雞翼山 (T.O.P This is Our Place)

营业中

休息中

唔需要多解釋我到底有幾鐘意食雞翼，總之食唔厭，餐餐食都得。大部份口味我都唔抗拒，有得揀反而我唔會食單骨，唔夠滿足。早幾年試過食雞翼放題，可惜有點伏，直至出現雞翼山，總算止到癮相對黎講位於旺角嘅新店較方便，鋪位大啲，大熱天時食都冇咁辛苦。裝潢跟紅磡店差不多，少女粉紅色為主調，除左幾個企位，仲有一張小型木櫈。雞翼有9款口味：玫瑰、鹹檸七、黑松露蒜香、避風塘、三重芝士、檸香山葵、冬蔭、檸茶、鹹蛋黃，定價48/6件/款；$128/16件/2款。「不要儀態，只想吃雞翼」：除左有提供叉，亦有手套。鼠尾草鹹蛋黃哥 $48/6隻港呢啲友情萬歲檸茶 $48/6隻即點即製，加上當時有唔少客人，等候約十多分鐘，雞翼熱辣辣。當然係不顧儀態，直接用手食鹹蛋黃堪稱邪惡野，沾滿整隻雞翼，落得重手，每啖都會食到蛋黃味，香氣重。雞翼香脆，肉汁保留，唔會過乾；係食過比較足料嘅蛋黃雞翼檸茶較失色，雖然兩片檸檬幾養眼、有心思，食落只係微酸，聯想唔到檸茶。慶幸雞翼本身係做得唔錯，外層焦香 肉質嫩而唔油膩。食完雞翼乖乖按指示，清理紙盒。由於太近公司，作為雞翼控，一定要多試幾款，短時間內會再訪

#雞翼山 🍗 | #旺角 TOP商場《作為雞翼迷，點都要試下...🧐》見網上咁大推依間雞翼專門店，當然要試下😛～ 星期六 4點幾去到，無論係買飛、等餐定食都超多人🤧～ 主要做外賣或者立食。立食遇著多人，食雞翼又考功夫，我仲叫左6隻，其實都食得幾攰🤢... 🔹 濃味三重芝士流🧀 雞翼$38/ 4隻 ｜$48/ 6隻 （所有款式同價）雞翼款式有好多種，即叫即做👍🏻，所以都要等下～ 今次揀左芝士🧀，味道都濃🤤，但佢唔係拉芝果種，感覺上似芝士蓉～ 不過如果用黎送飯都幾正😆！見其他人食果啲味道仲吸引，我懷疑我揀錯左味🤦🏼‍♀️ 食完覺得未去到必食，不過不失吧～ 如果有緣先再試😂，但唔會食6隻了，好滯😂，4隻應該岩岩好～📍地址：旺角彌敦道700號 T.O.P. 地下14號舖 （港鐵旺角站 B3 出口, 步行約1分鐘）

玫瑰文青風、黑松露蒜香、鼠尾草鹹蛋黃、港式避風塘、三重芝士流、火辣冬陰功.....當貓人走到這間雞翼專門店，面對9款新奇口味，選擇困難症立即爆發！這間叫「雞翼山」的小店，獨沽一味只賣雞翼，全部即叫即炸，先在紅磡創業，最近進駐旺角潮人商場地舖。面向熙來攘往的彌敦道的小店，有別於傳統雞翼店的油煙瘴氣，走小清新路線，配搭粉紅色裝潢及牆上的玩味為食格言，還有幾棵蘭花點綴附庸風雅。小店設有外賣服務及小型立食區。一向喜愛新口味的貓人，面對云云選擇，決定點「店長推介」的文青風玫瑰雞翼 （4件裝，HK$38 ; 如6件裝則為HK$48）。等了大約5分鐘，一共4件的文青風玫瑰雞翼熱辣辣出場，混合了甜美的玫瑰糖漿炒香，再灑上桃紅的玫瑰花瓣碎，滿滿浪漫主義，看來嬌嫩欲滴，當然要手機食先！食落雞皮脆卜卜，玫瑰糖漿帶點煙煙韌韌，猶如拔絲口感；而雞翼肉嫩多汁，並微微透出玫瑰花香，感受天然風味。尚有其他口味，下次再來一一品嚐，encore指數高，立食又何妨。（ 現場有膠叉或手套供應，想優雅想豪邁各適其適，亦可外賣自取。）

