陸陸雞煲火鍋 (已結業)

頭先去到mk同2個朋友食晚飯，佢地話想食雞煲，就去左試呢間「陸陸雞煲」。夏天食雞煲最緊要係咩？就係冷氣！就算食個辣雞煲都唔會出哂汗，抵讚！講番個煲，我地叫左中麻辣，唔會太辣 （當然因人而異），但我幾鍾意佢個麻味，同埋最欣賞係佢啲雞。舊舊都啖啖肉，睇個雞脾頭都知本身隻雞夠哂秤。不過叫得半隻，好快食哂。至於配料，除左肥牛，丸，響玲呢啲必食之外，一定要試佢個個：日本甜蕃薯粒！好 _ 甜！不過唔好淥咁耐，會唔見左。佢好甜好煙韌，可以慳番錢過隔離食甜品。如果鍾意食牛，可以叫堆佢個陸陸牛三拼，有粒，有厚砌，有薄砌，滿足你三個願望。環境乾淨，夠光猛，會再黎。

鐘意食雞煲既人其實香港周圍都有得食傳聞呢間陸陸雞煲係馳名既一間今日我特意前來試一試雞煲有分BB辣,微辣,少辣,大辣味道BB辣原來指沒有麻辣味要試辣又怕好辣既朋友我建議揀少辣雞煲的雞肉幾新鮮,唔係用雪藏雞,肉質鎖住煲內的麻辣味湯底，味道非常可口👍餐廳特意推出夏日沙冰飲品,果汁沙冰凍飲是最佳消暑飲料之選食完雞煲揀左陸陸自家清湯鍋,湯㡳有西芹,莞茜等配料再加埋一碟手打丸,當中有墨魚丸,蟹粉丸,魚蛋,貢丸,其中一粒墨黑色的墨魚,實在爽口彈牙,食過回味無窮😋最後餐廳為客人精心安排綠茶紅豆糯米池作為甜品,糯米池皮簿鬆軟,甜在心頭!整體服務態度招待非常周到,一定再次光臨😍

一向鍾意周圍食野既K小姐，其實更加enjoy 同朋友一路食野一路傾計，有野大家一齊開心share或者互相力撐。今次去左旺角陸陸雞煲，原因係同呢幾位朋友識於微時，上一次食飯已經年幾前，亦都係呢間餐廳，大家上次都食到好回味，所以年幾後決定再encore....雞煲叫左微辣，雞肉肉質好嫩。無論係咩豆腐，都係我一生中最愛，呢個蜂巢豆腐個名好得意，雖然我唔明蜂巢個位係點，但好好味，吸哂湯式精華，正！丸類雙拼，精緻、爽口！陸陸牛三拼，一次過滿足你三個願望，d牛肉靚料，片片均勻，雪花鮮明。花支片，賣相唔吸引，食落好爽口。珍寶帶子，超鮮甜，新鮮。

味道無咩特別，覺得好難食。嗌左份莞茜32$得小小，夠邊個食？只夠一個人食，睇黎真係要每樣配料一人一份先夠食，下次都吾會再黎食，成個煲啲配菜仲多過啲雞，啲雞又無味又難食。真係好失望，中伏！

因為訂左位，不用等位即可入座。一入店舖，就見到一張特別既畫掛系牆🤔---以「人」組成！好特別，座位又吾會好逼，乾淨👍🏼前菜系番茄同螺肉 因為二人關係，雞煲都幾種口味，所以都靜座一陣，服務員好親切問候同推薦：bb辣，適合小朋友或系不食辣人士 好快雞煲上台，份量充足，熱辣辣，感覺好辣！雞肉切件均一，夾左芹，蒜，青紅椒，洋蔥等一齊，好入味，好香口，肉質彈牙，滑口，野味 食完食煲後，服務員就理理有關配料，加入濃濃白湯，直接轉入打邊爐環節 叫左招牌菜之一手切肥牛 碟牛上台十分吸引，色澤紅潤，雪花比例好吸引 牛肉切得簿簿地，只需系熱湯中停留十多秒即可進食。好彈牙，好好味，果然系招牌菜 但佢價錢系略高！店員推薦食：百花、咸牛肉芝士油條外皮系油條，內裡系咸牛肉/芝士，道菜一上台，店員指導佢地預系熱湯30秒便可進食，留意的是油條向上，以免破壞油條的脆香。芝士系熱湯中浸濕，變得軟心，好滑，夾左油條內裡軟滑，外裡脆香 咸牛肉不會好咸，系湯中浸泡都吾影響牛肉味道！兩種口味都不同 珍寶帶子 如圖所見，大大粒，切開一半，方便易熟 帶子咬落去口感好好，滑口，彈牙。正！叫左兩杯特色水果飲品：一菠蘿，一士多啤梨口味，兩

