋黑松露醬食好香口😁————————————————————🌟 麻藥蛋---呢個係另一款我推薦嘅小食！麻油味好香濃，係好開胃嘅溏心蛋🤤————————————————————🌟 凍檸茶🌟 凍柚子梳打---跟餐配埋兩杯飲品，真係好抵食！

姫松茸竹笙花膠雞米線 $78姬松茸咬落爽脆帶嚼勁，散發淡淡木質香氣；竹笙吸滿湯汁，滑溜鮮甜！主角花膠足三大塊，厚身軟糯又彈牙，膠質豐盈卻不膩喉。雞湯以老火慢熬，金黃透亮，醇厚中帶甘香，米線吸盡精華，順滑滿足～貴妃雞濃湯米線 $52湯頭呈奶金色，雞味鮮明濃郁，入口綿滑帶膠質，喝完喉頭回甘。貴妃雞件經慢煮處理，皮爽肉嫩，連雞胸都保持濕潤不柴！米線掛湯力佳，嗦入口盡是雞湯精華，簡單卻見功夫。 日本芝士年糕 $38金黃脆皮包裹軟糯年糕，一咬開芝士半溶流心，拉絲效果誘人。鹹香芝士與微甜年糕平衡得宜，外脆內軟既雙重口感，趁熱食更滋味。 明太子醬薯條 $32薯條炸得金黃酥脆，點上明太子醬，微辣鹹鮮，惹味又過癮

➲ 觀塘 雞駅花膠雞米線專門店➳ 胡椒豬肚雞米線ᴘᴇᴘᴘᴇʀ ᴘɪɢ sᴛᴏᴍᴀᴄʜ ᴀɴᴅ ᴄʜɪᴄᴋᴇɴ ɴᴏᴏᴅʟᴇ 湯底以豬肚＋雞骨熬製，湯頭浮現金黃雞油，入口辛辣暖流，豬肚膠質甘甜，尾韻藥膳回甘！豬肚厚切爽脆不韌，嚴選去骨雞髀肉，嫩滑度完勝胸位。➳ 手拍青瓜ᴄʜɪʟʟᴇᴅ ᴄᴜᴄᴜᴍʙᴇʀ ᴛᴏssᴇᴅ ᴡɪᴛʜ ᴍɪɴᴄᴇᴅ ɢᴀʀʟɪᴄ 青瓜徹底去皮拍裂，冰鎮後孔隙吸盡蒜泥、豆瓣醬、麻油調汁。鹹香醒胃不嗆喉，麻油畫龍點睛。➳ 金磚豆腐ᴅᴇᴇᴘ-ғʀɪᴇᴅ ʙᴇᴀɴᴄᴜʀᴅ ᴡɪᴛʜ sᴀʟᴛ & ᴘᴇᴘᴘᴇʀ脆嫩二重奏，即叫即炸需時。現製豆腐裹超薄炸衣，二次油炸鎖住豆香。外殼酥脆，內裡嫩如豆花，撒上椒鹽粉，上菜時熱氣蒸騰，實測放涼10分鐘仍然酥脆。➳ 胡椒孜然悍匪雞翼ᴅᴇᴇᴘ-ғʀɪᴇᴅ ᴄʜɪᴄᴋᴇɴ ᴡɪɴɢ ᴡɪᴛʜ ᴘᴇᴘᴘᴇʀ & ᴄᴜᴍɪɴ ᴘᴏᴡᴅᴇʀ雞翼先滷後炸，鎖汁率達90% ，外皮澆蜜糖撒新疆孜然粒＋黑白胡椒碎。撕開脆皮肉汁洶湧，孜然香氣直衝鼻腔。➳ 凍檸檬薏米水ɪᴄᴇᴅ ʟᴇᴍᴏɴ ʙᴀʀʟᴇʏ ᴡᴀᴛᴇʀ祛濕神器，薏米熬至開花，杯底沉澱綿密薏仁沙，

