隨心 (已搬遷) 新店位置

太古坊恰巧今天有聖誕活動，感受完氣氛之後去了覓食。隨心With your mind是出名吃喇沙和海南雞，餐廳一個月前將兩個舖位打通了，店很大，座位寬敞。餐牌有各樣代表菜色的簡介，讓食客更清楚其獨特之處。海鮮喇沙 $85，喇沙粉底：米粉加瀨粉，餸有蝦、帆立貝、蟹柳、魚片、蛋、豆卜、芽菜。上菜很快，但不馬虎，海鮮新鮮不是雪藏，兩種粉加起來一粗一幼，粉不會太淋，幾特別。湯濃郁，加了椰漿不會太辣，有質素。時令蔬菜$58，馬拉盞芥蘭，想吃通菜，店員窩心表示通菜不當造，所以吃了芥蘭，估不到與馬拉盞也能成為朋友。娘惹雞煲例牌 $98，相對地重味，有一點甜甜酸酸的蕃茄味，不是容易接受的味道。凍低糖檸檬薏米水$28，可以清熱去水腫，低糖比較淡，就像凍檸水走糖一樣。青檸梳打$28，梳打有氣，配濃味食物也不錯。

好少去鰂魚涌附近食飯，今次由同事帶路試左一間家常星馬料理，份量大而且價錢合理，原來呢度有性價比咁高嘅選擇！之所以話家常料理，係因為由裝修到食物選擇都沒有過多花巧同誇張嘅設計，當日食飯唔少都係一家大細來幫襯的街坊。海南雞點了半隻，打算留肚試其他菜式，估唔到半隻份量都好多。雞已經拆骨所以食落啖啖肉，雞胸位都唔會韌身，而且雞唔會過肥，連皮食都冇咁邪惡。上菜又一次驚訝點解咁大份，參巴雞翼第一次食，外面炸過咬落脆身，入面仲keep到唔乾身有肉汁，而且食落好惹味，小朋友一定勁鐘意！喇沙湯底好香椰奶味，唔會太辣蓋左鮮味，海鮮份量都幾多。配搭幼嘅米線同粗嘅瀨粉，前者爽口後者軟滑，一齊食口感好得意。串燒好香口，我會點勁多沙嗲醬一齊食，好濃花生味。薄餅略為唔夠香脆，好在唔會油膩，咖哩醬偏咸所以點薄餅岩岩好。馬拉盞炒菜心，菜心冇根又甜，馬拉盞香得黎唔會太重味，好正！冇人帶路真係唔知個頭有間味道唔錯性價比又高嘅星馬菜！

放工約左朋友喺鰂魚涌見面朋友話我成日都好中意去新加坡話一定要我試下呢間隨心我心諗香港好多地方食新加坡野叻沙海南雞肉骨茶周圍都有呢間有咩咁巴閉呀?一入到呢間餐廳 周圍都貼左好多新加坡主要景點嘅畫真係好令人好掛住新加坡~我地叫左新加坡肉骨茶, 海南雞飯同沙爹串燒肉骨茶佢寫得好清楚分馬來西亞同新加坡嘅分別 呢個對我黎講係大讚 因為我淨係中意新加坡重胡椒味嘅肉骨茶 胡椒味剛剛好 最近開始凍凍地嘅時候暖下身好正 反而一字骨得一條就少左d 但呢條骨都好入味海南雞飯賣相唔錯 一食即刻成個人發光咁!!我可以話呢個海南雞飯係我喺香港食到最好味嘅海南雞飯!!! 主要係個油飯做得好靚~雞都做得好好 仲有佢3個醬汁好好味附送一杯細細嘅雞湯 唔會好油好清甜(但我中意個肉骨茶多d)成個飯真係拍得住新加坡最出名最多人排隊個間海南雞飯最後沙爹變得好普通~無乜特別食完之後真係好想買張機票飛新加坡一轉呀之後會想再黎試下叻沙~