旺角食野選擇多又方便，今次試左陸陸雞煲，因為訂左位，所以不需等候！推門一入，好明顯會見到一張大大既畫，好似「人人人」並排，好特別!跟著服務員入座，一路睇到好多特別既畫，座位又吾會好逼！原來間鋪有做facebook like plan...俾到更加優惠俾客人 前菜是番茄仔同螺肉粒 雞煲辣鍋分左幾種，因為食辣程度有限，服務員好細心推薦左bb辣既「例煲」，佢岩吾太食辣既人。揀左雞煲等左一陣，熱辣辣雞鍋送上，味道吾會好咸，看似好辣，有青紅椒，芹，洋蔥等吊味 雞肉肉質好滑彈牙，少辣少麻，令雞肉好野味 (雞切得細細方便食又入味 而且份量不少)因為雞煲要間中搞下，以免焦了，服務員好體貼會行過台前添水同會搞搞雞煲，雞煲更香又吾會燒焦。難得的是會問問客人意見，以便改進    食完雞煲加左白湯轉火鍋叫左另一主角菜色：手切肥牛牛肉切得簿簿的，色澤鮮紅，雪花好平均，果然系招牌菜之一 簿簿牛肉系熱湯中只需系湯底留十多秒就食得。真系肉質好鮮彈牙 當然佢價錢系不便宜，但口感同味道都系好好的！脆脘件，大大件，十分新鮮，佢真系厚件上台，所以十分底食 肉質脆，好彈牙，厚件又吾會好難咬 珍寶帶子，如圖所見，

返工返到個人十吓十吓，隨時腦閉塞諗唔到食乜好，又想hea住慢慢食，居然同事丙諗到去食雞煲打邊爐，仲要最就腳既旺角，後生果然唔係十吓十吓，雖然佢鐘意十吓十吓，哈哈！牆壁上既漫畫好攪笑, 每隻雞既表情都好正.  畫埋在墊枱餐紙教你點食雞煲, 有趣!!八時入席無訂枱不用等位，一坐低即來個小辣雞煲($148)，後生仔居然唔食得辣。辣味雖少, 但芹, 蔥, 蒜, 麻香料, 乾辣椒在砂煲內爆香增添風味, 如雞件能大塊肉少少更滋味.一煲兩食，火鍋料選擇多，屬於中價位, 十吓十吓唔少得手切肥牛(例$158)，雪花均勻色澤紅潤，肉質尚算軟熟。珍寶帶子($90)，份量比預期多，1開2片烚熟後仍厚肉鮮甜手打墨丸蝦丸($90)，初次食墨汁做既墨丸，和原始墨丸一樣彈牙, 仲有墨魚肉咬口自家炸響鈴($44), 樣樣都good, 唯獨響鈴不夠厚身所以不夠香脆.綠茶味雪米磁每人送一粒, 一般質素, 好過無啦. 哈!

麻辣雞煲已興起一段時間, 身邊辣妹太罕有令我一直沒機會品嚐, 落後至今終於找到知音者相伴. 期待!8點半到達餐廳已幾乎坐滿, 我們2人被安排搭坐4人枱, 枱面空間大所以都頗鬆動, 白布街大多餐廳都是高樓底並有上層, 陸陸都唔例外, 空氣流通令火鍋氣味易吹散. 這店裝修有別於一般火鍋店, 走年青人路線頗韓風!  火鍋餐牌選擇多, 唔食雞煲還有其他火鍋湯底, 火鍋料都經濟, $30 起, 份量都慷慨.店員先介紹雞煲及辣度, 我們2人選了例牌及小辣. 店員計時來翻動雞肉幾回, 才可真正起筷. 期待第一次食雞煲, 原來像”啫啫雞煲”般炆煮.  哈! 我們都是辣妹其實可以食更辣, 這小辣煲既麻味較突出, 大量花椒八角, 一般不太嗜辣既也能食.   雞件切得細細方便食又入味, 整體很惹味. 而且份量不少, 食完都有6成飽.推介青檸梳打水, 花樽般咁大size都是$48, 青檸檸檬加薄荷葉, 味道清新不甜, 解麻一流.雞煲食完, 店員加入辣湯(其實都不辣)火鍋開始店員推介花枝炸油條及手打墨丸蝦丸雙拼. 果然好介紹, 只烚30秒的花枝油炸鬼脆口不硬, 更無油益味,薄薄一層花枝膠頗有嚼口.  墨丸有兩種

