雅 ‧悠蔬食

营业中

休息中

喜愛素食的朋友，曾經提及這間餐廳，說款式種類多，味道豐富，於是，趁著假期前夕，親臨光顧品嚐一下。聽朋友建議，點了All Day Set，前菜點左照燒杏鮑菇、涼拌杞子百合黑木耳及麻醬沙薑豆絲粉皮。其中，最喜愛黑木耳前菜，黑木耳跟百合及杞子非常搭配，以柚子醋混合，酸甜開胃。餐湯有牛肝菌桃膠忌廉濃湯，個人十分喜歡這款湯，原因是夠濃夠熱，菌味香濃，平時食到桃膠，多數在於甜味糖水，今次嘗到放於鹹味湯內，感覺新鮮特別。主菜有牛油果紫薯栗子藜麥焗千層闊麵，裏面有牛油果、紫薯、栗子、藜麥、草菇、小油豆腐等，芝士份量非常豐富，用义輕輕拉起，有拉絲效果，洋溢香噴噴嘅味道。甜品點了黑芝麻豆腐千層班戟，班戟香滑，黑芝麻味道濃郁，好滋味。總括而言，值得推介。

好耐都冇試過食素啦，想搵一間坐得舒服又特別小小嘅素食！悠蔬食係一間有分店嘅新派素食，之前食過銅鑼灣，今次試吓尖沙咀訂咗位6:30 ，一入去就可以坐低，環境都幾舒服，好光猛，好似西餐廳，完全唔覺得自己係黎食素！餐牌上面all day set好難揀呀，樣樣都想試吓，最後揀咗個意大利飯！前菜揀左紫薯球、照燒菇、蘋果沙律紫薯球超濃，好好食，食落仲有一啲酸味味嘅感覺好開胃餐湯就揀咗牛肝菌桃膠忌廉濃湯個濃湯真係超級濃，牛肝菌嘅味道超出，忌廉味道又唔會話太漏，反而係恰到好處，調味剛剛好🤗菠菜合桃雜菌意大利飯配椒鹽天貝猴頭菇以為係一個簡單嘅意大利飯，點知入邊嘅配料超級多，粒粒嘅合桃，好多嘅菇，而且咬咬下仲有栗子添，好驚喜！食落完全係覺得有健康嘅感覺！菠菜煮嘅意大利飯好濃郁👍🏻👍🏻猴頭菇炸完，唔會好乾，感覺上似食緊肉！野什莓乳酪芝士蛋糕🍰細細件，作為晚餐嘅終結啱啱好餐飲用半價跟咗一杯燕麥杏仁脆脆牛奶， 成餐飯都好多忌廉同奶類製品，牛奶帶有杏仁味， 好似飲緊杏霜！總結而言，新派嘅素食，真係幾驚喜，似食緊西餐，完全唔覺得自己食緊素，但又享受到素食嘅健康，唔錯

好耐之前來過呢間素食店，上次好滿意，今次來依然係咁好食。我叫ge 係lunch set，包前菜餐湯餐飲。前菜同湯好好味。前菜四擇二，我叫左芝麻醬蕃茄同照燒菇。估唔到日式芝麻醬同蕃茄兩樣都酸酸地ge 野竟然match 到。菇都好食，不過我估唔到原來唔係熱ge。湯二擇一。我好鍾意個中湯！素湯好多時候都好淡口，但呢個好足料味道好濃郁！印度椰子的椰子味好重。成碗飲哂，湯渣都食哂。主菜叫左泰式金邊粉。好食但有d 肥膩，有點重口味，食唔哂。食物質素好，環境都唔錯，幾安靜。值得再去！

早排同朋友行過見到有間新派素食想試今日終於有機會去試啦一入見到裝修都好別緻仲好有聖誕氣氛，好多小裝飾menu都好吸引，可以選兩款小食，一個湯，一個主菜，一個飲品，加錢仲可以要埋甜品另外仲有個輕盈版，價錢仲再實惠d咁我就選左 杏鮑姑 同 小雲耳杏鮑姑上面有d好似鰻魚汁咁，仲有d芝麻，咬落爽口既 唔錯～個小雲耳好好食，仲有d青瓜仔，酸酸地好開胃個湯都好滑好好飲，唔只椰子味濃，仲真系有梛子你食朋友叫左個牛油果手卷個配搭好match，牛油果加芒果入面仲要唔系飯黎菜全部都系菜！！！紫菜仲要脆卜卜，佢食每啖都聽到索索聲泰式魚餅都好出色香矛味好重，而且食落個口感都似真魚餅配埋個辣辣地既汁，無得輸主菜終於黎啦系漢堡～好足料有齊菜，蕃茄，酸瓜，芝士同埋一塊"玉"個包皮都好脆好好食，仲有好多芝麻，更加香舊肉個口感都真系有d似真肉可惜可能落左薯仔，有少少粉，所以口感上差左少少不過味道都唔錯～最後埋單唔洗二百蚊素食黎講夠特別，都算ok見到隔離叫左個鰻魚飯下次真系要試下佢系用咩做既先！！