🍴位於觀塘既雞駅係一間港式餐廳🍶。餐廳既裝修好簡約。食物方面，今次我地試左幾款餐廳既招牌菜：花膠雞煲翅配飯（$98），蔥油雞飯（$48），椒鹽粟米（$38），蟹肉忌廉薯餅（$38），麻藥蛋（$28），凍柚子梳打（$12跟餐），整體質素普遍都好出色，而我地最中意既食物係佢地既花膠雞煲翅，真材實料（大大舊花膠同一疏疏魚翅配搭住濃郁嘅雞湯，係一啖接一啖完全停唔到口。返觀塘嘅你一定要嚟試吓呀😋💰$100 for one (lunch)📍HKG雞駅花膠雞米線專門店 (觀塘)觀塘成業街7號東廣場1樓116號舖

每逢去到星期六，就唔想再入廚房煮嘢食，今日一於就出街食。呢間專門食花膠雞嘅米線好受歡迎，仲要開埋分店。椰子雞米線湯底好清甜，散發出陣陣椰子香味，雞肉嫩滑，同椰子個味好夾！而米線彈牙有口感，整體不錯。胡椒豬肚雞米線不嬲都好鍾意胡椒豬肚嗰個辣辣地嘅胡椒味，所以今次就揀咗呢個胡椒豬肚雞米線。豬肚軟腍易咬，而且唔係亂咁斬頭斬尾嘅雞肉，仲有雞翼食，真係好開心。金磚豆腐豆腐金黃酥脆，外脆內嫩，帶點微辣，味道豐富。

東廣場開咗好多好好味嘅餐廳，一定要試吓食呢間雞米線✨姫松茸竹笙花膠雞米線女士恩物🫶🏻以雞湯為底，加入姫松茸、竹笙同花膠，湯底鮮美，營養豐富🥰🥰雞嘅份量多 好嫩口，花膠嘅膠質加姫松茸嘅香氣令整碗米線更加美味可口！米線吸收咗湯汁，口感滑順，特別適合鍾意滋補嘅朋友！🍗麻藥蛋雞拌麵（米粉）麻藥蛋經過醃製，流心口感一流 味道獨特，仲配埋辣椒醬味道更佳🥚 雞拌麵揀咗米粉，醬汁鹹鹹甜甜好入味～搭配嫩滑嘅雞肉 口感非常好！🍜🍗日本芝士年糕熱辣辣有驚喜🥰 內餡係年糕及芝士，口感柔軟，外皮脆口，芝士嘅香濃味道加年糕嘅甜味好好味😋 好適合作小食🧀

今晚夜媽媽又去搵好野食😋😋最愛同老best一齊周圍搜羅至美味的雞飯雞米線🥰今次搵到黎觀塘呢間位於東廣場內ge「雞駅」🐤有大大個共享食堂可以慢慢食～而佢地餐牌中亦有唔少養生湯底揀，岩哂我地呢d夠鐘養生的年青人補補佢☺️仲有！佢地d米線好彈牙，唔會稔哂，好難得😌小食都有好多款式，估唔到會有我至愛的金磚豆腐🩷真係冇得輸！留意返佢地last order係20:45左右，記得早少少去哦😘椰子雞米線胡椒豬肚雞米線悍匪雞翼胡椒孜然金磚豆腐

早前與朋友造訪雞駅用膳，被它的米線驚艷不已。這次特地帶媽媽前來品嚐，之前看到餐牌時便對麻藥蛋念念不忘，終於有機會品嘗米線搭配麻藥蛋。與一般連鎖店的米線不同，雞駅的米線口感更爽滑有嚼勁，藥膳的風味深深滲透其中，湯頭濃郁香醇，令人回味。媽媽點的姬䇯竹笙花膠雞，我忍不住偷偷嚐了一口，最喜歡它軟滑入味的花膠與竹笙，竹笙一向難以煮得入味，但這裡的火候掌握得恰到好處。最驚艷的還是麻藥蛋，必須先吃蛋再品嘗米線，才能突顯麻藥蛋的層次與香氣。此外，冷泡茶與薏米水亦是完美搭配，薏米配檸檬的清新酸香恰到好處，為整頓美食畫上完美句點。