第一次食最大的驚喜是打邊爐料好多選擇，有D特別野食下而且樣樣都勁新鮮，值得讚新鮮就係好味😋下一次要同食得辣朋友再食今次BB辣好無癮😫雞煲要勁辣先爽我最愛：甜薯、肥牛、魚轉彎、象拔蚌

在旺角這個食肆林立的地方, 競爭激烈, 能夠屹立不倒的不太多, 這間陸陸雞煲便是其一. 最初見到它是在近泉章居附近, 專賣雞煲, 而且經常大排長龍. 不過, 原來在白布街也開了分店, 而且人龍不長. 所以前排某個寒冷的平日晚上, 放工後與友人去了吃雞煲.入到店內, 由於時間尚早, 食客不多. 店內裝修色彩繽紛, 很有活力, 明顯是以年輕人作為目標的餐廳.店內周圍也有不少"66"標誌的裝飾.墊枱紙上印有教人正確食雞煲的方法, 既有趣又細心.點菜紙上除了有不同辣度的雞煲外, 還有不少火鍋配料可供選擇.餐前小吃, 不是花生之類, 而是番茄和味附螺肉, 有點不倫不類.友人不是辣人, 問過侍應後, 決定只點微辣的例牌雞煲 ($148). 一如其名, 微辣雞煲的確只有輕微麻辣的味道, 味道不太鹹; 雞件斬得比平常的雞煲大一點, 肉質嫩滑, 而且雞件份量也不少.吃完雞煲後, 便進入第二階段: 打邊爐.陸陸手打雙併丸 ($90)選了鮮蝦丸併墨魚丸, 兩種丸俱十分彈牙, 鮮味不俗; 墨魚丸內有粒粒的墨魚肉, 增加口感; 更分有黑白兩色, 黑色是加入墨汁打成的, 很特別!陸陸手切肥牛 (例, $158)餐

今日本來諗住同朋友一齊出黎旺角行下，點知行下行到8點幾，我地見到左食飯時間就決定食埋野先走。今日天氣凍凍地最岩就緊係食個雞煲暖下個人喇，跟住我見到呢間野裝修都好靚喎，好在去到果度嘅時間岩岩好有位坐，唔洗等位就有位坐低食。餐廳裡面真係充滿晒果種雞煲嘅氣味，如果你係雞煲嘅粉絲，你一定會鐘意呢度。。。首先緊係要食個煲先得喇，呢度嘅雞煲香噴噴，職員會好熱心咁幫客人整理雞煲，協助客人係最好的情况下享用雞煲。雞肉好入味，唔會好淡味，味道好足，而且雞肉保持左個嫩滑嘅口感，做得都算唔錯。陸陸手切肥牛熟左嘅肥牛唔會縮水太多，又唔會太肥，質量真係都唔錯，唔會好似平時打邊爐食到嘅果種肥牛咁肥膩。百花+咸牛芝士釀油條油炸鬼脆卜卜但又唔算太油膩，唔會太咸，不過係雞煲裡面煮一下之後再食，又有第二感覺，個人比較喜歡咸牛肉呢款，因為同油炸鬼嘅味道更夾，咸牛肉令油炸鬼食落更惹味。

晚上睇完戲和朋友在旺角一带尋食，對雞煲有偏好的我們，便選了進入這家陸陸雞煲，因為我們只兩人，一蒲進店内便首先点了中辣半隻雞煲，本想吃完雞煲後便會再追加新鮮炸響鈴！好似好吸引……但隨後已經打消這念頭，埋單走人坐在近門口窗边位置，燈光有点兒刺眼，等了一會兒，雞煲一出，賣相都相當吸引，滿心期待，一咬落口，雞完全無味，只有麻，汁欠奉，只見煲底勁多油，神乎其技得整个雞煲点解可以一D味都冇……我們吃了一半，便再沒有任何意慾食落去，決定即埋單走人……吾通真係落少左樣配料？……但都冇理由冇味得過份lor........

