雅 ‧悠蔬食

营业中

休息中

一段時間沒有來，放假專特意帶阿媽來吃，一直以來的好印象一次清袋。叫左兩個午餐同甜品，發現前菜少了，甜品還要額外加錢。現在百物騰貴，加價都無可口非。前菜和湯都保持水準。但主菜就差好多。一個主菜係菠蘿蕃茄炒飯，不過不失。但另一個主菜就勁差。金邊粉成碟未熟就上枱，本來不覺，一食之下又硬又凍才發現只係撈左醬油，成碟是生的。退回廚房再炒，出來的味重到，似乎落了雙重調味。甜品的腰果露不夠熱，苹果撻餅底又厚又硬。唯有湯還保持水準，但食物的賣相都差了，前菜少了，貴左，但差多了。

今日路過尖沙嘴，這餐廳一直在我口袋名單。於是到店一試。原本想單點飯麵就算，見到係新餐牌，又見到隔離枱食set lunch a,d幾吸引，心思思想叫set。一人前，，四喜烤夫：豆，黑木耳，菇，烤夫。睇落咸食落唔咸，幾入味。甘筍南瓜椰菜花薑湯：每啖湯都飲到甘筍南瓜味。份量都多。黃金野菌忌廉燴扁意粉配手作團圓玉丸：南瓜汁，香而不漏，瓜，豆，菇和扁意粉份量多，我有吃剩意粉，真的很抱歉。個玉丸，有菜味及我不太喜歡既素肉味。天山雪菊桂圓杞子特飲：整杯都甜甜的，平日我不吃杞子，我都願意吃。整體上很滿意，亦願意放下電話專心進食。

一屋人想出街食，又想食得健康，最尾黎左雅·悠蔬食。因為大家都好肚餓，決定叫幾個dinner set!柚香紅菜頭蘋果伴合桃~好新鮮既體驗!原來蘋果同紅菜頭有咁好既配搭，蘋果因為紅菜頭上左紅色，非常漂亮。藜麥羅馬廿水蕃茄伴芝麻醬~清新蕃茄配上健康食物 藜麥!牛蒡青瓜粉皮~芝麻醬配粉皮實在好食而牛蒡原來由可以配合，創意十足!松茸竹笙黃耳百合燉湯~聽個名都知道勁。飲落滋潤非常!究竟何解唔駛落瘦肉次之下有如此清甜既效果呢～厲害!牛肝菌栗子芋頭啫啫煲~廚師巧妙將呢幾味炒一炒，而呢一煲仔小菜係會附上一碗白飯，你就知道呢味係幾野味。和風鮮蔬一品豆乳鍋配稻庭烏冬~豆乳鍋奶白色的湯底非常的濃郁，配上烏冬，不單夠飽肚，而且超美味。大啡菇焗千層闊麵~呢道菜係全晚我最喜愛之一。焗闊麵9入面有栗子，紫薯，表面焗至脆卜卜金黃色，味道口感令人滿足，加上用料健康，比坊間芝士千層闊麵更勝一籌。最後主菜便是菠菜野菌忌廉燴意粉，伴香烤茄子。意粉醬汁係用打溶菠菜做成，所以呈鮮綠色，配搭忌廉汁超正。最後是甜品~棷香紫薯千層糕入口還是暖暖我，味道不過甜，岩岩口。千層蛋糕則口感一流，抹茶味非常濃。非常豐富的素食餐，有機會一定再來!