經過旺角的新shopping mall外面有條小人龍，係好奇心發作的情況下就去左看看，原來是新開了一間小食店（雞翼山）！這間雞翼店買的雞翼有很多款，看這麽多人排，所以我自己都買了一份試試。我叫了一份最近很hit的食材配雞翼，就是鹹蛋雞翼了。鹹蛋黃的金沙鋪滿4隻雞翼，咬先去鹹蛋黃的味道最先溢出，然後才到嫩滑的雞翼。配搭新鮮但卻非常配合。不過我覺得鹹蛋味雞翼的味道是比較濃和重，如果不能接受太濃味道的人就不要選了。餐廳都很貼心，會提供手套能讓客人能夠方便食到美味的雞翼。

香港最人氣雞翼專門店，雞翼山旺角分店開了 可以食到各種特色招牌味道用特大雞翼醃過再炸香每一份都係即時製作，食到最好的品質所以每份都要稍作等侯 連醬汁都係即時爆香掛上雞翼，不是預先製的快餐醬汁極推薦 有玫瑰雞翼同埋鹹檸七雞翼重口味嘅選擇可以是三重芝士同埋鼠尾草鹹蛋黃爆辣滋味 火辣泰式冬陰功口味旺角分店正式開始營業 而家有九款口味選擇 包括了甜,辣,咸,濃文青風玫瑰我係鹹檸七黑松露蒜香港式避風塘蒜香檸香山葵蟹籽特濃三重芝士港式風味檸茶口味 (港呢d友情萬歲檸茶)火辣泰仔仔冬陰 (酸辣口味)鼠尾草鹹蛋黃哥另有四款特式飲品暖心金銀花蜜糖,養生杞子茶 滋潤養生無添加,健康味美文青風玫瑰雞翼即點即炸,雞翼外層脆香,肉嫩招牌文青玫瑰花味,甜香醬汁掛滿雞翼散發玫瑰花香,食起來特別有風味火辣泰仔仔冬陰 (酸辣口味)呢款係最辣,食得辣既朋友可以選這一個口味用上多款香料製作既爆香過的泰式冬陰醬汁（香茅，九層塔等）食起來特別辣,帶酸味,與其他八款雞翼有著完全不同的風格辣到好快出曬汗！好正！港式風味檸茶口味 (港呢d友情萬歲檸茶)完全真正港式味道香港檸檬茶名聞名全球雞翼先用紅茶底醃過，顏色比其他口味更深色茶味已

旺角新開一間小食，專門賣特色雞翼，每次路過都會心思思，終於同朋友忍唔住買左黎試。我地一共叫左12件雞翼加一杯汽水，118蚊。我係鹹檸七，呢款係三款之中最鍾意的，檸檬酸酸地嘅味道開胃，鹹鹹地又好食，兩種味覺交集確實唔錯，有鹹檸七味道。黑松露蒜香武士，呢款都唔差，蒜味香氣十足，表面灑左少少紫菜，食落有紫菜香幾好食，反而黑松露味唔夠濃。火辣泰仔仔冬陰，呢款雞翼好辣，香茅味重，夠惹味，但有一點要注意嘅，真係好鹹好鹹。呢間雞翼味道幾創新，我自己幾支持呢啲創意食店，整體味道不錯，位置係旺角站附近，各位路過時候，開派對的話都可以叫番啲一齊食下開心下。