喺尖沙咀同個friend搵嘢食，兩個女仔想食啲light啲嘅嘢，上網見到呢度裝修好fancy, 而且睇落啲嘢食都幾好就嚟咗喇。我哋叫咗一個餐再散叫咗個黑松露芝士大啡菇，估唔到嗰餐咁豐富，首先係個中湯猴頭菇椰子桃膠湯，飲落去好夠火喉而且唔覺得寡。有三個前菜包括涼拌雞絲粉皮、涼拌蕃茄、涼拌菇。涼拌雞絲粉皮夠通透配麻醬口感清新👍食完涼拌之後都等咗一段時間先至有主菜，可能因為人比較多。主菜係牛油果芝士栗子焗千層麵，口感同質感都非常之重好啱秋冬食，不過栗子略嫌少咗啲。估唔到牛油果同芝士係咁夾。大啡菇嘅黑松露都好多但係略嫌畀芝士覆蓋咗個味，最後係班蘭椰汁糕，唔會太甜食落好清新😛全餐飯由裝修到望落去啲餸菜，你完全唔會覺得自己食緊齋，不過男仔黎就可能分量少咗啲啦🤣

12月總是有很多大魚大肉的機會我都不敢磅體重了 lol .所以想食一下素食，中和一下肥腫難分的身子.午餐有正常及light 版本Light lunch 沒有湯及少一款前菜我想飲湯，所以選了正常的D set .湯-中湯，有湯渣，夠火候！.前菜：4款選2款.雪菜毛豆菇絲紫淮山湯麵湯底清得來好夠味豆腐絲有口感，模擬到肉的咬口.點心拼盤完全不似是素食！食齋但口味不齋！有叉燒包、春卷、菜餃及燒賣燒賣賣相似平時的燒賣，口感有肉的質感，沒有肥豬肉油的膩，帶有豆味的香春卷炸到香脆，不過少油些更好（我的肥肚腩......）.飲品A-H選擇好多，來一杯classic 英式紅茶，過一個優雅的午餐。

創辦人心思細密，有諗頭（ 銅鑼灣區食品質素）最impressive 係創意手捲，最好味係意大利飯餐廳入面，每個位置都有獨立私人空間感，間隔層板高身， 中間用咗細玻璃分隔。 見到餐牌上有圍餐可以booking，1圍-3圍，12人－36人，VIP 獨立房， 用屏風做分隔， 今日晚上booking都幾full， 每15分鐘就有人入坐。208hkd All Day Set For Dinner菠菜合桃野菌忌廉燴意大利飯 伴 椒鹽天貝猴頭菇一人份量，青瓜， 四季豆，菠菜，雜菇，合桃，車厘茄，汁醬多，味道豐富姬松茸椰子黃耳竹笙燉湯溫度保存非常好， 屬老火湯，姬松耳，竹笙， 都被燉到變果醬狀， 印度椰子連皮，三至四件， 湯底主要係香濃嘅茶樹菇味。手捲 ＋18hkd冇飯， 但可以食出有飯嘅質感， 仲有大量豆苗，沙律菜，芒果，牛油果 ，芝麻好香口，香口得黎又非常健康， 就咁食菜就會有啲 寡， 但係落咗芝麻及麻醬後， 唔需要點任何醬汁，都唔會覺得寡。冷盤前菜1。紅菜頭蘋果沙律， 切件蘋果，切件紅菜頭， 紫紅顏色2。非基因改造番茄，1/4 去皮番茄size， 比較少水分， 果實肉味較重， 放入口淡淡都係肉，

有人生日想食素慶祝，於是揀咗尖沙咀雅悠蔬食，地方真係幾幽雅，而且高朋滿座，肯定有美食喔！急不及待點咗個紅咖哩野菜猴頭菇配印度薄餅及珍珠糙米飯套餐，有餐湯、前菜、飲品及甜點，份量十足，絕對滿足。再有和風照燒汁素鰻魚手作薄餅，鰻魚的感覺好强烈，甚至連魚腥味都嗅到，你唔會覺得係食素，加上薄餅焗得乾身脆口，可以一試。泰式素大哈炒金邊粉，金邊粉炒得啱啱好，不油不膩，質地柔韌，比起其他正宗泰國餐廳有個之而無不及，加上青檸酸味，零舍醒胃。甜品有黑糖手作芋圓遇上豆乳布丁，暖暖地，甜甜地，冬日最佳之選。仲有鮮磨腰果露配湯圓，腰果磨得幼滑，甜味適中，既滋潤又順喉。仲有試咗一個香脆五穀杏仁牛乳嘅飲品，淡淡杏仁味，配以五穀，好飲又好食，健康之選。