朋友生日想環保一點食下素，上openrice 時見到呢間評價唔錯所以揀了。七點半入座時睇menu 先發現有最低消費每人$200，訂位果時完全無提過，然後佢menu 講last order 2200,間野收2230。但佢九點半已經同我地講今日要早少少last order,到2200直頭講今日早少少關門，咁你地玩晒喇，咩都你地講，我們比咗$88切餅費，九點半切完十點就被趕走了，呢個價錢咁既服務態度唔掂！講返食物，味道係唔錯的，我們點了牛油果手卷，個紫菜好香好脆，入面個汁好好味！泰式魚餅有香茅的味道生菜包個生菜好新鮮，個餡有點辣辣地。酸酸地幾開胃薯餅我們起初以為是薯仔為主，點知是新豬肉，有咖哩味，都幾似食緊可樂餅泰式金邊粉 雖然無肉但同平時食既泰國金邊粉無分別，都夠酸夠香酸甜猴頭菇 呢個好食過咕嚕肉，有好香的腰果、菠蘿同馬蹄，猴頭菇口感也很好野食幾好但性價比一般，而且服務唔好又取巧，唔會再幫襯，香港有好多很好的素食餐廳，環境比呢間好，食物也不比這裡差最後值得一提食食下飯突然有蟑螂行過，叫極侍應都無人理，我自己用紙巾打死了，而他們知道後幫我將紙巾掉了但唔覺得唔好意思

難得朋友從外地回港飯聚，朋友飲食向來清淡健康，所以我地最後決定到尖沙咀食素。朋友揾到呢間新派素菜餐廳，餐廳環境舒適，睇菜牌，完全唔似素食，侍應態度友善招呼周到，沒想到素食菜色會如此吸引，最後我地叫了套餐，簡單啲😀我地叫左兩個套餐，非常豐富，有前菜，湯，主食，甜品。 我特別鐘意的前菜是『柚香紅菜頭蘋果拌合桃』非常清新好醒胃，『麻醬牛蒡青瓜粉皮』亦非常可口。兩款手卷都各具特色，好清新，紫菜夠脆。兩款湯到非常好味，特別是白松露椰菜花忌廉湯，好香夠濃我鐘意。我地不約而同叫了兩款泰式主食，很有驚喜，兩款主食都做得非常好，特別冬蔭鮮蔬意大利飯伴吉列蒟蒻，飯面上的素魷魚圈口感好似，飯裡面混入海鮮粒，口感豐富有層次。我地對每度菜色都非常滿意，大大有驚喜，對素食要重新定義。

數晚前，我們到了尖沙咀的雅。悠蔬食團年👬👭，多謝 素食教煮KEN SIR的用心烹調和親切招待🙇‍♂️，和我們大合照後又逐個合照 (註：KEN SIR真係好有親和力👍👍)，大家都吃得盡興，合照得更盡興，懷着滿足的心情💞回家去。⚀精彩「兩」刻先說說當晚的兩個最精彩⭐⭐時刻…….. 首先是「漢堡大陣」🍔的出現，28個漢堡同時登場，從高處拍攝📸，就仿似3隊部隊在列陣前進；從水平角度拍攝📸，則似是「三國鼎立」般，三碟漢堡在相互對峙。這三碟漢堡出現時，頓時令大家都嘩聲四起的😮😮。這個「漢堡大陣」的正式名稱，是「兩口吉列新豬肉漢堡」，不過，千萬別真的「兩口」就把漢堡吃掉喔，一來可能會哽親🤦‍♂️，二來也不能細嚐漢堡的美味🙆‍♀️。漢堡除了「新豬肉」外，還有大大塊的蕃茄、火箭菜，素芝士(註:因我們和KEN SIR商量餐單時，要求這餐是純素的，所以特別用了素芝士🧀)，麵包🍞也是厚厚的，甚有咬感，所以，記得要「多口」而不是「兩口」便吃掉呢。 其次是在甜品時間時，我們又靈機一觸😎，堆砌了一幅「芋圓縈繞拱千層」相片。廿多盅「 雙色芋圓黑糖薑茶」，仿如圍着3碟的千層糕在載歌載舞💃🕺，為我們的歡樂團年飯而慶祝。煙靱的芋

