雞駅花膠雞米線專門店

营业中

休息中

最近去咗觀塘一間叫「雞駅花膠雞米線專門店」嘅小店，真係有驚喜！間舖頭喺東廣場1樓，雖然位置唔算好顯眼，但絕對值得搵上去試吓。酸菜魚米線(小辣) $68首先試咗佢哋嘅酸菜魚米線（小辣），一上枱已經聞到好香嘅酸菜味，湯底酸辣適中，魚片滑嫩冇骨，米線吸晒湯汁，食落好開胃！雖然係小辣，但辣度剛剛好，唔會搶咗酸菜嘅風頭，食完仲想再encore。招牌花膠雞米線 $68另外試咗佢哋嘅招牌花膠雞米線，湯底好濃郁，花膠煮得軟腍，雞肉都好嫩滑，完全唔會柴，米線同湯底好夾，食落好滋補，感覺成個人暖笠笠，好適合冬天食。麻藥蛋 $28小食方面，試咗麻藥蛋，個名已經好吸引！蛋黃流心，蛋白入味，帶少少麻辣，真係食到停唔到口。檸檬薏米水(凍)跟餐加$18飲品叫咗檸檬薏米水（凍），清新解膩，薏米煮得夠腍，檸檬味好突出，飲完感覺好舒服。總括嚟講，呢間小店性價比高，食物質素好，服務都唔錯，絕對會再嚟幫襯！如果你喺觀塘附近，不妨試吓，真係有驚喜㗎！

最近觀塘東廣場一樓新開咗間「雞駅花膠雞米線專門店」，位置比以前更方便，吸引咗好多人去試吓。間舖頭雖然唔大，但勝在乾淨企理，入面有少量座位，如果滿座嘅話，仲可以坐出面嘅公共座位。職員忙到冇停手，睇得出真係好受歡迎👍🏻！★ 招牌花膠雞米線 ★呢碗米線絕對係店內嘅招牌！湯底好濃郁，花膠煮得好淋好入味，雞肉又滑又嫩，米線彈牙，整體配搭好正。花膠嘅膠質令湯頭更加濃稠，飲落去好滋補，特別啱鍾意養生嘅朋友。★ 麻藥蛋雞拌米線 ★ 呢款拌米線好啱鍾意重口味嘅人！辣椒油香得嚟唔會太辣，青瓜同芫茜嘅清新口感平衡咗成個味道。麻藥蛋嘅蛋黃流心，撈埋米線食，口感好豐富，食到停唔到口！★ 雞駅雞翼 ★雞翼炸得金黃脆口，入面嘅肉好嫩又多汁，原味調味啱啱好，簡單得嚟好好食。★ 凍檸檬茶 & 凍檸檬梳打 ★飲品方面，凍檸檬茶茶味好濃，檸檬嘅酸度啱啱好，好解膩。而凍檸檬梳打就更加清爽，氣泡感十足。【雞駅花膠雞米線專門店】📌觀塘成業街7號東廣場1樓116號舖

雞駅花膠雞米線專門店 (觀塘).觀塘除左工廈多野食，其實東廣場都有好多我都係早幾日先發現原來東廣場仲有2樓！.▪️招牌花膠雞米線▪️.再黎到食佢個招牌花膠雞，雞件份量多，花膠件件厚身又大舊！加$5轉上海麵，個湯好好飲！.▪️麻藥蛋▪️.以為係充滿糟鹵味，點知唔算重酒，流心蛋黃好吸引！.▪️椒鹽粟米🌽▪️.炸到熱辣辣，唔太鹹，食到粟米本身嘅甜呢樣又係一個不敗的小食.▪️七味豆腐▪️.豆腐粒好香口，一兜好多粒，外脆內軟.📌 雞駅花膠雞米線專門店 (觀塘)觀塘開源道60號駱駝漆大廈第三座1樓I室.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

雞駅花膠雞米線專門店以米線命名，所以特登飯轉米線，花膠雞煲翅既湯底實在，以濃郁的雞湯為基底，加入花膠和魚翅的精華，湯頭滋味層次豐富，鮮甜之中帶有濃郁的膠質感，天氣又寒左飲啖靚湯舒服晒。米線則煮得恰到好處，軟硬適中，既不會過於軟淋，也不會過韌。雞肉的份量十足，唔知係咪就收鋪俾左隻雞脾，肉質嫩滑新鮮，有雞味。凍檸檬薏米水清新解膩，整體極少甜，對我黎講岩岩好，帶有淡淡的檸檬香氣和薏米的清甜。椒鹽粟米，炸得香脆金黃，椒鹽調味恰到好處，粟米粒甜美多汁，不覺油膩，係最中意叫既小食。雞駅在湯底、米線質感和配菜上比起其他觀塘米線店既水準高，值得再訪。🌲🌲🌲🌲🌲🌲🌲🌲🌲🌲🌲🌲🌲🌲🌲🌲🍽️：雞駅花膠雞米線專門店📍：成業街7號東廣場1樓116號舖🌲🌲🌲🌲🌲🌲🌲🌲🌲🌲🌲🌲🌲🌲🌲🌲#hkfood #hkfoodblogger #hkfoodreview #hkig #hkfoodie #foodpornshare #InstaFood #Yummy#Delicious #Foodstagram  #FoodPhotography #FoodLover #FoodiesOfInstagram #FoodBlog