最近，公司附近T.O.P.商場地下開左呢間「雞翼山」，早在由「雞翼山」裝修開始，我就非常期待，今日終於可以去食啦🙆‍♀️「雞翼山」裝潢走新派路線，格調清新。仲有配手套，方便又貼心「雞翼山」當然以雞翼為主題，款式雖吾算多，但同一般坊間雞翼比較，樣樣都好有特色又創新😍雞翼分為九大類：1. 文青風玫瑰2. 我係咸檸七3. 黑松露蒜香武士4. 港式避風塘蒜香5. 濃味三重芝士流6. 檸香山葵蟹籽7. 火辣泰仔仔冬陰8. 港呢d 友情萬歲檸茶9. 鼠尾草鹹蛋黃哥個個雞翼名都係新潮又特別，作為雞翼控既我，樣樣都好想食呀😍但無奈，胃就得1個，唯有當然先食四款啦🙆‍♀️黑松露蒜香武士齋聽個名都已經覺得型😂 蒜香味重，仲好入味 食落更帶點黑松露香。鼠尾草鹹蛋黃哥鹹蛋黃醬份量多，整個雞翼都包圍著鹹蛋黃醬。值得一提既係，鹹蛋黃醬多，但雞翼卻吾會因此變得好鹹，呢點好難得，可見廚師控制鹹度得宜。炸至香脆既雞翼再配上金黃色既鹹蛋黃醬，色香味俱全呀🥰外皮吾止炸得香脆，內裡亦好嫩滑，更富有汁水，好juicy，雞翼仲大大隻添😚港式避風塘蒜香最惹味既一道雞翼，上面鋪滿粒粒炸蒜同辣椒仔，加上雞翼又酥脆，真係啖啖都係脆。脆。脆💕

位於旺角新TOP 商場G/F 對主nathan road的🐥雞翼山🐥，商店細細，潛力大大。商店就是一眼睇晒，簡單整齊，雖然未設有椅子，食客可站起bar 檯道慢慢食，或拎走返屋企再慢慢食。以雞翼為主題，不同味度都帶點創新，但同時亦未至於太大擔至嚇親，所以睇落每款其實都好吸引。可惜，肚子的空間是有限😔今次就點左：🐥文青風玫瑰🐥黑松露蒜香武士🐥火辣泰仔仔冬陰🐥鼠尾草鹹蛋黃哥文青風玫瑰，其實係蜜糖雞翼。蜜糖的烹調時間剛剛好，蜜糖外脆內軟，同時保持雞翼的肉汁。非常美味！黑松露蒜香武士！個名都夠型，雞翼十分沖充黑松露香味，食落味度比較濃，十分惹味！食完after taste 不會停留在口中。火辣泰仔仔冬陰。能夠完全將隻雞翼添上冬陰公的靈魂，香草、辣同青檸的酸味，甚至冬陰公裡面的蝦也沒有這隻雞翼咁上味。色香味俱全。鼠味草鹹蛋黃哥。大大方方的鹹蛋黃份量。雞翼比較濃味，冰凍的peach tea 用來解渴，還有多份量的桃肉😍金銀花蜜糖特飲，據店主所講係自己調製的，清甜，清潤👍🏻總括來講，雞翼做工精美，烹調時間控制得非常好，每隻雞翼都外脆內軟，裡面十分juicy, 同埋價錢合理！👍🏻下次要試埋其他味！😍

同姊妹們去旺角行街~ 經過T.O.P 發現呢間雞翼山新開左分店 之前已經好想去紅磡試 但紅磡唔係咁就腳所以見到旺角呢間分店 諗都冇諗就足住姊妹們衝入去食雞翼!!!成間舖頭都好粉色好少女~~雞翼有9款選擇有選擇困難症嘅我地都諗左一陣食乜好最後決定簡單D…叫1-4號試下!!仲可以揀食雞中翼或者雞槌~~佢地仲Sell 堅持即炸 我地吹下水好快就有得食文青風玫瑰我係鹹檸七黑松露蒜香武士港式避風塘蒜香我自己就比較中意食咸味嘅雞翼所以最中意港式避風塘蒜香~反而最中伏係黑松露蒜香因為呢隻雞翼我地只係食到紫菜味由於佢地亦都sell不要儀態咁食雞翼所以會提供手套比我地用手食!!雞翼用手食真係正好多呀~~~整體感覺都唔錯下次會再黎