突然心血來潮想食素, 上黎openrice見到呢間評分唔錯, 就決定黎試下。餐廳既設計顏色幾柔和舒服, 但樓底唔算高空間感唔太大, 不過座位都算舒服。我地叫左一個晚市套餐再散叫幾樣菜式。 套餐既前菜, 睇落顏色好靚, 幾開胃大大隻啡菇配芝士, 都幾好食, 但唔算好特別呢個睇落幾得意, 食落都唔錯, 但就有D難處理, 個口又唔夠大一啖放入去, 最後要拆件咁食呢個幾好食! 本身以為手卷個底係白飯, 原來入面係苜蓿芽, 配搭新穎又健康!而且口感幾好, 好爽口。但可能因為紫菜有兩層, 可能原意係想避免入面個層濕左會淋, 但太厚好硬, 用番一層或者仲好D。冬陰公飯好好食, 飯粒好香冬陰公味都好入味, 只感又岩岩好唔會太淋太硬。少少辣幾香口。呢個意粉我都幾鐘意, D汁好creamy好rich, 配搭得幾好。整體黎講質素唔錯, 本身都會擔心食齋會好寡但完全冇呢個問題。唯一係價錢都唔平, 間中食下都ok。

來到尖沙咀午餐，想吃點健康的食物，吃素菜就最適合不過了. 記得雅悠蔬食剛於尖沙咀開業時，都曾經來過用餐，食物很有水準，再加上舒適的環境，令我有很深刻的印象. 粉紫配以白色為主調，店家亦放有置物籃於櫈下，方便客人存放手袋，實在貼心! 午市套餐包括: 前菜、餐湯、主菜及餐飲，也可加$ 轉配特飲及甜品，款式靈活多變. 秘製鹵水拼盤 前菜的鹵水拼盤弄得相當出色，麵筋吸收了香濃的鹵水汁; 蓮藕亦炆得夠稔，同樣入味，作為前菜實在超水準!! 餐湯也有兩款選擇，分別為甘筍薯仔椰菜花薑湯及 木瓜雪耳花生湯. 甘筍薯仔椰菜花薑湯 熱度十足的甘筍薯仔椰菜花薑湯，味道相當creamy，亦帶有淡淡薑的辣味，冬天喝有暖胃作用! 木瓜雪耳花生湯 友人所選的木瓜雪耳花生湯，亦相當足料清甜. 黃金豆腐素瑤柱扒溫室豆苗 配珍珠糙米飯 ($98) 鹹香惹味的黃金豆腐很好下飯，再配以炒得嫩綠的溫室豆苗，是一客營養豐富的午餐! 點心拼盤配 紫菜豆卷豆漿湯麵 ($108) 一客點心拼盤已有4款點心: 香菇素蒸餃、五香滬式春卷、素叉燒包& 素趐香菇燒賣. 各款點心都是即點即蒸/ 炸，故此熱度十足.

之前食過銅鑼灣分店的悠蔬食～晚餐印象深刻～好好味～素食來講 出色～所以今次來試下尖沙咀呢度的午餐😂種類都算多 样样都想食環境以紫色為主 感覺很舒服 優雅我選擇了A湯 E主菜 B飲品個湯顏色好靚 好鮮甜 好香薑味～正來了個滷水小食 齋同蓮藕都好入味good下面重墊著好多花生～但我不能食花生所以無食到以石鍋上菜 保持住熱辣辣 好新鮮攪拌後 都色彩繽紛 好似營養很均衡一口就能吃到多種蔬菜 有脆脆的口感好滿足 好味重有幾個炸猴頭菇 口感一絲絲 好似雞肉Yummy吃光光 好飽 好滿足重有杯飲品 清下喉嚨本來想食埋個芋圓 但飽到吃不下了想下次試下

I will not recommend this place to my friends Booked table for 2 on Sat night. The restaurant environment looked like canteen in an industrial building but with purple chairs. When we sat down and ordered and then we were told that it required minimum charge at hk$200 per person because if the weekend. Also they requested us to return the table within 2 hour. We thought the food should be good enough for menu fable bookings. First thing served was the seaweed wrap with avocado and mango. Tasted

