隨心 (已搬遷) 新店位置

餐廳客似雲來, 海光街多左好多空店之際, 呢間居然擴建左一倍。 而冇加價。 新加坡抄貴刁$78選用粗麵加河粉增強口感, 加上深色醬油令色澤鮮明。入面有蝦,豆芽菜,韭菜,雞蛋,臘腸和魚片, 材料豐富, 風味十足。提提你, 餐廳加左個秘製醬料, 係用蝦仔同少量辣椒製成, 所以食唔到辣記得叫少辣或者走辣呀。馬來西亞肉骨茶(位)$48肉骨茶分為新加坡和馬來西亞兩種, 新加坡版本既較重胡椒味, 馬來西亞就落多d藥材。配上油炸鬼同黑醬油用料靚, 好飲。 今次好似比之前的份量少了, 之前3個人share都得。 今次只夠1個人飲。 唔夠喉。芥蘭抄豬頸肉$70芥蘭靚, 豬頸肉肥美。 但我食落覺得太滯。

黎到星馬餐廳, 我們今次點左在新加坡十分有名既麥皮蝦和黑松露抄飯。麥皮蝦 $168/4隻推論蝦未煮前有我成隻手咁大, 炸完再抄都有我4分之3隻手掌咁大。 食兩隻蝦十分之飽, 建議4人分, 每人一隻就最好。 餐廳把大蝦去腸去尖刺和腳, 炸到好香口。 廚師用了麥皮和燕麥片, 有兩層顏色兩個層次。麥皮金黃酥香又有益, 蝦跟麥皮一齊食, 味甜香口, 好開胃。 燕麥片先加左牛油, 好香口, 吃落甜甜地鹹鹹地。餐廳冇用到咖喱葉而用了檸檬葉, 炸到好脆身又唔辣, 大家都岩食。平均40蚊一隻大蝦加上廚師功夫, 我地覺得係物有所值的。黑松露炒飯$78炒到粒粒分明既炒飯加上蛋, 菜莖, 和黑松露醬。 菜莖加強了炒飯既質感, 蛋香加上黑松露, 令炒飯香味四溢。 炒飯面有三隻大蝦, 好滿足。餐廳亦加上了豆苗類的配菜, 卻不是我杯茶。 凍檸檬薏米水$28清涼解膩的不二之選, 健康好飲。凍柑桔檸檬$28酸酸甜甜, 醒胃提神。

今個星期日，王氏力牆和屋企人去到鰂魚涌漁光街搵嘢食。唔講唔知好多九龍，新界人，其實唔知呢度都有一條食街，所以放假唔一定只係局限係油尖旺區，能夠喺度屹立 的每一間舖，都有去過人之處，所以我哋更加要入去去試下。食得娘惹菜，冇可能無肉骨茶，所以我哋都係要order藥材味馬來西亞肉骨茶來試下，一窩只係$98,除4碗都係$25左右，好過飲凍飲。另外，我哋試下亞參鳳梨咕嚕肉（$108）。聽職員介紹，佢哋選用新鮮菠蘿配搭沙嗲同埋甜酸醬，味道帶酸辣嘅感覺所以我哋都叫埋。力牆太太，特別喜愛海南雞喇沙（$80），貪佢可以有麵食外，仲可以試埋海南雞，而價錢亦大眾化，所以我都特別order 埋。而我本人就比較喜愛新加坡炒貴刁， 貪佢有鑊氣，同埋裏面啲大蝦魚片材料，惹味可口。唔講唔知 ，雖然係星期日假日，但係呢間餐廳亦做埋午餐同下午茶。所以各位年青人 亦可以不訪前來一試。先嚟介紹，佢哋肉骨茶一煲可以裝到4至5碗，份量超多， 藥材味勁重，我地兩個人享用即使食到第四碗湯，仍然會食到藥材，同排骨，超值推介。每碗湯，你淨係睇佢湯水啲顏色，就知道佢哋用好多時間同心機去煲先有的火候，所以大家真係要嚟到必點菜式，來暖暖胃。