觀塘東廣場隱藏左一間每日新鮮秘製花膠雞湯米線餐廳，餐廳為左保持食物質素每日售完即止～呢度除左花膠雞仲有多款其他雞配搭，例如椰子雞、胡椒豬肚雞、麻醬雞拌麵、貴妃雞、沙薑雞等等，真係你講得出既雞配搭都有😌除左雞之外仲有酸菜魚、水煮牛肉、花甲粉可以揀，真係有好多款式揀～小食方面淨係雞翼都有5款唔同款式，款款都好吸引，仲有日本芝士年糕、椒鹽粟米、蟹肉忌廉薯餅、燒豚肉配生菜，咁多款小食可以每次黎試一兩款，再試埋唔同口味既米線🍜—————————————————————————————♦️招牌花膠雞米線：初頭見紙兜唔算好大以為份量唔多，點知食落每件雞都大大件，而且件件都以肉為主唔多骨，肉質唔諧新鮮又嫩滑，好易就咬得開🙈花膠都好大件都好幾件，口感又腍又滑，湯底帶有濃郁雞香味，而且冇油膩感，令人一試就愛上😍♦️藥膳黃酒花膠雞米線：未食之前都擔心會唔會好重藥材味，因為之前食過藥膳湯底太重藥材味食到好滯～不過今次藥膳黃酒唔單止唔滯仲帶有酒香味，甘甘甜甜味道令人好開胃🤤米線軟硬度適中而且好掛湯同爽口♦️泰泰雞翼（甜辣）：雞翼好大隻，炸得好香，口感脆口肉質保持嫩滑，下次可以試埋其他口味♦️凍柚子梳打、凍檸茶：柚子梳打

food court內餐廳餐廳主打不同種類雞湯米線都有雞飯 小食有幾款其他米線 招牌花膠雞湯米線雞湯香濃而不膩飲晒全碗湯冬天飲雞湯 全身都暖笠笠 雞肉好香好滑仲要雞脾肉花膠又爽米線又彈牙 可惜份量不算多大食量未必夠飽肚

雞駅花膠雞米線專門店觀塘成業街7號東廣場1樓116號舖味道評分:☄️(必食之選)>☀️>🌤>⛅️>💨東廣場1樓新開左個美食廣場，進駐左好幾間舖頭，有米線、台灣野、泰菜等，今次就試左依個主打花膠米線的小店，米線+餸份量足夠，軟硬適中，食落幾彈牙口感好好~☀️藥膳黃酒花膠米線 $68 + $10轉雞脾我見到藥膳通常都會嗌，養生派😎藥膳味的湯底食落好舒服，加埋花膠非常補🙈本身普通雞都好有雞味，轉雞脾d用更滑🙋🏻‍♀️☀️胡椒豬肚雞米線 $60有冇人都中意飲胡椒豬肚湯！依個就係果隻味，有得食米線之餘仲可以飲湯~☀️金磚豆腐 $42豆腐外層只有一層史上最薄的微脆炸皮，有椒鹽調味，包住嫩滑的豆腐，可以一試☄️麻藥蛋 $28溏心蛋上有少少蔥&芝麻，橙紅的軟心蛋黃好靚，食落好有蛋香，是冷盤，可以叫！

近日發現東廣場一樓開左啲新餐廳，揾野食時見到花膠雞開左分店係到，所以又試下~ 成層好似FOODCOURT咁，出面啲枱都可以用，所以闊落左好多，唔洗等位招牌花膠雞米粉 - 米粉滑潤，吸附了濃郁的雞湯，雞肉鮮嫩，而花膠更是增添了獨特的口感，讓整道菜品味更上一層樓，湯底濃郁。胡椒豬肚雞米粉 - 豬肚的口感脆嫩，與雞肉相輔相成，胡椒湯底微辣，凍天飲成日人暖粒粒，好正~蜜糖雞翼 – 又係必叫既雞翼，佢做到外面好酥脆，內多汁，蜜糖的甜味恰到好處，平衡了雞翼的油膩感。必食!