老婆大人近期較重視健康飲食，特別推介這間素食店，老實講，我這個食肉獸惟有捨命陪君子店子在三樓，裝修幾骨子👍可能時間尚早，顧客未算多，但勝在夠清靜🥰打開餐牌，選擇都多，Dinner set包括前菜丶手卷丶湯品丶主食和甜品，還可配飲品，和我印象中的傳統素菜完全不同，可以自由配搭，又可以一齊share，不錯前菜是麻醬牛蒡青瓜粉皮丶柚香紅菜頭蘋果拌合桃及脆藜麥羅馬蕃茄芝麻醬，口味清新，吃起來很和味，尤其是蘋果紅菜頭，賣相美麗，加上香脆合桃，好味我們不約而同的都選擇香芒牛油果苜蓿芽手卷，脆卜卜湯品中我選了松茸竹笙黃耳百合燉湯，香濃的菇菌味道，齒頰留香老婆揀了白松露椰菜花忌廉濃湯，看見她飲得津津有味，一定也不錯啦主菜分別選了牛肝菌栗子芋頭野菌啫啫煲配珍珠糙米飯和和風鮮蔬一品豆乳鍋配稻庭烏冬牛肝菌煲醬汁香濃，完全不覺得是素菜，栗子甘香，芋頭粉糯，絕對推介豆乳煲有菇菌類外，還有麵筋和鮮腐皮，味道層次豐富，烏冬爽滑，都是精彩之作🍹飲品都好吸晴🥧🍩🍰食埋個甜品就完滿了，吃過這餐廳對素食的演譯，令我對素菜多了不同的體驗🥂

一向都幾支持Green Monday咁岩又有朋友介紹過呢間餐廳雖然就嚟試下 菜式選擇比想像中多元化有西式又有泰式三個女仔叫咗一個set dinner （$248），再加散叫左少少野前菜 (套餐)松茸竹笙黃百合燉湯 (套餐)飲落去感覺同平時有用肉煲嘅差唔多幾清幾甜芒果牛油果苜蓿芽手卷 (套餐)賣相幾靚，所以即刻叫多兩個手卷三個人一人食一個唔使爭侍應好細心睇我哋放得太耐紫菜林左會唔好食本身以為入邊有飯，咬落去發現原來入面係冇飯入面全部都係加咗蛋黃醬既苜蓿芽一開始覺得冇飯唔係幾習慣不過識識吓都幾好味椰香冬陰公鮮蔬意大利飯 (套餐)呢個真心好味！冬陰公味好香好惹味入面有啲蔬菜粒好有口感上面嘅炸蒟蒻食落個感覺有啲似蟹柳整體覺得正呀 黑松露香焗大啡菇$158大啡菇幾juicy芝士同蕃茄醬味道好夾手作小漢堡$78中間粒波波有咖哩香不過一啖食唔晒最好將粒丸同蕃茄切開一半將上下兩塊包分開食菠菜野菌忌廉意粉 $158好香松露味口感creamyGood! 不過鍾意冬陰公飯多啲甜品（套餐）

今日同朋友仔去左尖沙咀睇結婚野。四圍行，又去睇呢間果間。行左成個下午，肚餓就望下附近有咩野好食。甘岩經過望到有間食素菜，感覺清清當減下肥就上去試下呢間素食係要上3樓，不過部𨋢好似壞壞地，搞到我地上左8樓再番落泥🙄去到見到餐廳好光猛，用左淺色既佈置，覺得真係好清好舒服。加上就快新年，有啲新年裝飾添。餐廳吾算好大，有2間包廂，外面有卡位。坐低客人未試好多，可能我地較早到，未到食晚飯人潮。呢排天氣凍，餐廳好細心會斟暖水 ，甘我地就睇下有咩食啦。。。。餐牌入面有晚餐，晚餐既配搭其實就係單點既種類。即係單點同晚餐食物係一樣！既然係甘一人一個晚餐好似仲划算，又有齊前菜。湯。手卷。主菜。甜品。飲品我地點左以下2個set👇🏻👇🏻前菜有3款麻醬牛蒡青瓜粉皮:味道好清新，平時食得多係雞絲粉皮。今次係配青瓜牛蒡，一樣都覺得好食好夾。柚香紅菜頭蘋果伴合桃:呢個我諗吾係個個人中意食，我個朋友仔就吾中意陣味。因為蘋果係切粒粒浸左紅菜頭汁，變左紅色，所以蘋果係帶小小酸同有陣紅菜頭味。但我就覺得好好食，好開胃藜麥番茄伴芝麻醬:呢個係半個去皮番茄，上面加左小小藜麥同醬。吾算話好特別，個真係一個開胃前菜。湯我地每款都試下