好少食新加坡菜，平時食得最多都係海南雞飯。雖然住港島，但又真係好少搵食搵到去鰂魚涌🤫，今日同男友仔去試下新野。✨d 小食望落都幾有特色，囉喏沙律，黑白蘿蔔糕，參巴雞翼，聽都未聽過😆決定食晒佢～～✨小食拼盤（$68): 有黃金豆腐，囉喏沙律，雞絲海蜇，話梅番石榴。✨黃金豆腐：超熱辣辣！個醬係似麻醬+花生醬，上面灑左d花生碎，又幾特別👍🏻✨囉喏沙律：個醬酸酸地有d 似話梅，入面有青蘋果，沙葛同菠蘿。菠蘿最好食，同個汁好夾好香甜。✨雞絲海蜇：個雞同個海蜇都好入味，正！✨白蘿蔔糕（$48): 原來黑蘿蔔糕係醬油炒，白蘿蔔糕就係加左蛋。未食已經聞到蛋香味🤤，蘿蔔糕係一粒粒厚切， 個蛋勁多蔥花所以好香。兩者加埋味道又幾夾，如果蘿蔔糕可以多d 臘腸臘肉果就更加香口。☺️新年可以自己試下整，不過兩個人食實在太飽肚。✨秋葵濃湯豆腐（$78): 雖然好簡單，但又真係好好飲。個湯我估係魚湯，好清甜又加左d 冬菜。豆腐滑一滑真係超級多，秋葵切開左但又唔會好滑潺潺，又可以偷下師喇🤣🤣🤣 ✨豆腐真係多到食唔晒～✨海南雞飯（$85): 呢個海南雞飯真係差不多枱枱都必點，先食個木耳，撈左d 酸酸地既汁又幾開胃。✨個飯底

莫非在鰂魚涌上班的人和附近的居民對東南亞美食例如喇沙，海南雞特別情有獨鍾？何解越來越多這類餐廳選擇在鰂魚涌開業？雖然我們今晚來這間餐廳已經開咗一段時間，不過見到好多人幫襯咁都要試吓。餐廳頗大，樓底夠高，兩個相連舖位夠霸氣。餐牌圖片精美，食物都幾多選擇。點了喇沙，炒貴刁，胡椒魚和蘿蔔糕。我們叫的是海南雞喇沙，雞和湯是分開上，粉底選用米粉及瀨粉。海南雞是去骨的，肉質鮮嫩滑溜，有功架湯底味道夠香濃，雖然味道層次唔及其他幾家多，但絕對係上佳之作係馬來西亞旅遊時很喜歡吃炒粿條，係香港就叫炒貴刁，而且大多數餐廳只用河粉，這裏就選用「摻摻」，河粉加油麵去炒。個人頗喜歡兩款麵質一齊食，增加口感貴刁炒得香熱，醬汁唔會太多，不會食到成口都係油，蝦亦彈牙有咬口。胡椒魚係今晚的亮點估唔到這個酸菜胡椒魚比平時食既酸菜魚來得更好味酸菜再加少少胡椒粒調味係極佳嘅配合！魚是先煎後放湯，吃得鮮甜黑蘿蔔糕就跟新加坡食過的差不多，份量很多，醬汁非常惹味亦是一個濃味的小食。

係鰂魚涌返左工幾年，因為好少出街食飯，竟然錯過左呢間咁正既馬來西亞餐廳，這次因爲開ot, 未夠六點落去買個下午茶餐，40蚊食個肥牛喇沙，仲有檸檬意米水，仲要外賣唔駛加錢，實在太抵食落個喇沙，湯頭真係好正，好濃郁，好香，喇沙個湯好重要，佢既面仲要係兩溝，有米粉加好似好幼既瀨粉，所以係正宗，曾經去過一啲扮正宗既店，問佢有無兩溝面，佢竟然話唔知，好明顯唔識野再睇返呢間店既comment ,原來佢肉骨茶都好正，下次一定要試

又係行完山，所以人在港島區要找野食。朋友食素，所以要揀一間有素食既餐廳俾佢，係香港實在不容易。正值下午茶時段，星期日得4個餐，好過無。($45，飲特別野加2蚊，要加一)我叫左個海南雞飯，原本以為份量得好少，因為佢話迷你，但絕對係一個午飯既份量（講緊D飯）。雖然騎呢地用碗裝住，但雞其實都唔少，醬都係正常俾3款你咁，仲有杞子雞湯，下午茶黎講其實好好。好好食當然稱不上，不過都唔差，不過不失就是了。朋友叫了星星魚腐喇沙，因為無乜特別所以無影，不過絕對無違反商品說明條例，D魚腐真係星星形的，至於份量就都足夠。因為下午茶沒有素食，所以吃素的朋友單點了一個上素喇沙($78)。賣相很靚。吃下去才知道一邊係瀨粉一邊係檬粉，幾得意雖然唔知點解會咁。星星個碗都係一樣。朋友說上素喇沙連個湯都係淡D，試左啖，又試左星星個碗，唔覺得有咩分別，同平時個D都無乜分別。可能佢慣左淡味了。食素的朋友不夠飽，所以臨尾叫多左個餐。佢食左咖央多，我地就幫佢食雞翼。個雞翼麻麻。