呢間其實係一間地鋪，店舖設計都頗開揚的，而且還面向馬路，但佢廚房都唔係向住馬路，都可以放心食店一定係睇中香港人中意打卡而有呢個「即食雞翼」既概念，個人認為食店既market雖然窄，但我欣賞佢好有創意，睇準社會趨勢同各吃貨既喜好（覺得普遍人都會中意食雞翼），加上裝修都唔錯，有一個打卡位，寫住「不要儀態，只想吃雞翼」，都幾有gimmick，啱晒中意打卡一族，尤其女士；裝修、餐牌、包裝主要都是粉紅色，真係好少女風啊呢個backdrop我都無特別影，相信其他食評都唔少我同朋友都係第一次咁豪爽咁食雞翼，話就話佢係一間小食店，但我地兩個女仔都可以話直頭當埋做晚餐，都好夠飽有九款選擇，有港式有泰式有西式有「花式」，款式都好有創意同都幾吸引，因為市面上餐廳都好少有咁多特別味！另一方面就係佢有幾個「點餐方案」，都好睇吃貨想食幾多款味道既雞翼記得做個精明消費者半開放式廚房 － 八卦既我好似記者咁偷影咗入面，見到裡面得兩個人默默耕耘，即叫即整，真係收單即整，環境都尚好、整潔由於佢地太多客，太多單，就連外面工作既職員都間唔中入去幫下手，合作做好每一單生意講番食物方面，我同朋友每人嗌咗兩款味道，每款四隻，人均消

雞翼山在旺角開新分店, 行過便去試一試。店鋪小小，裏面裝修也很別緻，主題叫不要儀態，只想食雞翼⋯⋯會提供手套可以真真正正不要儀態，大口大口地吃雞翼。我同男朋友試了四種口味我愛鹹檸七：檸檬甜甜地，鹹檸的回甘味在後，是四種口味中最清淡港呢D友情萬歲檸茶：港式檸茶的苦澀味出左來，越食越似某牌子紙包飲品濃味三重芝士流：芝士汁加了藍芝士，份量調得剛好，使芝士味加重之餘又不會嚐到藍芝士的特有的羶，再灑上巴馬神芝士粉，適合芝士控鼠尾草鹹蛋黃哥：四個之中我最喜愛這個口味，配合鼠尾草，更突出黃金色的鹹蛋黃香濃。雞翼是即制的，皮脆肉嫩，適合即場食，唯小店面積不大，設有小量企位。小店還提供飲品或加錢升級作套餐，我們便叫了mojito, 清新解渴，中和剛剛的芝士及鹹蛋王濃味。

聽左雞翼山呢個名好耐，今日終於食到，因為佢已經係旺角開左la!! 如果唔係行過T.O.P阿坤外圍都唔知開左，因為正正開係T.O.P既外圍，行內街既人真係唔係好知開左不過亦正正開喺馬路邊，人流算好多，今日係星期日下午，好多人等緊餵食，我order左之後大概等左15分鐘。每款雞翼都係$$38/4隻，如果叫得多啲款價錢就會平啲，心大心細之下最後咪叫咗四種口味店長推介 - 文青風玫瑰味我係鹹檸七鹹蛋黃哥港式避風塘蒜香口味最期待呢度嘅文青風玫瑰味，蜜糖做得好杰好漿口，不過食落又完全唔會痴牙！ 甜度岩岩好而且玫瑰味唔會蓋過蜜糖，最中意呢度既雞翼都係即叫即炸再煮醬汁，所以咬落有炸過既雞翼皮，但又保留到肉汁，真係唔係講笑，好好味㗎！我係鹹檸七，第一次食有港式味道嘅雞翼口味，估唔到呢個鹹檸七味出奇地好味❤️ 鹹檸七味唔會過份咸，味道適宜，呢個味好岩我胃口，不知不覺我食左3隻😍鹹蛋黃哥 呢個算係近期比較出名嘅鹹蛋黃食法，雞翼山呢個邪惡鹹蛋黃雞翼個質感同平時嘅黃金蝦有啲唔同，質地相當creamy，而且相當重鹹蛋黃味，呢個算係濃味愛好者既必選之一！雞翼唔會沾上太多炸粉，不過食起上嚟相當脆卜卜！好鍾意呢一個質感，

