隨心 (已搬遷) 新店位置

星期五同同事出外用餐，第一次試呢間隨心星馬菜。嗰日落雨原本以為會少人啲，點知都有唔少人等位，我哋等左十分鐘倒先有位。入到去梗係望吓周圍啲人叫啲乜嘢啦，望落去大部份人都食緊海南雞飯，所以我都跟風。啲海南雞飯份量好足，海南雞都係去骨嘅，啲肉好滑同juicy，皮底下仲有透明嘅雞油。我十分之欣賞海南雞飯嘅配菜- -甜甜酸酸嘅醋醃木耳絲! 甜酸口味減低左雞油飯同雞連皮食落肚嘅油膩感，好好嘅balance。 食海南雞飯當然唔少得醬汁:辣醬、姜蓉同埋黑醬油。 三種混醬撈埋油飯一啖食落肚真係一大。享。受! 跟餐原來仲有一杯雞湯，並唔係隨隨便便嘅史雲生清雞湯，而係真係用雞加咸火腿煲，味道似砂煲雲吞雞嘅湯底。跟餐仲送杯冰凍嘅冬瓜茶。 $70 個海南雞飯套餐話平唔平貴唔貴，但咁嘅質素同價錢喺鰂魚涌一帶算係性價比高。P.S. 我同事嗌左叻沙，我為食飲左啖湯底..嘩得呀! 湯底夠濃郁，帶點點辣味，喺鰂魚涌一帶喇沙湯底中數一數二，下次幫襯我實嗌叻沙!

今晚係太古行行下街突然好想食新加坡野，所以就隨心咁行左去太古坊個邊既”隨心”食飯。行到入店內就見到有幾幅新加坡merlion同馬拉既畫係牆上，幾靚幾得意睇到個menu, 諗起去新加坡旅行時係hawker centres既美食，就心思思有好多野都想食諗左一陣，最後叫左個 海南雞喇沙 同 新加坡炒貴刁。喇沙個麵同雞係分開上，麵有米粉同米線，上面既米粉吸哂d湯可以令你啖啖都食到湯既椰香，個人就覺得唔錯。海南雞肉同皮分明，味道不過不失。佢地既炒貴刁係menu上好似話係跟新加坡炒粿條做法，味道都似既，幾好食，但係就用左河粉，同係新加坡食既唔同。成餐飯，個人都覺得幾好，算係味道算係中上既新加坡餐廳，價錢正正常常。可以一試

本來以為呢間會非常之多人，但去到環境幾靜，可能係因為落雨既關係。海南雞飯既飯係用雞油飯，所以食落都好滋味，而且雞亦都整得好滑，味道啱好。海鮮喇沙同係馬來西亞食既差唔多好食，米粉亦都好滑好有誠意，都幾足料，有帆立貝，蟹柳，同埋蝦。讚還讚，有個菜式就真係中伏，可能呢個最後食，就有非常高既期望，就係新加坡肉骨茶，完全，無味，好似平時d例湯甘，而且排骨真系太大，比較肥。除左呢樣野，整體都非常ok，價錢會偏貴小小。

今日經過哩間新加坡餐廳，望落裝修都幾好，地方寬敞明亮，而且望過下價錢又唔貴，於是走入去試試佢，結果又唔差！我試咗佢嘅海鮮炒貴刁，超大碟，而且海鮮都落重本，有魷魚，蝦等等。食落亦好有鍋氣，最值得一讚係佢唔會太油膩，睇得岀師傅嘅功架！仲有佢餐廳主打嘅海南雞飯，份量一樣咁足，而且有齊三種汁，唔係間間餐廳都有㗎！通常得一隻汁！仲有，佢嘅海南雞每件都切得擺得好整齊，食落係好淋好嫩口，加埋口唔同醬汁形成唔同口味，正呀！野飲方面，我就叫咗一杯檸檬薏米水，口感係好清新，薏米有天意嘅糖分，令杯野唔會太淡，有清甜嘅感覺！而且仲好健康！fit喇！哩間野其實係幾唔錯嘅，下次會再幫襯！