和朋友共三個人來吃，因為很多想試的東西，就要了三個套餐～這裡的套餐是「前菜＋手卷＋湯品＋主食＋甜品」的形式，份量非常足，而且可嘗試不同的菜式，大推！！！另外可加飲品（$10-$20）。前菜滷水花菇毛豆百頁豆腐（左下）＋凱撒蒟蒻沙律（右下）＋日式藜麥野菜松子薯球（上）非常好吃，尤其是薯球，清新不膩，鹹甜調味剛好！！手卷蘆筍素香鬆苜蓿芽手卷（中間）＋香芒牛油果苜蓿芽手卷（兩側）還不錯～湯品菠菜忌廉雪燕濃湯（左）＋荼樹菇竹笙黃耳百合燉湯（右）一西一中，兩個湯都好喝～主食菠菜合桃野菌忌廉燴意大利飯伴香烤大啡菇我對菇類料理完全沒有抵抗存啊啊啊，這道太合我胃口了！烤大啡菇有淡淡的香氣，再加上濃稠的菠菜忌廉醬，想想就流口水……百靈菇青醬鮮豆包黑松露薯蓉焗千層闊麵又是菇料理，我實在太喜歡菇類了哈哈哈，這道也好好吃～還有一道主食忘了拍，但印象中也是不錯的。甜品斑蘭椰汁千層糕（左）＋草莓乳酪蛋糕（中）＋紫薯緣起（右）甜品就不過不失。推這家素食，菜品真的精緻又好吃，我還會再去的XDD

尖沙咀：雅悠蔬食：紅菜頭蘋果合桃沙律（hk$68)、苜宿芽手卷（$28@）、大啡菇白松露薄餅（$148）、素馬拉盞炒通菜（$98）、泰式香煎魚餅（$68）、芋圓黑糖豆奶布甸（$58）、紫貝天癸荔枝梳打（$35）-隨著年紀漸長，身邊都多了不少間唔中會吃素的朋友，今次和朋友選了這間新派素食店約會。餐廳環境素淨明亮，以紫色為主。食物水準方面，一分錢一分貨，質素都非常不俗！因為覺得散叫的價錢也差不多，我們就沒有選晚餐set而選了散叫，可以試多幾樣，其實這裡選擇貴精不貴多，所以都幾容易選擇😃，前菜我們點了紅菜頭蘋果合桃沙律，不失敗的配搭，味道清新可口，非常開胃。我們各點了一款苜宿芽手卷，分別是蘆荀素香鬆和香芒牛油果。手卷用雙層紫菜包住，店員很細心，提示我們要盡快食，以免紫菜糊掉！紫菜很香脆，估唔到同苜宿芽味道咁夾，幾好食的一道菜，不過$28來講，香芒同牛油果份量真係少左d。另一個小食，泰式香煎魚餅，唔講都唔知自己食緊素呢！味濃香口。主菜大啡菇白松露薄餅賣相非常ok!!! 厚厚的蔬菜舖滿薄餅，味道濃淡得宜，蔬菜新鮮，甜椒清甜，還有大量芝士，兩個人share食，一點都不會膩。素馬拉盞炒通菜都好好味，