食肉獸朋友極力推薦食素菜，點名介紹尖沙咀雅悠蔬食，於是去試吓。餐廳裝修雅潔，格局分明，仲有大房間隔，適合十二人或以上飯局及聯誼聚餐。點咗兩個套餐，先上中湯，係姬松茸椰子黃耳竹笙燉湯，材料豐富，燉得夠火候，湯味濃郁，冬天飲得舒服又暖胃；而西湯就係牛肝菌桃膠忌廉濃湯，湯煮得綿密細緻，幼滑香濃。接住前菜有六款：杞子百合黑木耳、照燒杏鮑菇、胡麻藜麥蕃茄、紫薯紅菜頭雪球、麻醬豆絲粉皮及紅菜頭蘋果合桃沙律，每個套餐可選三款。雖然份量的的骰骰，但開胃醒神，特別係紫薯紅菜頭雪球，雪糕造型可愛，質地滑溜，必定要試。主菜有和風白松露淮山露筍燴扁意粉及菠菜合桃野菌忌廉燴意大利飯伴椒鹽天貝猴頭菇 ，素食材料已經好吸引，味道恰到好處，份量又適中，再配以斑蘭椰汁千層糕及黑芝麻豆腐千層班戟結尾，飽肚之餘，令人回味無窮。品嚐過後，果然不同凡響，真心要推介比更多人，改變固有食肉之概念。

幾年前食過銅鑼灣間「悠蔬食」已經好深印象，環境好好，好decent嘅西餐環境，亦有圓枱，一大班人食又得，2個人慶祝、幾個人傾計都得！而且佢啲sets都係西餐咁：有前菜、主菜、甜品、湯、飲品呢間係食素都食到好飽😆大概～HK$300/set 尖沙咀呢間「雅悠蔬食」環境、食物、質素都不相伯仲，係$200零蚊都有set, 唔知係呢間平啲，定佢比以前平咗。餐湯有中式、西式。中式係有藥材嘅燉湯，好養生！西式係南瓜湯，非常濃郁主食有6個選擇，我哋4個人揀咗4個唔同嘅主食一齊share🥰🥰🥰🥰 有意大利飯（唔太濟！）、焗千層麵、青咖哩薄餅（咖哩醬有雞料）、豆乳鍋（暖暖的一鍋，好豐富）最鍾意牛油果🥑手卷！好特別，包住好勁草味嘅蔬菜，而唔係飯，幾清新！叫咗水果茶，點知得熱嘅😆 其他果汁都係常溫，果然連飲品都行健康路線💚💚雖然話甜品係第2個胃，但堅係好飽了，仲食比較飽肚嘅千層蛋糕、乳酪蛋糕、糕點，真係捧住個肚走～

呢間雅 ‧悠蔬食雖然以素食為主，但食物都有好多花款，而且環境以淺紫色為主，夠哂高雅，健康、打卡都有好啱girls們黎聚餐🤪我地一行四人黎到，叫咗四個set，每個set都只係二百蚊左右，就有湯、前菜、主菜、甜品，加埋手卷同飲品，最後真係飽到不行🙈.由於實在叫咗太多野食喇，無辦法全部都講哂評語，所以下面打完我地叫咗既野食之後，會揀印象比較深既重點講下：1️⃣前菜.🔸滷水花菇毛豆百頁豆腐伴醬燒牛蒡.🔸紫薯紅菜頭雪球.隻色好靚，食落似紫色既薯蓉，但質感比普通薯蓉再厚實啲🙊.2️⃣湯.🔸雪燕椰菜花南瓜甘荀薑湯.隻味其實同南瓜湯差唔多，好creamy💕🔸茶樹菇竹笙黃耳百合燉湯.偷飲咗一啖，係個比較重藥材味既中湯🤪3️⃣主菜.🔸青咖喱野菜猴頭菇 配印度薄餅 及珍珠糙米飯.印度薄餅整得夠香脆，就算唔點咖喱都一樣好食😋🔸百靈菇青醬鮮豆包黑松露薯蓉焗千層闊麵.黑松露味幾香，芝士有拉絲🧀🔸菠菜合桃野菌忌廉燴意大利飯 伴椒鹽天貝.成個綠色仲要有合桃望落好健康🤣，個飯粒粒分明唔會過濕🔸和風鮮蔬一品豆乳鍋 配日本珍珠米.4️⃣甜品.🔸斑蘭椰汁千層糕.🔸玫瑰荔枝乳酪蛋糕.🔸椰香紫薯千層班㦸.紫薯味夠重，不會太甜🔸法式香芋千層酥.千

