陸陸雞煲火鍋 (已結業)

其實夏天開始咗都好少食雞煲，但比朋友帶咗來呢間食先發現原來雞煲並不只是男人的浪漫。由於太熱，一來就點了青檸梳打，嘩超大支，透心涼，甜度適中，怕甜的我也覺得好飲，好清新。環境也是幾型格的，加上二次創作名畫印在牆上，更添藝術氣息。等咗一陣，雞煲來了！煲咗一陣之後侍應就過來幫手攪拌一下，仲提醒我地小心燙到手。熟啦！一打開個煲，香氣濃郁，我地點了微辣，果然雞煲係要辣食架，微辣超惹味，有d怕辣的我也能吃到。一邊食雞煲，一邊火鍋料就開始上了，呢個牛一睇就知好味啦，雪花平均分布，用料很有質素呢！食落果然唔肥膩又冇喳，一盤又大碟，正。之後點了陸陸手打丸，大讚！有心機！我最愛墨魚丸！一個字：好彈牙！抵讚，鮮味十足。好過成日去任食火鍋果d機打墨魚，又粉又冇味。點了帶子，好大隻呢，開了邊更快熟，唔會煮到過熟。食完雞煲再打邊爐，雞煲既惹味入哂落帶了度，又彈牙，又惹味。不得不提既就係呢個百花咸牛肉芝士釀油條！第一次見的新菜式，侍應亦好貼心提我地淥20秒就可以攞返上來。淥咗廿秒後個油炸鬼仍然脆卜卜，口感很特別，一軟一脆。味道方面略咸，咸牛肉加上芝士是超濃味。食咁多肉，點都要食返d菜，點了個陸陸鮮菜籃，望落好新鮮，

一入到去就俾d好可愛既圖畫吸引，仲有介紹各種辣既程度餐前小食雞翼好脆，牛油味好香，好入味餐前小食今晚既主菜之一：雞煲我地點左微辣，雞肉好嫩加埋d花椒八角好香，味道偏甜，只有少少辣，少少麻，麻味唔係好重飲品手切肥牛好出色脂肪同牛肉分佈得好好，好有牛肉味入口即化珍寶帆立貝鮮味十足蝦丸同墨魚丸都十分出色，非常彈牙墨魚同蝦味都好鮮

It's hotpot time!!!!! I haven't had chicken hotpot for a long time! This newly restaurant is modern and spacious. When we sat down, we ordered a regular 66's chicken hot pot. The regular one includes half a chicken which is the perfect amount for two people. The hotpot arrived shortly, the staff told us to wait and let the chicken settle first. After five minutes, we couldn't wait any longer; the staff took the lid off and we started to eat. The chicken smelled so nice! It was a bit spicy for me

今晚，6月6日晚上6時6分到了位於白布街的陸陸雞煲。舊舖在之前已吃過，朋友間亦讚好不絕。今次特地挑選新舖來看看格局及手勢是否一樣。雞煲呢樣野要幾個朋友同分享才可以吃到更多的食物，更多的配料。今次三五成群來到，店長帶我地到樓梯口那位置坐下，這位置好在一轉身就能叫身後standby的店員落單及添東西，照顧周到。我們一行4人叫了一份微辣的大雞煲($218)及好幾樣配料。微辣說真的對我來說是不太辣，但為了零辣的友人，沒問題，就健康一點吧! 雖然不辣，但那麻味依然十足，吃一口雞肉，上面佈滿的湯汁都調得好入味，而且醬汁中的麻子不少，令到無論辣度多少的你都能應付自如，原因是舌頭都麻痹了，還帶了什麼甜酸苦辣咸？！ 說真的，還能吃到一點的，雞肉肉質嫩滑厚實，雞皮不太肥，雞件都預先醃好然後煎過的，所以皮上都帶點點香煎味！這個複雜的製作及多種調味料做成的醬湯實在有心思! 其實早在我們吃上第1口時友人與我已覺得這是上級的雞煲，不像外面那較劣版的hea煲，雞肉都較多，雞件亦份量充足，多方面都做得很好。另外也要特地說一下他們用的煲及爐中間間了一張膠隔熱板，此隔熱保護隨時伸手調較火溫的我們，只在爐上發熱，不在其他物