雞翼山位於旺角top地下, 面向彌敦道, 係屬於小食店舖, 並且獨沽一味, 只賣雞翼。 雖然係屬於小食店，但係餐廳入面亦都有位，有長檯供大家放雞翼立食， 最正就係牆上嗰句「不要儀態，只想吃雞翼」， 講真食雞翼真係要儀態嘅咩？呢度嘅雞翼有好多種口味可以揀，最重要係餐廳選用無激素大雞翼， 食多兩隻都唔會怕雌激素過多。濃味三重芝士流雞翼雞翼芝味十足， 一層厚厚嘅芝士舖咗喺雞翼上高， 好似食緊瑞士芝士火鍋咁， 芝士迷一定要試。黑松露蒜香武士雞翼蒜蓉香味與黑松露香味 互相交織蒜香四溢之餘又不會蓋過黑松露的味道， 炸得香口 ，過癮非常。港式避風塘 蒜香在香港食雞翼當然要點屬港式風格的避風塘口味。這裡的炸蒜炸得乾身，食落卜卜趣之餘份量亦夠多， 愛吃重口味嘅人士一定會非常鍾意 ，雞翼味道濃郁帶點微辣度也中，不會太過熱氣。鼠尾草咸蛋黃哥雞翼同鹹蛋黃一齊炸，金黃酥香，雞皮 酥脆之餘 雞肉 仍然保持鮮嫩 ， 帶鹹蛋黃風味嘅雞翼的確讓人愈食越想食。水蜜桃粒粒甜果茶水蜜桃粒粒甜果茶有濃厚紅茶味， 水蜜桃味不會太做作， 飲落去覺得窩心， 而且水蜜桃粒粒 代替其他以糯米做成的粒粒， 可以減少卡路里吸收呢。

聞名不如見面嘅雞翼山因為朋友仔食過 又成日講好好食作為雞翼迷嘅我又點可以錯過我同朋友仔揀左個$128 16件雞翼嘅套餐可以揀4個味 加多杯野飲我地就揀左呢幾隻喇文青風玫瑰雞翼淨係睇個賣相已經夠吸引炸到金黃色嘅雞翼上面有平均咁沾滿左蜜糖再加埋啲玫瑰花瓣做點綴散發着陣陣嘅玫瑰花香味新鮮炸起 仲感受到一陣煙升起咬落表面有蜜糖嘅清甜以及玫瑰花嘅清香講呢啲友情萬歲檸茶雞翼嘅檸檬茶味好香濃未食已經聞到嗰陣雀巢檸檬茶嘅味道原來係炸之前雞翼先用檸檬茶餣過所以咬落去啲啲肉都會有檸檬茶嘅味道聽落好似好古怪 但食落係出奇地夾濃味三重芝士流雞翼佢個芝士除咗係流到每一隻雞翼都有食落唔只係有拉纅專用嘅mozzarella 因為味道非常香濃原來佢哋仲加咗藍芝士 所以芝士嘅味道特別濃郁黑松露蒜香武士雞翼明明係16隻雞翼嘅套餐呢個味道竟然有五隻雞翼問起原來係因為佢哋嘅雞翼有標準大細如果有大隻 就會比多隻你呢個黑松露味道好濃郁 喺廚房拎出嚟已經聞到相比之下蒜味比較淡唔怕食完會有口氣飲品我就叫咗個Mojito 清新嘅薄荷味可以喺食完雞翼之後 去除咗個油膩感而且味道唔太甜 唔會搶着雞翼嘅味道所有雞翼都炸得非常香脆 睇住係廚房

好耐之前係紅磡開個陣都想食嫁啦，今次終於有時間去旺角既分店到食🤓我地兩個人總共食左四款唔同口味既雞翼總共十六隻加杯水蜜桃茶。有咸蛋黃味，玫瑰味，咸檸七同避風塘四款。咸蛋黃味簡直無得輸，味道遠超其他口味，勁重咸蛋香加上味道唔會太咸非常好食。其次我會覺得係咸檸七，味道夠曬香同重。第三我會俾避風塘味，自己本身唔係好食得辣所以辣味夠曬但好似蓋過曬所有得翻辣味。最後我會俾玫瑰味，玫瑰味真係好似一路食原味雞翼一路聞玫瑰花咁，玫瑰味入唔曬雞翼，有啲失色。最後水蜜桃茶非常差，唔知食左乜水果呢真係食唔出靜係覺得有一粒冧zhizhi既野係口入面，完全唔甜唔香唔凍有啲失望😞但整體呢講對於我地兩位雞翼狂黎講都算接受