大胃作為都市人，煙酒肉通通掂勻（煙係指二噁英呀吓），偶爾都需要洗滌吓心靈同腸胃嘅，齋戒一下內心嘅肉望啦呢間只係前菜已經咁好食，紫薯紅菜頭雪泥有幽幽嘅柚香，而且一set晚餐送三碟前菜𠻹牛肝菌湯好飲到一飲而盡，湯底有好大粒桃膠好特別嘅手卷，原來係以苜蓿芽代飯，但口感都好rich飲吓果汁清清腸胃Risotto煮到色香味俱全，而且仲有好大粒猴頭菇秋冬最住主題—雜菌煲用腐皮扮雞翼，口感認真似豆腐加芝麻真係不得了，好食到傻咗估唔到甜品都一應俱全，冬天食薑味嘅嘢都幾好手卷真係計原價都想翻叮成間餐廳都係紫色格調，唔知係有咩寓意呢？

呢排餐餐同老公都食西餐，離不開牛扒同豬肉，想清清地又想搵啲健康嘅食品食下，於是上網望吓睇吓有什麼選擇點知比我發現呢間餐廳很多人都讚口不絕，於是我就打去book枱book定今晚👍🏻👍🏻入到去見到地方都非常闊落，餐廳以紫色為主題，配合柔和嘅燈光又安靜好舒服dinner set 都有好多唔同種類嘅選擇,唔叫set都可以散叫🥰叫咗兩個set dinner , 好快就有前菜享用，紫色嗰個係紫薯紅菜頭，味道甜甜的，有好香嘅紫薯味道，令一個係花菇毛豆豆腐，味道調校得剛剛好，作為前菜一流，每一款都做得非常細心，細細碟食完都唔夠喉燉湯入面加咗黃耳，仲有百合加杞子非常清潤飲入口夠晒香甜香芒牛油果苜蓿牙手卷，芒果好新鮮，非常鮮甜😚加埋片牛油果配合蔬菜咬落去口感一流食得非常健康紫菜又非常脆口酥脆腐皮卷四件$58 一層層的腐皮做到非常厚🕺🏻仲有好香濃嘅豆腐味😆外脆內軟，炸得剛剛好👍🏻青咖喱薄餅😁這個是晚市主食set c ,有六片薄餅完全不油膩，咬落去彈牙脆口，青咖喱入面有青椒紅椒加入左猴頭菇，猴頭菇吸晒青咖喱汁嘅味道冇得頂泰式香煎魚餅$38 （2 件）經過煎嘅魚餅非常香脆可口，又夠彈牙咬落有一種非常香濃嘅香茅味

話說朋友係食齋既，所以成日都要陪佢搵啲素食嘅餐廳，而今晚呢一間就係我哋成日去嘅選擇之一，雖然價錢係偏貴，大概要$300一個人既晚餐，但係勝在佢有咖喱蔬菜白飯同酥餅，食落感覺唔會太似食緊齋（特別適合啲要陪朋友食齋既朋友黎食😂），酥餅亦都幾多件同埋好飽肚，所以雖然我本身唔係特別好食齋，都食得幾開心，朋友自然就唔洗講啦。之前試過去佢銅鑼灣嘅分店，果間面積比較細，而呢間尖沙咀嘅分店相對黎講大好多，所以都坐得幾舒服。

整個餐廳環境用上了紫色作主調，杯杯碟碟，桌布牆色都統一用上紫色，給人一種平和舒適感。餐廳四人枱和大圓枱都有，今晚所見有不少家庭聚會，適合一班人聚會。而且枱和枱之間都有距離，傾計方便。✨蜜汁脆燒腐皮卷 （4件）先來個前菜腐皮卷，賣相吸引！看落四隻炸雞脾整齊放左面前，但咬下去是腐皮卷！外皮烤得香口，滿滿的蜜糖汁，甜滋滋又脆卜卜，好食！中間用上雪條棍扮雞骨，稍嫌那雪條棍的木味太重。除此之外，這腐皮卷深得我們心，推介！👍🏻 ✨泰式炒金邊粉味道濃郁，加上少少辣，十分惹味。中間那塊吃落真似炸蝦但不是假，以假亂真。份量十分多！十分飽肚。✨鮮磨腰果露 + 湯圓很少見的腰果露，一於點來試。即磨新鮮腰果露熱騰騰送上，口感濃郁，綿密厚實，腰果味濃，大有驚喜！芝麻湯圓芝麻味濃，皮薄餡靚，正這間素食店不錯，下次會再來吃😊