今晚突然想食馬來西亞野, 就搵左呢間小店試下.就咁掃一掃個MENU,佢D價錢都唔算貴喎, 見佢MENU寫到明"華人喇沙,海南雞", 咁一定要試呢2樣啦.先講一講碗牛肋條喇沙, 個味道好香濃, 微辣, 啱哂我呢D唔太食得辣既人, D牛肋條都好淋同入味, 唔錯之後係另一主菜海南雞, D雞肉同雞皮都好滑, 搞到我呢個平時唔多食雞皮既人都食左幾塊, 充滿罪惡感,HAHA. 再配埋3款唔同既醬汁食, 令到每件雞都可以有唔同既味, 唔會太悶, 正!除左呢2樣, 當然要試下另一名物- 肉骨茶, 呢次我地簡左葯材味試. 個肉骨茶D葯材味唔算重, 味道偏淡, 條排骨比較韌, 整体一般.反而個馬來炒貴习有D驚喜, 炒得幾香, 味道唔錯, 最得意係有D糼麵同D河粉炒埋一齊,有唔同口感再講下其他小食, 我地叫左個小食拼盤, 串燒同豬頸肉。小食拼盤不過不失, 個番石榴夠哂FRESH, 食完都幾開胃串燒有雞牛豬各2串, 味道OK, 冇咩特別豬勁肉可能比較瘦既關係, 唔夠爽口, 不過味道都OK。整体黎講, 性價比不俗, 會再返黎食過.

因為中午约咗嗰客、係太古城睇車、嗰客想试車、但又有啲肚餓、咁我就叫佢食咗飯先、下午再約。咁我就自己去咗海光街，嗰度有間餐廳叫随心、坐下照舊叫咗诲南雞飯，因為呢度我都成日嚟食飯。所以餐牌都唔使点睇。飯來咗、雞都好滑，味道保持水準。嗱嗱林食飽，再約嗰客试埋車就可以收工。

好耐都冇去東南亞旅行，好掛住東南亞嘅美食。今日海光街見到一間叫隨心嘅餐廳係食馬拉菜，就好隨心咁入咗去食飯。餐廳嘅選擇好多，都係星馬最有特色嘅，所以我地都係揀左D最common嘅叻沙，海南雞，藥材肉骨茶，杞子上湯浸雜菜。呢度嘅叻沙唔會好辣，但椰汁味好香濃，而牛肋條好冧好有牛味，飲晒整個叻沙湯都無問題。海南雞半隻份量都好多，而且去晒骨，啱晒我呢D懶人食。雞皮好爽口彈牙，好邪惡，雞肉好嫩滑，再配以三色海南雞汁，非常好味。藥材肉煲茶係原煲上，有3大支排骨，可以載到4碗肉骨茶。肉骨茶藥材味好濃但好有甜味，啱晒我呢D喜歡重味嘅人。排骨都一字骨帶少少肥肉，己經煲得好冧，沾了豉油去食，非常好味，有肉既甜味再加藥材嘅味，令呢個肉嘅味道有好多層次。食左個叻沙，都要食返D清淡嘅嘢中和一下。呢個杞子上湯浸雜菜好清，菜煮得好冧，本身菜嘅味道都好甜，唔需要調味料己經好好味。食個菜清清腸胃，健康之選

倖存者深明白唔食辣朋友嘅悲哀! 每次成班朋友興高采烈談論緊食辣幾咁刺激，連譚仔都要叫清湯嘅倖存者好似俾人放逐咗去異世界咁，所以倖存者一直都唔明喇沙有幾好食。最近係朋友介紹之下發現咗呢間唔食辣都覺得好食嘅喇沙專門店！終於有幸試到！海鮮喇沙   $85個碗仲大過塊面嘅海鮮喇沙份量豐富，聞落好香椰汁味，湯底完全唔辣，但有齊喇沙應有嘅惹味！麵條粗幼不一，增加層次口感之餘，仲吸收晒湯底味道。最矚目係完隻帶子同海蝦，不過懷疑配料是預先整好，造成湯底係熱，配料偏凍嘅溫差口感。不過仍然都好食半隻海南雞  $85啖啖軟滑雞肉，連雞皮食。每人仲有三款醬(薑蓉、獨家辣醬同老抽醬油) ，每個國家對海南雞有唔同食法，睇得出店舖對味道嘅堅持，讓客人品嚐唔同國家嘅風味沙嗲串燒＋印度薄餅   $68+32沙嗲醬調味一流，串燒略硬，但味道搭夠，配埋薄餅一流參巴雞翼   ＄48倖存者見到佢直程嘩一聲！好大隻，外皮金黃焦脆，拎上手仲係辣手，證明係即叫即炸