陸陸雞煲 品牌正是出品的主打菜式 店內環境有兩層 座位尚算闊落餐前小食如牛肚 炸雞軟骨 魷魚鬚等等 制作得很好 使人在等待雞煲上枱前的時候 可邊談邊吃而店內除了一般的汽水 還有多款特色飲料 如檸檬梳打 鴛鴦 柚子那梳打等等 在吃雞煲時喝 添加多一點選擇雞煲的辣度有多款 視乎客人的需要 份量一樣可加可減 上煲前店員會為客人擺上雞煲內的配菜 例如大蒜 芫茜 芹菜等拌勻 煲多一陣 到煲滾的時候便示意給客人可以吃了 雞煲內的肉質十分入味 廚師會在斬好雞件後將雞隻撈上生粉 然後泡油 再將香料和客人所需的麻辣份量下鑊爆香 放下雞件入鑊 下調味料 泡油使雞件吃起來入口嫩滑 而店內配以雞煲用的配料有很多款式 例如珊瑚蚌和桂花蚌，四寶餃（魚皮餃 雲吞 水餃 菜肉餃） 帶子 墨魚丸 嚮玲 午餐肉 蔬菜 例如金菇 鮮冬菇 栗米 油麥菜等等 在吃完雞煲後用來打邊爐

聽講陸陸雞煲有2間，我地最後去左白布街呢間!5個人一入去叫左王老吉，柚子同青檸梳打，梳打裡面好多料!我地襯雞煲未到叫左d小食:陸陸惹味水魷、炸魷魚酥同椒鹽雞軟骨!水魷比我想像中冇咁辣，好惹味!另外2樣就好脆，重有肉汁係裡面，好好食!食到咁上下，雞煲黎啦!我地叫左微辣，食落去唔太辣，原來d麻最後先會湧上舌頭，令到我上哂引 而雞肉好嫩，雞皮就好爽口,亦有唔少配料，由其係香茜，多到蓋住雞煲，冇咁熱氣!火鍋配料叫左巨型北海道帆立貝，珍寶帶子，雙拼手打丸，四寶餃!帆立貝有手掌咁大，又鮮甜，帶子雖然冇帆立貝咁大，但都好爽口，係2種唔同既口感! 手打丸係墨汁丸同蝦丸，蝦丸彈牙，墨汁丸比較特別，有墨魚肉之餘亦都有墨汁既味 四寶餃就有魚皮餃，水餃，白菜豬肉餃同雲吞，隻隻個皮都好薄，亦好足料(溫馨提示:小心爆汁'辣'親嘴唇)! 唔少得既係陸陸牛三拼同鮮菜藍，牛入口即溶，牛味亦濃郁!$228食到咁既質素既牛，咩都抵番 菜藍裡既種類好多，而且新鮮清甜!食到飽先望到牆身都係自己畫既畫，圖畫好有趣，好有心思，相信環境都係年青人鍾意去陸陸既原因!

這次點選了微辣口味的雞煲，辣度適合不太能吃辣的朋友，香麻程度剛好，甜味十足。加上洋蔥、西芹和青椒，香味四溢，令雞件更加野味。西芹和青椒充份吸收了麻辣雞汁，又辣又麻，真是食不停口。到打邊爐的部分，推介有入口軟滑的肥牛，彈牙的帆立貝、帶子，鬆脆厚實的響鈴和百花咸牛肉油條。其中本人極度推介百花咸牛肉油條，油條在麻辣湯浸泡過後，油香味更突出，外脆內軟的口感很特別，值得一試。

兩個女仔走去食左個大辣雞煲啲雞都算唔錯既...但其他配料真係差咁啲比成百蚊食碟牛黑色既 本身以為佢靜係得少少但夾開左啲蘿白絲之後先發現條條都黑既仲要咁有心遮住佢 真係唔多得囉跟住食其實配料其實都好似唔係好乾淨咁好似每一碟都總會發現有污糟野咁...先不評論係咪特別好食 連衛生都搞唔掂真係唔敢再食

雞煲(8/10)($148/配料另計)呢排foodki瘋狂食雞煲🐤。陸陸既麻辣雞煲🐥真係推薦。雞煲黎左會焗一陣，然後再交比店員撈，然後再焗，撈既時候香到呢😍，勁吸引。佢地會即撈雞煲，撈既時候啲香氣真係正到呢我地叫左小辣🔥，辣度岩岩好，嫩滑就一定架啦，最正係每件雞都好大件，食落啖啖肉😍，真係食到上曬癮😙。呢個雞煲真係無得頂！百花+咸牛肉芝士釀油條($72)，呢個係比較特別😍，但係好好食。係油條上面釀左墨魚滑同咸牛肉芝士，將油炸鬼向上，唔好淥得太耐，大約20-30秒，油炸鬼就會索曬啲湯，辣辣地好好食💥，又特別，呢個真係強烈推薦。陸陸牛三拼($228)都非常唔錯。打邊爐識食一定係食本地手切肥牛🐄，呢個牛三拼除左肥牛🐮，仲有牛肉粒，肥牛同埋封門柳。封門柳得好少火鍋店會有，食落肉味極濃😍，原來每隻牛得兩塊，以呢個價錢真係唔貴！帶子大粒到呢，淥完都非常彈牙爽口，好食

