四喜烤夫、柚香紅菜頭蘋果拌合桃係一個雙拼小前菜，不得不讚呢個蘋果爽甜同合桃為豐富維他命嘅配搭，同抗氧嘅紅菜頭帶黎好fresh嘅味道。
香芒牛油果苜蓿芽手卷，呢個手卷必要上枱即食（店員提醒的），因為放耐左塊紫菜淋左就無咁爽脆架啦！係有益兼香甜清新嘅小食💕
菠菜桃膠忌廉濃湯，其他地方我都未食過呢種大膽又養顏嘅配搭，唔錯。
少辣嘅紅咖哩野菜猴頭菇，咖哩裡面有芋頭、齋雞、西蘭花🥦、椰菜花、香料，雖然唔及正宗咖喱咁香，但齋菜黎講算好食，而且猴頭菇扮雞肉口感真係幾可亂真～拌咖哩食有薄餅仲有糙米飯，超飽！
甜品揀左椰香紫薯千層糕，好有椰香又有紫薯味！最後飲埋熱香脆五穀杏仁牛乳，呢餐超多纖維又健康～