This restaurant has always been on my to eat list but since the location was quite far to when I live so I never got the chance to give it a try. So lucky that two of my colleagues said that they can come with me so I finally had the chance! we began with a few side dishes, their famous chicken wings and rotti with curry. I must said I was quite shock when the chicken wings arrived as the portion was huge and quite hard to eat as it’s too big haha but it was delicious 😋 the roti was so yummy as

自小曾經在新加坡居住過一段時間 所以對新加坡的菜色都有情意結🇸🇬今次黎到位於鰂魚涌既一間新加坡餐廳 一嚐新加坡新加坡菜 餐廳叫字叫隨心 所以我也不多想 按著自己既心意揀選左自己好想食嘅新加坡菜式新加坡海南雞飯雞件約左九件 工整既排放左雞油飯旁邊 海南雞件一半係雞胸肉 一邊係雞脾肉 岩曬一次想試食兩款既我😍雞皮一直都係海南雞既精髓所在 雞皮好爽脆 雞肉既肉質好嫩滑 即使係雞胸仍然好滑！雞皮與肉之間有一層啫哩 好驚喜 雞油飯充滿雞油以及椰香味 飯粒分明 有咬口魚片魚蛋喇沙新加坡菜色不可缺少既喇沙 魚蛋及魚片均係用上左新加坡製既 食得出既魚味更加濃 喇沙係用上咗瀨粉加米粉 口感好豐富 好掛湯 每一條粉都盡吸湯底既精華 喇沙好濃郁 充滿好香既椰汁味👍🏻👍🏻雞肉沙嗲雞肉炭烤之後超級惹味 雞肉好juicy 完全唔會因為經炭烤之會變到好乾 配埋秘製嘅花生沙嗲醬 更加可以提升沙嗲嘅味道 而且醬汁同雞肉好夾！

鰂魚涌近海光街一帶有許多特式餐廳，做日式的、港式的，印度的也有！這家隨心餐廳就是賣星馬著名的喇沙，海南雞飯等星馬菜！今天中午就去光顅一下，見這裹地方乾浄企理，座位也算多！點了一客海南雞飯、新加坡炒貴刁！海南雞飯份量好多，片片鶏肉已經去骨，正式啖肉，而且鮮甜有鷄味！跟這個海南雞飯午餐還有一碗鷄湯奉上，也很滋味！炒貴刁更足料！外形似干炒牛河，份量大碟，因為以海鮮作材料，有蝦，魚片等等，配以特製醬油，食落好好味！

星期日同男友去鰂魚涌玩，咁其中一個重點就係要搵下呢區有咩隱世美食啦路過呢間餐廳既時候，見佢個餐牌幾吸引而餐廳又幾多人食窩，一於就試下先餐廳環境闊落，座位舒適，圖中只影到餐廳冇人既一角，其他地方太多人唔好意思影餐廳係食星馬菜既，肉骨茶、海鮮、喇沙、海南雞飯之類全部都有，另外仲有很多唔同煮法既蝦同蟹。除左正常餐牌外，假日都有午餐和下午茶！我地兩個人就叫左一個午餐，一個下午茶同一碟虎蝦！新加坡炒貴刁$78本身係門口見到呢個貴刁既時候已經好想食，估唔到午餐餐牌都有！價錢同正價一樣不過包杯飲品，特飲都可以揀的。隨心的貴刁是用了河粉和油麵，一次過可以食到兩種口感。貴刁炒得非常有鍋氣，勁惹味。配菜高質，有臘腸魚片蝦等等。最驚喜係這個蝦並不是普通炒飯炒麵那款細隻的雪藏蝦，而是大隻彈牙鮮蝦！無骨海南雞飯$45寫住迷你的下午茶海南雞飯，比想像中份量足呢！雞很嫩滑，沾醬都很有風味。另外附送的雞湯雞味濃郁，正麥片虎蝦$168作為一個喜愛海鮮之人，呢個星馬名菜當然不能放過！這碟虎蝦每隻有碗口咁大，而且隻隻肉質新鮮，故此係非常鮮甜彈牙。加上甜甜地又有鹹蛋黃味的麥皮，非常好食！必點啊！最厲害之處係就算蝦已食曬，我同