陸陸雞煲 (例牌) $148 好食指數: 4/5抵食指數: 3.9/5雞煲唔係新鮮事 但呢個真係要一試先講環境 店內通風唔錯 唔會烏煙瘴氣👍🏻落單後 即叫即煮雞煲上枱時 會係客人面人撈均 再焗一焗打開煲蓋個刻 香氣四溢😍今次只係揀左bb辣 辣度容易接受喜歡食辣嘅 應該要挑戰中辣以上😂雞肉幾嫩滑 唔會over左 配料十分香食完雞煲後 原煲加湯就可以打邊爐喇 正😋陸陸手切肥牛 (例) $158 好食指數: 4.2/5抵食指數: 3.9/5有別一般肥牛剩係得個肥字呢個手切肥牛肥瘦均勻 仲有牛味食完雞煲再打落去 味道剛剛好😉

天氣又涼番 來個雞煲吧 陸陸雞煲(例牌) $148 多種辣度任君選擇 今次揀左bb辣 辣度係非常溫和 但係香味十足 適合想過口癮又唔食得辣既人仕 例牌為半隻雞 雞肉鮮嫩又入味！ 而且最特別係之後可以因應喜好加入湯底變火鍋 嫌淡加辣湯 夠味就加清湯 再選擇不同火鍋配料百花+咸牛芝士釀油條 $72 非常有特式既配料 好味指數遠超我想像 個人比轉鐘意百花 口感比較q彈 唔好以為油條濕左一定會好難食 佢吸哂d湯之餘仲有dd脆感架 真係surprising!頂級美國肥牛(例) $98 3.6 呢個肥牛片肥瘦適中 而且肉質非常鮮嫩 牛味香濃 不過份量唔算多 價錢少貴 但不妨一試 真係好味之後仲點左好多唔同既配料 自家制響鈴同手打墨魚丸 都好好食~~服務方面 老闆非常好人 不過員工就一般 例如係揀辣度既時候 態度有少少強硬令人聽到唔係好舒服地址:旺角白布街16號

自從零三年開放自由行之後，香港食店口味越趨大陸化，最明顯就係雲南米線店遍地開花，另外烤魚同雞煲都係呢個趨勢下所開嘅食店。陸陸雞煲可算係其中一員。唔知由幾時開始，冬天由食煲仔飯火鍋變成食雞煲石鍋蒸海鮮。三月天氣依然寒冷，禦寒之選去食雞煲。聽朋友講平日陸陸雞煲好多人排隊，所以果日放工就去攞位，六點半左右去到，我地係第一枱。舖面裝修平實，鋪枱紙有漫畫教點食雞煲好攪鬼。前菜有車厘茄同日式螺肉，日式螺肉一向都唔好食，完全冇味得個爽字同醬汁味。前菜改第二樣可能仲好。先叫微辣例牌雞煲同柚子梳打，再慢慢睇吓叫咩嘢打邊爐。據店員講BB辣一啲都唔辣，所以升級叫微辣，微辣其實都唔多辣，係有少少花椒麻辣嘅感覺。醬汁比較杰，生粉未完全溶哂，雞件件頭適中，肉質嫩滑，唔會太細冇肉食，配菜青椒洋蔥都切得好大件，感覺上好似比較營養均衡啲，唔會啖啖肉。柚子梳打一揸都倒到五至六杯，凍就夠凍不過味道淡啲，如果落少啲冰可能會味道濃番啲。食完雞煲加清湯打邊爐，日本廣島蠔上枱時仲未完全解凍，都有啲擔心，所以淥耐啲，賣相冇咁靚，不過安全至上。如果餐廳花多少少時間解凍會好啲。廣島蠔其實食落都有蠔味，係未完全解凍呢方面要改善。蜂巢豆腐好