星期日晚搵餐廳食晚餐, 未到7點就full哂。等左一陣終於有位。燈光比較暗, 店員好客友善, 餐廳四周放滿新加坡畫像新加坡抄貴刁顏色深色, 有兩種麵條, 有蝦, 魚片, 臘腸。十分好食。但有罪惡感因為d肥馬來西亞肉骨茶我勁愛飲湯, 叫左一位份量自己飲。材料好足 冇味精 大愛新加坡海南雞飯雞飯少少濕, 濕潤度剛好。冇出面勁黃果種顏色。加上雞件放系一個好有趣既碟上。十分吸引檸檬薏米水檸檬系一片片咁上, 薏米大粒軟林林 。杯野份量唔少 有誠意抄白蘿蔔糕食到呢度真係幾飽食唔落喇。白蘿蔔糕蝦味同蘿蔔味好重 加埋蛋一齊抄 又係另一種風味是日好滿足。目測好多家庭客同外賣不斷。。。所以下次一定要記得訂位。 。 

出發日本前，公司要Follow的手尾特別多，搞到夜晚好少返屋企同家人食飯，難得一日早小小清埋手尾，同媽媽來一餐母女Dinner平日食日本菜、泰國菜、韓國菜......今晚近近地去鰂魚涌 隨心食星馬菜海鮮喇沙是越南菜得代表作，賣相已經知夠足料，湯頭都好濃郁，不會過濃或過淡，剛好同湯粉配合得好好😋巴東牛肋條配咖哩薄餅，你猜誰才是主角呢？Bingo!就是薄餅了，細想當酥脆薄餅沾上風味咖哩汁，一啖放入口時有多滋味；牛肋條肉質軟綿，沒有韌筋黏附，近乎入口即溶的境界濃味過後要清清喉嚨，來一客秋葵豆腐湯，其實這道菜我經常自家炮製的檸檬薏米水，個人認為不過不失，還是私伙煲好飲得多，畢竟用料足到嚇死人🤤😌🙄😬

I was working late tonight to rush an assignment, thus after i left office, i just find a place nearby my office to have dinner. As i have tried with your mind restaurant during lunch before, i decided to try their dinner as well. It was located at Hoi kwong street, just beside Taikoo place.They served mainly Singapore & Malaysia cuisine, such as their signature bak kut teh, chicken rice and laksa etc. The menu was quite comprehensive too.  Lemon barley drink - There were alot of barley seeds at

星期五收工唔知去邊食好，揸揸下車兜到去港島東區附近，求其街邊泊低咗就揾嘢食。見到隨心有肉骨茶，耐無食心思思就入去試下。👆🏽店面都係簡單裝修，坐得都唔逼👆🏽海南雞飯，好嫩口、啖啖肉，有薑容、甜醬、醬油，加埋海帶做配菜，正👆🏽肉骨茶好足料，有人蔘、冬菇、紅棗、玉竹。四件大排骨，煮得腍又入味。好大煲，一窩裝到五碗。必食🤤👆🏽黑蘿蔔糕好特別，用豉油炒，有香蒜，增添香味。入口脆脆地，好得意又惹味。👆🏽炒貴刁非常足料，有蝦、臘腸、魚片，非一般茶記貴刁👍🏽👆🏽兩個人食4樣嘢食到飽都係$339，好抵😍

這晚和媽媽、舅父舅母吃晚飯，走到家附近的海光街附近一眾上班族，海光街一帶變成了上班族覓食的好地方坐得舒服Lunch, tea set menu說到馬來西亞和新加坡菜，當然不少得美味又滋補的肉骨茶還有喇沙海南雞飯還有各式各樣具風味菜式。餐前小吃以帶肉的骨配合中藥煲成的湯，材料豐富，包括冬菇、玉竹、黨參、當歸、紅棗、甘草、胡椒粒等，藥材味較重，非常滋補材料豐富，淆成濃郁入味的馬來西亞肉骨茶新加坡肉骨茶以大量白胡椒入湯，胡椒香味濃郁，材料包括白胡椒、蒜頭、冬瓜、白蘿蔔，有驅寒消疲的食療功效。好足料的海鮮喇沙！有蝦、帆立貝、魚片、蟹柳、蛋、豆卜、芽菜，湯底香濃，椰香味也很重，好正海南雞份量豐富！肉質嫩滑！黑松露味道香濃整隻雞全翼和家人吃得開心的晚餐服務員非常友善