午膳時間和同事們在公司附近尋找美食，由於公司位處商業大廈林立的地區，因此一到午膳時間幾乎所有的餐廳都擠滿了人，全部都需要排隊等候。路過這家隨心餐廳，剛巧裡面正好有幾個空位，不用等位，所以就進來用餐了。餐廳環境：寬敞明亮，在各家餐廳都擠滿了人的情況下這家餐廳就顯得特別的舒適了，而且環境也很乾淨。服務質素：在這個午膳最繁忙的時間，侍應們老實說也沒甚麼服務可言，但效率還是可以的。食物質素：我看周圍很多客人都點他的海南雞飯，而且賣相相當不錯，因此我也就點了他的海南雞飯，附雞湯一杯及凍檸茶一杯。海南雞飯：雞油飯味道有出來，軟硬適中，但主角雞肉則稍為榎了一點，不夠嫩滑，同時配醬的份量稍有不足。不太值這個價錢。雞湯味道不錯，不過喝到後面有點太濃。凍檸茶則頗為驚喜，味道、冰量、檸味都頗為適中。

平日在鰂魚涌吃午飯真的十分惱人😡大部分餐廳又貴又難吃又會被催促埋單，這家算是少數的良心食肆，沒有隨波逐流正因這樣，會比較多人排隊。只有午餐時間比較充裕才能光顧，要是有時間也絕對值得，跟朋友說說笑笑很快就過這次我點了招牌菜海南雞飯，午餐附送指定餐飲，今天是凍檸檬綠茶！海南鷄肉質細嫩、餐湯火喉十足、油飯香而不膩！真的物有所值！要是不想吃飯可以配喇沙，那麼兩種招牌菜也可同時享用！不想吃肉的話可以試試日本帆立貝喇沙，朋友說她會給予七分美中不足的是午餐即使總數超過四百元也未能以信用卡結帳，但明白午市套餐價錢已很優惠，這也不是大問題

鰂魚涌太古坊是東區其中一個主要的商業地帶，因此亦會有很多餐廳在附近，各色各樣都有，而其中這間食星馬菜的餐廳更係每日都大排長龍的。餐廳其中一樣主打的當然是海南雞飯，雞的份量有頗多，雞皮頗爽，肉亦不會太淋，配上三種不同口味的醬料，帶出不同的味道，正油飯亦很香口，與雞的配合非常好餐包了一杯雞湯，湯是頗濃的，小小的一杯份量不錯，但湯喝落似是有用師傅的（這個不太確定）。平日午餐的時段人很多，一般排隊要大概20分鐘左右，下次試下其他時間再來，應該不用排那麼久。

今日咁岩過鰂魚涌，順便行下食埋飯。見有間新馬菜餐廳好想飲肉骨茶!時間尚早，六點鐘唔太多。餐廳牆身貼左好多新馬既景點相，簡簡單單又靚另一邊仲有魚尾獅!因為包含新馬菜，餐牌異常豐富! 而且幾有趣，餐廳同時供應兩款口味既肉骨茶，非常貼心。馬來西亞偏重藥味，新加玻偏重胡椒味，我同朋友都鍾意藥材味多啲，所以點左一鍋10分鐘左右上枱，店員仲幫我地裝好湯，服務一流大大鍋，應該都有4-5碗湯材料方面份量十足，沙參玉竹杞子紅棗冬菇肉排，睇到覺得正飲落清甜，藥材味唔會太濃令湯變酸變苦，而係慢慢滲出，正味道同濃淡方面，比其他餐廳出色，而且夠哂足料小食拼盤，十個趣，與其話佢係小食，我覺得佢係開胃前菜! 話梅粉青蘋果，黃金豆腐，話梅番豆榴，雞絲海蜇，囉喏沙律黃金豆腐我覺得一般，因為佢既醬汁偏甜，我本身唔太鍾意甜食。最有特色係話梅番豆榴同囉喏沙律，估唔到話梅粉同番石榴咁夾，酸酸甜甜又清爽，非常開胃!囉喏沙律用左青蘋果，菠蘿同沙葛，估唔到沙葛都可以用黎做沙律! 而且食落又爽又甜，超驚喜清炒通菜，清炒既程度真係咩都無落，但淡淡地食落又幾清甜，一啲都唔寡無骨海南雞飯第一次見海南雞飯有木耳做配菜，通常都係青瓜同車厘茄吧?

