影片
更多
2018-09-15
903 浏览
上星期約了朋友去平日少踏足的鰂魚涌覓食，佢話係海光街有好多特色餐廳，我地最後去左食星馬菜——「隨心」🇸🇬🇲🇾餐廳室內設計簡單，除了幾張卡位外，旁邊仲有靠牆單人座，方便附近上班族來個速食～向另一面望過去，就見到富有新加坡象徵的魚尾獅牆紙，幾有心思！海南雞飯 $88 我地都係第一次見用竹籃造的盤子盛飯😳😳聽講係以前既小販會挑擔或雙手拿着竹籃，一邊放白斬雞肉，一邊裝油飯而流傳落黎。而我地就請店員將油飯改成白飯，雞肉份量幾多，我地仲要求雞腿位置肉質更鮮嫩加點薑茸食就已經好夠味喇！馬來西亞肉骨茶 $48（位）食馬拉菜點少得既肉骨茶！餐廳好難得同時提供馬來西亞&新加坡兩個不同版本我地揀左以中藥湯味濃既馬拉版，材料豐富，有紅棗、當歸、黨參等製成，加埋煲到軟腍既肉排食，非常香濃入味間中滋補一下都唔錯海蜇雞絲沙律 $38大熱天時都想食點清涼食物，就點了這個沙律開開胃雞絲size有點嚇人😅😅，粗切的雞胸肉份量不少，但我地都偏好較幼身的雞絲呢～豬頸肉炒芥蘭 $70店員送上時已經聞到好香，仲有少少咸蝦味炒得好有鑊氣，芥蘭爽脆青綠、豬頸肉亦好入味！
餐廳室內設計簡單，除了幾張卡位外，旁邊仲有靠牆單人座，方便附近上班族來個速食～
向另一面望過去，就見到富有新加坡象徵的魚尾獅牆紙，幾有心思！
海南雞飯 $88
我地都係第一次見用竹籃造的盤子盛飯😳😳聽講係以前既小販會挑擔或雙手拿着竹籃，一邊放白斬雞肉，一邊裝油飯而流傳落黎。
而我地就請店員將油飯改成白飯，雞肉份量幾多，我地仲要求雞腿位置肉質更鮮嫩加點薑茸食就已經好夠味喇！
馬來西亞肉骨茶 $48（位）
食馬拉菜點少得既肉骨茶！餐廳好難得同時提供馬來西亞&新加坡兩個不同版本我地揀左以中藥湯味濃既馬拉版，材料豐富，有紅棗、當歸、黨參等製成，加埋煲到軟腍既肉排食，非常香濃入味間中滋補一下都唔錯
海蜇雞絲沙律 $38
大熱天時都想食點清涼食物，就點了這個沙律開開胃雞絲size有點嚇人😅😅，粗切的雞胸肉份量不少，但我地都偏好較幼身的雞絲呢～
豬頸肉炒芥蘭 $70
店員送上時已經聞到好香，仲有少少咸蝦味炒得好有鑊氣，芥蘭爽脆青綠、豬頸肉亦好入味！
张贴