選擇在平日的晚上去，不用等位便可以內進。配料選擇種類甚多，單是肉類己有十來種，而且只要post上facebook更有免費配料贈送。等了一會兒，我們的雞煲終於來了。因友人喉嚨痛的關係，我們只點了小辣，一上桌時還未嗅到其香味，而侍應會幫你定時定候攪拌雞煲，總之全程也不用你操心。大概再過了幾分鐘，雞煲便可以開蓋食用了！首先，雞肉嫩滑而表皮卻帶有少許焦脆，肉汁滲進辣椒八角等麻辣香料即使是小辣也是辣勁十足，非常滋味！加上蔥及洋蔥還有原粒黑椒粒吃得又麻又辣。然後便到打邊爐時間，欣賞陸陸的湯底有辣湯，不會沖淡吃完雞煲後的辣勁，所以只會愈吃愈辣！百花咸牛肉芝士釀油條 ＄72配搭幾新穎，一半是花枝膠，一半是咸牛肉芝士，侍應告我們花枝膠燙大概30秒，而咸牛肉芝士大概燙20秒。咸牛肉芝士配上油條出奇地夾！油條脆脆地再加上燙到半溶的芝士和咸牛肉，味道很好！珍寶帶子 ＄90帶子很新鮮，而且超巨型，好有衝動當刺身吃！響鈴 ＄44一看便知是自家炸的響鈴，對於超愛吃響鈴的我，覺得這個響鈴真的是比一般來得更香脆，而且更薄，更容易索哂湯底！6 Luck $32打邊爐這麼熱氣，當然要喝一些飲料下火。這杯6 Luck是由新鮮

同中學同學聚舊,唔知食咩好。朋友就介紹話陸陸雞煲唔錯,上OpenRice睇下又覺得幾吸引, 所以就Book左位。結果果然無揀錯,食過真係番尋味 👍一入去就覺得環境好舒服, design 都好modern,最緊要唔會好迫。前菜有我最鐘意食既番茄同螺肉由於友人唔係太食得辣,我地就揀左BB辣雞煲(有5種辣度: BB辣、微辣、小辣、中辣、大辣)。我覺得雞肉醃得剛剛岩岩好,一食入口有D甜味, 之後先有辣味同麻味滲出。相比之下我覺得麻味比較突出, 食完個咀唇有D麻麻痺痺 XD。雞肉方面, 嚿嚿都大大嚿,冇咩肥肉, 煙韌入味,有一種好難停口既感覺👍👍打邊爐方面我向大家推薦 我覺得比較突別又好味既四款配料第一樣就係珍寶帶子, 超鮮甜, 不過放落個煲灼十秒到就夠, 唔係就會無左鮮甜味第二樣就係店長推介既日本甜蕃薯粒, 蕃薯既甜味加上湯既辣味,食落個口感好過癮第三樣係蜂巢豆腐, 佢索晒d汁, 加埋本身既豆味, 勁入味最後一樣係牛三拼,有牛柳粒,厚切肥牛同薄切肥牛, 肥牛肥瘦均勻,肉質好軟熟 同重牛味

久仰陸陸雞煲的大名，聽聞火煱材料很新鮮！太子分店往往很難訂檯，聽聞旺角開了分店當然要捧場！看似較易訂檯，地點亦就腳！陸陸雞煲因為只有兩個人，所以只要了個細雞煲！細雞煲都已經很足料👍🏻雞煲汁底如期望般香濃，完全滲透每樣配料！😋還有陸陸的員工很細心，會幫客人預時間開蓋，亦會定時幫我們撈一撈雞煲和加湯，令到雞煲味道均衡同時避免痴底。珍寶帶子被manu裡的肥美帶子圖片吸引，最初怕帶子煮熟會太韌 ，點知口感好爽滑鮮甜，強烈推介！陸陸手切肥牛肥牛是火煱必不可少之配料，肥牛雪花夠多，一看便知是靚料！陸陸八寶丸八寶丸組合分別是蝦滑,墨魚滑,龍蝦丸,蟹粉蟹籽包,貢丸,牛丸,白魚蛋,豬肉丸⋯蝦滑以及墨魚滑係最好食👍🏻鮮甜爽口彈牙，下次我會叫這兩款雙併就可以了。😋青檸梳打味道不太甜偏淡，青檸加mint都是健康首選！