與友人特意週六到側魚涌吃午飯，見舖內都坐滿人，入去試試，點了娘惹咖喱雞和魚旦魚片laksa.先說娘惹咖哩雞，雞是雪藏雞中翼同雞鎚，完全唔入味，似剛剛飛水再淋上咖哩汁，味同白拾冇分別。再說咖喱汁，完全不是娘惹菜！非常稀。再說叻沙，又是稀溜溜，冇椰味，似咖哩汁開水加米粉。自己買個百勝廚叻沙煮仲好食埋單連加一$150幾。午餐。不要有任何期望，想食馬拉咖喱既你，應該會失望而回。白拾雞翼加稀溜溜咖喱汁收70蚊！真係好失望😞好後悔入左去食。

上星期約了朋友去平日少踏足的鰂魚涌覓食，佢話係海光街有好多特色餐廳，我地最後去左食星馬菜——「隨心」🇸🇬🇲🇾餐廳室內設計簡單，除了幾張卡位外，旁邊仲有靠牆單人座，方便附近上班族來個速食～向另一面望過去，就見到富有新加坡象徵的魚尾獅牆紙，幾有心思！海南雞飯 $88 我地都係第一次見用竹籃造的盤子盛飯😳😳聽講係以前既小販會挑擔或雙手拿着竹籃，一邊放白斬雞肉，一邊裝油飯而流傳落黎。而我地就請店員將油飯改成白飯，雞肉份量幾多，我地仲要求雞腿位置肉質更鮮嫩加點薑茸食就已經好夠味喇！馬來西亞肉骨茶 $48（位）食馬拉菜點少得既肉骨茶！餐廳好難得同時提供馬來西亞&新加坡兩個不同版本我地揀左以中藥湯味濃既馬拉版，材料豐富，有紅棗、當歸、黨參等製成，加埋煲到軟腍既肉排食，非常香濃入味間中滋補一下都唔錯海蜇雞絲沙律 $38大熱天時都想食點清涼食物，就點了這個沙律開開胃雞絲size有點嚇人😅😅，粗切的雞胸肉份量不少，但我地都偏好較幼身的雞絲呢～豬頸肉炒芥蘭 $70店員送上時已經聞到好香，仲有少少咸蝦味炒得好有鑊氣，芥蘭爽脆青綠、豬頸肉亦好入味！

今日去了鰂魚涌接男朋友收工...晚飯當然簡簡單單係附近解決吧！男友帶左我去食佢本時lunch都會成日黎食既新加坡野❤️隨心❤️男友極力推薦一定要食海南雞飯🐔分量幾多，皮脆肉質柔嫩...冇雪味！而且有三款醬汁可釀！分別有豉油薑蔥辣椒👍🏻配上油飯味道唔會太鹹！而且有一杯雞湯，飲起來不會太油膩,感覺沒有味精👍🏻另外還點了海鮮喇沙一上枱已經好吸晴！淨係食餸都足夠！中蝦都有兩隻！新鮮貨爽口彈牙！另外仲有魚片，蟹柳豆卜等等....同樣地湯底好精彩，豆卜吸晒啲味好正！辣道剛剛好！香濃的椰汁味！非常醒胃！本身不愛吃辣的男友對呢個湯讚口不絕！perfect！另外重點左一個2人小食拼盤！一份有四個味道當中最欣賞就係黃金豆腐和雞絲海蜇！其餘兩個沙律都一般😂可能對番石榴等等生果不大興趣!豆腐配上一個沙嗲醬十分出色！$68有四大款式嘅食物真係抵食！眼闊肚窄俾我哋重點左個咖喱薄餅！雖然我唔知係咪新加坡名物！但口痕食下都幾過引！有點兒似手抓餅😂飲品方面叫咗佢哋嘅招牌特飲！檸檬薏米水！鍾意佢唔太甜！真係好足料！整杯都是薏米和檸檬👍🏻好fresh!整體來講味道同價錢都成正比！唔怪得佢食日lunch都黎食啦😂

B先生突然心血來潮想食喇沙為左滿足佢 黎左隨心食係地鐵出行樂分鐘就到 超sharp ge招牌 仲有自己招牌菜Tim 坐位都幾闊落 坐得幾舒服野食選擇都好多 我地得2個人 最後揀左小食拼盆海南雞飯（無骨）牛肋條喇沙小食拼盆份量都幾多 雞肉海哲 海哲好爽口 雞肉好滑黃金豆腐 外脆內軟 岩岩好囉啱沙律 係梨同菠蘿ge沙律 酸酸甜甜好開胃話梅番石榴 呢個係我最喜歡食ge一個 話梅同番石榴好夾 越食越好食無骨海南雞飯跟一碗雞湯 湯清甜 雞肉好滑好好食 飯有加左少少雞油落去勁香牛肋條喇沙呢度ge面底係米粉同瀨粉各半 口感更加豐富 湯底帶有少少椰香同微辣 唔會好流 味道岩岩好 牛肋條好淋好好食野飲方面叫左熱生薑茶同檸檬薏米水好足料 唔會過甜👍🏻👍🏻