TGIF，又到一個星期最令人愉快的一個晚上了，今次同朋友仔黎側漁涌呢到搵野食~見到呢間食馬拉野的餐廳似乎不錯喎~ 餐廳環境都不錯，位置闊落，坐得亦舒服，而D姨姨都好友善好好人.. 第一印象不錯! 無骨海南雞飯 $85朋友話想食海南雞飯，於是就叫左一份黎試下，D雞咬落好滑，D飯落左好多雞汁落去，但食落唔會好淋，飯粒仲keep到煙煙韌韌，好好味!海鮮喇沙 $85份量岩岩好，配料十足，有兩隻蝦，魚片，蟹柳豆卜等等，D海鮮食落都好新鮮tim! 而個湯底味道辣道剛剛好，配合香濃的椰汁味，非常醒胃.. 本身不太吃辣的我好中意呢個湯!  另外一提的是，佢地個麵底係米粉+瀨粉，食落口感特別，而且都好正宗!沙嗲串燒(6串) $65最後叫一份沙嗲串燒~ 內有豬肉雞肉串燒，肉質同口感都不錯。

住得近太古坊有個好處，因為附近有不少餐廳可以選擇。揀食方面可以有好多唔同.....不過好多餐廳都係星期六日唔開，有時搵食都要趁星期一至五!今次難得放假，就去附近搵下有咩好食~下午茶時段，平時都係食茶餐廳咁.....路經呢間名為「隨心」的餐廳，見到佢下午茶的menu有好多選擇，一於入去試下!個下午茶多選擇到呢....有成20幾樣野可以揀，感覺唔錯~餐廳連埋隔離舖位，座位多又大，食野同FD傾計都坐得舒適!我地兩人去，最後叫左兩個飯，加多個小食tim....介紹下有咩好食先：隨心海南雞飯(無骨)   $58一黎就試左呢個海南雞飯先.....見好似係呢度主打咁....無理由唔試下!配上黑醬油、辣椒醬、薑蓉，同一杯湯!3種醬料都各有特色，雞肉嫩滑帶油香，真係啖啖肉；仲要特別讚讚個雲耳，酸酸微微，好鐘意啊!個飯都好特別，佢有陣陣椰香味，食落係停唔到口!大家不妨試試將雞肉，加上醬汁同槨香飯一次過放入口，感覺好滿足!話梅豬軟骨配飯   $55我自身係好鐘意食酸野，每次去D餐廳見到有話梅野都必定試!呢次試左呢個，真係覺得以前食過GEI都太普通!首先平時食開GEI大部分D醬汁都係較為濃稠，配飯真係有難度~

前幾日心血來潮諗起都好耐未見过表姐，就打個电話比佢，睇吓有冇時間一齊食歺飯，傾吓偈，因為佢住係側魚涌，就約佢係海光街等，佢話付近有間歺聽叫隨心，叫我揾定位，坐下一陣，就見表姐施施然咁行埋嚟，随手叫個侍應落单，叫咗海鮮 喇沙和馬來骨茶，跟住問我要乜，我話歺牌都未睇，点叫，佢話成日係度食唔使睇歺牌，幫我㨂咗海南雞飯，小食拼盤，一支新加坡老虎啤酒。馬來骨茶和喇沙先到，骨茶味香肉味都好濃，海鮮喇沙都好大碗，表姐話味道保持得好好，佢每次都係食呢兩样，我嘅海南雞飯和小食拼盤都嚟啦，雞好滑，沾少少自家制醬料，一流，拼盤都好有特色，配埋支老虎啤，掂。同表姐傾吓講吓好快又夜深了，佢話要早啲休息，約我下次再聚。

係香港食到一間好嘅星加坡菜都好難， 一係就價錢离地一係就味道不如正宗的星加坡菜。 今日朋友介紹我去一間價錢公道而且味道不錯的新加坡餐廳。咁多樣新加坡菜：我最鍾意食海南雞飯。 這裏嘅油飯粒粒分明，而且有油香，海南雞嫩滑 雞嘅油脂分明，不會過肥或過瘦。星加坡炒貴刁， 材料好豐富，有魚片～臘腸和蝦。貴刁炒得好香夠火喉！ 有少少辣更滋味白胡椒炒虎蝦， 蝦好大隻，蝦頭好多膏，蝦身好彈牙，食得出係新鮮嘅感覺 胡椒味唔會搶咗蝦嘅鮮甜，配搭份量啱啱好。食啲咁香濃嘅嘢，一定飲番支新加坡啤酒不得不讚這裏嘅待應殷勤有禮貌。 環境簡潔舒服，而且以依個平民嘅價錢蝕到唔錯嘅星加坡菜，性價比好高