舌尖上的麻辣雞煲今晚同老闆一聚人去呢間陸陸雞煲火鍋，附近就係旺角東港鐵站附近，好方便！門口都幾多報章報導呢！有優質服務標示！一入到餐廳佈置裝潢都幾似簡單cafe style，座位都算寬敞舒適！燈光亦柔和！menu都幾乾淨！有自己style同顏色條隔開！做火鍋或放題最緊要係過膠menu，因為易髒`一打開餐牌就當然要先點食一個陸陸雞煲，雞煲分大中少辣，見到就知食辣的我地揀岩地方！雞煲內有花椒八角配料，少辣中的麻辣味都充著我舌頭，慣了重口味吃辣的朋友必然要試一下，雞肉鮮甜嫩滑，值得一讚！仲有雞腳好香好重膠質！呢間店鋪的服務真的稱得上優質服務，侍應生不時為我們添加清湯湯底，亦幫忙調較雞煲火爐的時間和溫度，令到雞煲味道保存煲內👍🏿火鍋材料中叫了午餐肉，甚有部隊鍋風格！好香軟肉味重的！我們還叫了頂級肥牛，每一片都好薄好通透！好易熟！灼一灼食得！新鮮不油膩！除左雞煲，店內有首創的花枝餐肉油條，味道不會太油膩，啖啖彈牙，雪藏味都沒有，手打有心思！這個切法易煮平均！卜卜脆的炸魚皮，份量適中😋，淥一淥無咁油！另外，我們還追加玉子豆腐，香甜的玉子豆腐不是軟條狀，口感味道好似食玉子壽司上的玉子呢，店鋪推出夏日

一講起雞煲，腦入面會即刻飄過幾個名，陸陸雞煲便是其中一間。之前經過都見要排隊等位，難得今次晏左少少黎，竟然有位直入，太興奮了。陸陸雞煲(例)由於得兩個人，所以點左個例牌試下。第一次食，揀左微辣。上台時，未開蓋已聞到好香。等左幾分鐘，店員就開蓋幫我地拌勻，再等多陣就再攪一次，焗多陣就食得啦！例牌大約半隻雞，仲有芫茜、青椒、洋蔥等。雞件不鞋口，煮得剛剛好，所以仲好夠滑。食到咁上下就加辣湯，開始打邊爐啦！咸牛肉芝士釀油條打邊爐淥油條試得多，平時通常都係墨魚滑，但今次上面係咸牛肉＋芝士。店員教我地咸牛肉個邊放底，淥三十秒食得！油條仲係keep住脆，索左少少辣汁更加惹味。鮮枝竹加炸枝竹枝竹亦係我打邊爐必點之物。每次都要掙扎下叫鮮定炸，呢到有雙拼，哂。難得呢到既辣好香，枝竹浸左一段時間完全吸收哂D精華，當然令人食不停口啦。四寶餃有雲吞、水餃、白菜豬肉餃同埋魚皮餃，如果有埋菜餃就好了！呢到既餃偏細粒，皮夠薄但不易爛，而且餡料豐富，不錯！香蕉冰食雞煲又點可以無杯冰凍飲品解下渴！呢到沙冰都幾多選擇，我叫左個無得輸香蕉冰。冰打得夠碎，而且香蕉味頗濃，係辣雞煲既最佳配搭！今晚絕對大滿足！但離開時同友人講

路過旺角心血來潮想吃雞煲，所以又來到了陸陸雞煲吃飯。我就是喜歡它感覺很舒服，餐廳地下那層空間不大，只有五至六枱座位，但不會很迫，讓顧客有足夠的私人空間與家人朋友談天。另外餐廳內的顧客不多，餐廳亦比較安靜，不會太嘈吵，所以讓人感到很舒服。重點說說我最喜歡的食物，雞煲和百花+咸牛肉芝士釀油條。雞煲——煲內十分足料，打開蓋時香氣四溢，未嘗都知道味道必定濃郁。果然，雞肉肉質很嫩滑，吃起來首先是有些甜味，過一會辣味才開始出來，多吃幾件後有些麻痺感覺，很過癮。百花+咸牛肉芝士釀油條——吃之前覺得很奇怪，油條一向是配白粥腸粉，怎會配蝦肉及芝士牛肉。但吃起來卻是另一回事，兩者出奇地夾，味道亦很好，蝦肉吃起來很新鮮彈牙，沒半點腥味，芝士味道很濃郁，牛肉亦很香。還有其他都是比較常吃的，例如:巨型北海道帆立貝——份量不太好，算是有點兒貴，但我就是喜歡吃，因為它新鮮，味道甜美，也是真的很巨型。陸陸鮮菜籃——吃火鍋還是一定要有些菜類中和一下，畢竟只吃肉不太好，陸陸鮮菜籃內有多款蔬菜，冬菇，粟米，南瓜，生菜等，任君選擇。蜂巢豆腐——盡吸收了湯底，一咬下去都是滿滿的水份，一試難忘。