✿╮❤╭✿ ✿雜感女生 好味日記✿ ˚*•✰。隨心．養生好滋味。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 鰂魚涌的小店原來驚喜多多 今次一試主打新加坡菜的「隨心」 小店不只裝修好有「星」味，出品更是正宗「星」味 海鮮喇沙這招牌菜，不能不試！ 但對我而言，最重要就是湯！ 馬來肉骨茶絕對是必食之選！ 海鮮喇沙 新鮮足料夠正宗，用上新鮮大蝦與大扇貝 湯底味道香濃，2款火粉交織多重口感 一口麵滿滿都是香濃湯汁，非常好吃 芥蘭炒臘味 師傅很用心，芥蘭開邊切更容易入口 功力足，芥蘭口感爽脆 臘味夠油香又與芥蘭的清爽配得恰到好處 海南雞飯 配以鮮甜雞湯與三色醬 油飯超香，海南雞肉質鮮嫩不肥膩 咬入口仍保留非常香的雞汁 鮮味濃，質素高企！ 馬來肉骨茶 一飲就知有水準！黨參是看得到的足料 香濃的滋補味道是本小姐最喜歡的藥材味，補身又養生 用料重手，包括當歸、玉竹、紅棗、黨參、杞子等等 硬身油炸鬼浸住食，並附有醬油膏配食肉骨 味道很讚！ 凍檸檬意米水 又是為了養生

之前聽過呢間野啲嘢好好食，今日去咗鰂魚涌，順便約朋友一齊去食海鮮喇沙-海鮮足料，喇沙湯非常濃郁，配上鴛鴦面底，米粉瀨粉，食落更特別話梅豬軟骨煲- 酸酸甜甜嘅豬軟骨又軟淋林，送飯一流，非常開胃！海南雞- 雞肉滑溜，冇多餘嘅脂肪，雞皮爽口，好味！麥皮蝦- 超級惹味，炸得恰到好處，連蝦殻都可以食埋，炸過嘅麥皮仲可以送飯，正呀！馬拉盞通菜- 無需要多介紹啦！蘿蔔糕-呢度嘅蘿蔔糕有分黑白兩種，我哋叫咗白蘿蔔糕，煎嘅時候加埋蛋一齊煎，仲多一份蛋香味，讚！新加坡肉骨茶-同一般有藥材味嘅肉骨茶唔同，呢種係用大量黑胡椒煲成，冇藥材味，取而代之嘅係黑胡椒味，裡面仲有冬瓜，都幾有新鮮感！

話說我讀大學時期住過新加坡半年，難免久唔久會懷念當時係新加坡所品嘗到嘅美食啦~ 所以今日就決定同朋友係呢間馬拉新加坡美食餐廳暢談一番！間鋪頭都幾多人，環境都非常舒適，令到客人可以完全放鬆去品嚐不同嘅美食。由於我地有成3個人，所以就叫左5樣野食~有海南雞飯、串燒、麥片雞、芥蘭炒豬頸肉同埋喇沙海南雞飯海南雞好滑，而且唔會好油，肉質舒中，唔會太淋但又唔會好韌～ 另外，雞油飯都整得非常入味，每粒飯都沾上少許雞油，而同時成個飯唔會好似其他餐廳咁咁油，配埋海南雞一齊食，簡直係天衣無縫。個餐仲跟埋杯好清甜嘅雞湯，個雞湯鮮味十足，飲得出係煲左好耐先有嘅濃郁雞味～食完個海南雞飯，飲啖雞湯，正好中和返雞飯嘅油膩感。沙嗲串燒啲串燒分別有雞、牛、豬，每串都睇到燒得均勻，唔會有燒焦，食落去有好香嘅燒烤嘅味道。另外，鋪頭亦提供左特製嘅沙嗲醬，個醬主要以沙嗲同花生整嘅，個醬仲可以明顯咁見到有粒粒花生碎。串燒沾上沙嗲醬再放入口，有豐富嘅口感之餘，味道亦有唔同嘅層次。芥蘭炒豬頸肉芥蘭幾嫩，而且炒得好有火候，食落完全感受到有獲氣！豬頸肉肉質彈牙有咬口，而且厚薄適中，不錯不錯。牛筋條喇沙個湯底非常濃郁，有很多不同的材料所熬