喺觀塘東廣場一樓原來有個food court，有好多唔同類型嘅食店。今日天氣凍，一於嚟試吓養生雞米線。餐廳嘅米線價錢都唔貴，$60起就有交易。除咗食雞之外，仲有酸菜魚、豚肉、牛肉等等。🔹姬松茸竹笙花膠雞米線🔹有成七至八嚿雞肉，份量好多。雞肉嫩滑，配料亦都好多，花膠有三至四嚿、姬松茸都有唔少。湯底都算濃郁，配上軟滑嘅米線係非常夾，略嫌可以再熱啲。🔹酸菜魚米線🔹魚片嘅份量好多，爽滑得來唔腥，有驚喜。湯底夠酸夠辣，啱晒重口味人士。🔹椒鹽粟米🔹粟米甜，椒鹽味入味，值得一試。

好耐之前成日係社交平台碌到呢間花膠雞湯米線，但我實在唔中意排隊🙈 見佢開左分店今日去開呢頭就去望下，原來佢係food court形式所以唔使點等🤭❤️藥膳黃酒花膠雞飯轉雞髀受屋企係客家人影響，我都幾中意飲黃酒😁黃酒味未算非常濃郁但甘甘甜甜幾好飲，會有種越飲越想飲嘅感覺😋雞髀肉質超滑！❤️花膠雞煲翅配飯翅都幾大條👍花膠夠淋但保持住有啲𡁻口呢個湯底就雞湯味勁重，感覺好補身😂❤️檸檬薏米水幾重薑味，都係好足料好多薏米，唔會太甜，幾有媽媽味道😀

✨知道觀塘雞駅喺東廣場開了分店，立刻上去試試，這裡地方比較闊落，空間感十足，餐單有米線同飯嘅選擇，價錢非常合理。***** ***** ***** ***** ***** 花膠雞煲翅配飯有花膠、魚翅、雞肉，感覺好豐足，我揀配白飯；花膠魚翅口感很不錯，雞肉大大嚿好好咬口，份量都好豐富。雞駅的麻藥蛋是我必叫的，麻藥蛋很像日本流心蛋的口感，軟綿綿的，蛋黃流出來好正。最後飲了凍檸檬薏米水健康又好味。總括來說，位於觀塘性價比很高的食店，這裏很方便，座位很多，比較容易等位，一定會再來訪。

之前lunch 都會通常周圍去觀塘搵食， 成日經過駱駝漆工業大廈一樓間雞駅花膠米線都好多人排隊， 近排知道佢地係東廣埸開多間分店， 可能暫時未係好多人知， 相對易搵位🤣🤣叫咗個花膠雞煲翅轉米線，非常大碗，花膠大大塊， 仲要唔止－塊， 雞既份量都唔少，啖啖肉得黎肉質鮮嫩， 米線算多， 食曬成碗超級飽，咁足料既話， d 個價錢唔費，交足貨， 埋單一百蚊有找.另外， 見到隔離枱叫咗花甲同酸菜魚， 賣相非常吸引，都好想試， 不過已經食唔落，下次再黎試.

$68 就可以食到花膠雞？！真係勁抵呀😻呢間花膠雞米線開業係駱駝漆，最近發現係地鐵站附近既東廣場都有分店。呢間分店應該係主打外賣，除左舖頭入面有少量坐位，亦都有類似food court area 作堂食用。我就試左招牌花膠雞米線同藥膳黃酒花膠雞米線。佢既湯底熬得幾濃郁，藥膳湯底更多左一份酒香，較濃味。首先，要讚一讚佢既米線，煮得爽口彈牙，係我鍾意既麵質。食落去順滑得來又吸收到湯汁，係我幾欣賞既。配料方面，雞肉份量幾多，花膠都有3大塊，$68黎講，真係對得住個價錢。雞肉好嫩滑，雞皮幼嫩；花膠煮得好淋，食到豐富嘅膠質。係凍冰冰既天氣，食完呢碗花膠雞米線，真係暖入心😚除了米線，小食試左金磚豆腐同麻藥蛋。大推金磚豆腐，我同老公都讚不絕口。豆腐新鮮熱辣炸起，上枱熱辣辣，表面混合咗七味粉同芝麻。咬落去外脆內軟，好食到停唔到口。而麻藥蛋都好出色，睇相都見到佢嘅流心！半熟蛋既醬汁甜甜地，加上大量芫荽香蔥，食過返尋味。舖頭的位置非常方便，好近地鐵站。而且價格親民，當日晚市都見到好多人幫襯，應該好受街坊歡迎。總括而言，抵食又好食，會再回訪！👍🏻

好多時我一黎觀塘區醫肚都會選擇來東廣場，因為成個商場已經係我既天花板

今日去左試花膠雞米線我叫左：招牌花膠雞米粉一定要試試他出名嘅花膠雞肉米線，我改咗米粉。湯底鮮美，米粉吸收了湯汁的精華，口感滑順。花膠的彈性和雞肉鮮嫩，滋補又養顏燒豚肉濃湯米粉燒豚肉外脆內嫩，搭配濃郁的湯底，米粉吸收了肉汁香氣，湯頭豐富層次感和燒豚香氣形成完美平衡悍匪雞翼（胡椒孜然）雞翼以胡椒和孜然調味，味道辛辣而香濃，外皮酥脆，肉質鮮嫩。金磚豆腐豆腐外脆內嫩，金黃色外皮令人食指大動。既能襯托豆腐的細膩口感，又不會蓋過其本身的風味，是一道值得嘗試嘅素食選擇。