香港有幾間出名嘅花膠雞米線，今次試嘅呢間湯底就比較清甜潤喉🍃最推薦主推嘅招牌花膠米線🍜入面有幾舊大雞同埋唔少花膠，以$68一碗嘅價錢嚟講算抵食又健康，cp值比貴$30嘅花膠翅配飯更高👍🏻除咗麵食之餘店舖仲有其他小食類可以嗌，有金磚豆腐、薯條、雞翼等等，忌廉蟹肉薯餅味道都唔錯🦀外皮炸得金黃香脆，入面個餡creamy得黎唔膩，$38有3舊價錢都算ok🙌🏻啱晒糧尾嘅大家🏃🏻‍♂️‍➡️🏃🏻‍♂️‍➡️-𝙎𝙚𝙩 𝙈𝙚𝙣𝙪▫️ 蟹肉忌廉薯餅 $38 ⭑⭑⭑⭑⭒▫️ 招牌花膠雞米線 $68 ⭑⭑⭑⭑⭒▫️ 花膠雞煲翅配飯 $98 ⭑⭑⭑⭒⭒

招牌花膠雞米線藥膳黃酒花膠雞米線其實呢兩款米線最主要嘅分別係有冇黃酒味如果鍾意酒味嘅絕對會愛上藥膳黃酒嗰款米線旦牙好耐冇食過旦牙米線連鎖大型個啲都已經食唔到了麵質同湯底係令我會再幫襯嘅原因而且雞嘅份量好多連雞皮湯底就更香仲要有埋花膠$68其實只係多大型連鎖個啲少少錢但啲料好好多以後係觀塘想食米線都會揀呢間金磚豆腐好香口而且好多粒！好少地方食到新鮮炸起的野飲加錢先有如果叫左米線就平啲$4都有杯其實food court 坐得好舒服又唔怕限時

觀塘東廣場2樓變咗food court一直都冇時間去，今日終於朝聖一下，特登唔食大集團😙🌟椰子雞米線 $60奶白湯色聞到椰子香，飲第一啖，鹹甜啱啱好，香而不膩，米線煮得軟硬適中，雞件都幾多，咁啱比咗雞胸肉我，要讚吓啲雞件處理得好好，雞胸都好滑嫩😋啖啖肉，其他配料就冇乜，有幾粒蔥同椰子，簡簡單單🫶🏽-整體已經算唔錯，望落生意都幾好，而且店員都好有禮貌，但私心鐘意二撇雞多啲😝鍾意食椰子雞米線嘅朋友可以試埋農米莊👍🏻

今日收工想喺觀塘搵啲簡單又好食嘅，行到東廣場 Food Court，竟然見到開咗間雞駅，唔洗上駱駝漆，好方便，就叫佢嚟食。 😋佢哋個湯底飲落去 feel 到有花膠嘅膠質，雞味都幾濃郁。 👍 我加咗 10 蚊轉雞脾，雞肉夠滑！ 🤤 米線吸收晒啲湯嘅精華，味道都唔錯。 👌 如果我鍾意食辣，可以自己加辣椒油。 🌶️除咗米線，佢哋嘅蜜糖雞翼都幾吸引。 焗到金黃色，外皮香脆，入面嘅雞肉 juicy。 🤤 蜜糖味香甜，但係又唔會太膩。 😋 用嚟配花膠雞米線幾夾。 👌佢哋嘅麻藥蛋都好正！ 😍 隻蛋好入味，咬開中間係半熟嘅，蛋黃 creamy 到不得了！ 🤤 真心推介大家加！ 👍📍 觀塘成業街7號東廣場 (Food Court)@chillchill_aloye #觀塘美食 #東廣場 #雞駅 #花膠雞米線 #麻藥蛋 #foodiehk #hkfood