去開鰂魚涌搵朋友食飯, 知道海光街多野食就行入去搵下有咩食。朋友想食東南亞野, 見到一間叫隨心既星加坡餐廳, 入面都好多人, 我地就入左去試下啦~我地叫左以下既食物:-海鮮喇沙, 好多料, 湯底好濃郁, 好香椰奶味, 個麵係由米粉同好似瀨粉兩樣溝埋一齊, 食落都幾特別, 又掛湯。白蘿蔔糕, 哩個蘿蔔糕我第一次食, 佢係由蛋同一D韭菜粒一齊炒, 食落蘿蔔糕加埋D炒蛋一齊食多左層次, 另外點埋有少少微辣既森巴醬好夾海南雞加油飯, D雞皮爽肉滑, 雞肉與皮之間仲分離左D骨膠原啫喱出黎。油飯煮得軟硬適中, 唔會好軟, 而且好有雞油香, 好好味!!新加坡肉骨茶, 0岩0岩好夠4碗, 入面有3條排骨同白蘿蔔同冬瓜, 如果佢個肉骨茶可以加多少少胡椒辣會更加好麥皮蝦, 整得好好食, 佢D皮麥炒得好乾身, 而且個調味都好好, 淨係空口食D麥皮都覺得好正, 而D蝦都好大隻啖啖肉。話梅豬軟骨, D豬軟骨炆得好淋好入味, D骨炆到好似牛筋咁, D汁酸酸甜甜用黎送飯好好味炒通菜, D菜炒得好翠綠, 另外佢用左D好似馬拉盞既調味黎炒, 所以好惹味整體黎講D食物好食, 份量亦都大, 適合大班朋友一齊黎食呀!!

最近去搵一位朋友放工食飯，佢就推介左係鰂魚涌附近一間都幾火熱嘅餐廳，果然入到去餐廳都發覺幾多人食！我哋睇下個餐牌，都有好多唔同種類嘅食物，最後我哋就揀叫咗個帆立貝喇沙湯麵，魚片頭喇沙湯麵，一位既新加坡肉骨茶，馬拉盞炒通菜，白蘿蔔糕同凍檸檬薏米水！感覺上喇沙就係必食嘅食物，一入到餐廳發覺每個人都叫咗一碗喇沙嚟食，睇嚟就係佢哋嘅招牌菜！等我試吓好唔好食！佢哋嘅份量超大，完全冇諗過原來可以咁多料，我朋友個碗帆立貝喇沙湯麵賣相好吸引，而且帆立貝嘅都好大粒，仲好新鮮添！而我個碗魚片頭喇沙湯麵都相當唔錯，湯底好濃郁，而且好惹味！加上佢湯麵有兩種唔同嘅粉麵混合，口感都相對比較豐富！事實上男人都好夠食，所以食完兩碗湯麵都已經有成七成飽！另外個新加坡肉骨茶都非常開胃，裏面有濃郁嘅黑胡椒味道，感覺上好養生，飲落去個胃都好溫好舒服，好適合女士們。而且裏面嘅排骨好嫩滑，非常好食。至於個馬拉盞炒通菜都相當唔錯，炒得好有鑊氣，不過對我口味比較清淡嘅人來講略鹹咗少少，不過我朋友都好鍾意食！小食方面個煎白蘿蔔糕都好特別，同我哋平時食開嘅有少少唔同，佢嘅煎蘿蔔糕會同埋蛋一齊煎，而且份量十足，好值得推薦比大家食！飲品方面

港島朋友約食飯，問我有咩好食，我就帶埋佢一齊去食隨心！佢既東南亞食物真係做得幾好！7 點去到，正值晚飯時間，食客滿滿，證明東南亞菜在香港都幾受歡迎！隨心係我喺香港食過能同時提供兩種口味肉骨茶俾客人選擇既餐廳，包括有星加坡既胡椒口味，同馬來西亞既藥材味，在香港嚟講實在難得，所以我一定要介紹埋朋友嚟食！餐廳亦保留 東南亞 餐廳叫 涼水既傳統，我叫左檸檬薏米水飲，清涼解渴唔太甜！海南雞(半隻) 率先上檯，份量ok! 皮滑肉嫩，點d黑鼓油嚟食，東南亞味道即刻返晒嚟！上次無食到佢既招牌喇沙，今次點都要食到！喇沙湯底蝦味出色，也有淡淡咖哩香味，我哋點左個帆立貝海鮮喇沙，份量都幾多，而且跟足東南亞做法，有兩種麵條組成，索埋d 湯汁嚟食就最正！帆立貝有3 隻，每隻都大大隻，啖啖肉，仲有彈牙既魚片都幾出色！白蘿蔔糕，係香港比較難食到既菜式，加入左雞蛋同香葱煎蘿蔔糕，甜甜既蛋香配上蘿蔔味濃郁既蘿蔔糕，係一個唔錯既組合！同檯既小朋友不停追住嚟食！上次試過佢哋既胡椒口味肉骨茶，今次點都試埋藥材味肉骨茶，用料十足，內有覺參，當歸，紅棗，冬姑等，淡淡中藥味，味道甘甜，大大條一字骨，煲得非常軟稔！芥蘭炒豬頸肉，